Tu âs cirût la peraule
bilengâl monolengâl
Tu âs cirût la peraule
morire
torne indaûr

bilengâl

morire v.intr.
  • 1a

    v.intr.

    (in loc.pragm., par manifestâ maravee di front a cdn. che si veve pierdût di viste par tant timp)
    chi non muore si rivede! = velu che al torne incà!

    v.intr. murî Copie

    [FO] (finî di vivi)
    è morto in un incidente stradale = al è muart intun incident stradâl
    non sapere di che morte morire = no savê di ce muart murî
    non voler morire = fâ fature a murî oppure jessi dûr di murî
  • 1b

    v.intr. murî Copie

    [FO] (di plantis, rivâ insom dal cicli vegjetatîf, flapîsi o ancje finî di vivi)
    se non la curi, la pianta muore = se no tu le curis, la plante e mûr
  • 1c

    v.intr. murî, crepâ Copie

    [FO] (di bestiis, finî di vivi)
    il cane ci è morto quando ormai aveva già dodici anni = il cjan nus è muart che al veve za dodis agns
  • 2

    v.intr. murî Copie

    [FO] (pierdi la vite par un ideâl)
    è morto per la patria = al è muart pe patrie

    v.intr. murî Copie

    (in espressions enfatichis)
    a costo di morire = a cost di murî

    v.intr. murî, vignî un colp Copie

    (par dî che un alc al è vêr)
    che io muoia se non è vero = o vuei murî se no je vere oppure che mi vegni un colp se no je vere
  • 3

    v.intr. murî Copie

    [FO] (patî une vore par vie di alc)
    morire di caldo = murî di cjalt
    morire di fatica = murî di fadie
  • 4

    v.intr. murî Copie

    [FO] (patî alc, provâ une emozion fuarte)
    lo hanno fatto morire di rabbia = lu àn fat murî di rabie
    mi fa morire dal ridere = mi fâs murî di ridi

    v.intr. murî Copie

    (par dî che alc al è une vore positîf o negatîf)
    più chiaro di così si muore = plui clâr di cussì si mûr
  • 5

    v.intr. murî Copie

    [FO] (no rivâ a resisti)
    ho una sete da morire = o ai une sêt di murî

    v.intr. murî Copie

    (in espressions che a vuelin dî vê une grande resistence)
    non morire mai = jessi dûr di murî

    v.intr. murî Copie

    (in espressions indreçadis a cui che si lamente par nuie)
    non si muore per così poco = no si mûr par cussì pôc
  • 6

    v.intr. murî Copie

    [FO] (patî un procediment di decjadence progressive)
    una tradizione che sta morendo = une tradizion che e je daûr a murî
  • 7

    v.intr. colâ, murî Copie

    [FO] (di alc, finî)
    l'iniziativa è morta subito dopo = la iniziative e je muarte subit daspò

    v.intr. murî, lâ in dismentie Copie

    (di personis, sparî de memorie, jessi dismenteât o scancelât de memorie)
    morire nel ricordo = lâ in dismentie
    per me è come se fosse morto = par me al è tant che al fos muart
  • 8

    v.intr. murî Copie

    [FO] (patî un disconfuart grant)
    alla sua partenza mi sono sentita morire = cuant che al è partît mi à vignût di murî
  • 9a

    v.intr. murî, lâ al mancul, lâ in nuie Copie

    [FO] (finî a sclip a sclip)
    i rintocchi delle campane sono morti in lontananza = i glons des cjampanis a son lâts al mancul lontans lontans
  • 9b

    v.intr. finî, lâ al mancul, lâ in nuie Copie

    [FO] (finî biel planc)
    la calura sta morendo = il cjalt al va al mancul

    v.intr. murî Copie

    (di sintiments, finî a planc)
    il suo amore per lei è morto lentamente = il so amôr par jê al è muart biel planc
  • 9c

    v.intr. murî Copie

    [FO] (finî, passâ)
    il sole muore all'orizzonte = il soreli al mûr sul orizont
    la primavera sta morendo = la Vierte je daûr a murî

