Tu âs cirût la peraule
bilengâl monolengâl
Tu âs cirût la peraule
lungo
torne indaûr

bilengâl

lungo adi., prep., s.m.
  • 1

    adi. lunc Copie

    [FO] (che si slungje tal spazi par orizontâl, o te dimension che e je plui grande)
    un campo lungo trecento metri = un cjamp lunc tresinte metris

    s.m. lunc Copie

    [TS] zûcs (steche di biliart plui lungje de solite par pocâ la bale masse lontane)

    prep. dilunc, ad ôr di, dilunc di Copie

    [FO] (dongje di alc te direzion de lungjece)
    camminava lungo la siepe = al cjaminave ad ôr de cise
    viaggiava lungo il fiume = al viazave dilunc dal flum
  • 2

    adi. lunc Copie

    [FO] (che al à tante lungjece o ben une lungjece di plui dal normâl)
    avere i capelli lunghi e la barba lunga = vê i cjavei luncs e la barbe lungje

    prep. dilunc, dilunc vie, dilunc vie par, lunc vie di, lunc vie par Copie

    [FO] (par dute la lungjece)
    lungo tutta la strada c'erano cartelli = dilunc vie pe strade a jerin cartei

    adi. lunc Copie

    (di tîr o di slanç che al è lât di là dal obietîf)
    palla lunga = bale lungje

    adi. lunc Copie

    (di un vistît o di un vistiari che nol à la misure juste)
    i calzoni sono troppo lunghi = i bregons a son masse luncs
    la camicia è lunga = la cjamese e je lungje

    adi. lunc Copie

    (di un vistît che al va jù fin tai pîts o fin tes conolis)
    calzoni lunghi e calzoni corti = bregons luncs e bregons curts
    una camicia a maniche lunghe = une cjamese cu lis maniis lungjis
  • 3

    adi. lunc Copie

    [FO] (di cdn., par dî che al è une vore alt)
    quanto è lungo quel ragazzo! = ce anime lungje che al è chel frutat!

    prep. vie par, dilunc par Copie

    [FO] (timp)
    lungo i secoli = vie pai secui
  • 4

    adi. lunc, biel lunc Copie

    [FO] (che al dure une vore, plui di ce che si previodeve o al è par solit)
    ha fatto una lunga dormita = al à fate une durmide biele lungje
    ora mi faccio una lunga vacanza = cumò mi fâs une lungje vacance

    adi. lunc Copie

    (che al domande tant timp)
    è una ferita lunga a guarire = e je une feride lungje di vuarî
  • 5

    adi. lunc Copie

    [FO] (di cdn., che al met masse timp a fâ alc)
    è stato sempre lungo nel mangiare = al è simpri stât lunc tal mangjâ
  • 6

    adi. clâr, lunc Copie

    [FO] (di alc preparât cun masse aghe, o cun plui aghe di ce che al è par solit)
    brodo lungo = brût lunc
    caffè lungo = cafè lunc
    il minestrone è troppo lungo = il mignestron al è masse clâr
  • 7a

    adi. lunc Copie

    [TS] fon. (di vocâl o ben di silabe cuntune durade di dôs cuantitâts, maiôr di une altre che e je chê curte)
  • 7b

    adi. lunc Copie

    [TS] fon. (di vocâl o di consonante, che a durin dôs curtis)
    una vocale lunga = une vocâl lungje

    adi. lunc Copie

    (di silabe, che e à une vocâl lungje)

