Tu âs cirût la peraule
bilengâl monolengâl
Tu âs cirût la peraule
mancare
torne indaûr

bilengâl

mancare v.intr., v.tr.
  • 1a

    v.tr. mancjâ, falâ Copie

    [FO] (no rivâ a colpî)
    ha mancato il bersaglio = al à mancjât oppure falât il bersai

    v.tr. mancjâ, falâ Copie

    (no rivâ a un obietîf di impegn)
    ha mancato il bersaglio di laurearsi in tre anni = al à falât il bersai di laureâsi in trê agns

    v.intr. mancjâ, falâ Copie

    [FO] (no jessi vonde)
    ci manca il tempo = nus mancje il timp
  • 1b

    v.intr. mancjâ Copie

    [FO] (intes loc.pragm.)
    ci mancava anche questa! = nus mancjave ancje cheste!

    v.tr. mancjâ, falâ Copie

    [CO] (tal balon, no realizâ une azion)
    ha mancato un gol = al à falât un gol

    v.tr. mancjâ, falâ Copie

    (no cjapâ)
    ha mancato il pallone = al à mancjât il balon

    v.intr. mancjâ Copie

    (tant che rispueste afermative di cortesie)
    "Ti disturba venire a prendermi?" "Ci mancherebbe altro!" = "Ti displasaressial di vignî a cjolimi?" "Al mancjarès altri!"
  • 1c

    v.intr. mancjâ Copie

    [FO] (jessi distant intal spazi o intal timp)
    manca un'ora alla partenza = e mancje une ore ae partence
    mancano tre chilometri = a mancjin trê chilometris
  • 1d

    v.intr. mancjâ Copie

    [FO] (jessi necessari par completâ un alc, par jonzi un fin)
    manca un ultimo sforzo = al mancje un ultin sfuarç
    manca una firma al documento = e mancje une firme al document
  • 2

    v.tr. mancjâ, pierdi Copie

    (no aprofitâ)
    mancare un'occasione = mancjâ une ocasion

    v.tr. mancjâ, falâ Copie

    [CO] (lassâsi passâ vie alc)
    ha mancato il momento opportuno = al à falât il moment just
  • 2a

    v.intr. mancjâ Copie

    [FO] (calâ de cundizion fisiche)
    mi sono mancate le forze = mi son mancjadis lis fuarcis
  • 2b

    v.intr. mancjâ, lâ vie Copie

    [FO] (di aghe o energjie, no jessi plui distribuidis)
    la luce è mancata per un'ora = la lûs e je mancjade oppure e je lade vie par une ore
  • 2c

    v.intr. mancjâ Copie

    [FO] (di alc, lâ vie di bot)
    mi è mancato l'appoggio e sono caduto = mi è mancjade la poie e o soi colât
  • 2d

    v.intr. pierdi i sintiments, vignî imbast, colâ in svaniment Copie

    [FO] (colâ in svaniment)
    all'improvviso è mancato = a colp al à pierdût i sintiments oppure i è vignût imbast oppure al è colât in svaniment
  • 2e

    v.intr. mancjâ Copie

    [TS] mar. (dal vint, jessi pôc o no jessi)
  • 3

    v.tr. mancjâ, falâ Copie

    [FO] (intes frasis neg.)
    non mancherò di dirglielo = no mancjarai oppure no falarai di dîjal

    v.tr. mancjâ Copie

    (tant che rispueste)
    "Ringrazialo per il regalo" "Non mancherò" = "Disii graciis pal regâl" "No mancjarai" oppure "Nuie pôre" oppure "Dal sigûr"
  • 3a

    v.intr. mancjâ Copie

    [FO] (di cdn., no jessi presint)
    non manca mai alle riunioni = nol mancje mai aes cunvignis
  • 3b

    v.intr. mancjâ Copie

    [FO] (dâ nostalgjie o displasê pe assence)
    ti sono mancata? = ti soio mancjade?
  • 4

    v.intr. lâ, mancjâ Copie

    [FO] (murî)
    è mancato due mesi fa = al è mancjât doi mês indaûr
  • 5

    v.intr. mancjâ, no jessi Copie

    [FO] (no rispuindi ce che si spietisi)
    tu manchi sempre quando si ha bisogno di te = tu mancjis simpri oppure no tu sês mai cuant che si à bisugne di te
  • 6a

