Hai cercato la parola
bilingue monolingue
Hai cercato la parola
ombroso
Torna indietro

bilingue

ombroso
  • 1a

    adi. ombrôs, ombrenôs Copia

    [CO] (riparât de lûs, soredut di chê dal soreli, che al à tante ombre)
    un bosco ombroso = un bosc ombrôs
  • 1b

    adi. ombrôs Copia

    [CO] (che al fâs ombre)
    un albero ombroso = un arbul ombrôs oppure che al fâs ombrene
  • 2

    adi. stiçôs, ombrôs Copia

    [CO] (di cjaval, che si inombrìs cun facilitât)
  • 3a

    adi. scjaldinôs, permalôs, ombrôs Copia

    [CO] (di cdn., difident, che si inrabie cun facilitât o si stice cun pôc)

    adi. scjaldinôs, permalôs, ombrôs Copia

    (di caratar, ategjament e sim., che al pant difidence e facilitât a inrabiâsi)
  • 3b

    adi. sierât, suturni, malinconic Copia

    [OB] (di cdn., che al viôt dut in negatîf)

monolingue

sierât adi.
(sie-rât)
Metût in posizion di no lassâ passâ
esempi
"tal scûr o cîr di viodi se la puarte e je pardabon sierade"
da "I forescj" di Alan Brusini, Gian Paolo Linda
sierât adi.
(sie-rât)
Che al è metût o tignût intun puest par jessi conservât, tignût di cont, o ancje vuardât o condanât
esempi
"la robe si è un pôc incontoside cul stâ sierade masse tai armârs"
da "Cjase di Dalban" di Maria Forte
"e jere une volte une strie che e veve une bielissime fie e le tignive sierade parsore di une toresse che no veve puartis par jentrâ"
da "Blancje come la nêf" di Andreina Nicoloso Ciceri
sierât adi.
(sie-rât)
Che al ven impedît
esempi
"e vidint il negozi disperât / e siarât ogni pas al mio dissen, / plen di rabie, e furôr, plen di velen / rissolvei di fâ l’ultin atentât"
da "I, 76" di Ermes di Colorêt
sierât adi.
(sie-rât)
Che al è limitât o delimitât, che al à confins definîts o che al à alc tor ator
esempi
"al veve volût vignî a vivi ta chê valade sierade, da pît de Mont Grande"
da "Cretevierte" di Roberto Ongaro
sierât adi.
(sie-rât)
Di puest o veicul, che al à un cuviert o une cuviertidure, che al è parât
esempi
"al passà il cjar de robe, al passà un altri e daûr, la caroce sierade cun Luisa e i siei dentri"
da "La aghe da pît la cleve" di Dino Virgili
sierât s.m.
(sie-rât)
Puest o situazion li che si è dentri tun edifici, al ripâr dal soreli, de ploie e v.i.
esempi
"intal sierât, met sù la mascarute che e taponi nâs e bocje"
da "Ator pes malghis... in sigurece" di Aministrazion Publiche
sierât adi., s.m.
(sie-rât)
Di aiar, fer tune stanzie o tun ambient limitât di avonde timp, in mût di no dâ une buine sensazion a respirâlu o di no vê bon odôr
esempi
"un odôr di sierât e di mufe di intosseâ"
da "Pre Josef" di Pieri Somede dai Marcs
sierât adi.
(sie-rât)
Des viis respiratoriis, impedidis di ecès di mucositât, di iritazion, inflamazion e v.i.
sinonimi
blocât, stropât
esempi
"o ai di respirâ cu la bocje parcè che o ai il nâs sierât"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"las puemos e no sji inacuarzêr di nuio [de puce]. Biadoloro! Forsji es vevo sierât lu nâs"
da "Lu dì da Temau" di Elina Faleschini
sierât adi.
(sie-rât)
Di persone o di mût di jessi o di fâ, pôc o nuie comunicatîf cun chei altris
esempi
"i furlans a son int concrete [...]. Cualchidun al dîs che o sin sierâts, ma nol è just: chel al è un stereotip. Magari o sin plui risiervâts, ma chest nol vûl dî jessi isolâts"
da "Interviste a Dino Zoff" di Christian Romanin
sierât adi.
(sie-rât)
Puartât ae sô conclusion, spec. in maniere positive
sinonimi
fat, distrigât, puartât insom, finît, rivât insom
esempi
"il procès indipendentist [catalan] scomençât cul Votcent nol è ancjemò sierât, e al à lassadis ancjemò tantis situazions di contradizion e incoerence juridiche"
da "Memoriis di politiche linguistiche" di Adrian Cescje
sierât adi.
(sie-rât)
Che nol è in ativitât o che nol è viert al public
esempi
" il vecjo [marangon] si inmalave ogni moment, e al tignive la buteghe cuasi simpri sierade"
da "Prime di sere" di Carlo Sgorlon
"al veva mitût sù una fabrica di cjapiei di paia. Sierada dopo un pâr di agns"
da "Zôc" di Alberto Luchini
sierât adi., s.f.
(sie-rât)
[TS] (ling.) Di vocâl, pronunziade cuntun grât di viertidure minôr rispiet a altris
esempi
"[tal furlan standard] lis mediis lungjis a son simpri sieradis, gjavâts i plurâi des peraulis che tal singolâr a finissin cuntune toniche curte e chestis ecezions: chê, dôs (numar), e i possessîfs mê, mês, tô, tôs, sô, sôs"
da "Gramatiche fonetiche furlane" di Sandri Carrozzo
proverbi
"a tignî i dincj sierâts in bocje, al è simpri un bon consei"
"a tignî la bocje sierade, no jentrin lis moscjis"
"libri sierât al fâs l'om leterât"
"nol vâl tignî sierade la spine se il vin si spant pal cjalcon"
Torna in Cima
Torna in Cima