Tu âs cirût la peraule
bilengâl monolengâl
Tu âs cirût la peraule
lampo
torne indaûr

bilengâl

lampo s.m., adi.inv., s.f.inv.
  • 1

    s.m. lamp Copie

    [AU] (fenomen atmosferic produsût di scjariis eletrichis, che si pant cuntune emission svelte di lûs)
    lampi e tuoni = tons e lamps
    sei stato veloce come un lampo = tu sês stât svelt tant che un lamp
    siamo stati accecati da un lampo improvviso = nus à inceâts un lamp subitani
  • 2a

    s.m. lamp Copie

    [AU] (emission di lûs fuarte e une vore curte)
    un lampo di luce = un lamp di lûs
  • 2b

    s.m.

    [TS] fotogr. (cjale flash)
  • 3

    s.m. lamp Copie

    [AU] (manifestazion imburide di un sintiment, une emozion)
    gli ho scorto nello sguardo un lampo di soddisfazione = i ai let intai voi un lamp di sodisfazion
  • 4

    s.m. marilamp, lamp, marimoment Copie

    [AU] (timp une vore curt)
    arrivo in un lampo = o rivi tun marilamp

    s.m. marilamp, lamp Copie

    (fat o acjadiment che al dure o al è durât une vore pôc)
    il processo è stato un lampo = il procès al è stât un lamp
  • 5

    s.m. lamp, folc, fulmin, saete, sfulmin, fusete, sclopetade Copie

    [AU] (persone, bestie o robe une vore svelte)
    corre qua e là come un lampo = e cor chi e là tant che une fusete
    la risposta è arrivata come un lampo = la rispueste e je rivade tant che une sclopetade
    nelle faccende domestiche è un lampo = intes voris di cjase al è un lamp
  • 6

    adi.inv. lamp Copie

    [AU] (simpri daûr di un sostantîf, che al dure une vore pôc, che si davuelç o al sucêt une vore svelt)
    incontro lampo = incuintri lamp
    notizia lampo = notizie lamp
    vacanza lampo = vacance lamp

locuzions

    cerniera lampo
  • cerniereCopie
    [CO] (sisteme di sierâ vistîts cun dôs seriis di gançuts che si tachin o che si distachin svelts passant un sbrissul)
    una camicia con la cerniera lampo = une cjamese cu la cerniere
    • chiusura lampo
  • [CO] (cjale cerniera lampo)
    • guerra lampo
  • vuere lampCopie
    [CO] (vuere in velocitât cul fin di vinci il nemì in pôc timp)
    i nazisti conquistarono la Polonia con la guerra lampo = i naziscj a concuistarin la Polonie cu la vuere lamp
    • in un lampo
  • bot e sclop, dal lamp al ton, tun marilamp, tun lampCopie
    [CO] (une vore in curt, daurman, subitementri)
    in un lampo sono sceso dall'auto e l'ho aiutato = bot e sclop o soi smontât de machine e lu ai judât
    • lampo breve
  • lamp curtCopie
    [CO] (il pont dal alfabet Morse)
    • lampo di genio
  • lampCopie
    [CO] (intuizion gjeniâl)
    alla fine ha avuto un lampo di genio e ha trovato la soluzione = ae fin al à vût un lamp e al à cjatade la soluzion
    • lampo elettronico
  • lampade eletroniche, lamp eletronicCopie
    [TS] eletr. (intun lampadôr eletronic, lampade che si à mandant une scjarie dentri di un gas inert)
    • lampo lungo
  • lamp luncCopie
    [CO] (la linie dal alfabet Morse)

monolengâl

lamp s.m.
Lûs fuarte e improvise produsude di scjariis eletrichis jenfri i nûi o jenfri cîl e tiere
sinonims
tarlup
esemplis
"i lamps a sfrissavin di fûc i nûi e i tons a stocavin e a sglovavin mieç mont"
gjavât fûr di "La rive di Sant Pieri" di Maria Forte
"plovisine minudine / lizerine, / tu vens ju cussì cidine / senze tons e senze lamps, / e tu dâs di bevi ai cjamps"
gjavât fûr di "La plovisine" di Pieri Çorut
lamp s.m.
Cualsisei lûs fuarte, improvise e curte, ancje ripetude
sinonims
barlum, incei, lampade, slusicament, tarlupade, tarlup, slusorade, stralûs
esemplis
"il tren aromai al coreve a lunc tal scûr. Cuant che si passà parmìs di une autostrade, a jentrarin lamps di lûs"
gjavât fûr di "In viaç di domenie" di Agnul di Spere
lamp s.m.
Timp une vore curt (fig.)
sinonims
moment, amen, credo, istant, nuie, jesus
esemplis
"a galop, intun lamp, e à fate la strade e si è fermade dongje di lui"
gjavât fûr di "Fra Silvio" di Pieri Somede dai Marcs
"al pareve che a vessin vût lis tarmis di no podê stâ fers un lamp e tasê nancje un moment"
gjavât fûr di "Nadâl ancje par Gjelmin" di Pieri Menis
"spietait un lamp, che o ai di contâusint une di gnove"
gjavât fûr di "Lis predicjis dal muini" di Josef Marchet
"a lavoravin di un scûr al altri cence un lamp di padin"
gjavât fûr di "I Catanas" di Meni Ucel
lamp s.m.
Persone, bestie o robe une vore svelte (fig.)
sinonims
frece, fuset, saete
esemplis
"âstu za finît? Tu sês un lamp!"
lamp s.m.
Espression vive dai voi che e mostre un ciert sintiment, intindiment e v.i. (fig.)
sinonims
lûs, ombre
esemplis
"e fevelave cun lôr e un lamp di inteligjence al comparive tai siei voi"
gjavât fûr di "Nardon e Vigjute di Nani" di Pieri Somede dai Marcs
"a i era scjampât dai voi un lamp di gust"
gjavât fûr di "Li clâfs" di Novella Cantarutti
"il frutat al rivà cuntun lamp di salvadi te cjaladure e l'odôr garp di chel pastiel di vin tal flât"
gjavât fûr di "La aghe da pît la cleve" di Dino Virgili
lamp s.m.
[BF] Cjalade svelte,
sinonims
voli, voglade, cuc, cjalade, cjalon
esemplis
"o voi a dâ un lamp su la fieste e o torni dal moment"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
lamp s.m.
Rivelazion improvise, il pandisi improvîs di une idee, di une comprension (fig.)
sinonims
iluminazion, intuizion, ispirazion, idee
esemplis
"[la statue de Madone e veve] la muse dolce come tal ricuart. Dolce come la uve. La uve!... Un lamp... une idee... Sì, chê e veve di sei «la Madone de uve»!"
gjavât fûr di "Il Bide di Miot" di Maria Forte
lamp s.m.
Moment di vite che si torne a vivi te memorie (fig.)
sinonims
ricuart
esemplis
"a sintî chê cjançon mi è vignût un lamp di cuant che o jerin fruts"
detulis
"cuant che a son fûr madracs e carbons, si è sigûrs di lamps e tons"
"daspò dal lamp il ton"
"ogni lamp al à il so ton"
"Sante Barbare e Sant Simon vuardaitnus dal lamp e dal ton"
torne sù
torne sù