    v.intr. murî Copie

    queste mode moriranno presto = chestis voghis a muriran in curt
  • 10

    v.intr. murî Copie

    [FO] (no rivâ a jessi)
    le parole mi sono morte in bocca = lis peraulis mi son muartis in bocje oppure mi son muartis li
  • 11

    v.intr. colâ, murî Copie

    [FO] (no rivâ a vê une realizazion)
    lo spettacolo è morto prima della rappresentazione = il spetacul al è muart prin de rapresentazion

    v.intr. murî Copie

    (no rivâ insom)
    la scommessa è morta lì = la scomesse e je muarte li
  • 12

    v.intr. murî Copie

    [FO] (finî in nuie)
    il sentiero muore lungo gli argini = il troi al mûr dilunc dai rivâi

    v.intr. murî Copie

    (lâ a finî)
    il torrente muore nel lago = il riu al mûr intal lât
  • 13

    v.intr. fermâsi Copie

    [FO] (no lâ plui indenant)
    il viaggio muore a Roma = il viaç si ferme a Rome
  • 14

    v.intr. molâ, murî Copie

    [TS] zûcs (intal biliart e intai zûcs di cjartis, molâ di zuiâ par vie che si declare di vê pierdude la partide)

locuzions

    da morire
  • di murîCopie
    [CO] (une vore fuart)
    c'è un freddo da morire = e je une criùre di murî
  • di murîCopie
    [CO] (une vore)
    la festa le è piaciuta da morire = la fieste i à plasût di murî
  • di murîCopie
    [CO] (cun valôr di superlatîf dal adietîf che si riferìs)
    è simpatica da morire = e je simpatiche di murî
    • morire come le mosche
  • murî a pleton, murî a miârs, murî tant che moscjisCopie
    [CO] (murî in tancj)
    i polli morivano come mosche per l'epidemia = i poleçs a murivin a miârs pe epidemie
    • morire come un cane
  • murî come un cjan, murî di bestieCopie
    [CO] (murî bessôl o in maniere crude)
    • morire cristianamente
  • murî di cristian, murî cu la religjon, murî in gracie di Diu, murî cui sacramentsCopie
    [CO] (-)
    dopo essersi confessato è morto cristianamente = daspò di vêsi confessât al è muart in gracie di Diu
    • morire dalla voglia
  • murî de voieCopie
    [CO] (bramâ une vore)
    moriva dalla voglia di dirgli la verità = al murive de voie di dîi la veretât
    • morire di morte lenta
  • murî spietantCopie
    [TS] (murî in spiete di savê alc)
    prima di sapere i risultati dovremo morire di morte lenta = prin di savê i risultâts o varìn di murî spietant
  • murî a plancCopie
    [CO] (murî daspò di une malatie lungje o une soference lungje)
    • morire di sonno
  • [CO] (cjale cadere dal sonno)
    • morire dietro
  • lâ al cûr, murî parCopie
    (bramâ tant une robe)
    muore dietro a quella casa = al mûr par chê cjase oppure chê cjase i va al cûr
  • murî daûrCopie
    [CO], [TS] (jessi une vore inamorât)
    muore dietro a quella ragazza = i mûr daûr a chê fantate
    • morire in peccato
  • murî cence vueli sant, murî cence sacraments, murî fûr de religjonCopie
    [CO] (murî cence podêsi confessâ e vê la benedizion)
    • morire nel proprio letto
  • murî intal so jetCopie
    [CO] (murî a cjase sô)
    • morire senza il prete
  • [CO] (cjale morire in peccato)
    • morire sulle labbra
  • murî in bocjeCopie
    (de peraule, no rivâ a dîle)
    davanti a quello spettacolo gli è morta la parola sulle labbra = denant di chel spetacul la peraule i è muarte in bocje
  • disparî sui lavrisCopie
    [CO] (dal ridi, disparî bot e sclop)
    il sorriso gli è morto sulle labbra = il ridi i è disparît sui lavris

