Tu âs cirût la peraule
bilengâl monolengâl
Tu âs cirût la peraule
palato
torne indaûr

bilengâl

palato s.m.
  • 1

    s.m. palât, cîl de bocje Copie

    [CO], [TS] zool. (parêt superiôr de bocje dal om e dai Vertebrâts)
  • 2a

    s.m. gole, bocje Copie

    [AD] (gust, il sens dal gust)
    avere il palato delicato = jessi di bocje delicade
    ci hanno stuzzicato il palato con un ottimo vino = nus àn stiçât la gole cuntun vin strabon
  • 2b

    s.m. bocje, possade Copie

    [CO] (cui che i plâs la buine cusine)
    sei un buon palato, non c'è che dire! = tu sês une buine bocje oppure une buine possade, nuie ce dî!
  • 3

    s.m. palât Copie

    [TS] bot. (in cualchi cualitât di flôr, prominence dal lavri inferiôr de corone che si fâs dongje di chel superiôr, par fâ che no jentrin ciertis bestiis)

locuzions

    palato molle
  • palât mol, vêl dal palât, vêl palatin, vêlCopie
    [TS] anat. (continuazion dal palât dûr par daûr in tiessûts moi e mobii)

monolengâl

bocje s.f.
(bo-cje)
Viertidure de muse, o tal music dai animâi, par li che al jentre il mangjâ, il bevi, tai vertebrâts ancje il respîr, formade cjape dentri lavris, dincj, cîl de bocje e lenghe
esemplis
"al cjol fûr la borse dal tabac e une cjartine e a 'nt fâs un [spagnolet] e sal met in bocje"
gjavât fûr di "Culumie" di Meni Ucel
"cualchidun al passave inviât, ca sù insom, e ur zigave cu lis mans di ca e di là de bocje"
gjavât fûr di "La aghe da pît la cleve" di Dino Virgili
"un fîl di bave che i colave di un cjanton de bocje stuarte"
gjavât fûr di "Cuant che l'Istât al finìs - Ogni etât la sô maravee" di Gianluca Franco
"lu cjalà, cuntune sclese di ridi in bocje"
gjavât fûr di "Un piçul particolâr" di Fabian Ros
"Anute [...] i leve intor come par câs al fantat e i stampave su la muse une bussade cun chê sô bocje frescje e cjantarine"
gjavât fûr di "Come tai romançs" di Alan Brusini
bocje s.f.
(bo-cje)
Espression de muse fate mudant la posizion dai lavris
esemplis
"la bocje ridinte e i voi plens di lagrimis, lagrimis di gjonde"
gjavât fûr di "Il muc" di Roberto Ongaro
bocje s.f.
(bo-cje)
Sensibilitât ai guscj, ai savôrs, persone che e à une cierte sensibilitât ai savôrs (fig.)
esemplis
"a Sant Denêl, in bande dal persut, la trute fumade e sa concuistâ lis bocjis plui delicadis"
gjavât fûr di "Une regjon di cerçâ" di Sandri Carrozzo
bocje s.f.
(bo-cje)
Persone, calcolade pal fat che e mangje, soredut intune famee o intun grup (fig.)
esemplis
"te sô cjase, polente e formadi no jerin avonde par dutis lis bocjis"
gjavât fûr di "Mê none Miute" di Lucio Perès
"la lôr e jere simpri stade une fameone fin di trente o cuarante bocjis"
gjavât fûr di "La aghe da pît la cleve" di Dino Virgili
bocje s.f.
(bo-cje)
Espression verbâl, vôs, sedi tant che lengaç, che tant che argoment, pussibilitât di espression di ideis e v.i. (fig.)
esemplis
"ogni an, il profete Jeremie al fevelà te grande glesie de plêf par bocje di Zuan"
gjavât fûr di "Zuan Jeremie" di Riedo Pup
"nus à pandût la agne Lalie ce che al vignive dopo, che e jere la plui sclete e francje di bocje"
gjavât fûr di "Messe a straoris" di Meni Ucel
"cuistions une vore impuartantis, presentadis par bocje des autoritâts plui altis al plui alt sorestant dal guvier"
gjavât fûr di "Lis scjalis dal cjistiel" di Josef Marchet
bocje s.f.
(bo-cje)
Persone che e fevele, spec. che e fevele disint mâl
sinonims
lenghe, lengate, male lenghe, lenghe di lipare, lenghe lungje
esemplis
"e capive [...] che un borc al scuen nudrîsi di peteçs se no nol vîf. E no si po stropâ dutis lis bocjis..."
gjavât fûr di "La tiere di Lansing" di Maria Forte
bocje s.f.
(bo-cje)
Viertidure di un recipient o di alc di vueit
sinonims
imbocjadure
esemplis
"al cjapave la borse vueide, le voltave cu la bocje injù, le spalancave inmò une volte "
gjavât fûr di "I furlans e il muini" di Riedo Pup
"i contadins a stavin sui cjars, cul façolet peât su la muse, e a butavin balçûi te bocje de trebie, che ju gloteve intun lamp"
