Tu âs cirût la peraule
bilengâl monolengâl
Tu âs cirût la peraule
lasciare
torne indaûr

bilengâl

lasciare v.tr.
  • 1

    v.tr. molâ, poiâ, lassâ, meti jù Copie

    (meti jù alc)
    lascia il vaso sul tavolo = mole oppure met jù oppure lasse il vâs par tiere

    v.tr. molâ, lassâ Copie

    [FO] (fermâ di tignî o di strenzi o di pressâ alc)
    lascia la fune = lasse la cuarde
    lasciami il braccio = molimi il braç

    v.tr. molâ, lassâ Copie

    (no stratignî cdn., lassâlu lâ)
    lascialo andare o perderà il treno = molilu che al piert il tren
  • 2a

    v.tr. lassâ Copie

    [FO] (no puartâsi daûr parcè che no si vûl o parcè che si dismenteisi)
    dove hai lasciato la testa? = dulà âstu lassât il cjâf?
    lasciare a casa i bambini = lassâ a cjase i fruts

    v.tr. lassâ Copie

    (salvâ, sparagnâ)
    lasciare il posto ad un amico = lassâ il puest a un amì
    lascio questi soldi per la vecchiaia = o lassi chescj bêçs par cuant che o soi vieli
    lascio un po' di torta per domani = o lassi un pocje di torte par doman

    v.tr. lassâ Copie

    (dâ in consegne)
    ho lasciato il gatto alla vicina = o ai lassât il gjat ae vicine

    v.tr. lassâ Copie

    (dâ une incarghe)
    lasciare detto di fare la spesa = lassâ dite di fâ la spese

    v.tr. lassâ Copie

    (regalâ o prestâ)
    se vuoi ti lascio il libro = se tu âs voie ti lassi il libri

    v.tr. lassâ Copie

    (no puartâ vie, no gjavâ vie)
    passando sopra questo straccio lascia sempre un po' di polvere = cuant che al passe sore chest peçot al lasse simpri un pôc di polvar
  • 2b

    v.tr. molâ, lassâ Copie

    [FO] (ass., spec. tai zûcs di cjartis, ritirâsi, fermâ di zuiâ)
    essere incerto se lasciare o mollare = no savê se butâ sù o lassâ

    v.tr. molâ, lassâ Copie

    (cedi)
    ha lasciato dopo i primi problemi = al à lassât daspò i prins problemis
  • 3a

    v.tr. molâ, lassâ Copie

    [FO] (separâsi di cdn.)
    l'ho lasciato in stazione = lu ai lassât in stazion

    v.tr. molâ, lassâ Copie

    (bandonâ cdn. che si vûl ben o che si è leâts)
    ha lasciato il marito = e à molât l'om

    v.tr. molâ, lassâ Copie

    (bandonâ la morose o il morôs)
    ha lasciato la fidanzata = al à lassât oppure al à molât la morose

    v.tr. lassâ Copie

    (murî)
    la zia ci ha lasciati un mese fa = la gnagne nus à lassâts che al è un mês
  • 3b

    v.tr. lassâ Copie

    (rivuart a lûcs, lâ indenant, no fermâsi)
    a sinistra lasci Gemona e prosegui verso Udine = tu lassis a man çampe Glemone e tu tiris dilunc cuintri Udin

    v.tr. lassâ Copie

    (lassâ la cjase)
    hanno dovuto lasciare casa = a àn scugnût lassâ la cjase

    v.tr. molâ, lassâ Copie

    (par stradis, flums e sim., no lâ inte lôr direzion)
    ho lasciato la strada statale per girare a destra = o ai molade la strade statâl par voltâ a man drete

    v.tr. lassâ Copie

    [FO] (bandonâ un lûc)
    ha lasciato il Friuli per andare in Argentina = al à lassât il Friûl par lâ in Argjentine
    il treno lascia la stazione = il tren al lasse la stazion
  • 3c

