Tu âs cirût la peraule
bilengâl monolengâl
Tu âs cirût la peraule
ottimo
torne indaûr

bilengâl

ottimo adi., s.m.
  • 1

    adi. otim Copie

    [FO] (sup. di bon, une vore bon sot dal aspiet morâl e spirituâl)
    è stato allevato con ottimi principi morali = lu àn tirât sù cun principis morâi otims
    quel professore ha un'ottima reputazione = chel professôr al à une innomine otime
  • 2

    adi. otim, strabon, bielonon Copie

    [FO] (une vore bon sot dal aspiet artistic, tecnic e v.i.)
    gli operai hanno fatto davvero un ottimo lavoro = i operaris a àn fat pardabon un lavôr otim
    leggere un ottimo romanzo = lei un romanç otim
  • 3

    adi. fin, otim, bononon Copie

    [FO] (di cualitât cetant buine)
    questo negozio ha delle ottime stoffe = cheste buteghe e à stofis finis
    un'ottima vettura = une veture otime
  • 4

    adi. otim, strabon Copie

    [FO] (une vore bon di mangjâ o di nasâ)
    a casa sua abbiamo sempre mangiato ottimi dolci = a cjase sô o vin simpri mangjât dolçs strabogns
    la salsa è ottima = la salse e je otime
  • 5

    adi. otim Copie

    [FO] (di funzion o orghin in cundizions une vore buinis)
    avere un'ottima vista = vê doi voi otims
    ha sempre avuto un ottimo udito = al à simpri sintût benon
  • 6

    adi. magnific, otim, bielon Copie

    [FO] (che al pant cundizions fisichis cetant buinis)
    ho visto ieri tuo zio, ha sempre un'ottima cera = o ai viodût îr to barbe, al à simpri une ciere magnifiche
  • 7

    adi. perfet, otim Copie

    [FO] (une vore bon par rivâ a un ciert risultât)
    questa canzone è ottima per creare un'atmosfera romantica = cheste cjançon e je perfete par fâ une atmosfere romantiche
    questa medicina è ottima per il mal di stomaco = cheste medisine e je perfete pal mâl di stomi
  • 8

    adi. siôr, induvinât, otim Copie

    [FO] (just, ben intivât)
    è proprio un'ottima idea! = e je propit une idee induvinade!
    gli amici hanno saputo dargli degli ottimi consigli = i amîs a àn savût dâi siôrs conseis
  • 9

    adi. benon, tant ben Copie

    (cun valôr inter., al pant sodisfazion)
    hai già fatto i compiti? ottimo! = âstu bielzà finît ducj i compits? benon!

    adi. otim, strabon, bielon Copie

    [FO] (une vore positîf, che al da cetant gust)
    ha fatto un'ottima impressione = al à fate une impression bielone
    siamo sempre stati in ottimi rapporti fin dai tempi della scuola = o sin simpri stâts in rapuarts otims fintremai di cuant che o levin a scuele
  • 10

    adi. otim, bielon Copie

    [FO] (une vore plasevul)
    abbiamo trascorso la serata in ottima compagnia = o vin passât la serade cuntune compagnie otime oppure magnifiche
    ho fatto un ottimo viaggio = o ai fat un viaç bielon
  • 11

    adi. otim, plui che bon Copie

    [FO] (plui che just, morâl)
    l'ho fatto per un'ottima ragione = lu ai fat par une reson plui che buine
  • 12

    adi. siôr, otim, strabon Copie

    [FO] (une vore vantazôs)
    credimi, è un ottimo affare! = crodimi, al è un siôr afâr!
    non si può dire che non ti abbia fatto un ottimo prezzo = nissun nol pues dî che no ti vedi fat un presit strabon
  • 13

    adi. magnific, otim Copie

    [FO] (une vore bondant)
    la vendemmia di quest'anno è stata ottima = la vendeme di chest an e je stade magnifiche
  • 14

    s.m. otim Copie

    [FO] (a scuele, che al à la valutazion plui alte)
    il suo tema è ottimo = il so teme al è otim

    s.m. otim Copie

    (judizi di rindiment plui alt di ducj)
    ha preso un ottimo in storia = al à cjapât un otim in storie
  • 15

    adi. famôs, innomenât, bon, otim Copie

    [FO] (di cdn. degn de plui alte stime pes sôs cualitâts, o ben che al gjolt di grande innomine pe sô divignince o pal so nivel sociâl)
    proviene da un'ottima famiglia = al ven fûr di une famee di chês buinis oppure plui che buine
    tuo cugino è davvero un'ottima persona = to cusin al è pardabon une persone otime
  • 16

    adi. famôs, perfet Copie

    [FO] (di cdn. che al è une vore brâf tun ciert mistîr o tune cierte funzion)
    è un ottimo dottore = al è un dotôr famôs
    è un'ottima madre = e je une mari perfete
  • 17

