Tu âs cirût la peraule
bilengâl monolengâl
Tu âs cirût la peraule
introdurre
torne indaûr

bilengâl

introdurre v.tr.
  • 1a

    v.tr. meti, introdusi, ficjâ, meti dentri, parâ dentri Copie

    [FO] (meti dentri, fâ jentrâ)
    introdurre la chiave nella serratura = introdusi oppure meti la clâf te clavarie
    introdurre la scheda nella fessura = parâ dentri la schede te fressure
    introdurre un liquido nella bottiglia = meti dentri un licuit te butilie

    v.tr. introdusi, fâ jentrâ Copie

    (impuartâ di un paîs a chel altri)
    introdurre banane dal Brasile = impuartâ bananis dal Brasîl
    introdurre merci di contrabbando = fâ jentrâ marcjanzie di cuintribant
  • 1b

    v.tr. inviâ, introdusi, meti sù Copie

    [FO] (fâ jentrâ tal ûs)
    introdurre una nuova materia a scuola = introdusi te scuele une materie gnove
    introdurre une nuova moda = meti sù une mode gnove
  • 1c

    v.tr. inviâ, introdusi, meti sù Copie

    [FO] (istituî)
    introdurre nuove riforme = meti sù riformis gnovis
    introdurre una legge = introdusi une leç
  • 2a

    v.tr. inviâ, introdusi Copie

    [FO] (tacâ)
    introdurre il tema di una conferenza = introdusi il teme di une conference
  • 2b

    v.tr. introdusi Copie

    [TS] gram. (doprât pes preposizions e coniunzions che a costituissin l'element iniziâl di un complement o di une proposizion)
    la preposizione 'di' introduce il complemento di specificazione = la preposizion 'di' e introdûs il complement di specificazion
  • 3a

    v.tr. menâ, introdusi, fâ jentrâ Copie

    [CO] (acompagnâ, fâ passâ tun lûc)
    ci introdussero in una grande sala = nus menarin tune grande sale
    introduca un altro cliente = che e introdusi un altri client
  • 3b

    v.tr. menâ, introdusi Copie

    [CO] (menâ ae presince di cdn.)
    ci introduca dal direttore = che nus meni li dal diretôr

    v.tr. introdusi Copie

    (fâ ricevi tun ambient particolâr, presentâ)
    introdurre in società = introdusi in societât
  • 4

    v.tr. inviâ, introdusi Copie

    [CO] (inviâ ae cognossince di alc)
    introdurre ai segreti del mestiere = introdusi intai oppure inviâ ai segrets dal mistîr
    introdurre allo studio dell'arte = introdusi intal studi de art
  • 5

    v.tr. introdusi, tirâ dentri, fâ jentrâ, fâ tacâ Copie

    [CO] (fâ intervignî te narazion o te rapresentazion seniche)
    l'autore introduce il protagonista all'inizio dell'opera = l'autôr al fâs jentrâ il protagonist sul tacâ de opare

