Tu âs cirût la peraule
bilengâl monolengâl cognons
Tu âs cirût la peraule
mais
torne indaûr

bilengâl

mais s.m.inv.
  • 1

    s.m.inv. blave Copie

    [CO] (cereâl che al prodûs grans in panolis, doprâts par mangjâ o par fâ vueli)
    un campo di mais = un cjamp di blave

    s.m.inv. blave Copie

    [TS] bot.com. (non comun de plante Zea mays, origjinarie dal Messic)
  • 2

    s.m.inv. blave Copie

    [CO] (semence di chê plante)

    s.m.inv. blave Copie

    (spec. cun valôr coletîf, cuantitât di grignei di chê plante)
    un sacco di mais = un sac di blave

locuzions

    olio di mais
  • vueli di blaveCopie
    [CO], [TS] alim. (vueli di grans di blave)
  • vueli di blaveCopie
    [TS] industr. (cualitât scarte dal stes vueli, doprade par fâ vernîs e savons)

monolengâl

blave s.f.
(bla-ve)
Cereâl di divignince americane, lat. sient. Zea mays, une vore difondût in Friûl, che al prodûs grans in panolis, doprâts par mangjâ, massime par fâ la polente, o par fâ vueli
sinonims
sorc, sorturc, cincuantin, bragantin, sorghete
esemplis
"la produzion di blave in Friûl e je favoride dal timp cun cetante ploie "
gjavât fûr di "Studi da la evoluzion dal paisaç mediant i toponims" di Rino Gubiani
"la blave e jere biele alte, parêts verdis parmìs des stradis"
gjavât fûr di "Vivi a Codroip" di Agnul di Spere
"tra coltâ, arâ, semenâ, srarî, solçâ, ledrâ, taiâ i cimots, cjapâ sù, disfueâ, lignâ, streçolâ, taiâ il soreâl, staipâ, specolâ… si po dî che dut l'an a lavoravin tor blave"
gjavât fûr di "I furlans e la blave" di Riedo Pup
"lontan de sô famee al jere come une plante di blave gjavade de tiere"
gjavât fûr di "Sense" di Checo Tam
"pan e vin e bigatele / che la blave e vegni biele, / di lontan e di vicin / e pan e vin"
gjavât fûr di "La foghere" di Luciano Rocco
blave s.f.
(bla-ve)
[BF] Grans di dâ di mangjâ ai nemâi
sinonims
foraç, gran, mangjadure, blave di cjaval
blave s.f.
(bla-ve)
Tal pl., i cjamps di blave
esemplis
"al lave istès a passâ la ore ator pes blavis, cul cjan e cu la sclope"
gjavât fûr di "I furlans e la cjace" di Riedo Pup
blave s.f.
(bla-ve)
Persone o int une vore furbe e une vore pôc di infidâsi (coloc.)
sinonims
bolpat, dret, dreton, gjat, buine blave, buine lane, bon gjat, lane, plume, fiube
esemplis
"se tu âs dafâ cun chel li, viôt di stâ atent di no cjapâle tal comedon, al è une blave di chês"
"in chel paîs e je une blave..."
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"a Sant Pieri la blave e plate il puieri"
"a Sant Ramacul la blave a va in penacul"
"cuant che la ciale e cjante di Setembar, cui che al compre blave al sta mâl a tornâle a vendi"
"dute chê blave che si semene tart e ven cincuantìn"
"la blave a sta tai nûi"
"ni messe ni blave no slungjin la strade"
"par che e vegni biele ue e biele blave a vuelin cjantadis lis implorazions de ciale"
"par vê biele la blave bisugne arâ di bessôi"
"Sant Pieri, la blave e plate il puieri"
"sul cjast cence blave no stan surîs"
torne sù

cognons

Maisano
Di Magisano, centri abitât in provincie di Catanzaro. Cognon che si cjate soredut in provincie di Messina; presint a Udin.
torne sù