    v.intr. mancjâ Copie

    [FO] (jessi cence une cualitât inteletuâl, spirituâl)
    manca spesso di rispetto verso gli altri = al mancje dispès di rispiet par chei altris
  • 6b

    v.intr. falâ Copie

    [FO] (dineâ une impromission, un impegn)
    ha mancato alla parola data = al à falât la peraule dade
  • 6c

    v.intr. falâ Copie

    (par une colpe)
    la penitenza per aver gravemente mancato = la pinitince par vê tant falât

    v.intr. mancjâ, falâ, fâ fal Copie

    [FO] (cometi une omission, un fal)
    in che cosa ho mancato = in ce aio fat fal oppure falât?

locuzions

    mancare all'appello
  • mancjâCopie
    [CO] (di cdn., no sei ancjemò presint)
    in quanti mancano all'appello? = trops mancjino?
  • mancjâCopie
    (jessi muart)
  • mancjâ dal cont, mancjâCopie
    [CO] (di alc, no jessi plui)
    mancano all'appello cinque dischetti = a mancjin dal cont cinc discuts
    • mancare di parola
  • mancjâ di perauleCopie
    [CO] (no mantignî une promesse)
    • mancare di riguardo
  • [CO] (cjale mancare di rispetto)
    • mancare di rispetto
  • mancjâ di rispiet, mancjâ di rivuart, falâ il rispietCopie
    [CO] (no rispietâ)
  • cjapâ a man, cjoli a man, cjoli par man, cjapâ par manCopie
    (cjapâ masse confidence)
    non farti mancare di rispetto dai ragazzi = no stâ fâti cjoli a man de mularie
    • mancare il fiato
  • mancjâ il flât, vê il flât çoncjât, scludisi di flât, scolâsi di flât, ingusîsi il flâtCopie
    [CO] (fermâsi dal flât, par emozion, fature o ansime)
    sentirsi mancare il fiato per lo spavento = sintîsi mancjâ il flât pal spac
    • mancare la terra sotto i piedi
  • mancjâ la tiere sot dai pîtsCopie
    [CO] (cjatâsi dut tun moment in dificoltât)
    è come se mi fosse mancata la terra sotto i piedi = al è tant che se mi ves mancjade la tiere sot dai pîts
    • mancare poco
  • [CO] (cjale mancarci poco)
    • mancare una rotella
  • vê un gran di mat, vê une rascje di matetât, vê une rascje, vê une vene di mat, mancjâ un scanselCopie
    [CO] (jessi un tic mat)
    che, ti manca una rotella? = ce âstu, ti mancjial un scansel? in quella famiglia manca a tutti una rotella = in chê famee a àn ducj une rascje di matetât
    • sentirsi mancare
  • pierdi i sintiments, vignî imbast, clopâ, colâCopie
    [CO] (lâ in svaniment)
    mi sento mancare = o coli si è sentito mancare per il gran caldo = i è vignût imbast pal grant cjalt si sente mancare spesso = al clope dispès
    • venire a mancare
  • mancjâCopie
    [CO] (murî, spec. dal improvîs)
    il paziente è venuto a mancare questa mattina = il pazient al è mancjât vuê a buinore

