Tu âs cirût la peraule
bilengâl monolengâl
Tu âs cirût la peraule
novellino
torne indaûr

bilengâl

novellino adi., s.m.
  • 1

    adi. crei, novel, fresc Copie

    [CO] (di prodot de tiere, che al è juste vignût fûr)
    zucchine novelline = coçuts novei
  • 2

    s.m. novel, novizi, futiç Copie

    [CO] (che, cui che al è al inizi di une ativitât o di une profession e al è ancjemò pôc espert)

monolengâl

fresc adi.
Che al à temperadure avonde basse, cence rivâ a jessi frêt e podint ancje jessi plasevul
esemplis
"al jere cuasi scûr te sere frescje di Setembar"
gjavât fûr di "I forescj" di Alan Brusini, Gian Paolo Linda
"l'aiar net, fresc, daspò di une gnot di burlaçs, la matine biele"
gjavât fûr di "Cjantâ pe vile" di Laurin Zuan Nardin
"la bire che e coreve jù frescje pal gargat"
gjavât fûr di "Une letare par Bepo" di Pieri Menis
fresc s.m.
Temperadure avonde basse ma che e pues ancje jessi plasevule
esemplis
"l'ultin toc di strade prin dal rocul al jere ombrenûl, e il so fresc mi à fat ben"
gjavât fûr di "Memoriis di politiche linguistiche" di Adrian Cescje
fresc s.m.
Puest o cundizion dulà che la temperadure e je avonde basse, ma e pues fâ plasê
esemplis
"chê zoventût se gjoldeve tor une taule ben furnide di grazie di Diu, culà al fresc sot une piargule di ue nere"
gjavât fûr di "La Madalene" di Zuan Lurinçon
"e une butilie di blanc, ise za in fresc?"
gjavât fûr di "SIP" di Laurin Zuan Nardin
"sentaitsi intant ca difûr al fresc sun chest scagnut"
gjavât fûr di "Meni Fari" di Luigi Gortani
fresc s.m.
Di alc di mangjâ, a pene fat, prontât, metût in vendite, cence procediments di conservazion
sinonims
gnûf, zovin
esemplis
"la Cinccent di Rino, che e procurave il pan fresc ogni buinore a dute la mularie"
gjavât fûr di "Faliscjis" di Cristina Noacco
"o stevi miôr sì, là sù, cui miei, in mieç des monts, a passon cu lis pioris, pan di siale, lat fresc, lat piât, aghe risultive"
gjavât fûr di "Lassait che mi sbrochi!" di Pieri Somede dai Marcs
"une fuiace di farine di sorc cuinçade cun spongje frescje"
gjavât fûr di "Chei di Muraie" di Pieri Menis
"se o cjolês un folp fresc, netaitlu de robe di dentri e conzelaitlu: in cheste maniere la cjar e sarà plui tenare"
gjavât fûr di "Polbo á feira – Folp a la galiziane" di Sandri Carrozzo
"lis comaris i puartavin cui un salam, cui un pôcs di ûfs frescs, cui un balet di spongje, cui une gjaline, cui un mezut di farine"
gjavât fûr di "Il miracul des panolis" di Angelo Covazzi
fresc adi.
Di rosis, a pene viertis e ancjemò su la plante, o a pene cjoltis sù e no secjadis
esemplis
"la balaustre plene di rosis frescjis"
gjavât fûr di "Chei di Muraie" di Pieri Menis
"e veve intorsi il plui biel vistît de fieste e une rose frescje tai cjavei"
gjavât fûr di "Il cûr te tiere" di Dino Virgili
fresc adi., s.m.
Di vernîs, tinte, stabilidure e v.i., dade sù di pôc
sinonims
resint
esemplis
"al veve une vecje Torpado mieze rusine e cu lis mantiis di cuar. Le veve pene piturade cuntun lavôr “a cjandele” ven a stâi al veve brusât la vernîs frescje fasint des riis"
gjavât fûr di "La muart e Svualdin" di Milio dai cjans
fresc adi.
