Hai cercato la parola
bilingue monolingue
Hai cercato la parola
partire
Torna indietro

bilingue

partire
  • 1a

    v.intr. lâ, partî, lâ vie Copia

    [FO] (slontanâsi di un puest o di une persone)
    a veder partire quella bella gioventù, faceva male al cuore = al vaìve il cûr a viodi a partî chê biele zoventût
    partire a piedi = lâ vie a pîts
    parto domani = o voi vie doman
    quando parti? = cuant partissistu?

    v.intr. partî Copia

    (di un mieç di traspuart, tacâ il viaç)
    il treno non è ancora partito = il tren nol è ancjemò partît

    v.intr. lâ Copia

    (murî)
    la pianta è partita per il secco = la plante e je lade par vie dal sec
  • 1b

    v.intr. partî Copia

    [FO] (tacâ a movisi)
    la corsa è partita = la corse e je partide

    v.intr. partî Copia

    (di un colp, jessi sbarât)
    dal fucile è partito un colpo = de sclope al è partît un colp
  • 1c

    v.intr. partî Copia

    [FO] (di discors, di resonament e v.i., vê origjin, cjatâ une base)
    una teoria che parte da buone basi = une teorie che e partìs di buinis fondis
  • 2

    v.intr. partî Copia

    [FO] (di motôr, metisi in moviment)
    con questo freddo l'auto farà fatica a partire = cun chest frêt la machine e fasarà fature a partî
  • 3

    v.intr. vignî, partî, nassi Copia

    [FO] (derivâ, provignî)
    l'odio tra i due popoli partiva da lontano = l'odi tra i doi popui al vignive di lontan

    v.intr. partî, dâ sù Copia

    (di un berli, di une vosade, jevâsi a sec)
  • 4

    v.intr. partî, tacâ Copia

    [FO] (vê principi)
    quella strada parte dal centro della città = chê strade e partìs dal centri de citât
  • 5

    v.intr. partî, tacâ Copia

    [FO] (vê un tiermin di inizi)
    a partire da oggi gli uffici apriranno alle otto e trenta = tacant di vuê oppure cun vuê i uficis a vierzaran aes vot e mieze
  • 6

    v.intr. lâ, partî Copia

    [FO] (rompisi, ruvinâsi)
    ormai il telefono è partito, bisogna comprarne uno nuovo = aromai il telefon al è lât, si à di comprâ un gnûf
  • 7a

    v.intr. lâ, partî Copia

    [FO] (incjocâsi)
    è partito dopo il terzo bicchiere = cul tierç tai al è lât
  • 7b

    v.intr. partî Copia

    [FO] (scjaldâsi, inamorâsi)
    quella tua amica mi ha fatto partire! = chê tô amie mi à fat partî!
  • 7c

    v.intr. lâ, partî, lâ fûr Copia

    [FO] (dâ i numars, deventâ mat)
    la notizia della morte di sua madre lo ha fatto partire = la gnove de muart di sô mari lu à fat lâ fûr

locuzioni

    partire con il piede giusto
  • inmaneâsi ben, inviâsi ben, jessi ben inmaneât, jessi ben inviâtCopia
    [CO] (scomençâ ben)
    mi pare che la cosa sia partita con il piede giusto = mi somee che la cjosse e sei ben inmaneade
    • partire con il piede sbagliato
  • inmaneâsi mâl, inviâsi mâl, nassi mâl, nassi stuart, nassi ledrôsCopia
    [CO] (scomençâ mâl alc)
    quel progetto è partito col piede sbagliato = chel progjet al è nassût stuart
    • partire in quarta
  • partî a sbreghebalon, partî in trombe, partî in cuarteCopia
    [CO] (partî fuart cuntune machine)
  • partî a sbreghebalon, partî in trombe, partî in cuarteCopia
    [CO] (tacâ un progjet cun vivôr)
    sono partiti in quarta ma si sono fermati a metà = a son partîts in cuarte ma si son fermâts a mieç
    • partire in tromba
  • [CO] (vedi partire in quarta)
    • partire per la tangente
  • pierdi la tramontane, saltâ di pal in frascje, pierdi il fîl, lâ a passon, partîCopia
    [CO] (intun discors, intun resonament, pierdisi di argoment o ancje fevelâ di altri in maniere ecessive)
    a causa dell'emozione è partito per la tangente = cause la emozion al à pierdût il fîl è partito per la tangente e si è messo a parlare delle sue imprese = al è partît e si è metût a fevelâ des sôs impresis
  • lâ fûr cul cjâfCopia
    (dâ i numars)
    non si capisce più nulla, è partito per la tangente = no si capìs plui nuie, al è lât fûr cul cjâf
    • partire per le armi
  • [CO] (vedi partire soldato)
    • partire soldato
  • lâ sot, lâ soldâtCopia
    [CO] (jessi coscrit)
    è da due mesi che è partito soldato = a son doi mês che al è lât sot

