Tu âs cirût la peraule
bilengâl monolengâl
Tu âs cirût la peraule
picciolo
torne indaûr

bilengâl

picciolo adi., s.m.
  • 1

    adi. piçul Copie

    [LE] (che al è di pocje dimension, di pocje durade, di cundizion basse e v.i.)
  • 2

    s.m. piçul Copie

    [OB] (frut)
  • 3a

    s.m.

    [TS] numism. (cjale piccolo)

    s.m. piçul Copie

    (monede antighe florentine che e valeve un cuart dal florin)
  • 3b

    s.m. boro, carantan Copie

    [RE] (monede di pôc valôr)

monolengâl

piçul adi.
(pi-çul)
Che al à pocje grandece o di grandece che e je mancul di ce che si calcole normâl
sinonims
minût, picinin, stret, curt
esemplis
"a drete de muraie si podeve lumâ une piçule puarte di len, cuntun clostri rusin e simpri tirât"
gjavât fûr di "A ôr dal flum" di Franca Mainardis
"il Friûl - si sa - al è un piçul campion dal univiers: montagnis, culinis, magredis, aghis, mâr: nol mancje nuie"
gjavât fûr di "I furlans e la cjace" di Riedo Pup
piçul adi.
(pi-çul)
Che al è di misure mancul grande rispiet a altris pussibilitâts de stesse sorte
esemplis
"une bire piçule"
piçul adi., s.m.
(pi-çul)
Che, cui che al è mancul alt de medie
sinonims
bas, mucul, micul, curt
esemplis
"un omenut piçulut cuntun fregul di panzute e vistût a sioret vie"
gjavât fûr di "Il muc" di Roberto Ongaro
piçul adi., s.m.
(pi-çul)
Che, cui che al à pôcs agns o mancul agns rispiet a cdn. altri
esemplis
"si veve bêçs in cjase e Zuan ju mostrave a ducj i fîs, massime ai piçui e ur racomandave che i bêçs si à di tignîju cont, cun tancj sudôrs che a costin"
gjavât fûr di "Zuan Jeremie" di Riedo Pup
"so pari al jere muart e lui al veve scugnût cjatâsi di vore par mantignî la mari e i doi fradis piçui"
gjavât fûr di "Trê feminis" di Gianni Gregoricchio
piçul adi.
(pi-çul)
Che al dure pôc
sinonims
curt, svelt
esemplis
"jo o vevi voie di une piçule polse te citât"
gjavât fûr di "Sense" di Checo Tam
piçul adi.
(pi-çul)
Formât di pôcs elements
esemplis
"i Turcs a passarin di là, si dividerin in piçui trops, a devastarin ducj i paîs, a coparin miârs miârs di furlans e a tornarin a cjase lôr cjamâts di robe e di presonîrs"
gjavât fûr di "Cuintristorie dal Friûl fin sot la Italie" di Josef Marchet
"une piçule antologjie di poetis furlans"
gjavât fûr di "Memoriis di politiche linguistiche" di Adrian Cescje
piçul adi.
(pi-çul)
Che nol à tante impuartance, tant pês, tante influence e v.i.
esemplis
"o speri di vê rivât a dâ un piçul contribût pe valorizazion de nestre art e de nestre maraveose lenghe"
gjavât fûr di "O ai scrit pal gno popul" di Erika Adami
piçul adi.
(pi-çul)
Di bas nivel economic o sociâl
sinonims
minût, bas
esemplis
"i flamants no sopuartin masse la presince e i intervents dai agjents de monarchie francese, a un tant che il popul piçul, i lavoradôrs e lis associazions dai mistîrs sostignudis dal cont Guy de Dompierre si ribelin"
gjavât fûr di "La invenzion dal stât" di Fabian Ros
"la int piçule no capìs lis ideis diferentis, no lis sopuarte"
gjavât fûr di "La aghe da pît la cleve" di Dino Virgili
piçul adi.
(pi-çul)
In relazion cun nons di personis e di lûc, par significâ carateristichis ridusudis rispiet al origjinâl
esemplis
"a Colonia Caroya i disin "Piçul Friûl" in Argjentine"
piçul adi.
(pi-çul)
Di pôc nivel morâl, inteletuâl, uman e v.i. (fig.)
sinonims
meschin, misar, miserabil
esemplis
"si è mostrât come un om malcontent, insigûr, malinfident, puartât a une cierte crudece e crudeltât [...]: un om e un predi piçul"
gjavât fûr di "La fabriche dai predis" di Antoni Beline
piçul s.m.
(pi-çul)
Ce che al à pocje grandece
esemplis
" va ben che tal grant al sta ancje il piçul ma Vera tai siei [çucui] e sta dentri dôs voltis"
gjavât fûr di "Storie di Vera" di Ivano Urli
piçul s.m.
(pi-çul)
Dimension no grande o scjale ridusude
esemplis
"a vevin di piturâ te abside: la Madone tal mieç dai martars di Aquilee. E dopo, plui in piçul, l’Imperadôr Corât II, la sô femine Gjisele [...] e il so fantat Indrì"
gjavât fûr di "Popon, la basiliche gnove e la lote cuintri Grau" di Diego Navarria
piçul s.m.
(pi-çul)
Misure di une cierte robe mancul grande rispiet a altris
esemplis
"si va la sere a bevi un piçul di bire che al coste cutuardis centesims"
gjavât fûr di "Florean dal Palaç, III, 30" di Guido Antonioli
piçul s.m.
(pi-çul)
[TS] (numism.) Monede che e valeve une di dodis parts dal solt e une di dusinte cuarante parts de lire
esemplis
"la glesio di Rubignâs o vêr ju cjamerâs per un prât puest dongjo i mulins cu forin di Missin di Rubignâs paio soldi XIII e piçui IIII"
gjavât fûr di "Cuader de Fradaie di Sante Marie dai Batûts di Cividât" di Anonim
detulis
"brut di piçul, biel di grant; biel di piçul, brut di grant"
"ce che il piçul al ripet, i grancj lu àn biel det"
"cjolimi di grant e tornimi di piçul"
"cuant che i piçui a fevelin, i grancj e àn fevelât"
"cuant che il gjal piçul al cjante, il grant al à za cjantât"
"cuant che la polente e je piçule, tenti la tô fete in man"
"cui che nol comede la piçule buse al comede la grande"
"cui che nol ripare il mâl piçul al à di justâ il mâl grant"
"fin che a son piçui, rosis e flôrs cuant che a son grancj, spins e dolôrs"
"fîs piçui, fastidis piçui; fis grancj, fastidis grancj"
"i laris piçui si picjiju, i grancj si lassiju cori"
"il lari piçul al va in preson"
"il pes grant al mangje il piçul"
"il Signôr al è piçul ma al cres ogni dì"
"la glesie e je simpri plui piçule dal tor"
"lari piçul no stâ robâ che il lari grant ti fâs picjâ"
"lari piçul no stâ robâ che il lari grant ti picjarà"
"mat di piçul, om di grant"
"o ai dîs dêts tes mans e se mi tai il plui piçul, mi dûl"
"ogni plui piçule magle e dissipe un tapêt"
"ogni sant, piçul e grant"
"piçule magle e ruvine un biel tapêt"
"piçulis o grandis, lis patatis no àn vues"
"plui piçul al è il cûr des feminis, plui lungje la lenghe"
"se si lavore tal carnevâl piçul, si viôt madracs piçui; se si lavore tal carnevâl grant, si viôt madracs grancj"
"srarissimi di piçul e ledrimi di grant"
"vuarditi des piçulis spesis"
torne sù
torne sù