Tu âs cirût la peraule
bilengâl monolengâl cognons
Tu âs cirût la peraule
mazza
torne indaûr

bilengâl

mazza s.f.
  • 1

    s.f. mace, baston, len, matarusse, boscarin, butiçon Copie

    [CO] (baston curt e dûr doprât par dâ colps)
  • 2a

    s.f. mace Copie

    [CO] (baston di materiâl preziôs doprât di cui che al à une funzion impuartante)
  • 2b

    s.f. mace Copie

    [CO] (len doprât in maniere simboliche in grandis ocasions)
    la mazza del maggiordomo = la mace dal maiordom
  • 2c

    s.f. baston Copie

    [BU] (baston par lâ a cjaminâ)
  • 3

    s.f. mace Copie

    [TS] mus. (len, che di une bande al à une sfere di feltri, doprât par sunâ struments a percussion)
  • 5b

    s.f. mace Copie

    [TS] artes. (martiel grant che si lu cjape cun dôs mans)
  • 6

    s.f. bighe, bigul Copie

    [CO] (orghin sessuâl masculin)
    ci vuole la mazza, non capelli = i vûl bighe, no cjavei

    s.f. ostie, boro Copie

    (in frasis negativis, nuie)
    non ha capito una mazza = nol à capît une ostie

locuzions

    mazza battente
  • maceCopie
    [TS] tecn. (la part mobile dal mai)
    • mazza da baseball
  • mace di baseballCopie
    [TS] sport (mace di len, o di altri materiâl, doprade tal baseball par bati la bale)
    • mazza da golf
  • mace di golfCopie
    [TS] sport (imprest fat cuntun mani plui o mancul lunc e fin cuntun cjâf di len o di metal par bati la balute di golf)

monolengâl

mace s.f.
(ma-ce)
Toc di len lunc, cun cualsisei funzion, par poiâsi cuant che si cjamine, par sostignî alc, par fâ di mani lunc a cualchi imprest, par fâ di arme e v.i.
sinonims
baston, aste, racli
esemplis
"[il maçarot] al è un spirt che al fâs dispiets: pal plui al bat cu la sô mace cuintri dai arbui o dai claps, par spaurî i boscadôrs o cui che al va pal bosc"
gjavât fûr di "Friûl di Magance" di Sandri Carrozzo
"e jentre çueteant, poiantsi su la mace"
gjavât fûr di "La buteghe dal barbîr" di Pieri Somede dai Marcs
"il lupiament de mace de bandiere, tun rivoc alt di lûs, al passe il cjamp lampant parsore de sacume nere di chê altre schirie"
gjavât fûr di "Madalene" di Franco Marchetta
mace s.f.
(ma-ce)
[TS] (artes.) Cilindri di len par tirâ la paste
sinonims
mescul
esemplis
"cu la mace, tirâ la paste a linzûl e taiâle a blecs"
gjavât fûr di "Blecs di cjanâl" di Lucian Verone
mace s.f.
(ma-ce)
Imprest, massime di len o di metal, par pestâ ingredients di cusine o di speziarie
esemplis
"peste cu la mace intun mortâl di len e filtre. Il sirop otignût al è une “aspirine naturâl”"
gjavât fûr di "Sirop (magjic) di violutis" di Natascia Gargano
mace s.f.
(ma-ce)
[TS] (artes.) Martiel grant che si lu cjape cun dôs mans o che al è montât suntune part mecaniche mote da la aghe o di un altri sisteme
sinonims
maçuele, maçûl
esemplis
"cualchi zornade al lave li di mestri Pieri [il fari] a dâ une man a boli, che tocjave jessi in doi a bati la mace"
gjavât fûr di "Il muc" di Roberto Ongaro
mace s.f.
(ma-ce)
[TS] (becj.) Arme fate di un baston lunc cuntun cjâf pesant di metal, par copâ lis bestiis cuntun colp fuart tal cjâf
esemplis
"e jerin lâts te stale a viodi se lis vacjis a jerin dutis muartis che, se e fos restade vive une sole, le varessin copade cu la mace ancje chê"
gjavât fûr di "Amîs come prime" di Alan Brusini
mace s.f.
(ma-ce)
[TS] (mus.) Len, che di une bande al pues ancje vê une bale di feltri, doprât par sunâ struments a percussion
sinonims
bachete
esemplis
"[...] al salte fûr / cu la mace dal tambûr, / il tambûr al tamburave / e la odule e sivilave"
gjavât fûr di "Sacheburache" di Zuan Nazzi Matalon, Ottorino Burelli
mace s.f.
(ma-ce)
[TS] (sport) Imprest lunc e plui o mancul fin, doprât in plui dissiplinis par bati la bale o sim.
esemplis
"al vierç la capote dal automobil. Al tire fûr il sac des macis [di golf], sal cjarie su lis spalis"
gjavât fûr di "Il President" di Sergio Ceccotti
mace s.f.
(ma-ce)
[TS] (artes.) Sorte di jeve o baston dal telâr che e covente par fâ zirâ il subli o il sublet
mace s.f.
(ma-ce)
[TS] (micol.) Fonc avonde grant, che si pues mangjâ, cul pît lunc e stielôs e il cjapiel sierât in forme di bale di zovin, viert a ombrene cuant che al è madûr, lat.sient. Macrolepiota procera
sinonims
mace di tambûr, ombrene
mace s.f.pl.
(ma-ce)
[TS] (astron.) La costelazion di Orion e il timp che si le viôt di gnot (pop.)
esemplis
"jo o ai tacât a contâ lis stelis cu la mê bionde, po dopo a mostrâi, di aspert tant che o jeri, il Cjar Mat, lis Macis, la Stele Polâr..."
gjavât fûr di "Gnot di Avost" di Meni Ucel
"lis tiradressis di file, te stale, dutis lis Macis di Zenâr, a impararan, cu lis mans des vielis, a fâ la scovolade, a trasi, a stuarzi sul filadôr"
gjavât fûr di "La aghe da pît la cleve" di Dino Virgili
detulis
"il Signôr al à la mace lungje"
"lis macis di Zenâr la buine filandere e à di parâlis a ponâr"
torne sù