    v.tr. molâ, lassâ Copie

    [FO] (bandonâ alc par rinunzie e par necessitât)
    lasciare di cantare = molâ di cjantâ
    lasciare di scrivere = lassâ di scrivi
    lasciare la scuola = molâ la scuele

    v.tr. lassâ Copie

    (pierdi)
    lasciare una gamba in guerra = lassâ une gjambe in vuere

    v.tr. lassâ Copie

    [CO] (lassâ un debit)
    è scappato lasciando debiti per tre milioni = al è scjampât lassant un debit oppure lassant une musse di trê milions

    v.tr. lassâ in bande, butâ in bande Copie

    (meti in bande)
    lasciare i cattivi pensieri = butâ in bande i bruts pinsîrs
  • 4

    v.tr. lassâ Copie

    [FO] (fâ restâ cdn. o alc intun stât particolâr o intune posizion alternative a altris)
    il tuo racconto mi lascia indifferente = il to dî mi lasse indiferent
    lasciare la luce accesa e il rubinetto aperto = lassâ la lûs impiade e il rubinet viert
    lasciare nella disperazione = lassâ te disperazion
    lasciare senza parole = lassâ a bocje vierte
    mi ha lasciato nei guai = mi à lassât imberdeât
  • 5

    v.tr. lassâ, lassâ daûr Copie

    [FO] (di alc, restâ daûr di nô, o dulà che si è passâts)
    ha lasciato un buon ricordo = al à lassât un bon ricuart
    la pipa lascia un buon odore = la pipe e lasse daûr un bon odôr
  • 6

    v.tr. lassâ Copie

    [FO] (dâ, consegnâ)
    lascia un mancia al cameriere = lasse la buine man al camarîr
    ti lascio le chiavi di casa = ti lassi lis clâfs di cjase
  • 7

    v.tr. lassâ Copie

    [FO] (donâ, spec. par test)
    lasciare tutto ai poveri = lassâ dut ai puars
    lo zio mi ha lasciato i campi = gno barbe mi à lassât i cjamps
  • 8

    v.tr. lassâ Copie

    [FO] (meti in bande alc par se o par altris)
    lascio questo lavoro per domani = o lassi cheste vore par doman
    ti lascio un po' di soldi = ti lassi un pôcs di bêçs
  • 9

    v.tr. molâ, lassâ Copie

    [FO] (concedi)
    i suoi genitori gli lasciano molta libertà = i siei gjenitôrs i lassin oppure i molin une vore di libertât
  • 10

    v.tr. lassâ, permeti Copie

    [FO] (prime dal infinît o di 'che' cul coniuntîf, dâ permès)
    lascia che ti spieghi = lasse che ti sclarissi
    non lascia mai uscire i figli = nol lasse mai lâ fûr i fîs
  • 11

    v.tr. fâ, lassâ Copie

    [FO] (cun valôr causatîf)
    gli lascerò capire questo = i fasarai capî chest
    lo lascio sperare nel mio aiuto = lu lassi sperâ che lu judi
  • 12

    v.tr. lassâ Copie

    [TS] mar. (cun valôr ass., di ancure che no cjape il font)

