Hai cercato la parola
bilingue monolingue
Hai cercato la parola
ombra
Torna indietro

bilingue

ombra
  • 1a

    s.f. ombre, ombrenûl, ombrene Copia

    [FO] (zone di scûr produsude di un cuarp che al ferme la lûs denant di une superficie)
    l'ombra della casa si allungava al tramonto = la ombrene de cjase si slungjave sul lâ a mont dal soreli
    mettersi all'ombra = metisi inte ombrene oppure in ombrenûl
    riposare all'ombra = polsâ te ombrene oppure tal ombrenûl
  • 1b

    s.f. ombre, ombrene Copia

    [FO] (la part no iluminade di un cuarp esponût ae lûs)
    la faccia in ombra della luna = la bande in ombrene de lune
  • 2

    s.f. ombre Copia

    [TS] (in dissens, cuadris e v.i., tonalitât scure)

    s.f. ombre Copia

    (intune fotografie, zone di scûr)
  • 3

    s.f. scûr, ombre Copia

    [FO] (mancjance di lûs)
    le ombre della notte = il scûr de gnot

    s.f. scûr, ombrene Copia

    (mieze ombre, scuretât, nerum)
    la stanza era immersa nell'ombra = la cjamare e jere sprofondade inte ombrene
  • 4

    s.f. ombre, ombrene Copia

    [FO] (imagjin di un cuarp proietade in negatîf de lûs su di une superficie)
    l'ombra dell'albero sulla strada = la ombrene dal arbul su la strade

    s.f. ombre Copia

    (il ricuart smamît di ce che un al jere stât)
    è l'ombra di se stesso = al è la ombre di ce che al jere
  • 5

    s.f. parence, ombre Copia

    [FO] (persone o robe viodude in mût no clâr)
    nel buio intravedevamo solo l'ombra dei presenti = intal scûr o viodevin dome la ombre dai presints
  • 6

    s.f. ombre, maglute, sì e no Copia

    [FO] (magle lizere)
    hai un'ombra di rossetto sulla guancia = tu âs une ombre oppure un sì e no di sbelet su la muse
  • 7

    s.f. parence, ombre Copia

    [FO] (spirt dai muarts)
    il regno delle ombre = il ream des ombris
  • 8

    s.f. ombre Copia

    [FO] (ce che al è svoladi, che al dure pôc e nol vâl nuie)
    correre dietro alle ombre = cori daûr des ombris
    i soldi sono solo un'ombra = i bêçs a son dome une ombre
  • 9

    s.f. ombre Copia

    [FO] (manifestazion smavide di un sintiment)
    un'ombra di dolore gli attraversò il volto = une ombre di dolôr i passà pe muse
  • 10

    s.f. ombre Copia

    [FO] (cuantitât une vore piçule, spec. in espressions negativis cun valôr iperbolic)
    non c'è neanche l'ombra di un sospetto = no je nancje la ombre di un suspiet
    non c'è ombra di dubbio = no je ombre di dubi
  • 11

    s.f. ombre Copia

    [FO] (lancûr, turbament, suspiet)
    era tormentato dall'ombra della colpa = al jere tormentât de ombre de colpe
  • 12

    s.f. ombre Copia

    [TS] (figure dissegnade lizere in mût che si viodi sot il cjamp)
  • 13

    s.f. ombre Copia

    [TS] (intes teoriis di Jung, la bande scure e no diferenziade de psiche dal om)
  • 14

    s.f. ombre Copia

    [TS] (in radiodiagnostiche la superficie delimitade di une masse che e à assorbidis lis radiazions)
  • 15

    s.f. ombre Copia

    [TS] (intun cret metamorfic e granitizât, toc di composizion diferente dal rest)

locuzioni

    avere paura della propria ombra
  • vê pôre de sô ombreCopia
    [CO] (vê pôre di dut)
    • bandiera ombra
  • bandiere di convenienceCopia
    [TS] (bandiere che un paîs i da a un armadôr forest che al vûl vê vantaçs fiscâi)
    per comprare una bandiera ombra bastano poche centinaia dollari = par cjolisi une bandiere di convenience a bastin pôcs centenârs di dolars
    • dare ombra
  • fâ ombrene, dâ ombrene, ombrîCopia
    [CO] (dal fâ o dome dal jessi presint di cdn. che al da fastidi a cdn. altri che al à pôre di passâ in secont plan e che al devente gnervôs)
    ha paura che il collega gli dia ombra = al à pôre che il coleghe i dei ombrene oggi tutto gli da ombra = vuê dut lu ombrìs
    • fare ombra
  • fâ ombreneCopia
    [CO] (ombrenâ)
    ci fa ombra la pergola della vite = nus fâs ombrene la piergule la quercia fa ombra alla casa = il rôl i fâs ombrene ae cjase
  • [CO] (vedi mettere in ombra)
    • farsi ombra
  • fâsi ombreneCopia
    [CO] (parâsi dal soreli)
    si faceva ombra sugli occhi col cappello = si faseve ombrene sui voi cul cjapiel
    • gettare ombra
  • fâ ombrene, ombrî, ombrenâ, ombrizâCopia
    [CO] (fâ ombrene fermant la lûs)
    la torre gettava ombra sul frutteto = la torate e ombrive il broili
  • butâ ombre, fâ ombre, butâ discreditCopia
    [CO] (comprometi, discreditâ)
    il processo ha gettato ombra sull'azienda = il procès al à butade ombre su la aziende
    • mettere in ombra
  • fâ ombreCopia
    [CO] (sminuî il valôr di cdn. o di alc)
    con la sua presenza ha messo in ombra tutti gli altri = cu la sô presince ur à fat ombre a ducj chei altris
    • prendere ombra
  • cjapâ ombre, inombrîsi, ombrîsi, imbrinâsiCopia
    [CO] (dal cjaval, cjapâ pôre e deventâ gnervôs)
  • cjapâ ombre, inombrîsi, ombrîsi, imbrinâsiCopia
    (di persone, che e cjape pôr par nuie)
    prende ombra appena uno scherza = si ombrìs a pene che un un al scherce

