Tu âs cirût la peraule
bilengâl monolengâl
Tu âs cirût la peraule
manichino
torne indaûr

bilengâl

manichino s.m.
  • 1a

    s.m. pipin, manichin Copie

    [CO] (pipin cun articolazions mobilis doprât tant che model di pitôrs e scultôrs)
  • 1b

    s.m. manichin Copie

    [CO] (pipin di figure umane doprât tant che model par fâ vistîts o par metiju in vetrine)

    s.m. manichin Copie

    (cualsisei supuart, ancje cuntune forme umane a pene stilizade, par meti i vistîts in vetrine)
  • 2a

    s.m. figurin Copie

    [CO] (persone dute elegante)

    s.m. pipinot Copie

    (persone dure e imberdeade)
  • 2b

    s.m. pipinot Copie

    [CO] (individui cence personalitât, che si lasse dominâ)

monolengâl

pipin s.m.
(pi-pin)
Frutin piçul
esemplis
"il pipin riçotin, e blanc e ros come un miluçut, la cjareçave e la strenzeve cu lis sôs manutis [sô agne] come se e fos stade sô mari"
gjavât fûr di "La plui biele" di Catarine Percude
"cicì ninà, pipin di scune / che la mame si consume"
gjavât fûr di "Sacheburache" di Zuan Nazzi Matalon, Ottorino Burelli
pipin s.m.
(pi-pin)
Zuiatul che al à la forme di un frut, massime di piçul, o di une persone o ancje di un animâl
sinonims
pipinot, pipine
esemplis
"Sante Luzie mi à puartât un biel pipin"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"Gertrud e veve cjapât in man un di chei pipins, un ors, intun casselot di un grant supermarcjât"
gjavât fûr di "Soreli jevât a mont" di Raffaele Serafini
Viôt ancje: pupin
pipin s.m.
(pi-pin)
Persone debile che si lasse dominâ e doprâ di chei altris (fig.)
sinonims
marionet, marionete, purcjinel, om di stope
esemplis
"ducj i parons di chest mont a odein lis personis; a volaressin vê dafâ nome cun pipins: pipins che a si movin, che a corin, che a lavorin, ma cence pensâ, cence criticâ, cence contindi"
gjavât fûr di "Personis e pipins" di Josef Marchet
pipin s.m.
(pi-pin)
Cualsisei manufat o rapresentazion che a vedin aspiet di persone o ancje di animâl
sinonims
pipinot
esemplis
"ti viôt parsore la puarte di une androne un pipin che al rapresente une vecje cul pestel in man"
gjavât fûr di "Viaç a Vignesie" di Arturo Feruglio
"la glesie e jere piçulute, dute sfodrade di rosis, di pituris e plene di pipins di len"
gjavât fûr di "La aghe da pît la cleve" di Dino Virgili
"chel canaie, al mi à mitût un pipin di stran par imbroiâmi"
gjavât fûr di "Eh! in chist mont, par doventâ siôrs, si dovi robâ" di Dolfo Zorzut
pipin s.m.
(pi-pin)
In metaforis o comparazions, frut ancje no piçul o zovin o om une vore biel, net, elegant (fig.)
esemplis
"[o volarès] un omp che al fasès zirâ el cjâf a dutis lis feminis, ma che al fos nome par me! … Un pipin!"
gjavât fûr di "Lis cjichis dal papà" di Arturo Feruglio
"Menie e veve vût il so dafâ cui fradis, lavâju e pontâju, che ju tignive come pipins, insegnantjur il vivi dal mont e la creance"
gjavât fûr di "Chei di Muraie" di Pieri Menis
pipin s.m.
(pi-pin)
[AF] (graf.) Massime tal pl., dissen di figuris che a rapresentin une situazion, une sene o une storie, dispès cun didascaliis o batudis scritis tai fumuts e gjenar grafic cun chês rapresentazions
sinonims
fumet, fumut, pipinot
esemplis
"Sandri Di Suald, val a dî Alessandro D'Osualdo, che al conte la storie dal mitic fumut: “Al è nassût inte fervence de rinassite che si respirave tal indoman dal taramot. Inte nestre produzion culturâl a mancjavin i pipins e jo o ai decidût di provâ”"
gjavât fûr di "Bon complean, Tarvos!" di Redazion Lenghe.net
pipin s.m.
(pi-pin)
Rapresentazion di une persone o di un cjâf di persone di une bande di une monede o medaie e bande di une monede o di une medaie li che e je chê figure (ancje fig.)
esemplis
"[la propagande] e mostrave no il pipin, ma la corone de medaie simpri lusinte de vuere danade"
gjavât fûr di "Alpin jo mame!" di Alan Brusini
torne sù
torne sù