cognons

Mazza
Cognon salacor no furlan che si cjate a Udin, Pordenon e Spilimberc. Stant a Rapelli 1995 al ven di un sorenon basât su mazza, a segnâ un soldât armât di mace, o cui che al faseve chestis armis, o ben une persone assegnade a doprâ macis in cierts lavôrs, o cui che al produseve chescj imprescj. Stant a De Felice 1978, di là dal non di mistîr derivât di mazza, al pues jessi l’ipocoristic apocopat di sorenons medievâi, scherçôs o polemics, formâts cun mazza dal verp (am)mazzare, come Mazzavillano, Mazzalupo, Mazzabove, e v.i. In plui, al pues continuâ il non di persone gjermanic Mazzo o Maza (a Udin tal 1427 far sequestrar la blava sulu champo che rizuto per Lenart del Maç).
fonts
1562 Ser Antonio Mazza avvocato di Bartol. de Tironi mercante Udine al foro di Cividale (ACR 726/6); 1573 Nicolò Mazza lapicida da Cividale (AB); 1589 Locatione di possession fatta dai nobb. Panigai a Zanuis della Mazza de Villa Cricul (ASU Panigai 215); 1727 Domino Giacomo et Zuan Battista fratelli Mazza q. Zuanne – possesso dell’uso di due Edifici di Battirame et Battiferro con sega esistenti sotto Pordenon in loco detto la Vallona sopra l’acqua della Fontana (Candiani 1902).
Mazzacàn
Di un sorenon, forsit cjapât di une ativitât li che la persone e jere “specializade". Presint a Cjarlins. Tal 1537, ai 18 di Dicembar Ser Giovanni Mazacan da Udine q. Ser Giac. draperio da Conegliano – esige crediti da eredi q. Pietro Nusso draperio (ANU 3907).
Mazzacco
Tal libri su la toponomastiche di Darzin jessût fûr tal 1999, Nerio Petris al scrîf cussì: “forme di cognon no rare tal contor, ancjemò presinte sul puest e che e à fat nassi cualchi antropotoponim. Di etim no definibil in maniere masse clare, forsit part dal grup cun base tal latin matea “mace", un sorenon che si da par solit in funzion di individuâ persone “spividote", o ben “furnide di grant cjâf", “capocjon", “cjavon". Tal nestri câs cu la zonte dal sufìs -àcco (incressitîf/dispreseatîf). A varessin di fâ part de schirie ancje cognons dal contor tant che Mazza, Mazzocco, Mazzucco, Mazzon e altris. Tal 1489 Domenego dicto Mazach habitante in Jutiz (ASU CRS 191/1).
Mazzante
De vôs mazzante, che il so significât al ve di jessi stât “maceladôr, cui che al cope un animâl". Viodi il visentin mazzante “chel, tra i sassins dal purcit, che lu cope" (Rapelli, 1995). Presint a Udin (cognon soredut marcjesan).
Mazzarella
Cognon dal Meridion de Italie. Stant a Caracausi 1993, al è diminutîf di Mazza, derivât di mazza, deverbâl di (am)mazzare (copâ), o di mazza come strument di lavôr o arme di vuere. Presint a Udin.
Mazzario
In principi al varà indicât une persone che e doprave lis macis o che, in ogni câs, e veve a ce fâ cun lôr. Presint a Cjanive (plui rapresentât a Vignesie e a Trevîs).
Mazzariòl