locuzions

    a gioco lungo
  • in finâlCopie
    [CO] (a la fin)
    a gioco lungo è finita bene = in finâl e je lade ben
    • a lungo
  • a dilunc, a luncCopie
    [CO] (par tant timp)
    parlare a lungo = fevelâ a dilunc
    • a lungo andare
  • a lunc lâ, a fuarce di dâi, cul timp, cul timp a lâCopie
    [CO] (daspò tant timp)
    a lungo andare mi abituo = cul timp mi usi
    • a lungo termine
  • a tiermin luncCopie
    (che al à di davuelzisi un pôc par volte par une dade di timp lungje)
    un piano a lungo termine = un plan a tiermin lunc
  • a tiermin luncCopie
    [CO] (che al à di durâ tant timp o che al scjât daspò di tant timp)
    contratti a lungo termine = contrats a tiermin lunc
    • abito lungo
  • vistît luncCopie
    [CO] (vistît di sere par femine)
    • andare in lungo
  • lâ pes lungjis, sprolungjâsi, tirâle pes lungjis, slungjâleCopie
    [CO] (tirâ indenant)
    andava in lungo coi lavori = le tirave pes lungjis cui lavôrs andava in lungo con le chiacchiere = le slungjave cu lis cjacaris la vicenda andava in lungo = la storie e leve pes lungjis
    • essere in lungo
  • vistî a lunc, jessi vistude a luncCopie
    [CO], [TS] (di femine, metisi un vistît lunc elegant)
    stasera sarò in lungo = usgnot o sarai vistude a lunc
    • fare il passo più lungo della gamba
  • fâ il pas plui lunc de gjambe, fâ il pêt plui grant de buse, fâ il gnoc plui grant de buseCopie
    [CO] (olsâ, infidâsi a fâ plui di ce che si pues)
    sono finiti tra i debiti per aver fatto il passo più lungo della gamba = si son inclaudâts tai debits par vê fat il pas plui lunc de gjambe
    • guanto lungo
  • guant lunc, manece lungjeCopie
    [CO] (manece doprade des feminis che e cuvierç ancje part dal braç)
    • i lungo
  • [CO] (cjale i lunga)
    • in lungo
  • in luncCopie
    (di ocasion mondane)
    una serata in lungo = une serade in lunc
  • in luncCopie
    [CO] (cul vistît lunc)
    • in lungo e in largo
  • par dret e par ledrôs, a man e a fûr, par sù e par jù, par dret e par sclavueç, a lunc e a larc, di lunc e di larc, di lunc e di traviers, par lunc e par traviers, par dret e par stuartCopie
    [CO] (in ogni direzion, pardut)
    abbiamo girato la città in lungo e in largo = o vin zirât la citât a lunc e a larc ho guardato in lungo e in largo = o ai cjalât par lunc e par traviers
  • par dret e par ledrôs, fûr par fûr, a lunc e a larc, di lunc e di larc, di lunc e di traviers, par lunc e par traviersCopie
    [CO] (cun aprofondiment)
    abbiamo analizzato il problema in lungo e in largo = o vin analizât il probleme di lunc e di traviers oppure par dret e par ledrôs
    • lampo lungo
  • lamp luncCopie
    [CO] (la linie dal alfabet Morse)
    • lungo come la fame
  • lunc tant che la misericordie, lunc tant che un pâl, lunc tant che il PassioCopie
    [CO] (di persone, alte alte e secje)
  • lunc tant che la misericordie, lunc tant che la fam, lunc tant che Cuaresime, lunc tant che il PassioCopie
    [CO] (lunc e che al stufe)
    non aspettarlo che è lungo come la fame = no stâ spietâlu che al è lunc tant che la misericordie
    • lungo disteso
  • distirât jùCopie
    [CO] (jù pognet)
    è rimasto lungo disteso = al è restât distirât jù
    • mandare in lungo
  • mandâ pes lungjis, tirâ pes lungjis, mandâ pes calendis greghisCopie
    [CO] (lassâ che al passi il timp prin di finî alc o di scomençâ a fâlu)
    mandava in lungo i suoi lavori = al tirave pes lungjis i siei lavôrs
    • menare in lungo
  • [CO] (cjale mandare in lungo)
    • muso lungo
  • muse lungje, musicon, muson, muse come l'as di cope, muse di as di copeCopie
    [CO] (espression avilide o rabiade)
    mi ha fatto il muso lungo = mi à fat une muse di as di cope
    • per il lungo
  • [CO] (cjale per lungo)
    • per il lungo e per il largo
  • [CO] (cjale in lungo e in largo)
    • per lungo
  • par luncCopie
    [CO] (de bande de lungjece)
    misurare per lungo = misurâ par lunc
    • per lungo tempo
  • a dilunc, par tant timpCopie
    [CO] (-)
    • più largo che lungo
  • plui larc che luncCopie
    [CO] (une vore gras)
    a me non piace, è più largo che lungo = a mi no mi plâs, al è plui larc che lunc
    • portare in lungo
  • [BU] (cjale portare per le lunghe)
    • tirare in lungo
  • puartâ pes lungjis, menâ in lunc, puartâ in lunc, mandâ pes calendis, menâ il cjar pal agâr, mandâ pes lungjis, tirâ pes lungjisCopie
    [CO] (intardâ un timp che si veve previodût)
    tirava in lungo i suoi lavori = al tirave pes lungjis i siei lavôrs