monolingue

nassi v.intr.
(na-ssi)
Di personis o di animâi, scomençâ la vite, separantsi dal cuarp dai gjenitôrs, o dal ûf
esempi
"co al nassè il prin, lu batiarin Tite, come il vieli, e al jere dut un riçot"
da "La division" di Dino Virgili
"jo o soi nassût e o ai vivût in Argjentine e mi sint argjentin"
da "Ricuarts e inlusions" di Enrico Martina
"chê altre dì al è nassût un vidiel li di Serfitut"
da "Scampanotâ" di Laurin Zuan Nardin
Vedi anche: nassji
nassi v.intr.
(na-ssi)
Vê une cierte origjin (fig.)
sinonimi
divignî, vignî, vignî fûr
esempi
"se no mi sbalgji è nassude ancje jê tal cûl de grape"
da "Butìnle in staiare" di Pieri Somede dai Marcs
"no si po migo pretindi di jessi ducj nassûts intune cueste di re"
da "Cjase di fitâ" di Pieri Somede dai Marcs
nassi v.intr.
(na-ssi)
Jessi fat intune cierte maniere di nature o cuntun ciert destin
esempi
"a son nassûts propit bogns di nuie!"
da "Amîs come prime" di Alan Brusini
"us ai dit che o sês nassût fortunât"
da "Prime di sere" di Carlo Sgorlon
"int che e jere tant convinte di jessi nassude nome par paiâ che, nancje dopo paiât, no steve cul cûr in pâs"
da "I furlans e i bêçs" di Riedo Pup
nassi v.intr.
(na-ssi)
Di flum o riul, tacâ a cori, vê la sorzint
esempi
"la Livence e nas turchine, alì dal Gorgaç. Subit disore Polcenic"
da "Un riul tra Venit e Friûl" di Dino Virgili
nassi v.intr.
(na-ssi)
Di un astri, tacâ a jessi viodût parsore dal orizont tal so moviment circolâr
sinonimi
dâ sù, jevâ, vignî sù
esempi
"Brida e viveve di là des monts che al nas il soreli furlan"
da "La aghe da pît la cleve" di Dino Virgili
"al veve bisugne di cjaminâ tal fresc prin che il soreli, che al nasseve daûr dai cucs, al scjaldàs il mont"
da "Sul agâr" di Pieri Menis
nassi v.intr.
(na-ssi)
Di cualsisei fenomen individuâl, sociâl, economic, naturâl e v.i., tacâ a esisti e a fâsi sintî
sinonimi
tacâ, scomençâ
esempi
"e saveve butâle in staiare tant ben che la ligrie e nasseve intor di jê"
da "Cjase di Dalban" di Maria Forte
"ator pal Friûl a nassin dai comitâts di tutele ambientâl"
da "Un Friûl difarent: i 90 mhz di Onde Furlane" di Max Mauro
"il Moviment Friûl al è nassût intor di un moviment pe facoltât di medisine"
da "Memoriis di politiche linguistiche" di Adrian Cescje
nassi v.intr.
(na-ssi)
Vignî a jessi, spec. par câs e tant che novitât
sinonimi
capitâ, sucedi, jessi, vignî fûr
esempi
"se in Friûl lis votazions a vignissin fatis, metìn a dî, cun dôs listis, une di autonomiscj e une di centraliscj ce nassaressial?"
da "Votazions regjonâls" di Josef Marchet
"Faustin, par prin, al capì dut,… ce che al nasseve…"
da "Cjase di Dalban" di Maria Forte
nassi s.m.
(na-ssi)
Prin moment de esistence di cdn. o di alc
esempi
"o sin sul nassi di une gnove ete"
da "La societât de informazion: cirint lis origjins" di Angelo Vianello
proverbi
"a son i merlots che a restin neris, di cuant che a nassin fin cuant che a muerin"
"al nas ce che si semene e ce che si insede al mene"
"amôr che al nas in malatie cuant che si vuarìs al passe vie"