Mazzariûl o Mazzariòl al è il non di un folet (viodi Mazzarotto) e, in dialet trevisan, il massariòl al è un spirfolet mataran cu la forme di fantat vistût di ros (Bellò, 1991). Al sarà stât, duncje, un sorenon. O ben al sarà stât riferît a une persone che e faseve macis o che, in ogni câs, e veve a ce fâ cun lôr. Stant a Olivieri 1923 mazzariòl, in venit, al vûl dî “brut sium". N. Petris nol escludarès un adatament di massaro “colon". Cognon presint a Davian.
fonts
1493, ai 30 di Jugn Salvatore q. Nic. Mazarioli abit. in Gradisca Sedegl. – teste (Osp. 119,98). Biasutti: Mazzarolli. 1651 Ser Giacomo Mazzariolo di Clauzetto (ASU CRS 189/2). 1880 i Mazzariol presints a Cjanive di Sacîl, oriunts di Cjasâl (Luchini 1997).
Mazzarisi
Etnic di Mazara del Vallo in provincie di Trapani. Cognon sicilian presint a Udin.
Mazzarolli
Forsit come Mazzariòl (viodi). Cognon di Samont di Midun.
fonts
1596, ai 8 di Zenâr Francesco Mazzarollo da Spilimbergo accusato di eresia (ACAU – Inq. pr. 282); 1615 don Giovanni Mazzaroli, -o da Conegliano pievano di Asio e notaio in Clauzetto (AB); 1644 Sig. Antonio Mazzarollo da Conegliano era agente del nob. Franc. q. Ottavio Beltrame di S. Daniele (AB); 1665, ai 27 di Avrîl Sig. Alessandro Mazzarolo da S. Daniele – stima dei mobili e prestamenti portati in dote da sua moglie Angelica f. di d.no Pietro Mione (Bau – Cartolari Nuovi); 1693 Sig. Costantino Mazzaroli capitano di Meduno (ACR 282/1); 1707 M.° Franc. q. Pietro Mazzarolo di Sottomonte di Medun, cede beni alla Scuola di S. Valentino di Ciago (ASU CRS 284); 1718 nob. Antonio Mazzarolli capitano del Contado di Meduno (ACR 832/2); 1740 Menego q. m.° Zuane Mazzarollo d.° di Martin Codolo di Toppo, teste in docum. della Scuola del SS.mo Sacramento di Toppo (ASU CRS 523); 1741 Alessandro Mazzarollo notaio in Clauzetto (AB); 1795 Giuseppe Mazzarolla q. Alessandro notaio da Mortegliano (ASU); (la date e mancje) nob. Marco Maschi q. Sig. Pietro dei nobili di Sacile sposa Marietta del Sig. Andrea Mazzarolli di Sacile, che aveva beni in Zompicchia (ACR 70); 1820 Sig. Angelo Mazzarolli di Lodovico, possidente di Sacile, sposa la Sig.a Lucia Gasparinetti di Niccolò, possidente da Ponte di Piave (A.P. Sacîl); 1832, ai 15 di Setembar In borgo S. Giovanni a Pordenone, per la fuga dei cavalli impauritisi, si ribalta la carrozza del Sig. Fossati. Rimane morta sul colpo la signora Elisabetta Mazzaroli-Fossati. In quell’anno infierisce il vaiuolo nero, mietendo molte vite (Candiani 1902).
Mazzarotto
Mazzaròt o ben "maçarot" al è il non di un folet che al vagolave vie pai boscs batint i arbui cuntune mace (NP). Tal Corgnali: 1302 Warnerio dicto Maçarot de Buja a Glemone; 1354 Nicolussius Mazarot q. Varnerii de Buja a Vençon. Il cognon al vignarà, duncje, di un sorenon. O pûr si sarà riferît a une persone che e faseve macis o che, in ogni câs, e veve a ce fâ cun lôr.
torne sù