monolengâl

lâ v.intr.
Movisi di un puest a di un altri
esemplis
"par lâ a Udin a vevin di passâ pal stret di Remanzâs"
gjavât fûr di "Cinc centesims al orcul" di Popolâr
"lait a cjase che culì no vês nuie ce fâ"
gjavât fûr di "Un muart su la strade" di Pieri Menis
"e jere une grant turbe di int che, de place, a pît e a cjaval, a levin in Are"
gjavât fûr di "Amîs come prime" di Alan Brusini
Viôt ancje: zî, alâ
lâ v.intr.
Fâ un moviment cuntune part dal cuarp o cuntun imprest par rivâ a tocjâ alc o sim.
esemplis
"lâ cu la man inte sachete par viodi ce che al jere dentri"
gjavât fûr di "Faliscjis" di Cristina Noacco
lâ v.intr.
Cun dopo un complement di fin, movisi par cirî o otignî alc
esemplis
"mieç paîs al lave a foncs, a cais, e, di Vierte, a grisulon e oregluce"
gjavât fûr di "Il sium di Lissandri" di Franca Mainardis
"al distrigave jespui a pene gustât, che dopo al veve di lâ a ûfs di furmie, pai uciei"
gjavât fûr di "I furlans e i predis" di Riedo Pup
lâ v.intr.
Riferît al timp o a une dade di timp, procedi, fin a rivâ a une conclusion e a deventâ passât
sinonims
passâ
esemplis
"e ancje chest an al è lât"
"tu viodarâs che nol larà tant timp che si visaran che tu vevis reson"
lâ v.intr.
Rivâ in proprietât o in possès
esemplis
"se mê mari e ves vût plui pazience e varès ereditât jê, dopo, la lôr robe e no sarès lade a int stranie, che e puartà dentri un altri non"
gjavât fûr di "I arcs" di Maria Forte
lâ v.intr.
Di mecanisims, aparâts e v.i. funzionâ
sinonims
cjaminâ, la indenant
esemplis
"adès [il mecanisim par tirâ sù la aghe dal poç] al va a eletric"
gjavât fûr di "Aga par vivi" di Angelo Tesan
"chest sacraboltât di motorin nol va plui"
gjavât fûr di "Vocabolario italiano-friulano" di Gotart Mitri
lâ v.intr.
Sucedi, vê un ciert davuelziment (fig.)
esemplis
"fevele ben, conte la storie come che e je lade"
gjavât fûr di "L'avocat e la luianie" di Pieri Somede dai Marcs
lâ v.intr.
Sei di mode
sinonims
jessi di mode, lâ di voghe, lâ di mode, usâ
esemplis
"chest an a van i colôrs clârs"
lâ v.intr.
Jessi de misure juste (fam.)
sinonims
jentrâ, stâ
esemplis
"o ai cjapât chilos e i bregons no mi van plui"
lâ v.intr.
Tacâ une cariere, une ativitât, un servizi e sim.
esemplis
"al veve decidût di lâ soldât volontari"
gjavât fûr di "Faliscjis" di Cristina Noacco
"tu podevis lâ predi, se no ti smeche di cori [lavorant su la fornâs]"
gjavât fûr di "La scuele dai fornasîrs" di Pieri Menis
lâ v.intr.
Finî par cjatâsi intune cierte cundizion
esemplis
"alc di impuartant e di fondamentâl al jere lât pierdût"
gjavât fûr di "Ombris tal infinît" di Carlo Sgorlon
lâ v.intr.
Finî par fâ une cierte azion o a produsi un ciert efiet, esprimûts cun "a" e un infinît
esemplis
"[lis grandecis di "flus"] che si ingrumin a van a formâ grandecis di “stât” o di fonts, che a puedin jessi misuradis intun particolâr pont de scjale dal timp"
gjavât fûr di "Dal Prodot Interni Lort aes misuris dal benstâ" di Marzi Strassolt
"a vignaran cjapadis sù testemoneancis che a laran a componi un documentari"
gjavât fûr di "La Caravane e rive in Friûl" di Erika Adami
lâ v.intr.
Viodisi cun cdn., spec. par vê une prestazion, un servizi, un prodot, un consei, un sclariment e v.i.
esemplis
"chel dolorut i ruvinave la digjestion e no jere une fantasie. Miôr lâ dal miedi"
gjavât fûr di "Amîs come prime" di Alan Brusini
