Tu âs cirût la peraule
bilengâl monolengâl
Tu âs cirût la peraule
ombra
torne indaûr

bilengâl

ombra s.f.
  • 1a

    s.f. ombre, ombrenûl, ombrene Copie

    [FO] (zone di scûr produsude di un cuarp che al ferme la lûs denant di une superficie)
    l'ombra della casa si allungava al tramonto = la ombrene de cjase si slungjave sul lâ a mont dal soreli
    mettersi all'ombra = metisi inte ombrene oppure in ombrenûl
    riposare all'ombra = polsâ te ombrene oppure tal ombrenûl
  • 1b

    s.f. ombre, ombrene Copie

    [FO] (la part no iluminade di un cuarp esponût ae lûs)
    la faccia in ombra della luna = la bande in ombrene de lune
  • 2

    s.f. ombre Copie

    [TS] art (in dissens, cuadris e v.i., tonalitât scure)

    s.f. ombre Copie

    (intune fotografie, zone di scûr)
  • 3

    s.f. scûr, ombre Copie

    [FO] (mancjance di lûs)
    le ombre della notte = il scûr de gnot

    s.f. scûr, ombrene Copie

    (mieze ombre, scuretât, nerum)
    la stanza era immersa nell'ombra = la cjamare e jere sprofondade inte ombrene
  • 4

    s.f. ombre, ombrene Copie

    [FO] (imagjin di un cuarp proietade in negatîf de lûs su di une superficie)
    l'ombra dell'albero sulla strada = la ombrene dal arbul su la strade

    s.f. ombre Copie

    (il ricuart smamît di ce che un al jere stât)
    è l'ombra di se stesso = al è la ombre di ce che al jere
  • 5

    s.f. parence, ombre Copie

    [FO] (persone o robe viodude in mût no clâr)
    nel buio intravedevamo solo l'ombra dei presenti = intal scûr o viodevin dome la ombre dai presints
  • 6

    s.f. ombre, maglute, sì e no Copie

    [FO] (magle lizere)
    hai un'ombra di rossetto sulla guancia = tu âs une ombre oppure un sì e no di sbelet su la muse
  • 7

    s.f. parence, ombre Copie

    [FO] (spirt dai muarts)
    il regno delle ombre = il ream des ombris
  • 8

    s.f. ombre Copie

    [FO] (ce che al è svoladi, che al dure pôc e nol vâl nuie)
    correre dietro alle ombre = cori daûr des ombris
    i soldi sono solo un'ombra = i bêçs a son dome une ombre
  • 9

    s.f. ombre Copie

    [FO] (manifestazion smavide di un sintiment)
    un'ombra di dolore gli attraversò il volto = une ombre di dolôr i passà pe muse
  • 10

    s.f. ombre Copie

    [FO] (cuantitât une vore piçule, spec. in espressions negativis cun valôr iperbolic)
    non c'è neanche l'ombra di un sospetto = no je nancje la ombre di un suspiet
    non c'è ombra di dubbio = no je ombre di dubi
  • 11

    s.f. ombre Copie

    [FO] (lancûr, turbament, suspiet)
    era tormentato dall'ombra della colpa = al jere tormentât de ombre de colpe
  • 12

    s.f. ombre Copie

    [TS] erald. (figure dissegnade lizere in mût che si viodi sot il cjamp)
  • 13

    s.f. ombre Copie

    [TS] psic. (intes teoriis di Jung, la bande scure e no diferenziade de psiche dal om)
  • 14

    s.f. ombre Copie

    [TS] med. (in radiodiagnostiche la superficie delimitade di une masse che e à assorbidis lis radiazions)
  • 15

    s.f. ombre Copie

    [TS] petr. (intun cret metamorfic e granitizât, toc di composizion diferente dal rest)

locuzions

    avere paura della propria ombra
  • vê pôre de sô ombreCopie
    [CO] (vê pôre di dut)
    • bandiera ombra
  • bandiere di convenienceCopie
    [TS] mar. (bandiere che un paîs i da a un armadôr forest che al vûl vê vantaçs fiscâi)
    per comprare una bandiera ombra bastano poche centinaia dollari = par cjolisi une bandiere di convenience a bastin pôcs centenârs di dolars
    • dare ombra
  • fâ ombrene, dâ ombrene, ombrîCopie
    [CO] (dal fâ o dome dal jessi presint di cdn. che al da fastidi a cdn. altri che al à pôre di passâ in secont plan e che al devente gnervôs)
    ha paura che il collega gli dia ombra = al à pôre che il coleghe i dei ombrene oggi tutto gli da ombra = vuê dut lu ombrìs
    • fare ombra
  • fâ ombreneCopie
    [CO] (ombrenâ)
    ci fa ombra la pergola della vite = nus fâs ombrene la piergule la quercia fa ombra alla casa = il rôl i fâs ombrene ae cjase
  • [CO] (cjale mettere in ombra)
    • farsi ombra
  • fâsi ombreneCopie
    [CO] (parâsi dal soreli)
    si faceva ombra sugli occhi col cappello = si faseve ombrene sui voi cul cjapiel
    • gettare ombra
  • fâ ombrene, ombrî, ombrenâ, ombrizâCopie
    [CO] (fâ ombrene fermant la lûs)
    la torre gettava ombra sul frutteto = la torate e ombrive il broili
  • butâ ombre, fâ ombre, butâ discreditCopie
    [CO] (comprometi, discreditâ)
    il processo ha gettato ombra sull'azienda = il procès al à butade ombre su la aziende
    • mettere in ombra
  • fâ ombreCopie
    [CO] (sminuî il valôr di cdn. o di alc)
    con la sua presenza ha messo in ombra tutti gli altri = cu la sô presince ur à fat ombre a ducj chei altris
    • prendere ombra
  • cjapâ ombre, inombrîsi, ombrîsi, imbrinâsiCopie
    [CO] (dal cjaval, cjapâ pôre e deventâ gnervôs)
  • cjapâ ombre, inombrîsi, ombrîsi, imbrinâsiCopie
    (di persone, che e cjape pôr par nuie)
    prende ombra appena uno scherza = si ombrìs a pene che un un al scherce