gjavât fûr di "Prime di sere" di Carlo Sgorlon
"in Gjermanie, par un pêl, nol jere finît dentri une bocje de fornâs impiade"
gjavât fûr di "Ta la ombre dal santuari" di Pieri Somede dai Marcs
bocje s.f.
(bo-cje)
Jentrade o jessude di une ciert spazi o di une cierte struture
sinonims
jentrade, viertidure
esemplis
"insom e jere la bocje dal tunel, e dut al jere gnûf di scree, pront"
gjavât fûr di "Fieste di inaugurazion" di Agnul di Spere
"su lis bocjis dal puint, di une bande e di chê altre, a son dut il dì di vuardie intes garetis i Cosacs "
gjavât fûr di "Storie di Min" di Ivano Urli
"Deline e trote dut il dì pe cjase, pal curtîl, pal sedim, e Zuantoni le cjale de bocje dal toblât, dal cjanton de lobie, dal puartel dal ort"
gjavât fûr di "La massarie" di Dino Virgili
bocje s.f.
(bo-cje)
Cualsisei viertidure o buse (fig.)
esemplis
"l'an dal sut, che la tiere e spalancave grandis bocjis di sêt, il lât si secjà, e i pastôrs e lis mandriis a cjaminavin tal vueit"
gjavât fûr di "Cuel Valâr" di Dino Virgili
detulis
"a 'nd volarès di macarons par stropâur la bocje a ducj"
"a cjaval donât no si cjalii in bocje"
"a taiâsi il nâs, si insangane la bocje"
"a tignî i dincj sierâts in bocje, al è simpri un bon consei"
"a tignî la bocje sierade, no jentrin lis moscjis"
"bisugne lassâi la sonze in bocje ai gjats"
"bisugne misurâ il cûl cu la bocje"
"bocje e fum a consumin dut"
"bocje onzude no fevele mâl"
"bocje onzude no po dî di no"
"bon pe bocje, trist pe borse"
"buine bocje a fâs bon ardiel"
"cortesie di bocje no coste bêçs"
"cui che al à amâr in bocje nol po spudâ dolç"
"cui che al à in bocje fêl nol po spudâ mêl"
"cui che al taie il nâs al insangane la bocje"
"cui che nol à bêçs te borse che al vedi mîl in bocje"
"dispès la bocje a spude fûr cemût che al judiche e che al sint il cûr"
"dutis lis bocjis a son sûrs"
"e je la ultime gote chê che a lasse il savôr in bocje"
"fin che a son i dincj in bocje no si sa ce che nus tocje"
"fin che un al à dincj in bocje nol sa ce che i tocje"
"il biel e il bon a jemplin la bocje"
"il cjan al à i dincj in bocje"
"il lat al ven pe bocje"
"il miôr piruç i cole in bocje al purcit"
"infin che si à dincj in bocje, no si sa ce che al tocje"
"l'uciel al va di çope in çope tant che il sossedâ di bocje in bocje"
"l'uciel in man al frut, la surîs in bocje al gjat, lis disgraciis in man al avocat"
"la aghe in bocje a distude il fûc"
"la bocje e mangje stâts"
"la bocje le vin ducj par traviers"
"la maleperaule e va di bocje in bocje tant che la sossedarie"
"la mê bocje e je plui vicine de tô"
"la mîl in bocje e il curtìs sot de cimosse"
"la prime digjestion si le fâs in bocje"
"la reson dai prepotents a sta su la bocje dai canons"
"la salût e à l'aur in bocje"
"larc di bocje, strent di borse"
"larc di bocje, strent di man"
"mangjio stran o mangjio fen, ce che mi va in bocje mi sta ben"
"miôr patafâ la bocje che no mangjâ dute la robe"
"no bisugne gjavâi lis surîs di bocje ai gjats"
"no si cjalii in bocje al cjaval donât"
"no si sa tant lavorâ che la bocje tant mangjâ"
"no vierzi bocje se no ti tocje"
"o mîl in bocje o bêçs in borse"
"o mîl in bocje o bêçs te sachete"
"ogni bocje il so pistum"
"ogni cjâf la sô idee, ogni cjase il so costum, ogni bocje il so pistum"
"ognidun al mangje cu la sô bocje"
"par fâ il predi al covente: orele di marcjadant, bocje di purcit e schene di mus"
"pe bocje al mûr il pes"
"pe bocje si scjalde il for"
"se no ai reson, a sparagnâ la bocje o pâr plui bon"
"se reson no ai, miôr che o sparagni la bocje e che o pai"
"se si file dal nâs a la bocje, no torne su la rocje"
"se si file mai tant che al rivi dal nâs a la bocje, e je une glagn che no torne su la rocje"
"se tu ti tais il nâs, il sanc ti va in bocje"
"tu âs plui grancj i voi che no la bocje"
"une nuviçute co a va a marît cu la bocje e vai e cul cûr e rît"
torne sù
torne sù