Tu âs cirût la peraule
bilengâl monolengâl
Tu âs cirût la peraule
nodo
torne indaûr

bilengâl

nodo s.m.
  • 1a

    s.m. grop Copie

    (leande fate par segnâsi alc o par visâsi di alc)
    fare un nodo al fazzoletto = fâ un grop tal façolet

    s.m. grop Copie

    (te tiessidure, leande che e torne a dâ continuitât al fîl)

    s.m. grop Copie

    [AU] (leande fate cui cjaveçs di une cuarde)
    il nodo si è sciolto = il grop si à disfat
    sa fare molti nodi diversi = al è bon di fâ tancj grops diferents
  • 1b

    s.m. grop Copie

    [AU] (gredei casuâl intune cuarde o tra plui cuardis, fîi e v.i.)
    lo spago è pieno di nodi = il spali al è plen di grops
  • 2

    s.m. grop Copie

    [CO] (lûc là che si incrosin lis viis di comunicazion)
    il nodo autostradale = il grop autostradâl
  • 3

    s.m. gredei, intop Copie

    [CO] (dificoltât)
    i nodi della trattativa sindacale = i gredeis de negoziazion sindicâl

    s.m. grop Copie

    (dubi)
    ci sono molti nodi da sciogliere = a son tancj grops di disgropâ
  • 4

    s.m. leam Copie

    [CO] (rapuart tra dôs o plui personis)
    tra di loro c'è uno stretto nodo di affetto = tra di lôr al è un grant leam di afiet
  • 5

    s.m. grop, pont, nusel Copie

    [CO] (aspiet decisîf)
    uno dei nodi del potere politico = un dai grops dal podê politic
  • 6

    s.m. grop Copie

    [CO] (passaçs di impuartance particolâr di une prose leterarie)
  • 7

    s.m. grop Copie

    [CO] (sens di opression, scjafoiament)
    avevo un nodo in gola = o vevi un grop tal cuel
    negli occhi aveva un nodo di pianto = intai voi e veve un grop di lagrimis
  • 8

    s.m. grop Copie

    [TS] metrol. (unitât di misure de velocitât des nâfs)
    la barca viaggiava a 15 nodi = la barcje e leve a 15 grops
  • 9a

    s.m. grop Copie

    [TS] biol. (part gruesse e taronde intai tiessûts animâi o des plantis)
  • 9b

    s.m. grop Copie

    [TS] bot. (pont di intersezion des fueis tal stoc de plante)
    i nodi di un noce = i grops di un cocolâr

    s.m. grop Copie

    (struture che si le viôt inte sezion dal len formade de inclusion di ramaçs tal tronc inte incressite de plante)
  • 10

    s.m. grop Copie

    [TS] med. (pont di incuintri di plui formazions)

    s.m.

    (cjale nodulo)
  • 11a

    s.m. junzion Copie

    [TS] astron. (pont là che la orbite di un cuarp celest e cjate il plan de eclitiche)
  • 12

    s.m. grop, junzion Copie

    [TS] mat. (pont dopli di une curve algjebriche là che a passin doi ramaçs di une stesse curve, a tangjentis reâls e distintis)

    s.m. grop, junzion Copie

    (tune rêt, il pont di incuintri di dôs retis)

    s.m. grop, junzion Copie

    (pont di dulà che a partissin i ramaçs di un diagram)
  • 13

    s.m.

    [TS] sport (cjale clinch)
  • 14

    s.m. grop Copie

    [TS] inform. (intune rêt informatiche, ognidun dai struments hardware in rêt tra di lôr)

    s.m. grop Copie

    (intune struture a arbul, posizion sul arbul che e pues presentâ colegaments cuntun o plui grops inferiôrs)