"[par ricognossi i fîs za vûts] baste che ducj i doi, tal at dal matrimoni, o declarais che a son vuestris e cussì no vês bisugne nancje di lâ là dal nodâr"
gjavât fûr di "La ultime firme de mê podestarie" di Pieri Somede dai Marcs
lâ v.intr.
Frecuentâ cierte int
sinonims
lâ ator
esemplis
"e je vignude mê mari a compagnâmi fin a Dartigne, e a racomandâmi a chei dal paîs che e stessin atents di me, che no les cun tristis compagniis"
gjavât fûr di "Il gno prin pâr di scarpis" di Pieri Menis
lâ v.intr.
Tacâ a vivi intun ciert puest o cun cdn.
sinonims
lâ a stâ
esemplis
"e à scugnût, par stâ a sotet, lâ cuntune sô cusine, plene di fruts, che le à cjolte in cjase tant vulintîr"
gjavât fûr di "A jerin lagrimis" di Pieri Somede dai Marcs
lâ v.intr.
Vê une relazion sessuâl
sinonims
lâ tal jet
esemplis
"i plasês dal amôr sai procure lant cun feminis di pôc presit"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"gno nono al dîs che cumò al è masse un cjapâsi e molâsi, che lis zovinis a van cun ducj e che lis storiis di amôr a valin come une cjiche che dopo un pôc si stude"
gjavât fûr di "Sul florî" di AAVV
lâ v.intr.
Jessi, vignî a cjatâsi intun ciert puest, spec. par câs, fâ une cierte fin
sinonims
imbusâsi, finî, lâ a finî
esemplis
"cjo che tu cirivis la tô cjarte di identitât, e jere lade tra lis mês cjartis"
"e il cjantâ di une volte? Dulà isal lât? Dome pal plasê di cjantâ"
gjavât fûr di "Cjantâ pe vile" di Laurin Zuan Nardin
lâ v.intr.
Vistîsi intune cierte maniere (fam.)
esemplis
"di Trivignan ancje chês: lis cognòs tal vistî. A Trivignan a van dutis a ûs di siore"
gjavât fûr di "La plui biele" di Catarine Percude
lâ v.intr.
Finî di vivi, murî (eufem.)
sinonims
murî
esemplis
"Jolande le veve vendude [la cjase] subit dopo che i puars vecjos a jerin lâts"
gjavât fûr di "Prime di sere" di Carlo Sgorlon
"oramai i eri una femina svuedada / fasint l’ultim dai pins i lu ai sintût sbegherâ / e po i soi lada"
gjavât fûr di "La sô puema" di Giorgio Ferigo
"o ai tante pôre che il rosâr dongje il puarton al sedi lât"
gjavât fûr di "Cjase di Dalban" di Maria Forte
lâ v.intr.
Incjocâsi (coloc.)
sinonims
lâ in bale, partî
esemplis
"cul tierç tai al jere za lât"
lâ v.intr.
Jessi preseât
sinonims
pocâ, smecâ, plasê, fâ plasê
esemplis
"Martin al tasè, ma al jere clâr che la robe no i leve masse"
gjavât fûr di "Il dolfin" di Carlo Sgorlon
"«Parcè, pupà; no ti vano [i biscots]?», i domandai tal viodilu cussì [pôc persuadût de marcje]. «Par lâmi, mi van», dissal lui; «ma o pensavi che tu mi puartassis une di chês scjatulis come in chê volte...»"
gjavât fûr di "Biscots" di Meni Ucel
lâ v.intr.
Jessi cjapât dentri jenfri doi valôrs, doi limits
esemplis
"i veve puartade dute la ghiringaie dai fîs e dai nevôts che a levin di un an di vite ai undis"
gjavât fûr di "Come tai romançs" di Alan Brusini
lâ v.intr.
Denant di un gjerundi, par segnâ la continuitât, la progressivitât o la ripetitivitât di une azion
sinonims
jessi daûr, stâ
esemplis
"po a van fevelant indenant dal plui e dal mancul, fin che 'Sefon al dispon di lâ a pognisi"
gjavât fûr di "Culumie" di Meni Ucel
"[il guvier talian] tra il 1882 e il 1915, cu la diestre al leve rinovant di cinc in cinc agn il pat di amicizie cu la Austrie e cu la Gjermanie"
gjavât fûr di "Partide dople" di Josef Marchet
lâ v.intr.
Jessi necessari
sinonims
coventâ, volê, servî
esemplis