"ce che nol nas in cent agns, al nas in un"
"ce che tu âs semenât, al è nassût; ce che tu âs insedât, al à menât"
"che nol nassi al mont cui che nol lavore"
"cualchi len al nas par indorâ, cualchidun par bati il mus e cualchidun par fâ coronis"
"cuant che il to mus al nasseve, il gno al leve a scuele"
"cuant che la femine e nas l'om al à di savê puartâ il fas"
"cuant che la ue e nas di avrîl, si bêf par sutîl"
"cuant che si metisi a fâ cjapiei, e nas la int cence cjâf"
"cuant che si semene vece, nol po nassi forment"
"cui che al nas al à di murî"
"cui che al nas contadin al crepe bifolc"
"cui che al nas contadin al crepe vilan"
"cui che al nas cuadri al crepe taront"
"cui che al nas di gjaline al beche par tiere, se no no je gjaline vere"
"cui che al nas di gjaline al sgjarpede"
"cui che al nas di gjat al pie surîs"
"cui che al nas disfortunât ancje se al cole par daûr si romp il nâs"
"cui che al nas disfortunât i tampieste sul cûl ancje sentât"
"cui che al nas mus al crepe pandolat"
"cui che di gjat al nas al cjape surîs a scûr"
"cui che di gjate al nas surîs al pie e se no 'nt pie, no je sô fie"
"cui che di lunis nol fâs tant che di domenie nol è nassût di buine femine"
"cui che nol vûl in chest mont sfadiâ che nol stedi a nassi"
"denant da la ore ni che si nas ni che si mûr"
"denant da la ore no si po ni nassi ni murî"
"di gjaline si nas, di gjaline si sgarfe"
"di robe e nas robe"
"di un disordin cualchi volte al nas un ordin"
"di un fal ind nas mil"
"di un fat ind nas mil"
"di un sterp no nassin nolis di tropis sortis"
"di une lusigne al nas un grant fûc"
"dulà che si nas ogni jerbe e pas"
"dut chel che di gjat al nas surîs al cjape"
"fûr di un rôl no nassin coculis"
"fûr di un sterp a nassin tropis sortis di viminis"
"galantoms si nas, no si devente"
"i rîs a nassin ta la aghe, e àn di inneâsi tal vin"
"il primarûl al nas cuant che al vûl"
"il puar al è nassût di une buiace"
"il selino e i savôrs a van cincuante dîs a cjadaldiaul prin di nassi"
"il Signôr nus à batiâts in chê dì che si è nassûts"
"in chest mont bisugne nassi fortunâts"
"la tegne no nas mai di un sôl cjâf"
"lis feminis che a nassin in an bisest a son dutis cence sest"
"nissun nol nas cence savê"
"nissun nol nas mestri"
"no mangjâ la galete prin che a nassin i cavalîrs"
"no si cuiste la nobiltât nassint, ma ben vivint"
"no si cuiste la nobiltât nassint, ma degnementri vivint"
"nol è mai nassût l'agnelut che nol sedi nassût ancje il so sterput"
"nol mûr mai chel che al à fat la robe che nol sedi nassût chel che al à di mangjâle"
"pan e vin al fâs nassi un biel fantulin"
"primarûl al po nassi cuant che al vûl"
"se si met a fâ cjapiei, la int a nas cence cjâf"
"si nas cjalts e si mûr frêts"
"si nas par muri"
"si sa cemût che si nas ma no cemût che si mûr"
"supierbie e ignorance a nassin sul stes pedâl"
"te cjase dai galantoms a nasin prin lis feminis e po i oms"
"tra lis spinis e nas la rose"
"une idee e nas tal cjâf ma e cres tal cûr"
Torna in Cima
Torna in Cima