Tu âs cirût la peraule
bilengâl monolengâl
Tu âs cirût la peraule
ove
torne indaûr

bilengâl

ove coniun.
  • 1

    coniun. se, in câs che Copie

    [AU] (cun valôr ipotetic eventuâl, se)
    ove tu decida di uscire, ti seguirò = in câs che tu tu decidis di lâ fûr, o vignarai cun te

monolengâl

se coniun.
Cun valôr condizionâl, al introdûs une espression ipotetiche
sinonims
intal câs che, tal câs che
esemplis
"se no tu vuelis vê cualchi displasê, sint ce che o ti dîs: impaciti dai tiei afârs"
gjavât fûr di "Lis predicjis dal muini" di Josef Marchet
"se al studiarà di miedi, come che al sperave so pari, i coventarà un slac di bêçs par lâ a la universitât"
gjavât fûr di "Prime di sere" di Carlo Sgorlon
"se o fos cjase o podarès durmî fin tart"
gjavât fûr di "Neapolis" di Checo Tam
se coniun.
In espressions enfatichis o retorichis
esemplis
"se o vessis viodût chês sioris che a vignivin fûr di Sant Jacum! A largon, dutis camufadis; veletis e ombrenins che a svoletavin"
gjavât fûr di "La plui biele" di Catarine Percude
"se o savessis, ce cjampanis che a sunin sun jê!"
gjavât fûr di "A passe la scalmane" di Anute Fabris
"chest Bisol, pensôs ancje lui, se Diu vûl, dal destin de Patrie grande e de sante Unitât, al declare che la cuistion des autonomiis e je malmadure"
gjavât fûr di "Un element fondamentâl dal moviment autonomistic" di Josef Marchet
se coniun.
Par introdusi proposizions dubitativis o interogativis indiretis o esclamativis
esemplis
"no sai se al è di infidâsi di lui"
gjavât fûr di "Int di masnade" di Alviero Negro
"jo i ai dit se si podeve fâle ancje il prin miercus o l'ultin lunis e lui al è restât mâl e nol à savût rispuindimi"
gjavât fûr di "Sant Jacum, là che al finìs il mont" di Antoni Beline
"si po mai crodi se il Cosac i varès dit di no"
gjavât fûr di "Cretevierte" di Roberto Ongaro
"al po nome crodi se no mi bruse scugnî lassâ cheste citât sul moment che o scomençavi a compenetrâle!"
gjavât fûr di "Viaç a Vignesie" di Arturo Feruglio
"cuissà se o rivarai a viodiju inmò une volte, chei prâts…"
gjavât fûr di "I prâts des Savodagnis" di Agnul di Spere
se coniun.
Cun valôr causatîf
sinonims
dizà che, stant che, viodût che
esemplis
"se propit tu vûs savè dut ti disarai che infin o stuart o dret o ai fat il partigjan a riscjo di pierdi la piel"
gjavât fûr di "Un pugn di moscjis" di Pieri Somede dai Marcs
se s.m., s.m.inv.
Dubi, inciertece
sinonims
dubi, esitazion, inciert, inciertece, ipotesi
esemplis
"dal berdei dai pinsîrs, dai se e dai ma, i vignive simpri la stesse rispueste"
gjavât fûr di "Il muc" di Roberto Ongaro
detulis
""se" e "ma" e "cuissà", a son trê peraulis di ponderâ"
""se" e "ma" no san ce cumbinâ"
""se", "ma" e "po" a jerin fradis"
"i "se" e i "ma" a stan picjâts daûr de puarte"
"il semenâ tart se al fâs bon prodot e je une sorte"
"la bausie se e guste no cene"
"se a 'nd è al è parint di magari"
"se a 'nd ves e se a 'nt fos a jerin doi fradis e no si vignivin nuie"
"se a 'nt fos, se a 'nd ves, se a 'nt sarès a son trê sants che no fasi miracui"
"se a 'nt fos, se a 'nd ves, se a 'nt sarès a son trê sants che no judin"
"se a 'nt fos, se a 'nt sarès e se a 'nd jere, a son trê sants che no judin"
"se a 'nt fossin, se a 'nd vignissin, se a 'nd vessin, a son fradis"
"se a 'nt fossin, se a 'nd vignissin, se a 'nd vessin, a son trê sants che a durin dut l'an"
torne sù
torne sù