Tu âs cirût la peraule
bilengâl monolengâl
Tu âs cirût la peraule
lusso
torne indaûr

bilengâl

lusso s.m.
  • 1a

    s.m. lus Copie

    [CO] (ostentazion di ricjece)
    che lusso in questa casa! = ce lus in cheste cjase!
    il lusso di questo appartamento è eccessivo = il lus di chest apartament al è masse
  • 1b

    s.m. bondance, lus Copie

    [CO] (ricjece)
    vivere nel lusso = vivi tal lus oppure te bondance

    s.m. lus, galantarie, comoditât Copie

    (tal pl., cuantitât di servizis e aparâts a disposizion)
    una residenza con tutti i lussi = une residence cun dutis lis comoditâts oppure cui i lus che a stan

    s.m. lus, gale Copie

    ha un vestito di lusso stasera = e à un vistît di gale usgnot
  • 1c

    s.m. bondance Copie

    [CO] (grande cuantitât, ecès)
    uno scritto che presenta un lusso di citazioni storiche = un scrit che al presente une bondance di citazions storichis
  • 2

    s.m. lus, soreplui, di plui Copie

    [FO] (un ben in plui rispiet al nivel di vite normâl, aes pussibilitâts economichis)
    mi permetto il lusso di un viaggio = mi permet il lus di un viaç
    per me questo è un lusso = par me chest al è un di plui oppure un soreplui

    s.m. lus Copie

    mi sono permesso il lusso di dormire fino a tardi oggi = mi soi permetût il lus di durmî fin tart vuê

    s.m. straçarie Copie

    (cun adi. cun acezion neg.)
    questi sono lussi vergognosi = chestis a son straçariis di vergognâsi

locuzions

    andare di lusso
  • lâ di viole, lâ di vite, lâ di pape, lâ di lus, lâ une maneCopie
    [CO] (lâ ben, massime in relazion a di une situazion specifiche)
    per come era cominciata, gli è proprio andata di lusso = di cemût che e jere tacade, i è propit lade di lus
    • cane di lusso
  • cjan di lusCopie
    [CO] burocr. (intal lengaç burocratic, cjan di compagnie)
    • di lusso
  • di gale, di lûsCopie
    [CO] (che al à une vore di valôr)
    un orologio di lusso = un orloi di lus

monolengâl

lûs s.f.
Ent fisic, che al ven di une font naturâl o artificiâl, che al fâs che si puedin viodi lis robis cun clarece
sinonims
lusôr
esemplis
"il solfar mandât fûr in atmosfere [...] al judave il vapôr di aghe a condensâ, formant nûi [...] cuntune plui grande capacitât di rifleti indaûr la lûs dal Soreli "
gjavât fûr di "Clime e incuinament: prime l'ûf o la gjaline?" di Fulvio Stel, Dario Giaiotti
"la lûs frede dal lampion de strade e bateve dentri pe puarte fin sul ultin scjalin"
gjavât fûr di "Nadâl ancje par Gjelmin" di Pieri Menis
"o sintivi il gno gjal a saludâ la prime lûs dal dì"
gjavât fûr di "Lis predicjis dal muini" di Josef Marchet
lûs s.f.
Puest o posizion li che a batin i rais dal soreli o di une altre font luminose
sinonims
lusôr, clâr
esemplis
"Dorine e cor sù e, cjolte in braç la piçule, si met denant dal barcon, te lûs, a dâi di tete"
gjavât fûr di "Chei di Muraie" di Pieri Menis
lûs s.f.
Ogjet che al mande rais luminôs
sinonims
lusôr
esemplis
"il cîl al jere dibot scûr, lis lûs de citât alte a tacavin a impiâsi"
gjavât fûr di "Usgnot partide di balon" di Agnul di Spere
lûs s.f.
Corint eletriche
esemplis
"spesis di lûs, riscjaldament, telefon"
gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo, Linda Picco
lûs s.f.
Pont di viste (fig.)
esemplis
"par furtune che il Mestri Valcic mi à fat cjalâ il fat sot di une altre lûs"
gjavât fûr di "La cjacarade dal Mestri" di Christian Romanin
lûs s.f.
Impression che e fâs someâ lis robis intune cierte maniere (fig.)
sinonims
lusôr, ombre
esemplis
"o vevi let su la sô muse la ombre di une femine che e vîf come bandonade. [...] Chest pinsîr me presentave sot di une lûs plui umane"
gjavât fûr di "I forescj" di Alan Brusini, Gian Paolo Linda
"la storie le contin difarente e e cjape dute une altre lûs"
gjavât fûr di "Storie o storiis?" di Laurin Zuan Nardin
lûs s.f.
Aspiet, spec. de muse, de maniere di cjalâ e de ciere (fig.)
esemplis
"chês frutis a vevin tai voi e su la muse la lûs di lôr mari, une lûs vive e dolce"
gjavât fûr di "Come tai romançs" di Alan Brusini
"e veve la muse dure e une lûs di tristerie intes balis dai voi"
gjavât fûr di "Trê feminis" di Gianni Gregoricchio
lûs s.f.
Entitât o emanazion positive, robe caraterizade di bielece, bontât e v.i. (fig.)
esemplis
"a i sabol tal cour siminci vecji che a dislontanein la lûs di Diu e a distuein il soleif"
gjavât fûr di "Cença sunsûr" di Novella Cantarutti
"al pensà che ce che nol jere rivât a fâ in chel martars al varès podût fâlu la joibe dopo. E al torne la joibe dopo, cun chê lûs di sperance tal cûr"
gjavât fûr di "Rosaris" di Meni Ucel
"Crist di fat al mûr e al resurìs, al puarte vite, lûs di cognossince e salvece"
gjavât fûr di "Nadâl" di Sandri Carrozzo
lûs s.f.
Viertidure di une puarte o di un barcon
esemplis
"si sint un movi di cjadreis e une femine e compâr te lûs de puarte"
gjavât fûr di "I forescj" di Alan Brusini, Gian Paolo Linda
lûs s.f.
[TS] (tecn.) Sezion di un condot par licuits
detulis
"il vuarp al brame la lûs, l'uciel la libertât"
"la lûs no art cence vueli"
"ogni vuarp al brame la sô lûs"
torne sù
torne sù