Resint, nassût, vignût, sucedût di pôc, o che al à a pene fat une cierte azion e v.i.
sinonims
crei, de ultime ore, di zornade, gnûf, gnûf resint, resint
esemplis
"voie di fermâsi par pognisi su la jerbe frescje e lassâ che il mont al vadi par so cont"
gjavât fûr di "Trê feminis" di Gianni Gregoricchio
"a àn cjapât il troi dal Fontanon par scurtâle, pescjant la nêf frescje colade vie pe gnot"
gjavât fûr di "Funerâl a Pâl Piçul" di Pieri Menis
"e jere in jê une voie frescje di doprâsi par une famee dute sô"
gjavât fûr di "Cjase di Dalban" di Maria Forte
"se moche [...] convint di vê vût da fâ cuntun mat vignût fresc fresc di Sant Svualt"
gjavât fûr di "Viaç a Vignesie" di Arturo Feruglio
"masse grant il displasê, masse fonde la feride, masse fresc il fat"
gjavât fûr di "Cretevierte" di Roberto Ongaro
fresc adi.
Cun daspò la prep. "di", al pant une cundizion o azion a pene finide
esemplis
"vin di lâ insiemi là di chê femine frescje di part, che no somee tant ben"
gjavât fûr di "Vilie di Nadâl" di Pieri Somede dai Marcs
"la bataie pe costituzion de Universitât in Friûl, che e jere frescje di un grant sucès"
gjavât fûr di "Un Friûl difarent: i 90 mhz di Onde Furlane" di Max Mauro
"la Cjarte Costituzionâl de Republiche taliane, ancjemò frescje di ingjustri, e stabilìs un ordenament autonomistic pes regjons che a formin il Stât"
gjavât fûr di "...e la leç e je salve" di Josef Marchet
"cence savê si inacuarzè di cjareçâ chel mûr fresc di malte"
gjavât fûr di "Il mâl dal mûr" di Lucio Perès
fresc adi.
In fuarce, in salût, par vie di no jessi stât fruiât dal timp o di alc di brut
sinonims
biel, florît, in flôr, in salût, prospar, resint, rubest, san
esemplis
"musis zovinis cun bocje frescje e voi plens di lûs"
gjavât fûr di "Cjase di Dalban" di Maria Forte
"cuant che lu à menât dongje, [il mus] al jere dibot un puieri, fresc e vivarôs tant che l'arint vîf"
gjavât fûr di "Lis predicjis dal muini" di Josef Marchet
"cul passâ dai agns, si fasìn simpri plui debii, simpri plui smamîts, simpri plui flaps e la nestre piel frescje e devente come peleote"
gjavât fûr di "I mîts di Babylonie" di Checo Tam
"che l'amôr fresc che o vês vuê no us bandoni mai te vite"
gjavât fûr di "Cuant che tal matrimoni al è l'amôr cristian, li al è verementri Diu" di Francesc Placerean
fresc adi.
Che al à lis bielis cualitâts di ce che al è gnûf
esemplis
"chel aiarin imbombât di odôrs frescs e gnûfs"
gjavât fûr di "La "Fieste dai Roncs"" di Meni Ucel
fresc adi.
Di cdn., che al à ancjemò fuarcis, no strac
sinonims
distracât, in forme, in fuarce, in salût, polsât, svelt
esemplis
"Eliseo al le sù cence fature, par vie che al jere ancjemò fresc di fuarcis"
gjavât fûr di "Prime di sere" di Carlo Sgorlon
"mandâ reparts frescs sul front"
fresc adi.
Naturâl, spontani, no artificiôs, no masse elaborât
sinonims
spontani, vîf, vivarôs, gjenuin, naturâl
esemplis
"un mût di scrivi fresc e svelt"
fresc s.m.
[TS] (pit.) Strât di stabilidure no sut dal dut che si piture sore cun colôrs a aghe
fresc s.m.
[TS] (tess.) Tiessût lizêr di lane par vistiari estîf
detulis
"a cjaval vieli i plâs la jerbe frescje"
"e vâl plui une rose frescje che no un scovul"
"il pes al vûl fresc"
torne sù
torne sù