locuzions

    lasciare a desiderare
  • jessi mancjant, mancjâCopie
    [CO] (di alc, no apaiâ dal dut)
    lascia a desiderare in quanto a buone maniere = al mancje di buine creance
    • lasciare a metà
  • lassâ a mieçCopie
    [CO] (no finî)
    ha lasciato a metà il lavoro = al à lassât il lavôr a mieç
    • lasciare a piedi
  • lassâ a pîtCopie
    [CO] (di veicul, no funzionâ plui a mieze strade)
    il motorino mi ha lasciato a piedi = il motorin mi à lassât a pît
  • lassâ impastanât, lassâ a pît, molâ a pît, molâ intai fastidisCopie
    (lassâ cdn. cence risorsis o cence jutori)
    i soci lo hanno lasciato a piedi = i socis lu àn lassât a pît oppure molât intai fastidis
    • lasciare a, in secco
  • lassâ in blanc, lassâ a sec, lassâ sut, lassâ net di lissieCopie
    [CO] (lassâ cdn. cence risorsis, cence bêçs)
    • lasciare cadere
  • lassâ colâCopie
    [CO] (no realizâ alc)
    ha lasciato cadere la discussione sul più bello = al à lassât colâ la discussion tal biel
    • lasciare con un palmo di naso
  • lassâ cun tant di nâs, lassâ cul nâs petât, lassâ cui dincj in bocje, lassâ cul nâs gotantCopie
    [CO] (lassâ cence nissune sodisfazion o cence la pussibiliti reagjî)
    pensavano di potersi fidare ma li ha lasciati con un palmo di naso = a pensavin di podêsi fidâ ma ju à lassâts cul nâs gotant
    • lasciare dietro
  • lassâ indaûrCopie
    [CO] (superâ par merits e cualitâts)
    in fatto di simpatia, lascia dietro tutti = par simpatie al lasse ducj indaûr
    • lasciare fuori
  • lassâ fûrCopie
    [CO] (escludi)
    è meglio lasciare fuori dal progetto chi non è competente = al è miôr lassâ fûr dal progjet cui che nol è competent nella visita al museo non si può lasciare fuori la sezione contemporanea = te visite al museu no si pues lassâ fûr la sezion contemporanie
    • lasciare giù
  • da jù, lassâ jù, molâCopie
    [CO] (pierdi colôr)
    questo maglione lascia giù il rosso = chest maion al da jù il ros
    • lasciare il campo
  • lassâ il puest, molâ sù dut, lassâ stradeCopie
    [CO] (ritirâsi intun confront)
    ai primi insuccessi ha mollato il campo = daspò dai prins insucès al à molât sù dut lasciare il campo ai giovani = lassâ il puest ai zovins
    • lasciare il certo per l'incerto
  • lassâ la cjaradorie, pierdi il dumiesti pal salvadi, lassâ ce che si sa par chel che no si sa, lassâ il sigûr pal malsigûrCopie
    [CO] (cuant che si lasse une situazion che si cognòs par sielzi o frontâ une che no si cognòs)
    • lasciare il lavoro
  • molâ di vore, lassâ voreCopie
    [CO] (lassâ un lavôr ancje par un moment)
    ho lasciato il lavoro e sono corso qui = o ai molât di vore e o soi vignût culì
  • implantâ il lavôr, plantâ il lavôr, molâ il lavôr, molâ la voreCopie
    (lassâ un puest di vore in maniere definitive)
    ho lasciato il lavoro perché non mi trovavo bene = o ai molât il lavôr che no mi cjatavi ben
    • lasciare il mondo
  • [CO] (cjale abbandonare il mondo)
    • lasciare il nido
  • discovâsi, lassâ la cove, dispatussâsiCopie
    [CO] (emancipâsi)
    era ora che a trent'anni lasciasse il nido = e jere ore che a trente agns si discovàs
    • lasciare il secolo
  • [CO] (cjale abbandonare il secolo)
    • lasciare il segno
  • lassâ il segn, lassâ la feradeCopie
    [CO] (vê consecuencis che a durin)
  • lassâ il segn, lassâ la feradeCopie
    (restâ a lunc inte memorie)
    la buona amministrazione del sindaco ha lasciato il segno = la buine aministrazion dal sindic e à lassât il segn
    • lasciare il velo
  • butâ jù il vêl, molâ la vieste, molâ la tonieCopie
