Hai cercato la parola
bilingue monolingue
Hai cercato la parola
maiale
Torna indietro

bilingue

maiale
  • 1a

    s.m. purcit Copia

    [AU] (mamifar dumiesti)
    carne di maiale = cjar di purcit
    un maiale da 230 kg = un purcit di 230 kg

    s.m. purcit Copia

    (in espressions di paragon, pal solit par difiets tant che sporcjisie, ingordisie e v.i.)
    è grasso come un maiale = al è gras tant che un purcit
    mangiare come un maiale = mangjâ tant che un purcit
  • 1b

    s.m. purcit Copia

    [TS] (mamifar dumiesti de famee dai Suidis)
  • 2

    s.m. purcit Copia

    [CO] (dome sing., cjar di chel animâl)
    costolette di maiale alla brace = cuestis di purcit su la bore
  • 3

    s.m. purcit Copia

    [CO] (persone grasse e mangjone)
    a tavola è un maiale = a taule al è un purcit
  • 4

    s.m. purcit Copia

    [CO] (persone sporcje e grese)
    non si lava mai, è un maiale = no si lave mai, al è un purcit
  • 5

    s.m. purcit Copia

    [CO] (persone che si puarte malementri pe morâl)
    non ti sembra il caso di finirla di fare il maiale? = no ti parial il câs di finîle di fâ il purcit?
  • 6

    s.m. purcit Copia

    [TS] (arme di assalt che e somee un silûr, cun ecuipaç di oms e strumentazion subacuie, doprade de Marine Taliane te seconde vuere mondiâl par colpî lis nâfs dal nemì tai puarts)

monolingue

purcit s.m.
(pur-cit)
Mamifar dumiesti derivât dal cenglâr, lat. sient. Sus scrofa domesticus, arlevât soredut pe cjar
sinonimi
purciel, temporâl, chit, cjacjà
esempi
"tai cjôts i purcits di grasse a metevin dongje dì par dì, pe fieste di cuant che si purcite"
da "La aghe da pît la cleve" di Dino Virgili
"e nudrive une cuantitât di besteam, e a carnevâl i siei purcits e jerin i plui biei dal roiâl, e ju vendeve simpri cul floc a la orele"
da "La mulinarie" di Catarine Percude
purcit s.m.
(pur-cit)
Dome sing., cjar di chel animâl
esempi
"lis fuiacis, i ûfs colorâts, il magri di purcit, il salam, il pistum, la cjar e il vin dal past di Pasche"
da "La aghe da pît la cleve" di Dino Virgili
purcit s.m.
(pur-cit)
Persone grasse e mangjone (fig.)
esempi
"aial ancjemò fam chel purcit?"
purcit s.m.
(pur-cit)
Persone sporcje (fig.)
sinonimi
cragnôs, ludro, soçat, sporcacjon
esempi
"laviti, purcit che tu sês"
purcit s.m.
(pur-cit)
Persone che no rispiete ciertis convenzions morâls, spec. te sessualitât (fig.)
sinonimi
cragnôs, ludro, soçat, sporcacjon
esempi
"«Fantat, fermiti». Ma Tilio [che al veve lassade incinte la sûr di chel che lu clamave] al passà dret, cul cjâf bas, cence rispuindi. «Fermiti, purcit!», e al fasè un pas par brincâlu"
da "Il fi de Rosse" di Pieri Menis
"«…o soi stât cu la Nute…». [...] «Sporcacjon, purcitat, carognate! E tu olsis a dîmal. Sâstu o no sâstu che ae tô etât jo nancje no mi impensavi di chês porcariis?» "
da "Confessions" di Meni Ucel
"[al predi e ae femine cjatâts insiemi tal jet] ma vuaitis di sigûr / i sês da raza e da famea dai purcits"
da "Adelina" di Giorgio Ferigo
purcit adi.
(pur-cit)
Cun significât negatîf gjeneric, par dâ enfasi in imprecazions, o in ofesis gjenerichis
sinonimi
cragnôs, putan, maledet, boie, porc, porco
esempi
""Sì, o ai capît, Saco, sango purcit, o ai capît!""
da "Donald dal Tiliment" di Stiefin Morat
"par dîti il vêr tu mi dâs poc impaç / e un purcit come te no stimi tant / e di un simil rivâl mi cjol solaç"
da "II, 35" di Ermes di Colorêt
proverbi
"a vuelin dôs robis par fâ stâ ben une cjase: predi e purcit"
"cuant che il purcit al è gras, e je ore di copâlu"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"doi neris a fasin stâ ben la famee: predi e purcit"
"dôs robis a son buinis daspò muartis: avâr e purcit"
"i purcits si ju stime a pês"
"il miôr piruç i cole in bocje al purcit"
"il purcit co al à bevût il lavum al strucje il podin"
"il tegnôs al è come il purcit che al è bon dome daspò muart"
"la barbe il ben di un dì, la femine il ben di un mês, il purcit il ben di un an"
"lis trê contentecis dal om: lâ coscrit, copâ il purcit, murî la femine"
"no covente cjalâ il laip, covente cjalâ il purcit"
"no si traii il pan di forment al purcit"
"nol vâl vendi il cjôt par comprâ il purcit"
"par fâ il predi al covente: orele di marcjadant, bocje di purcit e schene di mus"
"prin di lâ a cjoli il purcit, si à di fâ il cjôt"
"purcit di mulinâr, cjan di becjâr, fantate di ostarie no convegnin ogni massarie"
"purcit e marcjadant si pesiju daspò muarts"
"Sant Andree, il purcit su la bree"
"si daur il sorc ai purcits magris"
Torna in Cima
Torna in Cima