Tu âs cirût la peraule
bilengâl monolengâl
Tu âs cirût la peraule
occhiello
torne indaûr

bilengâl

occhiello s.m.
  • 1a

    s.m. asule Copie

    [AD] (piçule viertidure, lungje e staronzade, rinfuarcide cuntun ôr o un anel di metal, fate su vistîts, cartons, velis e v.i., par fâ laçs, fiubis, rimpins e v.i.)

    s.m. asule Copie

    (bordadure o anelut metalic par rinfuarcî o furnî chê viertidure)
  • 1b

    s.m. asule, botonade Copie

    [AD] (piçul tai fat su la stofe di un vistît e v.i., bordât cul fîl parcè che no si slavri, li che si fasin passâ i botons)
    infilare il bottone nell'occhiello = impirâ il boton te asule
  • 2

    s.m. voli Copie

    [TS] tecn. (anel metalic fat di pueste par jessi invidât intal len o in altris materiâi)
  • 3

    s.m. voglut Copie

    [TS] paleograf. (in cualchi cualitât di scriture, spec. corsive, part superiôr o inferiôr di chês letaris che si sierin cuntun cerclut)
  • 4a

    s.m. voglut, mieç titul Copie

    [TS] tipogr. (titul di une opare cence indicazion dal autôr e dal editôr, stampât su la pagjine che e ven prin de prime che e à titul, non dal autôr e dal editôr)

    s.m. voglut, mieç titul Copie

    (titul di un cjapitul dentri di un volum)

    s.m. voglut, mieç titul Copie

    (pagjine blancje cun chel titul)
  • 4b

    s.m. voglut, rie curte Copie

    [TS] tipogr. (ogni scrite no plui lungje di une rie e che no cjapi dute la justece di une pagjine)
  • 4c

    s.m. soretitul Copie

    [TS] gjorn. (intun articul, espression lungje no plui di une rie e cu la justece e il cuarp inferiôrs dal titul che i ven daspò)

locuzions

    chiodo a occhiello
  • claut a asuleCopie
    [TS] tecn. (claut cul cjâf fat a anel par passâ dentri fîi, cuardis e altri)

monolengâl

voli s.m.
(vo-li)
Ognidun dai doi, o plui in cierts invertebrâts, orghins che a permetin di viodi, sedi in riferiment a dut l'orghin, sedi dome in riferiment ae part che si viôt o ancje dome ae part colorade
esemplis
"a son cetantis bestiis, come lis furmiis o lis âfs, che a àn i voi fats a pueste par ricognossi la polarizazion de lûs"
gjavât fûr di "La polarizazion de lûs" di Marisa Michelini, Alberto Stefanel
"e cjalave adalt, parantsi i voi cuntune man par no restâ inceade"
gjavât fûr di "Trê feminis" di Gianni Gregoricchio
"il malât al veve la muse zale e dute un sudôr, i voi tirâts che si viodevii dome che il blanc"
gjavât fûr di "Tal ospedâl" di Amedeo Giacomini
"a Nene, dibot che i vignirin lis lagrimis tai voi, pal ingropament"
gjavât fûr di "Cretevierte" di Roberto Ongaro
"un agnulin di sium, biont, cui biei voi celescj e une bocje ridinte"
gjavât fûr di "La massarie" di Dino Virgili
"benedet chel voli neri / benedet chel voli grîs / mi somee une bambinute / che e ven fûr dal paradîs"
gjavât fûr di "Benedet chel voli neri" di Popolâr
voli s.m.
(vo-li)
Il stâ atent, il tignî sot control, il visâsi, il capî (fig.)
esemplis
"lis paronis a àn di vê il voli pardut"
gjavât fûr di "Ursule" di Pieri Somede dai Marcs
"tantis voltis a àn voi pai ôcs, pai dindiats, pai cunins, par dute la prole dal gjalinâr e dal cjôt, ma no pe lôr canaie"
gjavât fûr di "Lis predicjis dal muini" di Josef Marchet
voli s.m.
(vo-li)
Barcon taront o ovâl
esemplis
"[la glesie di Sant Francesc a Udin] si presente plui slançade, cuntune façade elegante cul voli inserît intun cuadrât in mieç a dôs arcadis a balconade"
gjavât fûr di "Storie de art in Friûl" di Bepi Agostinis
voli s.m.
(vo-li)
Cualsisei viertidure o element plui o mancul taront
esemplis
"i voi dal cjadenaç"
"i voi des fuarpiis"
"i voi dal ferâl"
voli s.m.
(vo-li)
Piçule gote di gras che si forme su la superficie di un licuit
esemplis
"un brût cui voi di ont che a nadin parsore"
voli s.m.
(vo-li)
[TS] (gastr.) Bûs dal formadi o di preparazions fermentadis o jevadis
voli s.m.
(vo-li)
[TS] (agr.) Piçule butade a pene nassude di une plante, che si pues doprâ ancje par insedâ
sinonims
impulin
esemplis
"fertilitât basâl alte (raps che ogni gjeme o voli al pues produsi [...])"
gjavât fûr di "Lis varietâts di vît resistentis a lis malatiis" di Enrico Peterlunger
"badait di sielzi i voi da chei morârs, che si viestin di miôr fuee"
gjavât fûr di "Il Contadinel, 1871" di Giuseppe Ferdinando Del Torre
voli s.m.
(vo-li)
Maglute dai liùms che e corispuint al pont li che a jerin tacâts tal didentri de vuaìne o dal cosul
esemplis
"il voli dai fasûi"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"fasûi cul voli neri"
detulis
"a viodin plui cuatri voi che no doi"
"a vuelin trê robis par salvâsi: bon voli, buine gjambe e puarte vierte"
"ancje il voli al vûl la sô part"
"cuant che la bolp e predicje, voli a lis ocjis"
"cuatri voi a viodin plui di doi"
"cui che al sofle te cinise si jemple i voi"
"fin al zenoli ogni voli, dal zenoli insù nome jo e tu"
"fortunât cui che al à un voli tal paîs dai vuarps"
"i voi a son fats par cjalâ"
"il barcon al à i voi e la cise lis orelis"
"il voli al è il spieli dal cûr"
"il voli dal paron al ingrasse il cjaval"
"la tristerie a mene miserie, la miserie a mene pedoi e i pedoi a mangjin ancje i voi"
"lis personis si cognossilis tal voli"
"lontan dai voi, lontan dal cûr"
"nuie al è bon pai voi"
"ognidun al viôt cui siei voi"
"par salvâsi a vuelin trê robis: bon voli, buine gjambe e puarte vierte"
"par vendi al baste un voli, par comprâ no 'nd bastin cent"
"spalancâ i voi parsore il ben, sierâ un voli parsore il mâl"
"tal paîs dai vuarps al è fortunât chel che al à un voli sôl"
"tal paîs dai vuarps beât cui che al à un voli"
"tu âs plui grancj i voi che no la bocje"
"voli in tane, raze putane"
"voli in tane: se no ti à ingjanât, ti ingjane"
torne sù
torne sù