Tu âs cirût la peraule
bilengâl monolengâl
Tu âs cirût la peraule
invetriata
torne indaûr

bilengâl

invetriata s.f.
  • 1

    s.f. rame, ramade, lastre, lastron Copie

    [CO], [TS] arch. (superficie sierade di veri di un barcon, di une puarte e sim., barcon grant di veri massime se cuntun cualchi valôr artistic)
  • 2

    s.f. cûl di tace, cûl di butilie Copie

    [BU] (i ocjâi)
    è così orbo che anche con quell'invetriata non ci vede gran che = al è cussì vuarp che ancje cun chei cûi di tace nol viôt trop

monolengâl

lastre s.f.
(las-tre)
Toc di materiâl o struture largje, sutile e plane
esemplis
"il simitieri gnûf sul cuel di Plovit al jere plen di int, di rosis, di lumins impiâts tal dopomisdì malinconic e grîs... Done Catin, sô mari, e jere in pocje tiare, cuntune lastre di piere scrite, da cjâf"
gjavât fûr di "La aghe da pît la cleve" di Dino Virgili
"jara una gnot di scûr di luna e il mâr jara lis comi una lastra di assâl"
gjavât fûr di "Gnot di Sant Silvestri" di Ranieri Mario Cossâr
lastre s.f.
(las-tre)
Toc sutîl di veri o cristal lavorât in maniere di vê une forme regolâr, in gjenar retangolâr o cuadrade, che pal solit si monte tai telârs dai barcons
esemplis
"une dì i aeroplans a bombardin [...]. Dentri e cole la robe pal cjâf, si rompin lis lastris"
gjavât fûr di "Storie di Vera" di Ivano Urli
"cuissà trop che e sta a rivâ da pît la lastre chê gote a pene poiade, sbrissade fûr di une man di ploie"
gjavât fûr di "Gotis" di Giuliana Pellegrini
lastre s.f.
(las-tre)
[TS] (fotogr.) Supuart di veri cuviert di une emulsion sensibile, doprât une volte tant che negatîf
lastre s.f.
(las-tre)
Imagjin su supart semitrasparent che e risulte di une radiografie
esemplis
"fatis lis lastris, al jere di restâ di stuc: un afâr taront al jere li ret, jenfri il stomi e la panze, un afâr che nissun saveve. Bisugnave vierzi par viodi. E cussì Milio al jere lât tal ospedâl"
gjavât fûr di "Amîs come prime" di Alan Brusini
""Tu puedis ancje paiâ di bevi, vuê" "Parcè po, professôr?" "Parcè che o ai esaminât lis tôs ultimis lastris e o pues dîti cun sigurece che tu sês vuarît. ""
gjavât fûr di "Cretevierte" di Roberto Ongaro
lastre s.f.
(las-tre)
(edit.) Matriç di plomp, di ram o di altri materiâl doprade par procediments di stereotipie, fotoincision e sim.
lastre s.f.
(las-tre)
Lamine di metal di spolert, stue o sim. che e ven scjaldade dal fûc e li che si pues cusinâ
esemplis
"al jevave sù par lâ a zirâ la polente che e cisave su la lastre dal spolert"
gjavât fûr di "I forescj" di Alan Brusini
"al pensà di sbassâsi, di tirâ fûr di sot di une casse une patate crude, e me consegnà. La man di Diu, par me! Le ai taiade a fetutis e rustide su la lastre de stue te barache"
gjavât fûr di "Il «miracul» di un ûf" di Pieri Menis
torne sù
torne sù