monolengâl

ombre s.f.
(om-bre)
Zone o part no iluminade de lûs
sinonims
scûr, ombrene, ombrenûl, ombrie
esemplis
"e tacà la rive ta la ombre frescje des cjasis, po, parsore, e tornà te batude direte dal soreli"
gjavât fûr di "Cjase di Dalban" di Maria Forte
ombre s.f.
(om-bre)
Imagjin di un cuarp proietade in negatîf de lûs su di une superficie
sinonims
ombrene
esemplis
"il soreli al jere zaromai alt, i boscs no fasevin plui lis ombris lungjis sore i flancs de valade"
gjavât fûr di "In Friûl, nossere" di Agnul di Spere
"lis ombris che ur cjaminavin da pâr, si scurtin a sbighet, si tirin sot lis ruedis cjochis di zirâ"
gjavât fûr di "La aghe da pît la cleve" di Dino Virgili
ombre s.f.
(om-bre)
Segn scûr
sinonims
scûr, ombrene
esemplis
"vistidi da neri, cun chê ombri di stracura intor dai voi"
gjavât fûr di "Cjasa da la mê zent" di Novella Cantarutti
ombre s.f.
(om-bre)
Persone o robe viodude in mût no clâr o che si viôt dome par jessi scure cuintri un fonts plui clâr
sinonims
sacume, ombrene, figure
esemplis
"une gnot trê ombris a sbrissarin vie di scuindon dilunc la cente dai Madiis, a voltarin li de torate che e fâs cjanton sul flum"
gjavât fûr di "La aghe da pît la cleve" di Dino Virgili
"ogni om, pes stradis scuris, al deventave nome une ombre cence non"
gjavât fûr di "Il muc" di Roberto Ongaro
"il dissen dal orizont dulà che a vignivin sù lis ombris di aeroplans bombardîrs"
gjavât fûr di "Lis pinessis" di Checo Tam
ombre s.f.
(om-bre)
Spirt dai muarts
sinonims
fantasime, spirt, parence
esemplis
"si viodin ombris, mo in forme di om e mo in forme di femine, che a contin bêçs, grums di arint e di aur che a fasin vignî la aghegole"
gjavât fûr di "Lis leiendis di Buie" di Pieri Menis
"lis ombris dai vons, se a varan fuarce di tornâ culenci, a restaran scaturidis viodint la cjase cence lûs e cence flât, cussì tasselade di pieris pusticis"
gjavât fûr di "I arcs" di Maria Forte
ombre s.f.
(om-bre)
Persone che e à pierdût tant pês o tante fuarce o tantis capacitâts (fig.)
esemplis
"tu mi viodis là che o soi ridusude di muse, di peraule… no soi plui se no la ombre di me"
gjavât fûr di "Vieri e gnûf" di Pieri Piçul
ombre s.f.
(om-bre)
Presince o cuantitât une vore piçule, sedi di alc di materiâl che di imateriâl, spec. in espressions negativis cun valôr iperbolic (fig.)
sinonims
olme, fregul
esemplis
"te cjamare no jere nancje la ombre di une stue"
gjavât fûr di "I forescj" di Alan Brusini, Gian Paolo Linda
"l'idrogjen, pûr jessint l'element chimic plui bondant tal univiers, inte forme molecolâr (H 2) si lu cjate tal aiar dome in ombris (0,5 part par milion!)"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"cence armis, cence mieçs, cence ordin, cence ombre di preparazion militâr"
gjavât fûr di "Cuintristorie dal Friûl fin sot la Italie" di Josef Marchet
ombre s.f.
(om-bre)
Espression negative o indefinide o svelte che si impâr te muse o te cjalade
esemplis
"al jere vignût blanc, sec, tombadiç, cuntune ombre di pôre tai voi e lis spalis pletis"
gjavât fûr di "La aghe da pît la cleve" di Dino Virgili
"e cuant che encje jo i ai butât dintor / il risi, a à vût una ombra di ridi nervôs / una voglada di chês di un timp / che a mi à voltât par dret e par ledrôs"
gjavât fûr di "Un picjât" di Giorgio Ferigo
ombre s.f.
(om-bre)
Sens di suspiet, di risintiment, di fastidi o in cualchi maniere di contrarietât (fig.)
esemplis
"Pitin non veve un naturâl facil e, o par ombre o par scrupul, al cavilave cun ducj chei che a jerin a vivi cun lui"
gjavât fûr di "Pre Pitin" di Antoni Beline
"le cjalavi cun ombre: masse robis mi veve scuindudis"
gjavât fûr di "Dome la cjampanute di Sant Bortul" di Maria Forte
"il prin suspiet inmò crei, si jere pontât dentri vie. A pene une ombre, un scrupul di vê sbaliât il judizi su di lui"
gjavât fûr di "Mabile la Lunghine" di Maria Forte
ombre inter.
(om-bre)
Tant che espression di maravee o di altris sensazions imburidis o tant che esclamazion o imprecazion gjeneriche
esemplis
"vuê di matine o lei a fâ cuatri pas in zardin e mi rimpinai sù fin in cime de Rive. Ombre! e ce fature"
gjavât fûr di "Florean dal Palaç, I, 13" di Guido Antonioli
detulis
"l'Invier al fûc, l'Istât a la ombre"
"la bolp e à pôre de sô ombre"
torne sù
torne sù