    [CO] (molâ di jessi muinie)
    si è innamorata di lui e ha lasciato il velo = si è inamorade di lui e e à molât la vieste
    • lasciare in abbandono
  • lassâ in ruvine, lassâ in malore, lassâ in abandonCopie
    [CO] (trascurâ, no ocupâsi plui di alc)
    hanno lasciato la casa in abbandono = a àn lassade la cjase in abandon
  • lassâ pustot, lassâ in vieri, lassâ in abandon, lassâ che a cressin baraçs, lassâ che a cressin urtiisCopie
    (di cjamps e sim.)
    hanno lasciato il campo in abbandono = al à lassât la braide pustote
    • lasciare in asso
  • [CO] (cjale piantare in asso)
    • lasciare in pace
  • lassâ stâ, lassâ in pâs, lassâ a pâsCopie
    [CO] (lassâ cuiet)
    lasciatelo in pace! = lassaitlu in pâs!
    • lasciare in sospeso
  • lassâ impastanât, lassâ in blanc, lassâ pastanât, lassâ a mieç, lassâ sospindût, lassâ par aiar, lassâ in pîtsCopie
    [CO] (no concludi)
    lascare sospesa una questione = lassâ in pîts une cuistion lasciare in sospeso un accordo = lassâ impastanât un acuardi
    • lasciare indietro
  • lassâ indaûrCopie
    [CO] (lassâ stâ, no fâ)
    ho lasciato indietro le letture per mancanza di tempo = o ai lassât indaûr lis leturis par mancjance di timp
    • lasciare l'abito
  • [CO] (cjale abbandonare l'abito)
    • lasciare la bocca buona
  • lassâ la bocje buine, lassâ la bocje saurideCopie
    [CO] (di mangjâ o bevi, fâ restâ in bocje un bon savôr)
    quel cioccolatino mi ha lasciato la bocca buona = chel bombon mi à lassât la bocje buine
    • lasciare la bocca cattiva
  • lassâ la bocje mare, lassâ la bocje garbe, lassâ la bocje triste, lassâ il trist in bocjeCopie
    [CO] (di mangjâ o di bevi, lassâ un savôr trist)
    quel vinaccio mi ha lasciato la bocca cattiva = chel vinat mi à lassade la bocje garbe
    • lasciare la stecca
  • lassâ il puest, lassâ la stecheCopie
    (bandonâ un servizi spec. se nol plâs, lassantlu a altris)
    ti lascio volentieri la stecca = ti lassi vulintîr il puest
  • lassâ la divise, lassâ la stecheCopie
    [CO] (bandonâ il servizi militâr)
    • lasciare le briglie sul collo
  • butâ lis brenis sul cuelCopie
    [CO], [ES] (dâ libertât di azion)
    • lasciare lì
  • lassâ li, implantâ, plantâCopie
    [CO] (lassâ alc o cdn. tal puest e tes cundizions che al è, massime in maniere improvise e egoiste)
    ha chiesto aiuto ma lo hanno lasciato lì = al à domandât che lu judassin ma lu àn lassât li
    • lasciare mano libera
  • molâ cuarde, lassâ libertât, lassâ la man libare, dâ cuarde, dâ braçCopie
    [CO] (lassâ libertât di azion plene)
    ti ho lasciato mano libera, non deludermi! = ti ai dât braç oppure cuarde, no stâ a deludimi!
    • lasciare nel proprio mondo
  • lassâ tal so jessiCopie
    [CO] (lassâ che si ledi indenant a vivi e a pensâ compagn che si è usâts)
    lasciatelo nel suo mondo, è vecchio e strambo = lassaitlu tal so jessi, al è vieli e stramp
    • lasciare nella penna
  • lassâ te peneCopie
    [CO] (no scrivi)
    voleva scrivergli una lettera con tutte le sue ragioni ma l'ha lasciata nella penna = al voleve scrivii une letare cun dentri dutis lis sôs resons ma le à lassade te pene
    • lasciare questa terra
    lasciare tempo al tempo
  • [CO] (lassâ che il timp al meti a puest lis robis)
    secondo me dovresti lasciare tempo al tempo = par me tu varessis di lassâ che il timp al lavori
    • prendere o lasciare
  • cjapâ o molâ, o cussì o zucarCopie
    [CO] (par dî che lis cundizions no si puedin mudâ)
    è l'ultimo prezzo, prendere o lasciare = al è l'ultin presit, cjapâ o molâ