"«Ce vino di dâus?» i domandavin. «O savês trop timp che mi è lât. Fasêt voaltris»"
gjavât fûr di "Prime di sere" di Carlo Sgorlon
lâ v.intr.
Jessi doprât, spindût e v.i.
sinonims
lâ vie, finî
esemplis
"chei doi lavorents che mi pâr che batin la sflacje a otante, [chel pôc che a rindin] mi va dut in spesis"
gjavât fûr di "Vilie di Nadâl" di Pieri Somede dai Marcs
"no si formave capitâl, e il redit al leve dut in consum"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"il gno morôs l'è piçul, / al è piçul, pitinin, / par fâi lis braghessutis / mi va un braç di regadin"
gjavât fûr di "Sacheburache" di Zuan Nazzi Matalon, Ottorino Burelli
lâ v.intr.
Cuntun infinît introdusût de preposizion "par", movisi par tacâ une azion, jessi li li par fâle
sinonims
fâ, stâ
esemplis
"al viôt un brut ragnat che dibot i becave un pît, alore lui al va par schiçâlu"
gjavât fûr di "Resurezion a Pontinie" di Pieri Somede dai Marcs
lâ v.intr.
Tal imperatîf di seconde persone singolâr o prime plurâl, cun funzion interietive, par animâ, riclamâ a un ciert compuartament o cuntun sens che si capìs dal contest o ancje dome enfatic
esemplis
"jo no crôt a chês cazadis alì! Extraterestris achì? Ma anìn mo!"
gjavât fûr di "Sense" di Checo Tam
""[vêso durmît ancje lis feminis] Intun convent di fraris!" "Va va mat che tu sês... I oms àn durmît intal convent dai capucins, e lis feminis intun camaron dulà che son lis muiniis""
gjavât fûr di "Barbane" di Pieri Somede dai Marcs
lâ v.intr.
Intai stes câs li che al ten sù costruzions infinitivis, si pues cjatâ la costruzion dal dopli imperatîf
esemplis
"va viôt di mame, dai une man a mame"
gjavât fûr di "L’ultima lettera al fratello tra speranza e vita al fronte" di Laura Pigani
"va prepare di gustâ subit ancje par chest zovin"
gjavât fûr di "Vilie di Nadâl" di Pieri Somede dai Marcs
lâ v.intr.
L'imperatîf di prime persone plurâl al pues jessi doprât ancje riferît ae seconde persone singolâr e plurâl
esemplis
"anìn chi tu, Beput, lei ce che al è scrit"
gjavât fûr di "Predis di ogni fate" di Riedo Pup
"comodaitsi, anìn, vignît!"
gjavât fûr di "Il sium di Lissandri" di Franca Mainardis
lâ s.m.sing.
Viaç par rivâ di cualchi bande
sinonims
lade
esemplis
"la diligjence e sarès passade par Udin tal lâ e tal tornâ"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
lâ s.m.sing.
Maniere di movisi
sinonims
ande
esemplis
"chê fantate e à un biel lâ"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"a fâ ben, si va in paradîs"
"a fuarce di lâ la sele tal poç, e lasse il mani"
"a lâ a cjase cence nuie, la cjase e vai"
"a lâ nome che a messe nol è ben"
"a lâ pal mont no si cjate lis luianiis picjadis"
"a pôc a pôc si va un bon trop"
"a preâ e altri ben no fâ, a cjadaldiaul no si fâs di mancul di lâ"
"a puarton spalancât il ben al po jentrâ e il mâl al po lâ"
"a Sant Barnabà la ue e ven e e va"
"a Sante Catarine il frêt al va in cusine"
"a van plui vidiei al macel che no bûs"
"a van plui vidiei che no mançs in becjarie"
"al è miôr lâ a durmî cui çucui che no lâ discolçs a palâ nêf"
"al è passât il timp di lâ a moris"
"al tocje di lassâ lâ la aghe injù e il fum insù"
"al va a finîle mâl chel lôf che al à une sole tane"
"al va plui di un mus a marcjât"
"alc al va in ogni negozi"
"bêçs di pote ai van che ai trote; bêçs di stole ai van che ai svole"
"bisugne lâ a messe là che e je la glesie"
"bisugne lâ a mulin cuant che e je aghe"
