Tu âs cirût la peraule
bilengâl monolengâl
Tu âs cirût la peraule
oscurare
torne indaûr

bilengâl

oscurare v.tr.
  • 1a

    v.tr. scurî Copie

    [CO] (gjavâ, dal dut o in maniere parziâl, la luminositât)
    le nubi hanno oscurato il cielo = i nûi a àn scurît il cîl
  • 1b

    v.tr. scurî Copie

    [CO] (schermâ un lusôr)
    oscurare una lampada = scurî une lampade

    v.tr. scurî, cuvierzi i lusôrs, cuvierzi lis lûs Copie

    (intant de vuere, taponâ o distudâ un lusôr par no dâ riferiments ai atacs dai avions nemîs)
    sarà bombardamento, si ordina di oscurare = al sarà bombardament, si ordene di cuvierzi i lusôrs
  • 1c

    v.tr. fluscâ Copie

    [CO] (fâ che no si rivi a vê ideis claris, percezions justis)
    il dolore gli ha oscurato la vista = il dolôr i à fluscade la viste
  • 2a

    v.tr. taponâ Copie

    [CO] (tal confront, someâ plui luminôs)
    le lampadine oscuravano la luce delle candele = lis lampadinis a taponavin la lûs des cjandelis
  • 2b

    v.tr. fluscâ Copie

    [CO] (gjavâ la impuartance, la glorie, il credit a alc)
    le ultime manovre hanno oscurato la sua nomea di persona corretta = lis ultimis manovris a àn fluscade la sô innomine di persone corete
  • 3

    v.tr. distudâ, sierâ, blocâ Copie

    [TS] telecom. (fâ in maniere che un ripetidôr radiofonic o televisîf nol trasmeti daûr dai ordins des autoritâts competentis)
    oscurare il ripetitore di una radio libera = sierâ il ripetidôr di une radio libare

monolengâl

distudâ v.tr.
(dis-tu-dâ)
Fâ che il fûc o che alc che al bruse no brusin plui o che alc che al à une flame no le vedi plui
sinonims
studâ
esemplis
"intant che al distudave il spagnûl tal cinisâr, le lumà là insom, la fantate"
gjavât fûr di "Un piçul particolâr" di Fabian Ros
"[la camarele] e començave a distudâ lis lûs e a netâ i taulins"
gjavât fûr di "I forescj" di Alan Brusini, Gian Paolo Linda
"difûr al jere l'Unviar, la buere ti sbusinave jù pa nape che ogni tant pareve ves vût di distudâ la lun"
gjavât fûr di "No je plui vive" di Dolfo Zorzut
"la none e tirà fûr dal boreç doi tocs di çocje che e distudà te cinise frede: a jerin i stiçs dal nadalin par meti su lis barconetis dal toglât cuintri il pericul dai fulmins"
gjavât fûr di "Il pignarûl" di Pieri Menis
distudâ v.tr.
(dis-tu-dâ)
Fâ che un motôr o alc altri no zirin plui, interompint il circuit di alimentazion
sinonims
fermâ, studâ
esemplis
"cuant che al fo dongje, il Nino al distudà il motôr [dal tricicli] e lu saludà ridint"
gjavât fûr di "Prime di sere" di Carlo Sgorlon
distudâ v.tr.
(dis-tu-dâ)
Fâ che tun aparât di iluminazion o tun aparât eletric o eletronic no passi plui corint
sinonims
studâ
esemplis
"il sivilutâ fastidiôs dal celulâr [...] lu veve tant secjât che a bot e sclop i jere vignude dome voie di distudâlu"
gjavât fûr di "Grivôr" di Franca Mainardis
distudâ v.tr.
(dis-tu-dâ)
Gjavâ fuarce, vivece e v.i. a alc o a cdn., in particolâr fâ deventâ mancul vivarose, mancul fuarte une persone, une sô emozion, sensazion, manifestazion e v.i. (fig.)
sinonims
cangjâ, sbassâ, scunî, studâ
esemplis
"a fo la letara [dal nuviç che le molave] che a i distudâ la voa da vivi e il mont intor di jê"
gjavât fûr di "Li streci rossi" di Novella Cantarutti
"il campanon di Mont [...] al veve la facoltât di distudâ i strieçs des striis fin dulà che e rivave la sô vôs fuarte e potente"
gjavât fûr di "Lis leiendis di Buie" di Pieri Menis
distudâ v.tr.
(dis-tu-dâ)
Fâ in maniere che si fermi o che al pierdi dute la fuarce un fenomen, soredut sociâl (fig.)
sinonims
reprimi, scjafoiâ, copâ, sassinâ, studâ
esemplis
"la fuarce des armis e la furbarie politiche a podaran metilu [il nestri popul] dut intun fas cun altre int, ma no varan distudade la sô anime fin che no varan distudade la sô lenghe"
gjavât fûr di "La fuarce dal nestri lengaç" di Josef Marchet
"Gordian intant al jere muart e ancje so fi e la rivolte e jere stade distudade in curt dal esercit fedêl a Massimin"
gjavât fûr di "Protostorie e storie romane in Friûl" di AAVV
distudâ v.tr.
(dis-tu-dâ)
Ridusi o gjavâ la fuarce o capacitât a cualsisei robe che, ancje cun metaforis, si puedi associâ ae lûs o al fûc (fig.)
sinonims
studâ
esemplis
"ai prins di Otubar lis fumatis di Atom a finivin di distudâ il soreli bielzà flap"
gjavât fûr di "La aghe da pît la cleve" di Dino Virgili
"il grêc Apol cu lis sôs frecis al podeve fâ tacâ e slargjâ lis epidemiis, ma ancje distudâlis e al jere pari di Asclepi, diu de medisine"
gjavât fûr di "Jenfri vîfs e muarts" di Sandri Carrozzo
"al butà jù une tace di scotch par distudâ il fogôr che i brusave la gose"
gjavât fûr di "Un piçul particolâr" di Fabian Ros
"il pitour [...] al maladiva, cu la bocja, il Signour che a i veva distudât i voi denant che al ves pudût distirâ su la brea la musa da la sô Madona"
gjavât fûr di "Scûr e lusour" di Novella Cantarutti
distudâ v.tr.
(dis-tu-dâ)
Bevi fâ passâ la voie, sedi aghe, sedi ancje di vin o alcolics (fig.)
sinonims
studâ
esemplis
"distudâ la sêt cu la aghe di Cjargne"
gjavât fûr di "In Friûl cul passepuart" di Riedo Pup
"ducj a san che distudant la sêt si cuiste coragjo"
gjavât fûr di "La cjase di Toni" di Tarcisio Venuti
distudâ v.tr.
(dis-tu-dâ)
[TS] (amin.) Fâ cessâ lis consecuencis o i efiets di une cierte operazion inviade
sinonims
studâ
esemplis
"distudâ une polize"
distudâ v.tr.
(dis-tu-dâ)
[TS] (edil.) Idratâ la cjalcine vive in maniere di provocâ la reazion chimiche che le trasforme in idrossit di calci
sinonims
studâ
detulis
"a Sant Micêl il marangon al impie il pavêr, a Sant Josef lu distude"
"a Sant Valantin il vacjâr al distude il lumin"
"aghe lontane no distude fûc"
"ancje la aghe sporcje e distude la sêt"
"cuant che il paron al distude il lusôr, al fâs par dâje tal nâs al servidôr"
"la aghe in bocje a distude il fûc"
"par distudâ il fûc ogni aghe e je buine"
"sinç e rude ogni mâl distude"
torne sù
torne sù