monolengâl

lassâ v.tr.
(la-ssâ)
Fermâ di tignî o di strenzi o di pressâ alc, spec. cu lis mans
sinonims
lassâ lâ, meti, meti jù, poiâ, molâ, lassâ stâ
esemplis
"al coreve simpri daûr ai poleçs come un spirtât, cence sintî la puare none che i cridave lassant par un moment rocje e fûs"
gjavât fûr di "Sul agâr" di Pieri Menis
lassâ v.tr.
(la-ssâ)
Fâ che alc o cdn. al resti intun puest, no puartâsi daûr parcè che no si vûl o parcè che si dismenteisi
esemplis
"o ai lassât il tacuin a cjase"
gjavât fûr di "Vieri e gnûf" di Pieri Piçul
lassâ v.tr.
(la-ssâ)
Separâsi di cdn.
esemplis
"al le viers la puarte di cjase, lassant i doi zovins bessôi tal mieç dal curtîl"
gjavât fûr di "Il muc" di Roberto Ongaro
lassâ v.tr.
(la-ssâ)
Lâ vie, slontanâsi di un lûc o di une situazion
sinonims
molâ
esemplis
"une matine come il solit cidin o ai lassât il jet cul jevâsi dal soreli "
gjavât fûr di "Sul prât Soreli" di Pieri Somede dai Marcs
"no si rassegnave però a vê lassât il paîs e al tornave ogni volte che al podeve"
gjavât fûr di "Faliscjis" di Cristina Noacco
"e veve lassât a cjase une miserie di sclapâ cul coni"
gjavât fûr di "Sul cjar di Pauli Gurin" di Maria Forte
lassâ v.tr.
(la-ssâ)
No lâ indevant cuntune cierte ativitât
sinonims
bandonâ, molâ, implantâ, impastanâ, plantâ, smeti, interompi
esemplis
"o soi tornât par ripiâ il discors là che lu vevin lassât"
gjavât fûr di "I forescj" di Alan Brusini, Gian Paolo Linda
"al dismontave, al deve un grant sivîl e dute chê int, lassade la vore, a jerin ator de nestre carete"
gjavât fûr di "Pe bocje si scjalde il for" di Catarine Percude
lassâ v.tr.
(la-ssâ)
Fâ restâ cdn. o alc intune cierte situazion, cundizion, posizion, compagnie e v.i.
esemplis
"al jentrà tal fogolâr, là che la sô cristiane i veve lassade la taule tindude"
gjavât fûr di "La fogolade dal bosc" di Josef Cjargnel
"[sports] che tra l'altri a lassin il puest biel incontaminât cussì cemût che si lu à cjatât"
gjavât fûr di "Interviste cun Giorgio Cantoni" di Fabian Ros
"e à scugnût risolvisi di lassâ la frute tes mans di sô madone e di partî"
gjavât fûr di "Sant Jacum, là che al finìs il mont" di Antoni Beline
lassâ v.tr.
(la-ssâ)
Fâ restâ alc tant che risultât, efiet e sim.
esemplis
"a levin vie lassant talpadis scuris te nêf blancje une daûr chê altre"
gjavât fûr di "Nadâl ancje par Gjelmin" di Pieri Menis
"la clessidre ribaltade e lassave un spazi parsore"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"[lis robis viodudis tal lager] i lassin in vite te anime une lacje nere e mareose di tuessi"
gjavât fûr di "Storie di Vera" di Ivano Urli
lassâ v.tr.
(la-ssâ)
Dâ di doprâ o di tignî alc a cdn.
sinonims
dâ, regalâ, prestâ
esemplis
"al tacave la strade a pît par lassâ il cjaval al famei che lu doprave pai cjamps"
gjavât fûr di "Cjase di Dalban" di Maria Forte
"al jere ancje un vecjo radioregjistradôr a cassetis. Marc al veve preât il pari di lassâjal e cussì il zovin al provà a viodi se al funzionave ancjemò"
gjavât fûr di "I nemîs" di Checo Tam
lassâ v.tr.
(la-ssâ)