"bisugne lâ adasi planc par rivâ prest"
"bisugne lâ planc par rivâ prest"
"bisugne lâ vistûts daûr dal so stât"
"bisugne lassâ lâ il mâl jù pai malâts e la vuere jù pai soldâts"
"bisugne lassâ lâ il sanc pes sôs venis"
"bisugne lassâ lâ la aghe injù e il fum insù"
"bramazion di mus no va in paradis"
"ce che al ven di buf in baf, al va di ruf in raf"
"ce che al ven di ruf al va di raf"
"ce che i va i vûl"
"che e ledi la plume pûr che al resti l'uciel"
"cheste musiche no va sun chest bal"
"cjar di cûl no va in cîl"
"come che al va l'ultin di carnevâl e il prin di cuaresime, a va dute la cuaresime"
"conseiti cun trops e po sielç ce che al va miei"
"cuant che a van i bûs tal fossâl al va ancje il cjar"
"cuant che il cuc al va in montagne, nol torne jù se no si bagne"
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che il soreli la joibe al va tal nûl, domenie al plûf sigûr"
"cuant che il tamon al va stuart, lis ruedis a van tal fossâl"
"cuant che il to mus al nasseve, il gno al leve a scuele"
"cuant che la lodule e va in cîl, il pan di sorc al sa di mîl"
"cuant che lis vacjis a van e a tornin di mont, un montanon al è pront"
"cuant che no ti impuarte no stâ cjalâ se e va drete o stuarte"
"cuant che nol cjante il cuc pai tredis di Avrîl, bisugne lâ in comun a cirîlu"
"cui che al à bon vin in cjase nol va ta la ostarie"
"cui che al à la cjase sul cjâf al po lâ pardut"
"cui che al bastone che al ledi cun doi sacs"
"cui che al è di sâl che nol ledi te ploie"
"cui che al è di veri che nol ledi fra lis clapadis"
"cui che al è fat siôr cul vendi fritulis che nol ledi a vendi colaçs"
"cui che al robe pai altris al va in preson par se"
"cui che al semene clauts che nol ledi discolç"
"cui che al semene spins che nol ledi discolç"
"cui che al va a durmî cence cene dute la gnot si remene"
"cui che al va a durmî cence cene dute la gnot si remene e cuant che si è ben remenât nol à ni durmît ni cenât"
"cui che al va a gnocis cence invidâ nol cjate cjadree par sentâ"
"cui che al va a mulin si infarine"
"cui che al va cence bêçs tal tacuin, al è un muart in pîts"
"cui che al va cu lis craçulis al impare a çueteâ"
"cui che al va cui çuets al impare a çueteâ"
"cui che al va cul lôf al impare a urlâ"
"cui che al va daûr plume mai nol ingrume"
"cui che al va dongje dai mulinârs al reste infarinât"
"cui che al va dret nol fale la strade"
"cui che al va e torne al fâs bon viaç"
"cui che al va in vuere al mangje mâl e al duar par tiere"
"cui che al va planc al va salt"
"cui che al va planc al va san e lontan"
"cui che al va tai baraçs si sponç"
"cui che al va tal mulin si infarine di voladie"
"cui che al va tal mulin si sporcje di voladie"
"cui che al vûl aghe che al ledi a la fontane"
"cui che al vûl che al ledi; cui che nol vûl che al mandi"
"cui che al vûl cjar che al ledi in becjarie"
"cui che al vûl il pape che al ledi a Rome"
"cui che al vûl jessi masse maladet nol va dret"
"cui che al vûl salvâ la panze pai fîcs che nol ledi in vuere"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"cui che al vûl vê che al ledi, cui che nol vûl vê che al mandi"
"cui che di zovin si fâs mangjâ, di vieli al scuen lâ a pitocâ"
"cui che i insegne al mus a butâ jù il sac e a mangjâ la farine si ridûs a dovê lâ a mulin bessôl"
"cui che nol à ce fâ che al ledi"
"cui che nol à lusôr che al ledi a durmî a scûr"
