Dal non di persone talian Marco. De Marchi si lu cjate in cetancj centris de nestre regjon, ma al è presint soredut a Monfalcon, Pasian di Pordenon, Cordenons, Spilimberc, Udin… Ancje De Marco al è avonde slargjât e si lu cjate par plui a Cordenons, Sacîl, Cjanive, Davian, Fane, Pordenon, Udin, San Vît de Tor, Merêt di Tombe. A Grau: “I Demarchi, botârs, a rivin di Tisane tal principi dal Sietcent: 1719 Messer Sgualdo de Marchi del fu Messer Francesco oriundo della Tisana ora abitante in Grado sposa Lucia Verginella fu Francesco (Scaramuzza, 2001).

Dal non di persone Marco. Presint massime a Pontêbe (1578 Marco di dorigo de marco) cjapade dentri la frazion di Pieretaiade, a Dignan, Udin e, cuntune difusion plui basse, a Palaçûl, Porpêt, Pordenon.

Probabil che al vegni dal non di persone Marco, cuntun sufìs râr, ma che al esist te nestre onomastiche (si po pensâ al innomenât Domenico detto Menocchio di Montreâl). Cognon di Cjasteons di Çopule li che al è regjistrât dal Sietcent.

Si lu cjate a Gurize.

Diminutîf dal non di persone Marco. Tal Necrologium aquileiense si cjatin un Marcolinus prebendarius e un Marculinis Zorzanus; tal Diplomatarium portusnaonense un Marculinus de Corva tal 1456. Tal Schedari Corgnali: 1222 Marcolinum de Fana; 1326 Marcholinus de S. Stino; 1327 Marculino cerdone de Gavo a Sanguarç; 1332 Marcolino Stationario de la Marca a Siest; 1331 Marcholini not. de la Motta; 1456 Marculinus de Corva; 1327 Marculinus Boccapilosa massarius a Glemone; 1370 Marchulinus de S. Margherita. In OT 115 domine Nicolotte uxor Marculini. Marcolìn al è difondût soredut tal Venit; presint a Mortean, Davian (1450 Antonius Marculin), Pordenon e Udin. Marcolini si cjate a Cividât e a Tumieç. I Marcolini cividins (aree di Madriûl) a vegnin di Prepot; in chest comun e je une piçule frazion clamade Marcolino, par furlan ‘Marculin’, che il non uficiâl di cumò al è stât creât dal cognon. La piçule borgade, par dî il vêr, si clamarès Lasizza, italianizazion dal sloven Laišče (dialetâl Laišča) che al vûl dî “piçule largjure”. A Madone di Mont, te viuce che e mene al Santuari, si po olmâ, lant in sù su la drete, “un portâl antîc che, su la sieraie, al puarte la date MDCXI (1611) sot di un steme cuntun faiâr sore di purcit che al passone. E je la steme de famee Marcolino di Lasis (Laischa o Lasizza), une ore a Soreli jevât di Madone di Mont, che e à dât il non su lis cjartis topografichis ae borgade omonime di Marculin. Adalt si viôt ben che il non Marcolino al è stât scarpelât; chest al capità tal 1653, cuant che Pietro fi di Marcolino al fo obleât a vendi la sô cjase al Santuari. I antenâts di Marcolino a figurin, bielzà dal secul XV, un grum peâts a Madone di Mont. A forin tra i fondadôrs de confraternite di Sante Marie ae fin dal Cuatricent e il stes Marcolino al fo tra i fondadôrs de confraternite dal Santissim ae fin dal Cinccent. Tal borc Marcolino, lant jù a Soreli jevât di Madone di Mont, e je une altre cjase cu la iscrizion: 1603 dì 22 giugno io Marculino et Filippo fratelli di Lasig a laude di Dio et Maria havemo fatta sta casa. I Marcolino a jerin grancj arlevadôrs di purcits e par nudrî lis lôr mandriis a passonavin in maniere abusive in dut il teritori ator dal cjistiel. Di chest, litighis cence fin, che ju oblearin a vendi la dimore di Madone di Mont” (Biasutti G., Castelmonte – Guida storica del Santuario, edizion dal 1992, riviodude e inzornade par cure di p. Aurelio Blasotti). Il cognon Marcolini al è nassût tal 1600 cuant che al à cjapât il puest dal cognon locâl tipic Luchesig, documentât za ae fin dal 1400. Il progjenitôr de famee Luchesig di Lasis salacor al jere tra i cofondadôrs de confraternite di Madone di Mont e i siei sucessôrs a son stâts plui voltis cjamerârs de stesse. Te liste plui antighe che e ripuarte i nons dai socis regjistrâts ae fin dal 1400 o cjatìn Michael Luchasiç e Heler Luchasichiç. Il prin al murì intant che al lave in pelegrinaç a Sant Jacum di Galizie (Michael Luchasichç qui mortuus est in via eundo ad Sanctum Jacobum Galitiae), invezit il secont al è documentât tal 1498 come Heler q. Luchas de Layscha. Il passaç di un cognon a chel altri si po documentâ cun chestis atestazions (ancje chestis gjavadis fûr dal Libri de “fraterne” di Madone di Mont): 1600 Agata filia Marculini Luchesig; 1608 Spella moglie di Marcolin di Lasiza cameraro della veneranda fraternita; 1612 Lucas seruo di Marcolin di Lasiz; 1621 Vrsiza figliola di Marcolin di Lasiza; 1630 Catarina figliola di Marcolin di Lasiza cameraro (Zuanella, Dom, 16, 1996; 11, 2000).