Spietâ che alc al cuisti o al cjapi ciertis carateristichis
sinonims
tignî, meti
esemplis
"al parà jù une tace di te che al veve lassât a disfredâsi sul comodin"
gjavât fûr di "Tal ospedâl" di Amedeo Giacomini
lassâ v.tr.
(la-ssâ)
Spietâ, fâ passâ timp (ass.)
sinonims
spietâ
esemplis
"un al corè a imbombâ une sponze tal asêt, le metè suntune cjane e al cirì di fâlu bevi disint: “Lassait, viodìn se al ven Elie a dispicjâlu""
gjavât fûr di "Vanzeli di Marc" di
lassâ v.tr.
(la-ssâ)
Dâ tant che concession
sinonims
concedi, dâ
esemplis
"se [la Italie] e vûl lassâ chel tant di libertât e di autonomie ancje a chês altris Regjons, parone!"
gjavât fûr di "Par intindisi" di Josef Marchet
lassâ v.tr.
(la-ssâ)
Cun obietivis, permeti, dâ il permès
sinonims
consintî, permeti, concedi
esemplis
"no ti lassarai lâ vie di chenti fin che no tu mi varâs dât ce che mi tocje!"
gjavât fûr di "Un bosc cence colôrs" di Franca Mainardis
"nol lassave che nissun i tocjàs lis sôs robis nancje cuntun dêt"
gjavât fûr di "La Madalene" di Zuan Lurinçon
lassâ v.tr.
(la-ssâ)
Cun valôr causatîf
sinonims
fâ
esemplis
"dislidi la cevole taiade fine tal vueli, zontâ lis fueis di ledrepis e lassâ cuei a planc fintremai che e svapori la aghe"
gjavât fûr di "Jerbis salvadiis inte cusine furlane" di Giorgio Pascoli
"il miedi [...] al veve lassât capî che ancje la femine dal muini di Vile Disot e jere pes ultimis"
gjavât fûr di "Disore e disot" di Pieri Menis
lassâ v.tr., v.intr.
(la-ssâ)
No fâ plui une azion esprimude di une infinitive
sinonims
molâ, fermâ
esemplis
"jerbatis che no lassavin di cressi e che al jere brut viodilis"
gjavât fûr di "Il muini" di Meni Ucel
"lui, alore, al veve lassât di scombati"
gjavât fûr di "Mabile la Lunghine" di Maria Forte
"al à lassât di plovi"
detulis
"a fuarce di lâ la sele tal poç, e lasse il mani"
"a Sant Benedet la cisile e passe sot il tet, passe no passe, il frêt nus lasse"
"al è muart chel che al tabacave e al à lassât un carantan; al è muart chel che nol tabacave e no 'nd à lassât gran"
"al è tant pecjât robâ che lassâsi robâ"
"al tocje di lassâ lâ la aghe injù e il fum insù"
"al vûl mistîr in dut e lassâur cjapâ lis surîs ai gjats"
"amicizie cul dam lassile lâ al malan"
"bêf il vin e lasse la aghe pal mulin"
"bisugne gjoldi e lassâ gjoldi"
"bisugne lassâ lâ il mâl jù pai malâts e la vuere jù pai soldâts"
"bisugne lassâ lâ il sanc pes sôs venis"
"bisugne lassâ lâ la aghe injù e il fum insù"
"bisugne lassâi fâ a chel che al è parsore dai cops"
"ce che no si po vê si lasse"
"cjalimi e lassimi par chel che o soi"
"cuant che al cjante il cuc, al è ce fâ pardut, cuant che al lasse di cjantâ, in chê volte il grant dafâ"
"cuant che no si sa i fats, si lasse la surîs ai gjats"
"cuant che si mûr si lasse dut"
"cui che al lasse la strade viere pe gnove al sa ce che al lasse ma nol sa ce che al cjate"
"cui che al sta ben che nol lassi cjase sô"
"cui che nol stente al mangje il çuç e al lasse la polente"
"cui che si lasse cridâ al è paron dal so cûr"
"cui che si lasse vuidâ al è paron dal so cûr"
