Hai cercato la parola
bilingue monolingue
Hai cercato la parola
paura
Torna indietro

bilingue

paura
  • 1a

    s.f. pôre, strice, spaghet Copia

    [FO] (emozion, sensazion di cuant che si sintisi in pericul o si è preocupâts)
    avere paura = vê pôre
    che paura! = ce pôre oppure ce strice oppure ce spaghet
    essere mezzo morto di paura = jessi mieç muart di pôre
    niente paura! = nuie pôre!
    paura dei ragni = pôre dai ragns
    tremare di paura = sgrisulâsi di pôre

    s.f. pôre Copia

    (in espressions che a pandin orôr, serietât, gravitât, brutece)
    brutto da far paura = brut di fâ pôre
    un incidente da far paura = un incident di fâ pôre
  • 1b

    s.f. pôre Copia

    [TS] (modalitât di compuartament che e cjape dentri une sorte di diminuzion dal jo, causade de percezion reâl o imagjinade di un pericul)
  • 2

    s.f. pôre Copia

    [FO] (sensazion di angosse e di suspiet)
    abbiamo paura che ci faccia un brutto tiro = o vin pôre che nus fasi un tîr brut
    vivere nella paura = vivi cu la pôre
  • 3

    s.f. pôre Copia

    [FO] (il no volê alc)
    non mangia per paura di ingrassare = di pôre di ingrassâ nol mangje

    s.f. pôre, teme, sobri Copia

    (presintiment, massime negatîf)
    ho paura che verrà la neve = o ai pôre oppure sobri che e vegni la nêf

locuzioni

    avere paura della propria ombra
  • vê pôre de sô ombreCopia
    [CO] (vê pôre di dut)
    • cavaliere senza macchia e senza paura
  • om cence pecjis e cence pôreCopia
    [CO] (persone che e à cûr di frontâ ogni situazion e che no à nuie ce platâ)
    quello è un cavaliere senza macchia e senza paura = chel al è un om cence pecjis e cence pôre

monolingue

pôre s.f.
(pô-re)
Emozion, sensazion di cuant che si sintisi in pericul o si è une vore preocupâts
sinonimi
fufe, piu-piu, sbigule, spac, spali, spavent, terôr, spaghet, teme, timôr
esempi
"però la guera a vierç subit i voi / il paltan, i pedoi, la pôra soradut / la pôra incuguiada intuna grusa / un muart denti una busa, un berli da un murut, la pôra che a ti sgarfa sot la piel / la pôra che a si nea tal butilion"
da "Un soldatin" di Giorgio Ferigo
"la fie no jere ancjemò no tornade, siore Anute e scomençà a vê un sgrisul di pôre e a cjalâ fûr pal barcon, a talpinâ di ca e di là cence padin"
da "Cjase di Dalban" di Maria Forte
"cetantis voltis che al veve fate la dreture di Cjamp a dutis lis oris: Cuesim nol veve pôre ni di vîfs ni di muarts"
da "La aghe da pît la cleve" di Dino Virgili
Vedi anche: paùre
pôre s.f.
(pô-re)
[TS] (psic.) Modalitât di compuartament che e cjape dentri une sorte di diminuzion dal jo, causade de percezion reâl o imagjinade di un pericul
esempi
"al somee che la reazion di panic e sedi diferente de reazion de pôre, parcè che i circuits neurâi che a son ae fonde di chestis dôs emozions a son forsit diferentis"
da "Neurosiencis dal dolôr" di Franc Fari
pôre s.f.
(pô-re)
Prospetive di alc che no si vûl, che nol plâs
esempi
"o vin simpri vude pôre che cierte int, convertide a la autonomie al ultin moment, si sedi fate indenant par inturbidî lis aghis"
da "Cuarde e savon" di Josef Marchet
pôre s.f.
(pô-re)
Ognidun dai pinsîrs o des situazions che a fasin preocupâ
esempi
"a era la guera ta chei agn, li pouri, la miseria, i copamints"
da "Il Crist sclagn" di Novella Cantarutti
"mi vignivin sgrisui di scatûr pensant a la mê idee di partî, ancje se no varès mai confessât chê pôre a 'Sef"
da "Ricuarts e inlusions" di Enrico Martina
proverbi
"a volê fâ robe no bisugne vê pôre dal diaul"
"al è il 'sâf che al à simpri pôre che i mancji la aghe"
"al è miôr vê pôre prin che no daspò"
"cui che al à la code di paie al à pôre che si brusi"
"cui che al à la code di stran al à simpri pôre che si impii"
"cui che al à reson al à pôre, cui che al à tuart al spere"
"cui che al è scotât ta la aghe cjalde al à pôre di chê frede"
"cui che al menace al vîf cu la pôre"
"cui che plui al sberle plui al à pôre"
"e je miôr la pôre che no la angosse"
"e je piês la pôre che no la dulie"
"e je piês la pôre de muart che no il murî"
"e je plui la pôre che no la angosse"
"e plui grande la pôre dal mâl che il mâl stes"
"il brâf miedi nol à pôre di scorteâ"
"il brigant e il viandant a stan simpri cu la pôre"
"la bolp e à pôre de sô ombre"
"la pôre no resone"
"mâl no fâ, pôre no vê"
"miôr la pôre che no l'ingôs"
"no bisugne lassâ scjampâ il jeur par pôre di ruvinâi la piel"
"no stâ fâ di mancul di semenâ par pôre des passaris"
"par fâ bêçs no bisugne vê pôre dal diaul"
"par pôre dai uciei no si lasse di semenâ"
"peraulis e blestemis no fasin pôre"
Torna in Cima
Torna in Cima