monolengâl

finî v.tr.
(fi-nî)
Puartâ ae fin, ae conclusion, fâ fin insom
sinonims
compî, completâ, concludi, sierâ, terminâ, ultimâ
esemplis
"cuant che Eliseo al veve finît une vore, il vecjo i dave alc, e ogni volte si meteve i ocjâi, al tirave fûr il tacuin e al contave dîs voltis lis cjartis di cent e di mil"
gjavât fûr di "Prime di sere" di Carlo Sgorlon
"par plasê, tornìn a cjase. O finissarìn il zîr une altre volte"
gjavât fûr di "Pre Pitin" di Antoni Beline
finî v.tr., v.intr.
(fi-nî)
In costruzions cun "di" e infinît, puartâ insom une azion
sinonims
cessâ, molâ, lassâ, finîle
esemplis
"la clape e veve finît di mangjâ e, jevâts in pîts, i fantats si parecjavin a là"
gjavât fûr di "Il muc" di Roberto Ongaro
"e veve volût finî di studiâ a Triest, une lauree in lenghis"
gjavât fûr di "La salamandrie tal fûc" di Carlo Tolazzi
finî v.tr.
(fi-nî)
Copâ une persone o une bestie massime se za feride o in agonie (fig.)
esemplis
"dopo de fusilade dal ploton di esecuzion, l'uficiâl al finive il condanât cuntun colp di pistole"
finî v.tr.
(fi-nî)
Fâ patî, butâ intune brute cundizion
sinonims
copâ, butâ jù, sassinâ, tudâ, disfâ
esemplis
"o vevi propri il cjâf a nolis; è dut colpe des disgraciis che mi àn biel finide chest an"
gjavât fûr di "La ospitalitât" di Luigi Gortani
finî v.tr.
(fi-nî)
Fâ in mût che alc al sedi definitîf e che al vedi efiet
sinonims
fâ, sierâ
esemplis
"«[...] al è siôr Simon che ti spiete» dissè la Ulive «Chel al è seneôs di finî l'afâr»"
gjavât fûr di "La tiere di Lansing" di Maria Forte
finî v.tr.
(fi-nî)
Sierâ tant che tiermin o confin
sinonims
sierâ
esemplis
"chê muraia maestosa de lis Alpis che finissin la Italia"
gjavât fûr di "Il me paîs" di Federigo Comelli
finî v.intr.
(fi-nî)
Jessi te fin, rivâ ae fin, concludisi
sinonims
cessâ, concludisi, dismeti, murî, sierâsi, terminâ
esemplis
"intant al jere finît il bal e Nicola le puartave daprûf il banc domandant ce che e voleve bevi"
gjavât fûr di "Il svindic di Rosute" di Alan Brusini
"la vuere e je finide, al diseve, e si à di perdonâ"
gjavât fûr di "Faliscjis" di Cristina Noacco
"Tal an 1500, ae muart dal cont Leonart, la dinastie dai conts di Gurize e finìs e la Contee e passe sot dai Asburc"
gjavât fûr di "Autonomie tal Friûl austriac" di Ferruccio Tassin
finî v.intr.
(fi-nî)
Vê une cierte forme o maniere di jessi te fin, te terminazion, te estension e v.i.
sinonims
lâ a finî
esemplis
"il mûr, di une bande e di chê altre, al finive in dôs toratis"
gjavât fûr di "La aghe da pît la cleve" di Dino Virgili
finî v.intr.
(fi-nî)
Butâsi, confluî
sinonims
butâsi, lâ, lâ a finî
esemplis
"il roiâl dal so mulin, rigjavât dal Luri, al finive intun palût plen di cjanis e di crots"
gjavât fûr di "La aghe da pît la cleve" di Dino Virgili
finî v.intr.
(fi-nî)
Jessi, rivâ, capitâ, sore dut in mût acidentâl o cence vê volût
sinonims
capitâ, lâ, lâ a finî
esemplis
"in ce puest jerio finît? Se almancul o ves cjatât une indicazion di podê capî"
gjavât fûr di "Sense" di Checo Tam
finî v.intr.
(fi-nî)
Cjatâsi intune cierte cundizion, pal solit negative
sinonims
lâ, lâ a finî