"dije a la femine e lassii fâ al diaul"
"Diu al lasse fâ"
"e je la ultime gote chê che a lasse il savôr in bocje"
"fâ ben e lassâ dî"
"fâs il ben e lasse dî"
"fuart cui che no si lasse vinci dal pudôr, plui fuart cui che no si lasse vinci de necessitât"
"fumate basse, bon timp e lasse"
"fumate basse, bon timp e lasse; fumate alte, al plûf cuant che i salte"
"fumate e lasse il timp che e cjate"
"garbin al lasse il timp che al cjate"
"gjoldi e lassâ gjoldi"
"i cjatîfs: cjapâju cuant che a vegnin e lassâju lâ cuant che a van"
"i viei a àn lassât i proverbis e a àn mangjade la robe"
"i vûl fede a lassâ lis croçulis"
"il cjan dal ortolan nol mangje la salate e no le lasse mangjâ"
"il cjaval restîf nol lasse il vizi fin che al vîf"
"il fen co al è bagnât al lasse il sâl tal prât"
"il fen se al è bagnât lassilu salt tal prât"
"il fûc fin che al è sclâf al è biel e bon, ma vuai a lassâlu deventâ paron"
"il gjat al va tant al ardiel fin che i lasse la çate"
"il prin puest si scuen lassâjal a chei di cjase"
"la bolp e lasse il pêl ma il vizi no"
"la canicule se e cjate bagnât e lasse bagnât, se e cjate sut e lasse sut"
"la cjarte si lasse meti sù ce che si vûl"
"la cjarte si lasse scrivi"
"la ire de sere lassile pe matine"
"lasse che a disin ce che a vuelin e fâs ce che al va ben"
"lasse che cui che al sa a ce fâ si distrighi"
"lasse che e cjanti la ciale, tu fâs come la furmie"
"lasse che il fum al ledi insù e la aghe injù"
"lasse che la aghe a cori pal so mulin"
"lasse che la magne a ledi pe campagne"
"lasse cjapâ lis surîs ai gjats"
"lasse cori la magne pe campagne"
"lasse lâ la aghe al so destin"
"lasse lâ la aghe injù e il fum insù"
"lasse lis feminis che a fasin pan, fruts e lissie"
"lasse mus che la jerbe a cressi"
"lasse piâ lis surîs ai gjats"
"lasse stâ cuiet il cjan cuant che al duar"
"lassii cjapâ la surîs al gjat"
"lassimi puare, ti fasarai ric"
"more nere e intenç la ue: lasse la more, cjape la ue"
"ni par tuart ni par reson no stâ lassâti meti in preson"
"no bisugne lassâ la strade viere par chê gnove"
"no bisugne lassâ scjampâ il jeur par pôre di ruvinâi la piel"
"no je mai spongje che no lassi scoladuris"
"no stâ lassâ il ciert pal inciert"
"no stâ lassâti meti i bregons de femine"
"no stâ lassâti rompi lis coculis sul cjâf"
"pal dolôr di cjâf no lasse di vignî la fiere"
"par salvâ la piel no stâ lassâ scjampâ il jeur"
"par un soldât no lassin di fâ vuere"
"par une vacje no si lasse di cjamâ la mont"
"puar chel che si lasse vignî un pedoli"
"puar chel om che si lasse gjavâ i bregons"
"sant Vît cjataitmi il marît, Sant Modest cjataitmal di sest, Sante Cressence no stait a lassâmi cence"
"si abade ben al mont cuant che si à di lassâlu"
"tiere nere e fâs bon gran, tiere blancje a lasse murî di fam"
"tiere rosse e fâs bon gran, tiere blancje a lasse murî di fam"
"tu fâs ce che tu puedis e lassii a Diu cure dal rest"
"vin, aghe e fûc a son bogns, se no si ju lasse deventâ parons"
"vivi e lassâ vivi"
"zunâ e altri ben no fâ, a cjase dal diaul no si lasse di lâ"
torne sù
torne sù