monolingue

ombrene s.f.
(om-bre-ne)
Zone o part no iluminade de lûs
sinonimi
scûr, ombre, ombrenûl, ombrie
esempi
"la ombrene dal bosc, il cîl plen di lûs, la aghe verde e turchine, i vevin dât a Mirco il sens de libertât"
da "Par stradis lungjis" di Alan Brusini
"co era straca, a si distirava ta ombrena dai pôi e dai morârs"
da "Catinuta" di Ugo Pellis
Vedi anche: lombrene, nombrene, dombrene, ombrele
ombrene s.f.
(om-bre-ne)
Imagjin di un cuarp proietade in negatîf de lûs su di une superficie
sinonimi
ombre
esempi
"la flame alte dal nadalin e slungjà un slambri ros aur sul bleon de nêf blancje, come une code di comete, puartant la ombrene scure dal nono fin sul mûr dal ort"
da "Il pignarûl" di Pieri Menis
"e cualchi paveon si bute tal lusôr dal ferâl e ogni claput de strade al à une lungje ombrene"
da "L'avôt" di Maria Forte
"ognidune e je une puare, suturne bestie feride, spauride ancje de sô ombrene e che e lenç lis sôs plaiis e creturis"
da "Storie di Vera" di Ivano Urli
ombrene s.f.
(om-bre-ne)
Figure o persone che no si rive a viodi ben
sinonimi
ombre, sacume, figure
esempi
"la puartute e vuicà, une ombrene sierade e sbrissà dentri, si segnà cu la man blancje: e restà li dongje l'antîl che no olsave a vignî indevant"
da "La aghe da pît la cleve" di Dino Virgili
"si cjalìn tai voi e une ombrene nus passe dongje. No 'nd è mai un doi cence il trê"
da "Ah! la provincie" di Sandri Di Suald
ombrene s.f.
(om-bre-ne)
Atmosfere negative o element in cualchi maniere negatîf
sinonimi
ombre
esempi
" il president dal partît autonomist Iacovissi nol cjate di miôr che di dissociâsi de concuiste de grafie unitarie, di banalizâ la cuistion, lassant une ombrene di suspiet che al Moviment Friûl la facende no lu rivuardedi plui"
da "Memoriis di politiche linguistiche" di Adrian Cescje
"alc che no si podeve perdonâ, che al butave une ombrene di infier sun dute la sô vite"
da "Il dolfin" di Carlo Sgorlon
ombrene s.f.
(om-bre-ne)
Imprest doprât par parâsi de ploie o dal soreli, fat di une cube di tele montade suntun telâr di bachetis che si pues vierzilis o sierâlis
esempi
"si intabarossà ben e no mâl, al cjapà sù la ombrene e al jessì di cjase"
da "Cretevierte" di Roberto Ongaro
"Lis feminis, di Istât, a tignivin la ombrene vierte par parâsi dal soreli"
da "Il dolfin" di Carlo Sgorlon
"[l'ombrenâr] si pleave jù dentri la ombrene vierte par tiere, a cusî un tondel, a cambiâ un braç o un mani, e daûr sul mûr, in rie, ancjemò ombrenis"
da "Il bal spasimât des ombrenis" di Maria Forte
ombrene s.f.
(om-bre-ne)
Cualsisei robe che e vedi la forme che e ricuarde chel imprest
esempi
"lis rosis intropadis a macetuts a metin adun une ombrene formade di rosis piçulis cun fueis blancjis o rosadis"
da "Jerbis salvadiis inte cusine furlane" di Giorgio Pascoli
proverbi
"al vâl plui un solt in soreli che no in ombrene"
"bisugne sparagnâ la ombrene par cuant che al plûf"
"la ombrene dal mês di Avost e fâs dulî la panze il mês di Zenâr"
"la ombrene di Istât e fâs mâl di Invier"
"no si cjol la ombrene par une sole ploie"
"ogni fros la sô ombrene, ogni om il so difiet"
"ogni fros o vin la nestre ombrene"
"ombrene di Istât, e dûl la panze di Invier"
"ombrene, femine e orloi no si impreste a dinissun"
"taiât il morâr, e cesse la ombrene"
Torna in Cima
Torna in Cima