esemplis
"Toni Aiz, al finì in galere a vite nome par vê sberlât «abasso Mussolini»"
gjavât fûr di "Chei di Cjasarse" di Alan Brusini
"dopo vê fat tantis strambariis chel puar om al à finît tal manicomi e là al è stât sierât cuatri agns"
gjavât fûr di "Strambariis" di Pieri Somede dai Marcs
"la gnove, come che o savês, e finì su ducj i gjornâi "
gjavât fûr di "L'om che al pierdeve pinsîrs pe strade" di Fabian Ros
finî v.intr.
(fi-nî)
Vê une cierte evoluzion o conclusion o risultât
sinonims
lâ, lâ a finî
esemplis
"cuntune trame che a moments e sfilie il surealisim e che e finìs in tragjedie"
gjavât fûr di "Festival di Pesaro 50+1" di Fabian Ros
"il Micul al finì par tiere, butât jù di un sganaf [...] Reson o tuart, lis partidis dal Bulo a finivin cussì che ducj i siei resonaments si ingrumavin tes mans"
gjavât fûr di "Il Bulo di Crodio" di Maria Forte
finî v.intr.
(fi-nî)
Rezint costruzions cul infinît, jessi o vê tant che risultât, tant che conclusion di un ciert procediment
esemplis
"la cuistion dai «Trê cjapitui» e finì cul dividi il patriarcjât"
gjavât fûr di "Cuintristorie dal Friûl fin sot la Italie" di Josef Marchet
"la sô vitorie su la muart che e finìs cul jessi ancje la nestre vitorie su la muart"
gjavât fûr di "Crist resurît al colme dute la sperance dal om" di Francesc Placerean
"se al starà inmò te barache al finirà par malâsi pardabon"
gjavât fûr di "Cjase di fitâ" di Pieri Somede dai Marcs
finî s.m.
(fi-nî)
Fin, moment, pont, puest dulà che alc o cdn. al finìs
sinonims
fin, finâl
esemplis
"cuant che a forin sul finî des cjasis a taiarin fûr pai prâts"
gjavât fûr di "Il muc" di Roberto Ongaro
"sul finî de matine Laurinç al le a cjaminâ de bande de campagne"
gjavât fûr di "I prâts des Savodagnis" di Agnul di Spere
detulis
"ce che no si vûl finî si fâs di mancul di començâ"
"cuant che a passin i codons, i uciei a finissin"
"cuant che a vegnin i sivilots a finissin i uciei"
"cuant che no si rive a dî: "glorie di Diu!" al è finît dut"
"cuant che no si vûl finî si fâs di mancul di tacâ"
"cuant che si scomence mâl, si finis piês"
"cui che al mûr al finìs di patî"
"cui che al scomence mâl al finìs piês"
"cui che al scomence masse voris no 'nt finìs nissune"
"cui che al scomence une vore in dì di vinars no le finìs plui"
"cui che ben al scomence ben al finìs"
"cui che nol sa sbassâsi a timp e lûc le finìs cul cjâf sbûs"
"cui che nol scomence nol finìs"
"finide la messe, brusade la cjandele"
"finide la zornade, finît il lavôr; finide la gnot, finît il ripôs"
"finîts i lens, si raspin lis stielis"
"i sants lu scomencin e Sant Andree lu finìs"
"mai no si scomence mai no si finìs"
"miôr no dî che scomençâ e no finî"
"miôr polente che e dure che no pan che al finìs"
"muarte la piore e je finide la lane"
"pic pic, il taiepiere nol deventarà mai ric: finît di picâ, finît di mangjâ"
"se il gjal al cjante daspò di misdì, il bontimp al è par finî"
"si scomence cul pôc e si finìs cul trop"
"tic tac, al fâs il cjaliâr; finît di ticâ, finît di mangjâ"
"une robe si sa cemût che e scomence ma no cemût che e finìs"
torne sù
torne sù