Tu âs cirût la peraule
bilengâl monolengâl
Tu âs cirût la peraule
liaison
torne indaûr

bilengâl

liaison s.f.inv.
  • 1

    s.f.inv. relazion, storie, liaison Copie

    [ES] (leam afetîf, relazion tra dôs personis)
  • 2

    s.f.inv. leadure, liaison Copie

    [TS] fon. (fenomen de lenghe francese che e tache dôs peraulis cu la consonante finâl de prime che par solit e sarès mute)

monolengâl

storie s.f.
(sto-ri-e)
Il sucedi dai fats dai popui inte lôr evoluzion dilunc dal timp
esemplis
"lis diferencis di temperament e di culture e di vite, tra une regjon e chê altre e jerin masse grandis; parcè che la storie di une regjon e je stade divierse di chê di une altre"
gjavât fûr di "Lenghe e lenghis in Italie" di Josef Marchet
"te storie umane o vin ancje esemplis di popui che a àn savût resisti ae pierdite de lôr identitât e ancje po riscatâsi"
gjavât fûr di "Memoriis di politiche linguistiche" di Adrian Cescje
storie s.f.
(sto-ri-e)
Narazion, studi e interpretazion critiche dai fats dai popui
sinonims
storiografie
esemplis
"ogni volte che la buere politiche e mude direzion, a scuegnin mudâle ancje i libris di storie"
gjavât fûr di "Cuintristorie dal Friûl fin sot la Italie" di Josef Marchet
storie s.f.
(sto-ri-e)
Ricostruzion, esposizion e interpretazion dal davuelzisi di un ciert aspiet de vite sociâl e culturâl
esemplis
"une rubriche setemanâl su la storie de art furlane"
gjavât fûr di "O ai scrit pal gno popul" di Erika Adami
storie s.f.
(sto-ri-e)
Fat vêr za sucedût che si pues documentâlu
sinonims
fat di veretât, fat
esemplis
"il messedament etnic e linguistic sot dai langobarts e je storie sigure"
gjavât fûr di "Rotgaut e la politiche furlane langobarde" di Sandri Carrozzo
storie s.f.
(sto-ri-e)
Secuence di fats ancje di interès dome personâl, no coletîf
esemplis
"o ai copât doi umign che mi vevin ofindût. Ma ancje jo ju vevi ofindûts. E je une storie complicade, Ricardo, al è dificil che tu puedis capîle"
gjavât fûr di "Prime di sere" di Carlo Sgorlon
"Nurine mi à contât la sô storie e jo cumò te conti a ti. Scoltimi ben e ten a ments ce che o ti dîs"
gjavât fûr di "Faliscjis" di Cristina Noacco
storie s.f.
(sto-ri-e)
Fat, facende, situazion
sinonims
afâr, câs, circostance, cuistion, facende, fat, musiche, robe, situazion, naine
esemplis
"a è une storie che a va masse par lis lungjis"
gjavât fûr di "Un pugn di moscjis" di Pieri Somede dai Marcs
"i parons a fasin dome bêçs su lis spalis di chei che a lavorin: dibisugne che cheste storie e finissi, o cu lis buinis o cu lis tristis"
gjavât fûr di "La cjase di Toni" di Tarcisio Venuti
storie s.f.
(sto-ri-e)
Situazion problematiche
sinonims
cuistion, fastidi, probleme, casin, berdei, naine, intric, rogne
esemplis
"di Sandri invezit no ai savût nuie. Ma a Parigji, dulà che al è, nol varès di vê storiis"
gjavât fûr di "Sul agâr" di Pieri Menis
storie s.f.
(sto-ri-e)
Narazion di fats reâi o di fantasie, tradizionâl o di autôr, cun fin artistic o ancje dome di svariament
sinonims
flabe, liende, conte
esemplis
"o jeri usât a lei storiis dulà che il protagonist al jere protet di une sorte di corace dal destin"
gjavât fûr di "Il dolfin" di Carlo Sgorlon
"ducj chei che leevin chês storiis [di Catarine Percude] a si maraveavin"
gjavât fûr di "Catinuta" di Ugo Pellis
storie s.f.
(sto-ri-e)
Robe che no je vere
sinonims
bale, bufule, falsetât, fote, invenzion, luianie, menade, stoc, storiele, sflocje, bausie, flabe, naine, sbarade, sflandocje, sflandogne, trombonade
esemplis
""No son storiis, è vere sì [...]""
gjavât fûr di "Cjase di fitâ" di Pieri Somede dai Marcs
storie s.f.
(sto-ri-e)
Relazion di amôr
sinonims
amôr, aventure, caravane, relazion, moroseç
esemplis
"la sô zoventût, a pene vignût fûr de Academie militâr, e jere tiessude di galantariis e storiis cun sioris de buine societât"
gjavât fûr di "Il dolfin" di Carlo Sgorlon
torne sù
torne sù