"cui che nol à robe sô, bisugne che al ledi là che al po"
"cui che nol sa balâ che nol ledi su la fieste"
"cui che nol vûl che al mandi mes, cui che al vûl che al ledi stes"
"cui trê rês de Pifanie va decîs par la tô vie"
"cul domandâ paron si va a Rome"
"cul domandâ paron si va pardut, fûr che te lune"
"cun zeis no si va a cjoli aghe"
"cuntune redine si va drets, cun tantis si va tal fossâl"
"daspò dai cuindis di Avost, cence tabar no lâ tal bosc"
"di robis a 'nd è une gucje par ducj, par ben che e ledi"
"dimi cun cui che tu vâs e ti disarai cui che tu sês"
"ducj a messe in côr no si po lâ"
"dulà che a van lis çoris a son vuessats"
"dulà che no si va di vîfs, si va di muarts"
"dutis lis cuaiis no van par un agâr"
"dutis lis letaris no van a la pueste, dutis lis peraulis no mertin rispueste"
"e va fin che e va e co no va si implante"
"e va tant la cjavre çuete, che il lôf le intope"
"e va tant la sele al poç, fin che e reste dentri"
"fâs un pas a la volte e va lontan"
"Fevrâr: il soreli al va par ogni agâr"
"fin a Nadâl il frêt nol fâs mâl, di nadâl inlà il frêt si 'nd va"
"flât di cûl al va là che al vûl"
"gjave e no met, la fontane a va a sec"
"i bêçs a son taronts: a stan pôc a lâ"
"i bogns che a vadin in paradîs in tiere no si sa ce fâ di lôr"
"i brûts luncs a van pe taule"
"i cjatîfs: cjapâju cuant che a vegnin e lassâju lâ cuant che a van"
"i peçots a van par aiar"
"i pintûts e i scuintiâts a van ducj par une strade"
"i siums de gnot, al dî di un grant poete, a son imagjins dal dì ladis in scuete"
"il brût de pite al va par dute la vite"
"il brût di gjaline al va par ogni aìne"
"il cjaliâr al va in çavatis"
"il cjar cence tamon al va tal fossâl"
"il dî nol va cul fâ"
"il fum al va a riviel, al va dongje dal plui biel"
"il fum al va par traviers, al va là che a son i bêçs"
"il gjat al va tant al ardiel fin che i lasse la çate"
"il lari piçul al va in preson"
"il liberâl e il semenadôr a van par un troi"
"il mâl al va simpri pai malâts"
"il mont al va da se"
"il mont al va sôl"
"il peçotâr al va simpri cun dôs bisacjis"
"il pintût e il scuintiât a van pe stesse strade"
"il selino e i savôrs a van cincuante dîs a cjadaldiaul prin di nassi"
"il Signôr nol paie ogni sabide, al va ben planc ben planc, e vie pal timp al va tacant"
"il testart cumò o dibot al va a cjase cul cjâf rot"
"in paradîs no si va in caroce"
"in vuere si va cun doi sacs: un par dâlis e un par cjapâlis"
"intal crodi va biel planc"
"l'orloi nol va sôl"
"l'uciel al va di çope in çope tant che il sossedâ di bocje in bocje"
"la aghe a va simpri al mâr"
"la aghe e va injù, il fum insù e la fortune par traviers"
"la bielece e va e e ven, e je la bontât che si manten"
"la bramazion e ven, e va; po e torne su la schene di cui che le da"
"là e va la tavaie, là e va la bataie"
"la farine dal diaul a va dute in cinise"
"la farine dal diaul a va dute in semule"
"la maleperaule e va di bocje in bocje tant che la sossedarie"
"la muele e va un pôc par cussì e po a fâs ziruc"
"la peraule che e scjampe e sa indulà che e va"
"la robe e ven e a va"
"la robe fate di rif e di raf, a va di buf e di baf"
"lasse che a disin ce che a vuelin e fâs ce che al va ben"
"lasse che il fum al ledi insù e la aghe injù"
"lasse che la magne a ledi pe campagne"
"lasse lâ la aghe al so destin"
"lasse lâ la aghe injù e il fum insù"
