Tu âs cirût la peraule
bilengâl monolengâl
Tu âs cirût la peraule
onor del mento
torne indaûr

bilengâl

onor del mento
  • 1

    loc.s.m. barbe Copie

    [BU] (complès dai pêi dal barbin)

monolengâl

barbe s.f.
(bar-be)
Pêi che a cressin te part basse de muse
esemplis
"barbe dure"
"barbe rice"
"barbe di frari"
"barbe rosse"
"une ponte di barbe bionde sot la bocje"
gjavât fûr di "Cjase di Dalban" di Maria Forte
"intant, lavâsi, fâsi la barbe, vistîsi come par partî"
gjavât fûr di "I forescj" di Alan Brusini, Gian Paolo Linda
"al veve molade la barbe, al fevelave a scjas, nome i voi a jerin ancjemò chei di une volte… ma cetant plui vecjo che al someave"
gjavât fûr di "Sul agâr" di Pieri Menis
"un vieli ben tressât, vistût di scûr e cuntune lungje barbe sâl e pevar"
gjavât fûr di "Grivôr" di Franca Mainardis
"fraris cu la barbe blancje, secs e strissinîts come sardelons"
gjavât fûr di "Ta la ombre dal santuari" di Pieri Somede dai Marcs
barbe s.f.
(bar-be)
Om (fig.)
esemplis
"ducj insiemi a formavin un gran circul e a lavin ator ator sivilant, di fâ pôre a cualunche barbe"
gjavât fûr di "Lis leiendis di Buie" di Pieri Menis
barbe s.f.
(bar-be)
[BF] Part basse de muse, ancje cence pêi e ancje di femine
sinonims
barbin, barbuç, barbete
esemplis
"tu le fasis scjaldâ tant di podê resisti dentri [une misture di arzile e asêt], po tu metis in muel lis zimulis fin avuâl de barbe, e tu lis tegnis dentri par un cuart di ore"
gjavât fûr di "I furlans e lis medisinis" di Riedo Pup
"sentade tun banc cu lis mans sot la barbe, e steve a cjalâ chê Madalene"
gjavât fûr di "La Madalene" di Zuan Lurinçon
barbe s.f.
(bar-be)
Pêi che a cressin sot dal music di ciertis bestiis, spec. des cjavris
sinonims
barbete
esemplis
"la barbe dal bec"
barbe s.f.
(bar-be)
[CO] Lidrîs fine
barbe s.f.
(bar-be)
Robe o ancje persone che e stufe, spec. in esclamazions (fam.)
sinonims
bale, brût, lagne, luianie, mignestre, naine, sope, broade, solfe
esemplis
""Ce barbe" e pensave la frute, e si disponeve a ubidî"
gjavât fûr di "Ombris tal infinît" di Carlo Sgorlon
detulis
"barbe ben savonade e je mieze fate"
"barbe rosse pêl di diaul"
"bisugne fâ la barbe prin par se e po, se al vanze timp, ancje a chei altris"
"la barbe il ben di un dì, la femine il ben di un mês, il purcit il ben di un an"
torne sù
torne sù