Hai cercato la parola
bilingue monolingue
Hai cercato la parola
maturo
Torna indietro

bilingue

maturo
  • 1a

    adi. madûr, fat Copia

    [AU], [TS] (di orghin vegjetâl, rivât al moment finâl dal svilup)

    adi. madûr, fat, palomp Copia

    [AU] (di pome, semence e v.i., che e je deventade buine di mangjâ)
    le ciliegie non sono ancora mature = lis cjariesis no son ancjemò fatis
    mangiare una mela matura = mangjâ un miluç madûr
    un campo di grano maturo = un cjamp di forment palomp
  • 1b

    adi. madûr, fat Copia

    [TS] (di element gjerminâl, rivât al moment finâl dal so svilup)
  • 1c

    adi. madûr Copia

    [TS] (di organisim animâl, che al è rivât al pont definitîf dal so svilup)
  • 2a

    adi. madûr, fat Copia

    [AU] (di cdn., che al è rivât al plen svilup fisic e inteletuâl)
    ormai è un uomo maturo = aromai al è un om fat
  • 2b

    adi. madûr Copia

    [AU] (di cdn., che al è bon di judicâ, di puartâsi in mût autonom e cun responsabilitât)
    un ragazzo molto maturo = un zovin une vore madûr

    adi. madûr Copia

    (di caratar, ande, mût di fâ e v.i., che al pant maturitât)
    un piglio maturo = un estri madûr
  • 2c

    adi. madûr Copia

    [AU] (di judizi, opinion, e v.i., misurât, pensât a dilunc)
    voglio un parere maturo sulla questione = o vuei une opinion madure su la cuistion
  • 3

    adi. madûr, fat Copia

    [AU] (di situazion, circostance, e v.i., che e somee propizie pal davuelzisi di cierts acjadiments)
    gli anni erano maturi per una rivoluzione sociale = i agns a jerin madûrs par une rivoluzion sociâl
  • 4

    adi. madûr, fat Copia

    [AU] (di robe di mangjâ, stagjonade al pont just)
    il vino è maturo = il vin al è madûr
  • 5

    adi. madûr Copia

    [TS] (di procès fisiologjic o patogjen, che al à fat il so cors)
    è una tosse matura = e je une tos madure
  • 6

    adi. madûr Copia

    [TS] (no com., di interès e sim., fat intal timp, che si pues scuedi)

    adi. madûr Copia

    (di tiermin obligazionari, scjadût)
  • 7

    adi. madûr Copia

    [TS] (de croste de tiere, rivade ae maturitât)
  • 8

    adi. madûr Copia

    [TS] (di student, che al à passât l'esam di maturitât)

locuzioni

    cogliere il frutto quand'è maturo
  • cjapâ il bon in man, cjapâ i uciei co a passin, lâ a mulin cuant che e je agheCopia
    [CO] (rivâ a improfitâsi dal moment just)