"lei libris vieris, bevi vin neri, lâ cun feminis che no son zovinis"
"lis cjavris là che e va une a van dutis"
"lis cuaiis no van simpri par chel agâr"
"lis disgraciis a van tant che i fraris"
"lis disgraciis no van mai solis"
"lis madonis a van ben picjadis sù pal mûr e lis brûts inte cite"
"lis maledizions a van trê dîs par lûc, po a colin là che e je la colpe"
"lis trê contentecis dal om: lâ coscrit, copâ il purcit, murî la femine"
"lis tristis gnovis a van simpri indenant"
"mâl par cui che al va, piês par cui che al reste"
"maladete chê latoane che e va a la fontane"
"mangjio stran o mangjio fen, ce che mi va in bocje mi sta ben"
"miôr lâ a durmî cuntun mocul che no a scûr"
"miôr rivâ un cuart di ore daspò e lâ sigûrs"
"miôr un bocon di lum che no lâ a durmî a scûr"
"nissun nol va te buse, ogni muart e à la sô scuse"
"no meti e gjavâ, dut cuant in curt al va"
"no si à di tirâ flât e gloti che e va pe scjavace"
"no si po lâ in paradîs a dispiet dai sants"
"no si va a movi il jespâr"
"no si vent dutis lis pioris che a van a marcjât"
"no van mai dutis pes pensadis"
"o lâ o rompi"
"ogni biele rose a va in fen"
"ogni dì no va cussì"
"ogni mincjon al sa lâ pal biel timp"
"ogni puar om, al sa lâ pal timp bon"
"ogni robe e va cjolte pal so viers"
"ognidun cul so sac che al ledi a marcjât"
"par che il cjar al ledi, bisugne onzi lis ruedis"
"par chê strade che no si vûl lâ al tocje di cori"
"par scjampâ de miserie si à di lâ là che a son cjamins che a fumin e no cjampanii che a sunin"
"par tuart o par reson al è simpri mâl lâ in preson"
"Pasche tafanie il frêt al va in smanie"
"plui adalt si va, plui grant bot si cjape"
"preiere di mus no va in cîl"
"preiere di mus no va in paradîs"
"prin di lâ a cjoli il purcit, si à di fâ il cjôt"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"robe di stole e va che e svole"
"robe robade e va te cinise"
"robe une gjaline ti mandin a la ghiliotine, robe un milion no tu vâs nancje in preson"
"Sant Antoni, il frêt al va in demoni"
"Sant Simon, e va la lodule tes rêts a tombolon"
"scure la marine: mangje, bêf e sta in cusine; clare la montagne: bêf e va in campagne"
"se al plûf il dì di Sant Zorç, il cavalîr al va te cort"
"se al tone il dì di Sant Zorç, dutis lis coculis a van te cort"
"se o lin a puartâ la nestre crôs in place, o tornìn a cjase cu la nestre"
"se Sant Pieri nol vierç la puarte, no si po lâ in paradîs"
"se si à di inneâsi, lâ simpri ta la aghe grande; no je nancje braùre a inneâsi intune tace di aghe"
"se si à voie di un displasê, si à di lâ ca dai parincj"
"se tu fâs ce che ti dîs, tu larâs in paradîs; se tu fâs ce che o fâs jo, no tu vâs ni tu ni jo"
"se tu ti tais il nâs, il sanc ti va in bocje"
"si sa di lâ ma no di tornâ"
"si sa dulà che si è ma no dulà che si larà a rivâ"
"si va a Rome di plui bandis"
"sossedâ nol vûl mintî: o fam o sêt o sen di lâ a durmî o cualchi cjosse che nol olse a dî"
"tant al va il cjaldîr tal poç che infin al reste"
"tant alt al va il scriç, tant alte e ven la nêf"
"tes barufis si va cun doi sacs: un par dâlis e un par cjapâlis"
"tilulì tilulì, ogni dì no va cussì"
"tu sâs là che tu sês ma no là che tu larâs"
"une tace di vin ros di vinars sant, al va dut in sanc"
"va a mulin cul carnîr se no tu pûs lâ cul sac"
"vôs di mus no va in cîl"
"vôs di mus no va in paradis"
"zunâ e altri ben no fâ, a cjase dal diaul no si lasse di lâ"
torne sù
torne sù