monolengâl

lunc adi.
Che al à une grande dimension o une cierte dimension in sens lineâr
esemplis
"un prât lunc e stret fra lis boschetis di une bande e il flum di chê altre"
gjavât fûr di "Il muc" di Roberto Ongaro
"[lis tencjis] lis cjapavin nome i fantats che a vevin la cjane gargane, e un fîl lunc il dopli de cjane"
gjavât fûr di "A pescje tal suei" di Lucio Perès
"a lerin a pît. Nol jere un toc di strade lunc"
gjavât fûr di "Te grande place" di Agnul di Spere
lunc s.m.
Estension lineâr, dimension che no je ni la altece ni la profonditât
esemplis
"[la isule] e faseve 30 Km di larc par 15 di lunc"
gjavât fûr di "Eivissa mon amour" di Fabian Ros
"dopo vêlu metût te smuarse [un toc di len] lu sgjavà par lunc cuntun scarpel"
gjavât fûr di "Prime di sere" di Carlo Sgorlon
lunc adi.
Che al rive a une cierte distance o ancje a masse distance rispiet al obietîf
esemplis
"si inserìs suntun lanç lunc [...] e le met tal sac"
gjavât fûr di "Fiorentina – Udinese 3-0" di Marc Stolf
lunc adi., s.m.
Che, cui che al à une buine altece
sinonims
alt, grant, bocon
esemplis
"adun cul poliziot al jere un tâl, in borghês, lunc e sec"
gjavât fûr di "Un piçul particolâr" di Fabian Ros
lunc adi.
Soredut di paste o rîs, masse cuet o che al à pierdût consistence parcè che al à polsât masse
sinonims
stracuet, stradilacuet
esemplis
"ma i rîs son masse luncs, la cjar è dure, / slichigne la friture, / il rost cjarbon"
gjavât fûr di "La sdavasse" di Pieri Çorut
"o ai scugnût gustâ une ore plui tart, par la cuâl i rîs e jerin deventâts luncs"
gjavât fûr di "El sardelon" di Arturo Feruglio
lunc adi.
In funz. di av., in posizion orizontâl
sinonims
distirât, pognet
esemplis
"Marc di Monai [muart inneât] al tornà a Çupicje distirât lunc suntune carete"
gjavât fûr di "Istât" di Agnul di Spere
lunc adi.
Che al à une cierte durade o al dure une vore, plui di ce che si previodeve o al è par solit
esemplis
"vivi une vite lungje e biele"
gjavât fûr di "Sul florî" di AAVV
"une predicje di gale, in chê sere. [...] Une predicje lungje, che e je un pôc la sume di chês che al à fatis vie pe setemane dal Otavari"
gjavât fûr di "Otavari a Madone" di Meni Ucel
lunc adi.
Di cdn., che al sta tant timp a fâ alc
esemplis
"si met in spiete dal om. Spiete, spiete. Ma ce lunc che al è chel cristian! Che al vebi cjatât cualchidun?"
gjavât fûr di "Gjiso e la Eline" di Meni Ucel
"[il confessôr] nol jere curiôs, nol jere lunc, al capive al svol e al jere clâr tes rispuestis"
gjavât fûr di "Pre Pitin" di Antoni Beline
lunc adi.
Di alc preparât cun masse aghe, o cun plui aghe di ce che al è par solit
esemplis
"une mignestrute, par lui, di brût lunc, une fete di strachin o di cjar, scotade te gridele, cence cuince, e un miluç cuet"
gjavât fûr di "Tal ospedâl" di Amedeo Giacomini
"al ordene un cafè lunc maglât"
gjavât fûr di "Messe grande" di Paolo Monte
lunc adi.
[TS] (sport) Di scuadre, che e ten i zuiadôrs o lis liniis di zuiadôrs lontans tra di lôr
esemplis
"la scuadre blancje e nere e je masse lungje e il so sburt al è masse debil"
gjavât fûr di "Udinese – Chievo 1-0" di Marc Stolf
lunc adi.
[TS] (fon.) Di vocâl o ben di silabe, che e dure di plui e che e je in oposizion fonologjiche cuntune vocâl o silabe curte
esemplis
"tai tescj dal cinccent e dal sîscent al è frecuent di doprâ secuencis di dôs vocâls par segnâ lis lungjis"
gjavât fûr di "La grafie furlane normalizade – Introduzion" di Xavier Lamuela
detulis
"a fâ il pas plui lunc de gjambe, si romp il cavalot"
"brût lunc nol plâs"
"conts dispès, amicizie lungje"
"cui che al à il nâs lunc lis nase a la lontane"
"cui che si distire plui che a son luncs i bleons, si discuvierç i pîts"
"divuardi che la cjavre e ves la code lungje"
"i brûts luncs a van pe taule"
"il maridâ al è curt, il stentâ al è lunc"
"il Signôr al à la mace lungje"
"il Signôr al à la man lungje"
"il Signôr al à la scorie lungje e al rive pardut"
"la justizie e à lis mans lungjis"
"la lenghe de femine a je lungje tant che la Tresemane"
"la robe plui lungje e je la sperance"
"lis robis lungjis a deventin madracs"
"lunc di mangjâ, pegri di lavorâ"
"lunc o curt, un baston al è simpri un baston"
"malatie lungje, muart sigure"
"par vivi a lunc covente doprâ scarpis vieris"
"plui piçul al è il cûr des feminis, plui lungje la lenghe"
"vît curte, vendeme lungje"
"vuarditi dal om che al cjale bas e de femine che e à lunc il pas"
torne sù
torne sù