Tu âs cirût la peraule
bilengâl monolengâl
Tu âs cirût la peraule
maligno
torne indaûr

bilengâl

maligno adi., s.m.
  • 1

    s.m. trist, malin Copie

    [AU] (che, cui che al à la tindince a dî o pensâ mâl di chei altris, a viodi il mâl là che nol è, a volê il mâl di chei altris)
    gente maligna = int triste
    stare attento ai maligni = stâ atent dai triscj
  • 2

    adi. trist, malin Copie

    [AU] (che al pant o che al nas di asse, riviel, tristerie, e v.i.)
    un'espressione maligna = une espression triste
    voci maligne = vôs malinis
  • 3

    adi. trist, mâl Copie

    [CO] (che al fâs mâl, spec. pe salût)
    erba maligna = jerbe triste oppure male jerbe

    adi. trist, malin Copie

    (grivi di curâ)
    febbre maligna = fiere maline
  • 4

    adi. trist, malin Copie

    [TS] med. (di malatie o lesion, che e je grave e e va simpri plui in piês)

    adi. trist, malin Copie

    (di malatie, diferente di altris compagnis pe gravitât de situazion)
  • 5

    s.m. demoni, trist, malin Copie

    [CO] (dome sing., par anton., ancje cu la iniz. maiusc., il diaul)
    Signore liberaci dal Maligno = Signôr diliberinus dal Trist

locuzions

    spirito maligno
  • spirt malin, trist, demoniCopie
    [CO] (par anton., il diaul)
  • spirt malinCopie
    (tal pl., creature infernâl o fantasime triste)
    • tumore maligno
  • tumôr trist, cancarCopie
    [CO], [TS] med. (tumôr invasîf che al fâs metastasis e che al pues tornâ ancje dopo gjavât)
    la terapia contro i tumori maligni = la terapie cuintri i tumôrs triscj

