Hai cercato la parola
bilingue monolingue
Hai cercato la parola
nugolo
Torna indietro

bilingue

nugolo
  • 1

    s.m. nûl, fulugne, grum, sdrume Copia

    [CO] (grande cuantitât di robis o di personis)
    un nugolo di moscerini = un nûl di moscjins
    un nugolo di spettatori = une sdrume oppure un grum oppure une fulugne di spetatôrs

monolingue

nûl s.m.
Masse di vapôr e di particulis licuidis inte atmosfere, ancje cun valôr coletîf
esempi
"al à plot vie pe gnot e i nûi bas a cuvierzin lis montagnis"
da "Faliscjis" di Cristina Noacco
"un nûl neri e cjamât di ploie nol prometeve nuie di bon"
da "Aiar di cjase" di Franca Mainardis
"scurît il soreli sot di un bâr di nûl grîs, la campagne si jere inmusonade"
da "Clâr e scûr" di Pieri Somede dai Marcs
"il cîl si jere scurît e de Basse e vignive sù une musse grise di nûl"
da "Il fi de Rosse" di Pieri Menis
"a vignivin fûr cumò a planc e fis barcjons di nûi"
da "La aghe da pît la cleve" di Dino Virgili
"i plasevin i amonts colorîts, i nûi a grenis tal cîl plen di aiar"
da "Come tai romançs" di Alan Brusini
"la mont dal Jôf e veve un biel cjapiel di nûi sirocâi"
da "I furlans e il timp" di Riedo Pup
"une zornadesse malsigure fra mostris di seren e sgjarpiduris di nûi"
da "Cjase di Dalban" di Maria Forte
"un nûl penç, scûr, al pesave su lis cjasis come une grant cape di plomp"
da "Sant Simon: 28 di Otubar 1917" di Pieri Somede dai Marcs
Vedi anche: niul, niule, nuli, nuvule, nule
nûl s.f.
Element o aspiet in cualchi maniere negatîf (fig.)
sinonimi
ombre
esempi
"cun cheste pene e cun cheste teme o stin a cjalâ il gnûf an che al nas daûr di un tabâr di nûl"
da "Il cîl nulât" di Josef Marchet
nûl s.m.
Ce che al pues someâ a une di chês massis (fig.)
esempi
"cuant che al menave la scove, al vignive un nûl di polvar"
da "Vilie di fieste" di Lucio Perès
"il cuviert si disbletave, al colave a tocs tal fûc disveant sù un nûl di faliscjis e di fum"
da "La aghe da pît la cleve" di Dino Virgili
nûl s.m.
[TS] (graf.) Tai pipins, sorte di suaze li che a son lis peraulis ditis o pensadis dai personaçs
sinonimi
fumut, balon
proverbi
"a Madone des cjandelis, se al è nûl o sin fûr, se al è clâr a mieç Invier"
"al nûl e al cûr nissun no i comande"
"cuant che al è nûl, al po plovi cuant che al vûl"
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che il soreli la joibe al va tal nûl, domenie al plûf sigûr"
"cui che al abade ogni nûl no si met mai in viaç"
"cui che al cjale ogni nûl no si met mai in viaç"
"nuie nûl, nuie ploie"
"nûl a lane al po durâ une setemane,"
"nûl a scjalins ploie a sglavins"
"nûl a scjalins, ploie a cjadins; nûl a barcjons, ploie a bleons"
"nûl a scjalins, ploie a sglavins; nûl a barcjons, ploie a bleons"
"nûl e cûl al fâs ce che al vûl"
"nûl in mont, ploie in cont"
"nûl lizêr la sere, bon timp si spere"
"nûl ros la matine, la ploie e je vicine; nûl ros la sere, bon timp si spere"
"par seren che al sedi il cîl, al è simpri un bâr di nûl"
"parsore il nûl al è simpri seren"
Torna in Cima
Torna in Cima