monolingue

madûr adi.
(ma-dûr)
Di pome, semence o sim., che e je dal dut cressude e formade, che e je tal massim dal so divilup
sinonimi
fat
esempi
"e butà il voli sul figâr dal ort; e viodintlu cjamât di fîcs biei e madûrs, a i vignî la aghe in bocje"
da "Meni Fari" di Luigi Gortani
"une dì a buinore di mieç Setembar, tun profum di ue madure, cuntun aiarin che al vignive jù des monts"
da "Sul agâr" di Pieri Menis
"il mont al jere biel. Il cjamp zâl di forment madûr, la blave a Sant Roc, la nêf ae sô stagjon"
da "Par stradis lungjis" di Alan Brusini
madûr adi.
(ma-dûr)
Di organisim, che al à finît la sô fase di cressite, che al è rivât ae etât adulte e in particolâr che al è pront pe riproduzion
madûr adi.
(ma-dûr)
Di cdn., che al è rivât al plen svilup fisic e inteletuâl, che al è tune etât che no je plui di infanzie o zovinece e che nol è ancjemò te vecjaie
sinonimi
grant, adult
esempi
" i vecjuts a tornin fruts e, se no si inmalin, a àn i voi che a slusin di bontât e di gjonde, che la int “madure” e piert dispès cul cressi e cul bacilâ"
da "Faliscjis" di Cristina Noacco
madûr adi.
(ma-dûr)
Di cdn., che, cence tignî cont de sô etât, al mostre di vê sintiment, judizi, ecuilibri
sinonimi
acuart, caut, dret, ecuilibrât, fat, fin, franc, judiziôs, misurât, prudent, responsabil, savi, savint, scaltri, svelt, tamesât
esempi
"mi viôt plui madûr e avonde pront a frontâ ogni discors e robe che mi ven incuintri"
da "Sul florî" di AAVV
"al è il moment di lavorâ sul dûr, di mostrâ se il Friûl al à int serie, madure, sperimentade, buine di cjapâ in man e di tignî salt il tamon e lis jevis di comant"
da "E cumò?" di Josef Marchet
madûr adi., s.m.
(ma-dûr)
[TS] (scol.) Che, cui che al à passât l'esam di maturitât
madûr adi.
(ma-dûr)
Di judizi, opinion, elaborazion teoriche, realizazion tecniche e v.i. che e risulte di un svilup lunc e aromai complet
esempi
"il contat vût cul public cu lis rapresentazions provisoriis al à judât a componi un test definitîf madûr"
da "La prime stagjon dal teatri stabil furlan a è pronte a partî" di Tarcisio Venuti
madûr adi.
(ma-dûr)
Di situazion, circostance e v.i., che e je pronte pal davuelzisi di cierts acjadiments
sinonimi
bon, just, momentôs, oportun
esempi
""O ai pensât avonde. Cumò o dibot chest al veve di nassi… Al è rivât, a colp, dome il decidi,… ma la robe e jere madure di un pieç [...]""
da "Cjase di Dalban" di Maria Forte
"il timp de rivelazion nol jere ancjemò madûr"
da "Il dolfin" di Carlo Sgorlon
madûr adi.
(ma-dûr)
Che al à bevût masse alcolics e che al è sot dai efiets dal alcul, ancje dongje di altris adietîfs cul stes significât, par rinfuarçâju (fig.)
sinonimi
becât, becât sot di une ale, bevût, çurul, grîs, imbarlumît, impiât, implombât, incarburât, incerât, intrunît, invreasât, legri, ligrut, muardût dal cjan neri, plen, pontât, pontât sot di une ale, taront, ticât, vuitul
esempi
"jo no ai sintût nue parcè che i eri cjoc madûr"
da "Average Furlan Guy" di Marcello Bon
madûr adi.
(ma-dûr)
Che al à fat sfuarç e al sint une vore di fadie, ancje dongje di altris adietîfs cul stes significât, par rinfuarçâju (fig.)
sinonimi
stracuet, strac, cuet, scanât, acanât, discunît, stracât, disfat
esempi
""Ven ca mo Gori, sentiti, fasìn une polse." "Po sì, o soi madûr, al è un soreli che al bruse""
da "Tripoli bel sol d'amore" di Pieri Somede dai Marcs
"Lissandri si impensave di vê viodude sô mari scuasit simpri strache madure, daspò di vê sgrifignât a doi cjamputs, di un soreli a chel altri"
da "Il sium di Lissandri" di Franca Mainardis
madûr adi.
(ma-dûr)
Di part dal cuarp, inflamade o sglonfe (fig.)
esempi
"e rugne come se o i ves dât une martielade sul dêt madûr"
da "La none di Camčka" di Stefano Gasti
madûr adi.
(ma-dûr)
Di cualsisei robe, plene, sglonfe (fig.)
esempi
"denant da li primis montagnis, i vevin jodût, sot di una strissa nera e madura di nûi, un veli grîs che al vigneva indenant"
da "Temporâl" di Alberto Luchini
proverbi
"cuant che il piruç al è madûr, al cole"
"cuant che la piruce e je madure, e cole"
"il piruç co al è madûr e je ore di mangjâlu"
"nol è miluç tant dûr che cul timp nol deventi madûr"
"Sant Simon e jude la rave a ven madure, madure o no madure, si le met sot sieradure"
Torna in Cima
Torna in Cima