Tu âs cirût la peraule
bilengâl monolengâl
Tu âs cirût la peraule
ottimo
torne indaûr

bilengâl

ottimo adi., s.m.
  • 1

    adi. otim Copie

    [FO] (sup. di bon, une vore bon sot dal aspiet morâl e spirituâl)
    è stato allevato con ottimi principi morali = lu àn tirât sù cun principis morâi otims
    quel professore ha un'ottima reputazione = chel professôr al à une innomine otime
  • 2

    adi. otim, strabon, bielonon Copie

    [FO] (une vore bon sot dal aspiet artistic, tecnic e v.i.)
    gli operai hanno fatto davvero un ottimo lavoro = i operaris a àn fat pardabon un lavôr otim
    leggere un ottimo romanzo = lei un romanç otim
  • 3

    adi. fin, otim, bononon Copie

    [FO] (di cualitât cetant buine)
    questo negozio ha delle ottime stoffe = cheste buteghe e à stofis finis
    un'ottima vettura = une veture otime
  • 4

    adi. otim, strabon Copie

    [FO] (une vore bon di mangjâ o di nasâ)
    a casa sua abbiamo sempre mangiato ottimi dolci = a cjase sô o vin simpri mangjât dolçs strabogns
    la salsa è ottima = la salse e je otime
  • 5

    adi. otim Copie

    [FO] (di funzion o orghin in cundizions une vore buinis)
    avere un'ottima vista = vê doi voi otims
    ha sempre avuto un ottimo udito = al à simpri sintût benon
  • 6

    adi. magnific, otim, bielon Copie

    [FO] (che al pant cundizions fisichis cetant buinis)
    ho visto ieri tuo zio, ha sempre un'ottima cera = o ai viodût îr to barbe, al à simpri une ciere magnifiche
  • 7

    adi. perfet, otim Copie

    [FO] (une vore bon par rivâ a un ciert risultât)
    questa canzone è ottima per creare un'atmosfera romantica = cheste cjançon e je perfete par fâ une atmosfere romantiche
    questa medicina è ottima per il mal di stomaco = cheste medisine e je perfete pal mâl di stomi
  • 8

    adi. siôr, induvinât, otim Copie

    [FO] (just, ben intivât)
    è proprio un'ottima idea! = e je propit une idee induvinade!
    gli amici hanno saputo dargli degli ottimi consigli = i amîs a àn savût dâi siôrs conseis
  • 9

    adi. benon, tant ben Copie

    (cun valôr inter., al pant sodisfazion)
    hai già fatto i compiti? ottimo! = âstu bielzà finît ducj i compits? benon!

    adi. otim, strabon, bielon Copie

    [FO] (une vore positîf, che al da cetant gust)
    ha fatto un'ottima impressione = al à fate une impression bielone
    siamo sempre stati in ottimi rapporti fin dai tempi della scuola = o sin simpri stâts in rapuarts otims fintremai di cuant che o levin a scuele
  • 10

    adi. otim, bielon Copie

    [FO] (une vore plasevul)
    abbiamo trascorso la serata in ottima compagnia = o vin passât la serade cuntune compagnie otime oppure magnifiche
    ho fatto un ottimo viaggio = o ai fat un viaç bielon
  • 11

    adi. otim, plui che bon Copie

    [FO] (plui che just, morâl)
    l'ho fatto per un'ottima ragione = lu ai fat par une reson plui che buine
  • 12

    adi. siôr, otim, strabon Copie

    [FO] (une vore vantazôs)
    credimi, è un ottimo affare! = crodimi, al è un siôr afâr!
    non si può dire che non ti abbia fatto un ottimo prezzo = nissun nol pues dî che no ti vedi fat un presit strabon
  • 13

    adi. magnific, otim Copie

    [FO] (une vore bondant)
    la vendemmia di quest'anno è stata ottima = la vendeme di chest an e je stade magnifiche
  • 14

    s.m. otim Copie

    [FO] (a scuele, che al à la valutazion plui alte)
    il suo tema è ottimo = il so teme al è otim

    s.m. otim Copie

    (judizi di rindiment plui alt di ducj)
    ha preso un ottimo in storia = al à cjapât un otim in storie
  • 15

    adi. famôs, innomenât, bon, otim Copie

    [FO] (di cdn. degn de plui alte stime pes sôs cualitâts, o ben che al gjolt di grande innomine pe sô divignince o pal so nivel sociâl)
    proviene da un'ottima famiglia = al ven fûr di une famee di chês buinis oppure plui che buine
    tuo cugino è davvero un'ottima persona = to cusin al è pardabon une persone otime
  • 16

    adi. famôs, perfet Copie

    [FO] (di cdn. che al è une vore brâf tun ciert mistîr o tune cierte funzion)
    è un ottimo dottore = al è un dotôr famôs
    è un'ottima madre = e je une mari perfete
  • 17

    s.m. miôr Copie

    [FO] (ce che al è o al ven stimât bon a nivel plui alt, risultât, cundizion, situazion miôr che si pues)
    nella vita pretende l'ottimo = te vite al pretint il miôr