Di un diminutîf feminin dal non Marco. Tal 1378 a Muimans une Marculina uxor Petri (Ziani, 1999). Tal 1689 Menego q. Giac. di Marculina, cameraro Chiesa di S. Floreano di Pofabro (ASU CRS 351/1). Tal 1878 Pietro Marcolina dit “Fanasati" domiciliât a Domanins, oriunt di Pofavri (Luchini 1982). Tal Schedari Corgnali: 1293 filie sue Marculine de Ailino; 1295 Marculina filia Rustegi de Casteglono; 1338 Marchetta dicta Marculina uxor de Marano; 1378 Marculina a Muimans; 1555 Antonio Marculina sutore de Tulmetio; 1666 Giacomo Di Marcolina de Pofabro. Avonde frecuent a Manià; presint a Frisanc.

Di un sorenon dât a un Marco alt di stature. Presint a Danon e a Reane dal Roiâl.

Incressitîf dal non di persone Marco. Un predi di non Marchonus si lu cjate tal NA. Tal 1384 un Marchonus quondam Jacobi de Moiimaco (Ziani, 1999). Tal 1272 Maria Marcon a Glemone; tal 1395 Marcòn a Cormons (Corgnali). Come Marcón al è presint in putropis localitâts de nestre regjon, ma soredut a Scluse, Udin, Glemone, Ghiran (comun di Prate); tal 1930 a jerin 5 fameis Marcón a Mueç Disot; tal comun di Montreâl al è documentât dal 1592 cun ser Antonio Marcone da Grizzo. Marconi si cjate a Udin, Pordenon, Gurize. A Bresse di Cjampfuarmit Marcón al è non di cjasade tra i Zuliani.

Di Marcón, incressitîf di Marc(o), cul sufìs cognominâl venit -àto. Si lu cjate a Gurize, Gardiscje e Monfalcon.

Di Marcolìn, diminutîf di Marco, cun --rotacismo-- ; o di Marchiorìn, diminutîf di Marchior, variante di Melchiorre. Presint a Cint.

Presint a Gurize ancje te forme Marcozig.

Di Marc “Marco", cu la zonte di un sufìs dal probabil valôr incressitîf (come in Bertòs, Botòs, Micòs, Vidòs, e v.i.). Tal Schedari Corgnali: 1378 Marchossio cerdone q. Basarotti de Felettis Utini habitante; 1393 q. Marcossij olim Marcossio a Udin. Presint a Caprive.

Dal non di persone Marc “Marco", cuntun sufìs incressitîf. Un Marchotus si cjate za tal NA. Tal Schedari Corgnali: 1299 Marchotto de Staulis a Glemone; 1303 Marcutius decanus in villa de Malazumpita; 1321 Marcutius q. Iohannis Marioni de Portunaonis notarius; 1321 Marcoto de Tapogliano; 1322 m. Marcuto Zirologo a Purcie; 1339 Marçuthus a Manià; 1360 Nicolay Marchoti a Udin; 1482 Nicolaus Marcutini a Madone di Mont; 1513 Jo. Marcot a Buie. Presint a Udin e a Pordenon. A Buie Marcòt al è il stracognon di une famee Calligaro.

Dal non di persone Marco, cu la zonte di un sufìs dal probabil valôr incressitîf. Presint a Monfalcon (cognon che si cjate soredut tes provinciis di Ascoli Piceno e di Teramo).