    s.m. miôr Copie

    [FO] (ce che al è o al ven stimât bon a nivel plui alt, risultât, cundizion, situazion miôr che si pues)
    nella vita pretende l'ottimo = te vite al pretint il miôr

monolengâl

miôr adi.inv.
(mi-ôr)
Plui bon, in cualsisei aspiet
sinonims
miei
esemplis
"il concors al previôt pal miôr luncmetraç un premi di 6 mil euros"
gjavât fûr di "Babel Film Festival" di Fabian Ros
"al è miôr cambiâ discors, parcè che a fevelâ di mangjâ e ven simpri plui fam"
gjavât fûr di "I furlans e la fam" di Riedo Pup
miôr av.
(mi-ôr)
Plui ben
sinonims
miei
esemplis
"cîr di lavorâ un pôc miôr"
"par assimilâ e doprâ miôr il calci a son fondamentâi il soreli e la vitamine D"
gjavât fûr di "Ocjo ai vues!" di Guglielmo Pitzalis
miôr s.m.sing.
(mi-ôr)
Ce che al è plui bon
esemplis
"ancje se la plui part dai atôrs no son professioniscj il regjist al à savût tirâ fûr il miôr di ognidun di lôr"
gjavât fûr di "Il cine groenlandês tra art e impegn politic" di Fabian Ros
"il miôr de sô produzion leterarie [di Catarine Percude] al è scrit propit par furlan"
gjavât fûr di "Catarine Percude" di Roberto Jacovissi
Viôt ancje: miei
miôr s.m.inv., s.f.inv.
(mi-ôr)
Cui che al è plui bon, plui brâf, superiôr e v.i.
sinonims
miei
esemplis
"viers Samardencje e je invezit une arzile de miôr, doprade pai modons di façade"
gjavât fûr di "Storie di Min" di Ivano Urli
"o vês cjapâts i miôr [dai cjamps] par voaltris e o vês lassât il scart pai puars sotans"
gjavât fûr di "Int di masnade" di Alviero Negro
detulis
"al è bon il bon, ma il miôr al è miôr"
"al è miôr brusâ siet vilis che no pierdi un dirit"
"al è miôr che al boli tal cjavêl che no tal vassiel"
"al è miôr che al stedi ben un che no mâl ducj"
"al è miôr che si brusi la cjase pluitost di gjavâ un miluçâr"
"al è miôr cjaminâ trê dîs par tiere che no miezore par la aghe"
"al è miôr dâ che no ricevi"
"al è miôr dâlis che no cjapâlis"
"al è miôr deventâ ros e dî di no, che no deventâ verts par vê il so"
"al è miôr dî puar me che no puars nô"
"al è miôr fâsi amâ che no temê"
"al è miôr fruiâ scarpis che no bleons"
"al è miôr gjavâ il sterp che no mangjâ la nole verde"
"al è miôr il mierli che al cjante di bosc"
"al è miôr jessi che no parê bon"
"al è miôr jessi in disgracie di Diu che no de justizie"
"al è miôr jessi invidiât che no compatît"
"al è miôr jessi puars e benvolûts che no princips e malvolûts"
"al è miôr l'ûf vuê che no la gjaline doman"
"al è miôr lâ a durmî cui çucui che no lâ discolçs a palâ nêf"
"al è miôr mangjâ dut ce che si à che no dî dut ce che si sa"
"al è miôr mangjâ il polam che no lassâlu crepâ di fam"
"al è miôr misurâsi che no jessi misurâts"
"al è miôr misurâsi di bessôi che no spietâ di sei misurâts"
"al è miôr murî di fam che no di miserie"
"al è miôr murî di invidie che no di misericordie"
"al è miôr paiâ che no fâ pezarie"
"al è miôr pan cence nuie che no nuie cence pan"
"al è miôr paron di siessule che no famei di nâf"
"al è miôr pôc cun justizie che no trop cun pecjât"
"al è miôr ricevilis che no fâlis"
"al è miôr sbrissâ cul pît che no cu la lenghe"
"al è miôr sei puar splantât che no princip mâl cjalât"
"al è miôr si brusi un paîs pluitost che si pierdi une usance"
"al è miôr sparagnâ il flât par cuant che si à di murî"
"al è miôr spindi in pan che no in medisinis"
"al è miôr stâ dibant che no lavorâ dibant"
"al è miôr sudâ che no tossi"
"al è miôr tasê co no si po dî ben"
"al è miôr tignîlu pe brene che no alçâlu pe code"
"al è miôr un cjan che al baie che no un che al tâs"
"al è miôr un cjaval fat che no un puieri mat"
"al è miôr un solt in man che no un stât par aiar"
"al è miôr un tacon che no un barcon"
"al è miôr vê di dâ che no vê di vê"
"al è miôr vê di vê che no vê di dâ"
"al è miôr vê pôre prin che no daspò"
"al è miôr vivi tal bosc che no cu la femine ledrose"
"cuant che no si po dî ben, al è miôr tasê"