monolengâl

siôr s.m.
(si-ôr)
Om, o tal pl. persone, di nivel sociâl alt, ancje cu lis carateristichis di finece o di altre sorte tipichis de sô classe
sinonims
sâr
esemplis
"le tirave in dut, va ben, ma tun mût di siôrs, e e rivave simpri a mostrâ la miôr façade de famee"
gjavât fûr di "Cjase di Dalban" di Maria Forte
siôr s.m., adi.
(si-ôr)
Che, cui che al à tancj bêçs, tantis proprietâts, che al vîf tal benstâ
sinonims
ric, sâr
esemplis
"fin tor dal '900 a vevin dirit di votâ dome cuatri siôrs"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
"i siôrs de alte Furlanie cun cjamps e cjasis e monede in bancje e magari la steme di piere sul puarton"
gjavât fûr di "Come tai romançs" di Alan Brusini
"nol à rivuart par nissun, ni zovins ni viei, ni puars ni siôrs, ni ignorants ni studiâts"
gjavât fûr di "Lis predicjis dal muini" di Josef Marchet
"nassût intune famee siore de borghesie udinese, Tellini al pant une grande inclinazion pes siencis naturâls"
gjavât fûr di "Il lunari mai jessût - Tellini te prime vuere mondiâl" di Donato Toffoli
"une citât grande, siore, biele e nete"
gjavât fûr di "Sant Jacum, là che al finìs il mont" di Antoni Beline
siôr s.m.
(si-ôr)
[TS] (stor.) Cui che al veve un feut
esemplis
"tes grandis ocasions i siôrs dal cjistiel a usavin a meti fûr, in segn de lôr potence e ricjece, une lungje cjadene di aur"
gjavât fûr di "Lis leiendis di Buie" di Pieri Menis
siôr s.m.
(si-ôr)
Cun valôr di adi., une vore brâf, che al à capacitâts o cualitâts une vore altis (fam.)
sinonims
grant, bon, brâf, sâr
esemplis
"il piturâ precîs fin tal plui piçul detai di Otto D'Angelo, che al è [...] stât un siôr pitôr dai timps contadins"
gjavât fûr di "Faliscjis" di Cristina Noacco
siôr adi.
(si-ôr)
Che al à alc in grande cuantitât
sinonims
plen, ric
esemplis
"ta chel Avrîl rabin dal '18, siôr di slavins e di soreli, gno pari al rivave in licence dal front"
gjavât fûr di "Come tai romançs" di Alan Brusini
"un lessic curât e siôr di peraulis"
gjavât fûr di "Leterature furlane" di Cristina Cescutti
siôr adi.
(si-ôr)
[BF] Che al à capacitât di fâ alc
sinonims
bon, paron
esemplis
"discorevin del jeur, duncje, chê sere: / "Ise nancie scalogne? No sei siôrs / di burîlu une volte!""
gjavât fûr di "Il jeur" di Enrico Fruch
siôr s.m.
(si-ôr)
[TS] (entom.com.) Denominazion gjeneriche di plui speciis dal gjenar Libellula
sinonims
predi, svuarbevoi, svuarbecjavai
esemplis
"al leve vie svolant di flôr in flôr / un Siôr vistût di vert, lustri, lizêr; / di cuant in cuant grapât / a un fros sore un roiel, al steve fer / niçulantsi beât / a pendolon su la aghe tal soreli / a cjalâsi tal spieli"
gjavât fûr di "Il Siôr e lis Âfs" di Emilio Nardini
"lis cialis a seghetavin i pins e jo mi butavi in muel te vascje cui siôrs colorâts che i svolavin parsore"
gjavât fûr di "Il zardin" di Alan Brusini
detulis
"a fuarce di sudôrs, si devente siôrs"
"avâr agricultôr, no si è mai fat siôr"
"cu la robe dai altris no si devente siôrs"
"cui che al à buine voie di lavorâ, al è plui siôr di cui che al à sîs cjamps di arâ"
"cui che al à dongje dal fogolâr pâs e amôr, al è un siôr"
"cui che al à pâs, ligrie e amôr, dongje dal fogolâr al è un siôr"
"cui che al è fat siôr cul vendi fritulis che nol ledi a vendi colaçs"
"cui che al è siôr no i mancje nuie"
"cui che si contente al è un siôr"
"cui che ur impreste bêçs ai siôrs al piert i bêçs e l'onôr"
"doi pôcs e un nie a puedin bastâ a fâ siôrs"
"e je une grant fadie a fâ il siôr e cence vê nie"
"fami fatôr un an e se no mi fâs siôr, gno dam"
"i siôrs a àn ce che a vuelin"
"i siôrs a àn il paradîs in chest mont e se a vuelin ancje in chel altri"
"i siôrs, amîs e lontans"
"il puar al mûr passût, il siôr di fam, il predi di frêt"
"il puar content al è siôr avonde"
"il siôr al à i bêçs, il puar i comedons"
"il siôr al mûr di fam e il puar massepassût"
"il siôr cuntune menade di pene al guste e al cene"
"in miezore si impare a fâ i siôrs"
"la ore di gustâ pai siôrs e je cuant che a àn fam, pai pitocs cuant che a nd' àn"
"la ore di gustâ pai siôrs e je cuant che a àn fam, pai puars cuant che a nd' àn"
"la vacje dal puar e crepe e chê dal siôr ind fâs dôs"
"mancul siôr e plui bêçs"
"ni il tentôr ni il muredôr nol vignarà mai siôr"
"ni la pelagre al siôr ni la gote al pôr"
"ognidun al è siôr se al sa contentâsi dal so stât"
"pan di siôr al è pan di dolôr"
"stupits e ustinâts a fasin siôrs i avocats"
"un siôr cuntune menade di pene al guste e al cene"
"vin e amôr, vite di siôr"
torne sù
torne sù