locuzions

    nodo a farfalla
  • grop a paveeCopie
    [CO] (grop a forme di pavee fat par leâ lis coreis des scarpis)
    • nodo corrente
  • [CO] (cjale nodo scorsoio)
    • nodo d'amore
  • grop di amôrCopie
    [CO] (motîf ornamentâl a grop doprât inte eraldiche e intal ricam)
    • nodo di Salomone
  • grop di salomonCopie
    [CO] (ace di fîi cence principi ni fin)
  • grop di salomon, gredeiCopie
    (situazion une vore complicade)
    è un vero nodo di Salomone = al è pardabon un gredei
  • grop di salomonCopie
    [TS] astrol. (figure astrologjiche doprade dai strions par sconzurâ)
    • nodo elettrico
  • grop eletricCopie
    [TS] eletr. (pont di confluence e di colegament tra plui liniis eletrichis di trasmission o di distribuzion)
    • nodo ferroviario
  • grop feroviariCopie
    [CO] (crosere, incuintri e diramazion di plui liniis de ferade)
    un importante nodo ferroviario = un grop feroviari impuartant
  • grop feroviariCopie
    (la localitât che si cjate in cheste crosere)
    il bombardamento distrusse il un nodo ferroviario = il bombardament al distruzè il grop feroviari
    • nodo gordiano
  • grop di Gordi, grop gordianCopie
    [CO] (grop crevât di Alessandri chel Grant par sodisfâ une prevision)
  • gredei di grops, grop gordianCopie
    (dificoltât grandonone)
    questo sì che è un nodo gordiano = chest sì che al è un gredei di grops
    • nodo margherita
  • grop margariteCopie
    [TS] mar. (grop par scurtâ la cuarde mole che e i cjaveçs fis)
    • nodo scorsoio
  • laç, gale, galan, sagulin, grop coridôr, strangulinCopie
    [CO] (laç che si strenç par ordin che si tire il cjaveç)
    si è impiccato con un nodo scorsoio = si à picjât tal laç
    • nodo senoatriale
  • grop sinoatriâlCopie
    [TS] anat. (struture anatomiche te base dal set interatriâl di li che a partissin fibris muscolârs e gnervosis che a puartin i stimui pe contrazion dal miocardi)