"cui bogns si fâs ce che si vûl, cui triscj miôr che si po"
"cui che al à creance al campe, cui che no 'nd à al campe miôr"
"cui che si maride al fâs ben, cui che no si maride al fâs miôr"
"cui triscj bisugne fâ miôr che si po, cui bogns si fâs cemût che si vûl"
"il corli plui al devente vieli e miôr al zire"
"il miôr amì dal om al è il cjan"
"il miôr brût al è chel di bec"
"il miôr cussignel e je la cussience nete"
"il miôr piruç i cole in bocje al purcit"
"il prin pinsîr al è simpri il miôr"
"la miôr cjar e je chê ator dal vues"
"la miôr e la piês robe e je la peraule"
"miôr alc che no nuie"
"miôr bevi une bote che no spandi une gote"
"miôr brusâ un paîs che no dismeti une usance"
"miôr che al gjoldi un che no nissun"
"miôr cussì che no piês"
"miôr dâ la lane che no la piel"
"miôr dâ la lane che no la piore"
"miôr dî puar mai me che no puars mai nô"
"miôr famei a cjase sô che no paron a cjase dai altris"
"miôr i çafs daûr che no i predis denant"
"miôr il clap che no la buse"
"miôr jerbe sute che no fen bagnât"
"miôr l'ûf vuê che no l'ûf e la gjaline doman"
"miôr lâ a durmî cuntun mocul che no a scûr"
"miôr la pôre che no l'ingôs"
"miôr laris ogni un tant che no mantignî simpri il cjan"
"miôr mangjâ cuntun vuarp che no fevelâ cuntun sort"
"miôr misurâ che no vê des mans di chei altris"
"miôr misurâ dôs voltis che no falâ une"
"miôr misurâle che no fâse misurâ"
"miôr no dî che scomençâ e no finî"
"miôr no vê mai vût che no vê pierdût"
"miôr parons di une cjase che no servidôrs intun cjistiel"
"miôr passâ par stupits che par masse svelts"
"miôr patafâ la bocje che no mangjâ dute la robe"
"miôr patî in compagnie che no di bessôi"
"miôr pie, pie che no nie, nie"
"miôr pierdi la lane che no la piore"
"miôr pierdi la plume che no l'uciel"
"miôr pierdi la siele che no il cjaval"
"miôr pleâsi che no scjavaçâsi"
"miôr pôc che tant e trist"
"miôr polente che e dure che no pan che al finìs"
"miôr rivâ un cuart di ore daspò e lâ sigûrs"
"miôr sblefâts che no dismenteâts"
"miôr sbrissâ cul pît che no cu la lenghe"
"miôr scjaveç che no aghe"
"miôr sei parons intune siessule che no fameis intun bastiment"
"miôr sôi che no in triste compagnie"
"miôr sôi che no mâl compagnâts"
"miôr spietâ e spietâ ben"
"miôr spindi in pan che no in medisine"
"miôr stret che no puaret"
"miôr sudâ che no tossi"
"miôr sudâ che no tremâ"
"miôr tart che no mai"
"miôr tasê che no vê la peraule vueide"
"miôr ten, ten che no pie, pie"
"miôr tignîlu pe cjavece che no alçâlu pe code"
"miôr tirâ che no nasâ"
"miôr uciel di bosc che no di scjaipule"
"miôr un aiût che no cent conseis"
"miôr un bocon di lum che no lâ a durmî a scûr"
"miôr un cjâf vueit che no mâl jemplât"
"miôr un cjôt so che no un palaç di un altri"
"miôr un justament magri che no une grasse sentence"
"miôr un lât che no cuatri mandâts"
"miôr un mus che al tiri che no un cjaval restîf"
"miôr un mus vîf che no un dotôr muart"
"miôr un pan sudât che no une man di chel robât"
"miôr un poleç vuê che no une gjaline doman"
"miôr un trist marît che no un bon fradi"
"miôr un uciel in man che no dîs sul arbul"
"miôr un ûf vuê che no une gjaline doman"
"miôr un vedul che nancje fregul"
"miôr une buine femine che no une biele cjase"
"miôr une magre convenzion che no une grasse sentence"
"miôr une robe fate che no cent di fâsi"
"miôr vê di vê che no vê di dâ"
"miôr vin turbit che no aghe clare"
"miôr vivi di invidie che no di misericordie"
"miôr vivi tal bosc che no cu la femine rabiose"
"miôr vivi tal bosc che no cu la femine stiçose"
"miôr vuê il râf e doman la code"
"nuie miôr che sôi par sei sigûrs"
"pluitost che cu lis feminis al è miôr impaçâsi cul diaul"
"pluitost di fâ savê dut ce che si sa, al è miôr mangjâ dut ce che si à"
"poleçs e fertaie miôr che no ufiei"
"se reson no ai, miôr che o sparagni la bocje e che o pai"
"se si à di inneâsi, miôr tal mâr che no tal cjaldîr"
torne sù
torne sù