monolengâl

menâ v.tr.
(me-nâ)
Movi o tignî in moviment
esemplis
"Ricut al jere daûr a menâ il sfuei par dâi flât a di un fûc di stancol"
gjavât fûr di "Il muc" di Roberto Ongaro
"Ane, che e menave la polente, lu cjalà come par viodi se al veve pierdût i sintiments"
gjavât fûr di ""Nocent"" di Maria Forte
"ogni tant al menave la scraçule pal gust di sintî colps secs come sclopetadis"
gjavât fûr di "Prime di sere" di Carlo Sgorlon
menâ v.tr.
(me-nâ)
Movi svelte une part dal cuarp
sinonims
bati
esemplis
"Tilde e menà i braçs come une mate, clamant a plene vôs"
gjavât fûr di "Trê feminis" di Gianni Gregoricchio
"al clame il cjan e chel al cor sot il barcon menant la code"
gjavât fûr di "Il muc" di Roberto Ongaro
menâ v.tr.
(me-nâ)
Acompagnâ, puartâ cdn. di cualchi bande
sinonims
puartâ, scuarzi, butâ
esemplis
"so pari [...] al gji oreva un ben di vita a la sô Catinuta e la menava fûr pai cjamps di matina co al cricava al dì par mostrâgji simût che al si dismôf al mont e simût che al jeva al soreli daûr da monts"
gjavât fûr di "Catinuta" di Ugo Pellis
"tal indoman i soldâts a menarin a Udin il mulinâr in cjadenis"
gjavât fûr di "Madalene" di Franco Marchetta
menâ v.tr.
(me-nâ)
Tignî il control di un mieç di traspuart
sinonims
pilotâ, vuidâ
esemplis
"lui, ancje se al ves provât, nol varès mai imparât a menâ une machine"
gjavât fûr di "Prime di sere" di Carlo Sgorlon
menâ v.tr.
(me-nâ)
Puartâ indevant une ativitât o ancje alc di imateriâl, spec. la esistence (fig.)
sinonims
fâ, passâ
esemplis
"al à menât une vite tant esemplâr, che al è deventât sant"
gjavât fûr di "Sant Martin" di Luigi Gortani
menâ v.intr., v.tr.
(me-nâ)
Di strade, percors e sim., lâ di une cierte bande
sinonims
condusi, lâ, lâ a finîle, rivâ
esemplis
"a cjapavin la strade Bariglarie che ju menave su la Tresemane e, di li, subit a cjase"
gjavât fûr di "Come tai romançs" di Alan Brusini
"al veve cjapât il troi che al menave sù tal bosc daûr dal paîs"
gjavât fûr di "Il drâc" di Gianfranco Pellegrini
menâ v.tr.
(me-nâ)
[TS] (silv.) Puartâ taiis tun flum
menâ v.intr.
(me-nâ)
Di plante, cressi, disvilupâsi
esemplis
"benon, la jerbe mene che al è un gust"
gjavât fûr di "La furlane" di Dolfo Zorzut
"al pierdeve zornadis interiis pes stradis dal paîs a çoncjâ cu la ronconele baraçs e saût che a menavin pardut"
gjavât fûr di "Il telegram" di Meni Ucel
menâ v.tr.
(me-nâ)
Dâ cun fuarce
sinonims
dâ, dâ jù, petâ
esemplis
"menâ pugns a bracevierte"
gjavât fûr di "La aghe da pît la cleve" di Dino Virgili
"la Cavaleria scomençà a snudâ lis spadis e a menâ colps e stocs disperâts indistintamenti sora ju uns e sora ju altris"
gjavât fûr di "Il grant citadin" di Giovanni Luigi Filli
menâ v.tr.
(me-nâ)
Puartâ tant che efiet, tant che consecuence (fig.)
sinonims
menâ dongje
esemplis
"chest [sfuarç di fâ jentrâ venit e piemontês sot de leç di tutele des minorancis] però al menarà confusion te definizion des minorancis linguistichis parcè che al va a distruzi la diference tra lenghis di minorance e dialets de lenghe taliane"
gjavât fûr di "Memoriis di politiche linguistiche" di Adrian Cescje
menâ v.tr.
(me-nâ)
Fâ lâ intune cierte cundizion, massime negative (fig.)
esemplis
"no stâ menânus in tentazion ma liberinus dal mâl"
gjavât fûr di "Pari nestri" di
menâ v.intr.
(me-nâ)
Di aiar, soflâ
sinonims
soflâ
esemplis
"da lis monts, là sù daûr, al menave jù un tramontanin crût che al taiave"
gjavât fûr di "La aghe da pît la cleve" di Dino Virgili
detulis
"a menâ il cjar al vûl tamon"
"al mene la code il cjan no par te ma pal pan"
"al nas ce che si semene e ce che si insede al mene"
"ancje il cjan cul menâ la code si vuadagne la spese"
"bêçs a menin vuere"
"bisugne menâ il dint daûr la borse che si sint"
"ce che tu âs semenât, al è nassût; ce che tu âs insedât, al à menât"
"cui che al fâs al fale, cui che al mene al strucje"
"cui che al mene al strucje"
"cui che al mene il spêt nol tocje nancje un dêt"
"cui che nol à ce fâ che al meni la puarte"
"cul plui menâ, il pan al devente tenar"
"dome che il mus al mene la code par dibant"
"dutis lis stradis a menin a Rome"
"i dincj no stâ menâ se no tu âs bêçs di paiâ"
"i ocuts a menin cualchi volte a bevi i ocats"
"il cjan nol mene la code par dibant"
"il dint no stâ menâ, se no tu âs bêçs di paiâ"
"il timp al mene judizi"
"la cjar che e mene no sta mai ferme"
"la gnot e mene judizi"
"la tampieste no mene cjaristie"
"la tristerie a mene miserie, la miserie a mene pedoi e i pedoi a mangjin ancje i voi"
"lis disgraciis a menin judizi"
"Març al mene la code pal bearç"
"nancje il cjan nol mene la code dibant"
"nome il mus al mene la code par dibant"
"ogni famee al è un demoni e al mene la code pardut"
"ploie che e sune a mene bon timp"
"Sante Catarine e mene il frêt cu la caretine"
"se no tu menis i comedons, a cjase no menin lis gramulis"
"siroc e tramontan a menin vin e pan, buere e garbin a cjolin pan e vin"
"un disordin al mene un ordin"
"un reume mâl curât al mene intal sagrât"
"un vuarp che al mene un altri vuarp a colin ducj i doi te buse"
torne sù
torne sù