monolengâl

trist adi., s.m.
Che, cui che al fâs il mâl di pueste
sinonims
cjatîf
esemplis
"gno pari [...] i ribaltave la caroce al prepotent e lu jemplave di botis, ma vuadulis a sanc che i vues di chel beolc sot i colps a sunavin tant che se il pai al ves pestât suntun tambûr. [...] Mê mari i diseve: «Menut, la vuere ti à fat deventâ trist»"
gjavât fûr di "Come tai romançs" di Alan Brusini
"nol jere trist om, ma si sa che il mont dal lavôr al è fat di sotans e di sorestants e il sorestant al vûl che si capissi ben che al è lui che al comande"
gjavât fûr di "Il muc" di Roberto Ongaro
trist adi.
Di animâl, agressîf o pericolôs
sinonims
cjatîf
esemplis
"dentri il fîl di fier spinât a stan i aerofonos e cjans plui triscj dai lôr parons"
gjavât fûr di "Amîs come prime" di Alan Brusini
trist adi., s.m.
Di frut, che nol ubidìs, che no si compuarte ben
esemplis
"chê dal cjarbon pai triscj, o de cinise o dal baston al jere un mût di dî; nol sucedeve mai. Nissune Sante Luzie - di puare mendiche che e fos stade - e veve cûr di cjastiâ i fruts in chê maniere"
gjavât fûr di "I furlans e Sante Luzie" di Riedo Pup
trist adi.
Negatîf, che al è indreçât al mâl
sinonims
brut, mâl, cjatîf
esemplis
"forestarie capitade dongje a dâ il trist esempli"
gjavât fûr di "Lis predicjis dal muini" di Josef Marchet
"viôt che pal mont a son tantis brutis robis e tristis ocasions"
gjavât fûr di "Il «trono» dal von" di Pieri Menis
trist adi.
Cun carateristichis negativis, cun pocje capacitât, cualitât
sinonims
cjatîf, scart
esemplis
"cheste è une mеrcanzie, ma cussì triste, / che intache il cjavedâl sence vuadagn"
gjavât fûr di "I, 260" di Ermes di Colorêt
trist adi.
Che nol plâs di savôr, odôr e v.i.
sinonims
brut, cjatîf, ledrôs, mâl
esemplis
"mi àn vierte une butilie di vin: al jere tant trist, ma tant trist che lu ai parât jù sudant frêt"
gjavât fûr di "Pre Pitin" di Antoni Beline
"propri il mio nâs / a nol po soportâ / chel trist odôr, / ne la bocje il savôr"
gjavât fûr di "Il pipâ" di Pieri Çorut
trist adi.
Che al è contrari, svantazôs, che al fâs dam o che che al fâs vuadagnâ pôc, che nol à carateristichis positivis e v.i.
sinonims
cjatîf, ledrôs, brut
esemplis
"une fonde e une base dulà che al podarà grampâsi intai moments triscj de vite"
gjavât fûr di "I furlans a àn di preâ te lôr lenghe par cuistions di religjon e di dignitât" di Francesc Placerean
"agns misurâts a stagjons, buinis o tristis"
gjavât fûr di "Dome la cjampanute di Sant Bortul" di Maria Forte
trist adi.
[TS] (med.) Di malatie o lesion, che e je grave e e va simpri plui in piês
esemplis
"il tumôr trist al fâs metastasi"
trist s.m.
Dome tal sing., la part negative di alc
sinonims
mâl, brut
esemplis
"o vin viodût di bessôi il dret e il ledrôs, il just e il sbaliât, il bon e il trist, tant dal talian che dai forescj"
gjavât fûr di "Cumò che o savìn..." di Josef Marchet
trist s.m.
Dome sing., ancje cu la iniz. maiusc., il diaul, la personificazion dal mâl (par anton.)
sinonims
diaul, mâl
esemplis
"i cristians, par onorâ il Signôr, a àn tirade sù la plêf di sant Florean, une des plui bielis e cjaris de Cjargne; come a dî che il trist, prin o dopo al va sot"
gjavât fûr di "La liende di Dimponç" di Josef Cjargnel
detulis
"al è devot al bon e ancje al trist ladron"
"al è un trist uciel chel che nol puarte cun se la plume"
"bogns i parincj, bogns i amîs, ma cuant che no 'nd è nuie a son ducj triscj"
"bon pe bocje, trist pe borse"
"cuant che a son di maridâ nissun fantat al è puar, nissune fantate triste"
"cuant che il bon al mancje, il trist si met a vivi"
"cuant che il bon al mûr, il trist si mende"
"cuant che il bon al mûr, il trist si met a fâ judizi"
"cui bogns si fâs ce che si vûl, cui triscj miôr che si po"
"cui triscj al è brut vê ce fâ"
"cui triscj bisugne fâ miôr che si po, cui bogns si fâs cemût che si vûl"
"cul bon fâs ce che tu vûs, cul trist ce che tu pûs"
"cul perdonâ ai triscj si puarte dam ai bogns"
"daspò dal trist al ven il bon"
"daspò dal trist timp al ven il soreli"
"de triste volontât liberaitnus domine"
"di triste volontât libera nos domine"
"e je triste la cjoche dal pan"
"e je triste la cjoche dal vin, e je piês chê dal zigar, ma la piês e je chê dal pan"
"e je triste la lane che no si po filâ"
"fin che al è viert il granâr di crist, cui che no si inzegne al è trist"
"fin che al è viert il solâr di Crist, cui che no si inzegne al è trist"
"grant mancjadôr, trist bevidôr"
"i rîs a son la mignestre plui buine e la plui triste"
"il bon al crôt ducj bogns, il trist al crôt ducj compagns di lui"
"il bon i crôt a ducj, il trist al fâs ducj come lui"
"il mâl al è un trist compagn"
"il Signôr nus vuardi des tristis lenghis"
"il timôr al è dai triscj"
"il trist al scjampe ancje se nissun no i cor daûr"
"il trist al sparagne il bon"
"il trist che si fenç bon al è un grant baron"
"la aghe e je un trist confuart"
"la buine femine a fâs la cjase, la triste le disfâs"
"la fam e je un trist conseîr"
"la leç e je fate colpe dai triscj"
"la lenghe e je il plui bon bocon e il plui trist"
"la piore fûr dal trop e je simpri triste"
"la ruede plui triste e je chê che plui si fâs sintî"
"lis disgraciis a son un trist companadi"
"lis disgraciis a son une triste scuele"
"lis tristis gnovis a son simpri veris"
"lis tristis gnovis a van simpri indenant"
"lis tristis pioris a son simpri fûr di trop"
"miôr pôc che tant e trist"
"miôr sôi che no in triste compagnie"
"miôr un trist marît che no un bon fradi"
"se tu amis a son ducj bogns, se tu odeis a son ducj triscj"
"Tarcint, biel il paîs, triste la int"
"trê robis a fasin scjampâ la int di cjase: il fum, la triste muîr e la cjase discuvierte"
"trist al è chel mistîr che nol manten il mestri"
"un trist paiadôr, un bon scuedidôr"
torne sù
torne sù