monolengâl

grop s.m.
Leam fat di cuarde, fîl o sim.
esemplis
"e pierdin une ore a fâsi il grop de golarine"
gjavât fûr di "Une peraulute di Vigji Scuete" di Josef Marchet
"tal indoman jê e fâs tancj grops te curdele des scarpis e cussì no rivave mai a gjavâlis"
gjavât fûr di "I trê cjadreons" di Andreina Nicoloso Ciceri
"la suele [dai scarpets] e vignive metude dongje cun spali, fermât di 1500-2000 grops"
gjavât fûr di "Scarpets, tai pîts la tradizion" di Oscar Puntel
grop s.m.
Insiemi di personis o robis une vore leadis tra di lôr (fig.)
esemplis
"jo, la cjase, jê, la tiere jerin un grop sôl"
gjavât fûr di "Vilie di Nadâl" di Pieri Somede dai Marcs
grop s.m.
Complès disordenât formât di fîi, cuardis, cjavei, pêi e v.i.
sinonims
berdei, garbui, gredei, imbroi, voluç
esemplis
"E il pêl? Il pêl dut plen di grops e di besteutis che i corin parsore"
gjavât fûr di "La gjate marangule" di Angelo Floramo
" ai pierdût il gno pietin... e cumò i cjavei mi deventaran dut un grop"
gjavât fûr di "Par piâ un fûc" di Alessandro Di Pauli
grop s.m.
Strente convulsive, disordenade (fig.)
esemplis
"i doi umign si imbrancarin, a marcolarin par tiere, muardintsi, sgrifignantsi, rugnant come bestiis, acanîts e insanganâts, tun grop di cuarps che a smalitavin"
gjavât fûr di "La aghe da pît la cleve" di Dino Virgili
grop s.m.
Toc di licuit organic condensât
sinonims
grum
esemplis
"chel che al rindè fûr e fo ancjemò bile, po une sbrume blancje e, tal ultin, sanc: dome che un grop, no di un colôr ros lustri, ma scûr come puinte"
gjavât fûr di "Tal ospedâl" di Amedeo Giacomini
grop s.m.
Tension psicologjiche negative, in câs ancje cun manifestazions fisichis (fig.)
esemplis
"intant che al fevelave, si sintive un grop che i strenzeve tal cuel, come par fermâi lis peraulis"
gjavât fûr di "Il muc" di Roberto Ongaro
"come se un grop si dismolàs fûr dal cûr a colp, al començà a sangloçâ"
gjavât fûr di "Sul agâr" di Pieri Menis
"ce che al mi ofint al è il mût, il grop, il rancôr / chest to sierâ i conts par simpri e bessôl"
gjavât fûr di "La sô puema" di Giorgio Ferigo
grop s.m.
Acjadiment, fat negatîf o malstâ dificil di acetâ o di fâ passâ (fig.)
sinonims
dûl, feride, lancûr, pinsîr, spine, tai, dolôr
esemplis
"al è stât par me un grant displasê. Un grop che nol passe"
gjavât fûr di "La tiere di Lansing" di Maria Forte
grop s.m.
Part gruesse e taronde che e da infûr
sinonims
gnoc
esemplis
"a picjavin lis cogumis e lis covertoriis lusintis su la fereade dai barcons, in rie, e sui grops des vîts che a cressevin di secui su la puarte di cjase"
gjavât fûr di "Zuan Jeremie" di Riedo Pup
"al da un colp al grop dal cuel de butilie che al salte vie come une cocule"
gjavât fûr di "Doi pizighets e un lari" di Pieri Menis
grop s.m.
Struture circolâr tes venis dal len, formade de inclusion di ramaçs tal tronc inte incressite de plante
esemplis
"breis plenis di grops"
grop s.m.
[BF] Toc bas di arbul cu lis lidrîs tacadis
sinonims
çoc, çocje
esemplis
"e ce grop; [la çocje che si impie par Nadâl] e dure sigûr fin al prin dal an"
gjavât fûr di "Gnot di Nadâl" di Pieri Somede dai Marcs
grop s.m.
Cualsisei struture plui o mancul circolâr che e à caratars diferents rispiet al rest che al è ator
esemplis
"a son ancje listis e grops di siliç nere"
gjavât fûr di "Gjeologjie e paleontologjie ator di Preon" di Francesco Gobbo
grop s.m.
Pont decisîf (fig.)
sinonims
cûr, nusel, struc
esemplis
"In chei agns al pareve che il grop principâl de cuistion al fos chel di decidi se l'insegnament de lenghe furlane a scuele al veve di sei obligatori o facoltatîf"
gjavât fûr di "Memoriis di politiche linguistiche" di Adrian Cescje
"lavâsi lis mans e gjavâsi a bon presit, cence rivà al grop de cuistion"
gjavât fûr di "Il dolfin" di Carlo Sgorlon
grop s.m.
Moment, volte singule li che al sucêt alc (fig.)
esemplis
"Masse robe intun grop, pre Nocent, masse robe!"
gjavât fûr di "Viaç a Vignesie" di Arturo Feruglio
"al passe un secul, a 'nt passin doi, ma al rive un grop e si paie dut"
gjavât fûr di "Pe unitât di glesie in Friûl" di Francesc Placerean
grop s.m.
Cuantât di personis o di elements che a stan dongje o che a àn carateristichis in comun
esemplis
"parlamentârs di ducj i grops de Comission"
gjavât fûr di "Cinccent a la volte" di Riedo Pup
"a 'nd jere di bielis tal grop des zovinis che a partivin insiemi a buinore"
gjavât fûr di "Cjase di Dalban" di Maria Forte
"i Celtics a jerin dividûts in putrops grops, che si guviernavin in forme republicane, plui di râr in forme di piçulis monarchiis"
gjavât fûr di "Cuintristorie dal Friûl fin sot la Italie" di Josef Marchet
Viôt ancje: grup
grop s.m.
[TS] (metrol.) Unitât di misure de velocitât des nâfs
esemplis
"la barcje e leve a 15 grops"
detulis
"cui che nol fâs il grop al piert il pont"
"cui che tal fîl nol fâs il grop al piert il pont"
"ducj i grops a vegnin al pietin"
"ogni grop al ven al pietin"
"ogni trop al romp il grop"
torne sù
torne sù