Hai cercato la parola
bilingue monolingue
Hai cercato la parola
interpretare
Torna indietro

bilingue

interpretare
  • 1a

    v.tr. interpretâ Copia

    [AU] (capî e sclarî ce che al vûl dî un test, un discors)
    interpretare un testo in prospettiva psicoanalitica = interpretâ un test in prospetive psicoanalitiche

    v.tr. interpretâ Copia

    [TS] (capî une norme di leç inte sô finalitât reâl par po metile in vore)
    il giudice ha interpretato la legge in senso estensivo = il judiç al à interpretade la leç in sens estensîf
  • 1b

    v.tr. interpretâ Copia

    [AU] (fâ capî, voltâ simbui intun lengaç plui cognossût)
    lo studioso interpreta i testi antichi = il studiôs al interprete i tescj antîcs
  • 2a

    v.tr. interpretâ Copia

    [AU] (comprendi i fats sociâi e dâur un significât)
    il socialismo ha proposto un suo modo di interpretare la storia = il socialisim al à proponût une sô maniere di interpretâ la storie

    v.tr. interpretâ Copia

    (gjavâ fûr pronostics di fats naturâi)
    gli astrologi interpretano il moto dei pianeti = i strolics a interpretin il moviment dai planets
  • 2b

    v.tr. interpretâ Copia

    [TS] (esplicâ cuntune interpretazion)
  • 3

    v.tr. interpretâ Copia

    [AU] (presintî e palesâ i pinsîrs, i sintiments o lis intenzions di cdn.)
    spero di aver ben interpretato il tuo pensiero = o speri di vê interpretât ben il to pinsîr
  • 4a

    v.tr. interpretâ Copia

    [AU] (rapresentâ intune opare leterarie, cinematografiche e v.i.)
    'Gli ultimi' è un film che interpreta la realtà friulana subito dopo la seconda guerra mondiale = 'Gli ultimi' al è un film che al interprete la realtât furlane subit daspò de seconde vuere mondiâl
  • 4b

    v.tr. interpretâ, tignî sù Copia

    [AU] (vê une part in teatri, intun cine e v.i.)
    da anni interpreta sempre lo stesso personaggio = di agns al ten sù simpri chel personaç istès

    v.tr. interpretâ Copia

    (puartâ in sene)
    interpreterà un monologo = al interpretarà un monolic
  • 4c

    v.tr. interpretâ Copia

    [AU] (sunâ une composizion musicâl cirint di rindi il stîl e lis intenzions artistichis dal autôr)
    il pianista ha interpretato molto bene Chopin = il pianist al à interpretât une vore ben Chopin
  • 5

    v.tr. interpretâ Copia

    [TS] (frontâ un concet o un probleme matematic fasint riferiment a procediments di un ambit teoric similâr)
  • 6

    v.tr. interpretâ Copia

    [TS] (eseguî un program scrit intun lengaç di nivel alt cence la sô traduzion in program ogjet)

monolingue

interpretâ v.tr.
(in-ter-pre-tâ)
Capî e sclarî ce che al vûl dî un test, un discors, un dât, un complès di dâts e sim.
sinonimi
sclarî
esempi
"par Lutar l'unic criteri di veretât a son lis sacris scrituris e chestis a puedin jessi interpretadis diretementri dal fedêl"
da "La invenzion dal stât" di Fabian Ros
"lis rilevazions des anagrafis comunâls a son pôc precisis e influençadis di fatôrs di variazion che no son facii di interpretâ"
da "La emigrazion dal Friûl - Vignesie Julie: destinazion Svuizare" di Furio Bednarz
interpretâ v.tr.
(in-ter-pre-tâ)
Voltâ un messaç di un ciert codiç intun altri, spec. intun lengaç plui cognossût
sinonimi
decifrâ
esempi
"la piere di Rosetta e je stade une clâf par interpretâ i jeroglifics"
"interpretâ ancje il messaç che il vescul Teodôr al veve lassât tai mosaics de aule Sud"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
interpretâ v.tr.
(in-ter-pre-tâ)
Intindi alc intune cierte maniere e dâi un ciert significât
esempi
"[un] aument di dome 3.745 ocupâts (+0,8%) che al pâr pluitost improbabil di interpretâ tant che un segnâl di riprese"
da "Il futûr dal Friûl: laude ae “no sotan” economy" di Fulvio Mattioni
interpretâ v.tr.
(in-ter-pre-tâ)
Dâ une espression, spec. artistiche, a une maniere subietive di viodi un fat, une dinamiche, une situazion e v.i.
esempi
"[Pier Paolo Pasolini] plui di tancj altris al veve savût lei e interpretâ lis contradizions dal nestri popul, imbastint libris, cines o poesiis"
da "Cuintristorie dal Nûfcent 1970-1980" di Angelo Floramo
"si fâs un brindis a Aquilee romane, un a Triest talian e un al scritôr «dialetâl» che al à interpretade la anime dal popul cjantant il valôr dai alpins"
da "Dret e ledrôs" di Josef Marchet
interpretâ v.tr.
(in-ter-pre-tâ)
Vê une part in teatri, intun cine e v.i.
sinonimi
tignî sù, fâ, recitâ
esempi
"o soi lât al teatri Giovanni da Udine cun Elio Bartolini, che i vevin regalât doi biliets, a sintî Albertazzi che al interpretave Casanova"
da "Friûl e furlans te Histoire de ma vie di Giacomo Casanova" di Pierluigi Visintin
interpretâ v.tr.
(in-ter-pre-tâ)
Sunâ une composizion musicâl cirint di rindi il stîl e lis intenzions artistichis dal autôr
sinonimi
sunâ
esempi
"i prins trê tocs a jerin stâts in chê volte ben interpretâts di une vôs liriche"
da ""Amôrs" in musiche" di Erika Adami
interpretâ v.tr.
(in-ter-pre-tâ)
[TS] (mat.) Frontâ un concet o un probleme matematic fasint riferiment a procediments di un ambit teoric similâr
interpretâ v.tr.
(in-ter-pre-tâ)
[TS] (inform.) Eseguî un program scrit intun lengaç di nivel alt cence la sô traduzion in program ogjet
Torna in Cima
Torna in Cima