Tu âs cirût la peraule
bilengâl monolengâl
Tu âs cirût la peraule
masnada
torne indaûr

bilengâl

masnada s.f.
  • 1

    s.f. masnade Copie

    [CO] (grup di int violente e disoneste)

    s.f. bande, compagnie, drughe, clebe Copie

    (grup di int che e fâs masse confusion)
    fuori c'è una masnade che fa chiasso = fûr e je une drughe oppure une compagnie che e fâs davoi

monolengâl

compagnie s.f.
(com-pa-gni-e)
Grup di personis che a fasin cualchi ativitât insiemi o che a son usadis a viodisi, a passâ timp insiemi par divertîsi e stâ legris
sinonims
camarade, caravane, crime, fradaie, grup, manie, partide, rughe
esemplis
"la compagnie di Mirco cu la biciclete si jere ingrandide. La domenie si cjatavin jù pal Roiâl cun amîs di scuele. Il Roiâl al jere biel e comut, cence rivis e plen di ostariis, ancje masse"
gjavât fûr di "Par stradis lungjis" di Alan Brusini
"il so om al è li, cu la solite compagnie a bati carton sul taulin"
gjavât fûr di "I forescj" di Alan Brusini, Gian Paolo Linda
"di ca e di là, in Cjavrîs, a jerin i fossâi fin al «Cason» dulà che lis compagniis plenis di bontimp a lavin a passâ la sabide sere"
gjavât fûr di "La aghe da pît la cleve" di Dino Virgili
Viôt ancje: companie
compagnie s.f.
(com-pa-gni-e)
Il stâ adun, il jessi insiemi cun altre int, massime par vê bon timp
esemplis
"simpri inclinât ancje a bevi un bon tai in compagnie"
gjavât fûr di "Ricuarts e inlusions" di Enrico Martina
"al jere un plasê il stâ in sô compagnie e ancje lui cun nô se passave vulintîr"
gjavât fûr di "Sul prât Soreli" di Pieri Somede dai Marcs
compagnie s.f.
(com-pa-gni-e)
Persone o personis che si cognòs e che a stan dongje
esemplis
"mai lâ in mieç di int che no si cognòs cence compagnie"
gjavât fûr di "Viaç a Vignesie" di Arturo Feruglio
"al saveve che la compagnie li dentri no sarès mancjade"
gjavât fûr di "Aiar di cjase" di Franca Mainardis
compagnie s.f.
(com-pa-gni-e)
[TS] (stor.) Grup di soldâts comandâts di un cjapitani
esemplis
"lis compagniis di mercenaris, di li indenant a saran une costante, e no dome te Vuere dai Cent Agns e intai esercits di France e di Ingletiere, ma in dutis lis vueris che si fasaran in Europe"
gjavât fûr di "La invenzion dal stât" di Fabian Ros
compagnie s.f.
(com-pa-gni-e)
[CO] (milit.) Ognidun dai grup di soldâts comandâts di un cjapitani che a formin un bataion
esemplis
"i dusinte oms de seconde compagnie, a pensin nome a salvâ la piel e par vie de mont ripide e slisse, a butin vie i argagns che a vevin in man: il fusîl, lis gjibernis e la baionete"
gjavât fûr di "I ribei" di Alan Brusini
"il caporâl di zornade mi dîs di lâ sù in furarie che il comandant di compagnie mi voleve"
gjavât fûr di "Cemût che o soi restât caporâl" di Pieri Menis
compagnie s.f.
(com-pa-gni-e)
[CO] (econ.) Societât che si da dongje e che e opere par un ciert fin economic
sinonims
dite, imprese, aziende
esemplis
"ae fin dal Votcent a partivin, dome de Cjargne, scuasit mil boscadôrs, dividûts in compagniis, cun contrats stagjonâi di vot, nûf mês"
gjavât fûr di "La mont furlane" di Mauro Pascolini, Andrea Guaran
"il lavôr che la compagnie dal petroli i veve dât di fâ cul vuadagn che il lûc salvadi al mertave, lu veve metût su la strade dai bêçs"
gjavât fûr di "Alpin jo mame!" di Alan Brusini
compagnie s.f.
(com-pa-gni-e)
[TS] (stor.) Societât comerciâl formade par svilupâ la espansion coloniâl, massime tai secui XVII e XVIII
esemplis
"tal 1600 la regjine Elisabete I e deve ae Compagnie Inglese des Indiis Orientâls il monopoli dal cumierç tal Ocean Indian"
compagnie s.f.
(com-pa-gni-e)
[CO] (art) Grup di artiscj, atôrs, tecnics, che a produsin e a rapresentin spetacui di teatri
esemplis
"la Cooperative di Informazion furlane, e inmanee une cunvigne su lis problematichis dal teatri popolâr, chel des piçulis compagniis di paîs"
gjavât fûr di "Un Friûl difarent: i 90 mhz di Onde Furlane" di Max Mauro
"une compagnie di comics venezians e jere lade a cjatâsi cun Casanova par fâsi conseâ e par meti in sene La fughe dai Plomps"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
detulis
"amôr e signorie no amin compagnie"
"il fûc al è mieze compagnie"
"il fûc al è une seconde compagnie"
"la compagnie a fâs fâ trop"
"la compagnie e maride il frari"
"la pipe e je une mieze compagnie"
"miôr patî in compagnie che no di bessôi"
"miôr sôi che no in triste compagnie"
torne sù
torne sù