Hai cercato la parola
bilingue monolingue
Hai cercato la parola
pieno
Torna indietro

bilingue

pieno ,
  • 1

    s.m. fuart, colm, colme, penç, colmace Copia

    [CO] (moment plui intens di alc)
    nel pieno dei lavori = su la colmace dai lavôrs
    nel pieno dell'acquazzone = tal fuart dal scravaç
    nel pieno dell'inverno = tal colm dal Invier
    nel pieno di una notte molto buia = tal penç di une gnot une vore scure
  • 1a

    adi. plen Copia

    (cun significât di rinfuarç, une vore plen)
    cassetti pieni zeppi di cose = casselins plens râs oppure fodrâts di robis
    un bicchiere pieno fino all'orlo = une tace plene rase

    adi. plen Copia

    [FO] (che al ten dut ce che al pues tignî)
    con la bocca piena = cu la bocje plene oppure imboconât
    il sacco è pieno, dentro non ci sta più nulla = il sac al è plen, dentri nol sta plui nuie

    adi. colm, plen Copia

    (specificant il contignût)
    una scatola piena di bottoni = une scjatule plene oppure colme di botons
  • 1b

    adi. plen Copia

    [FO] (cun tante int)
    il cinema era tutto pieno = il cine al jere dut plen
    quella casa è sempre piena di gente = chê cjase e je simpri plene di int
  • 1c

    adi. plen Copia

    [FO] (che al à dentri un mismàs di robis)
    un discorso pieno di spropositi = un discors plen di falopis
    un negozio pieno di cianfrusaglie = une buteghe plene di strafaniçs

    adi. plen, dut plen Copia

    (cun tantis robis)
    un cielo pieno di nuvole = un cîl plen di nûi
    una strada piena di buche = une strade dute plene di busis
  • 2

    s.m. penç, plen Copia

    [CO] (part plui plene, plui penze di alc)
    il pieno dei muri = il plen dai mûrs
    nel pieno del bosco = tal penç dal bosc
  • 2a

    adi. plen Copia

    [FO] (di cdn., che al à bondance di alc)
    è pieno di debiti = al è plen di debits
    quella famiglia è piena di soldi = chê famee e je plene di bêçs
    siamo pieni di impegni = o sin plens di impegns
    un inverno pieno di neve = un Invier plen di oppure cun tante nêf
  • 2b

    adi. cjariât, plen Copia

    [FO] (che al à un sintiment predominant)
    ha una vita piena di calore = al à une vite plene di calôr
    siete partiti pieni di speranze = o sês partîts cjariâts di sperance
    un cuore pieno di poesia = un cûr plen di poesie

    adi. plen, dut Copia

    (che al à un spirt particolâr)
    le guardie sono scappate piene di spavento = lis vuardiis a son scjampadis dutis spauridis
    un bambino pieno di capricci = un frut plen di mateçs
    un uomo pieno di buone qualità = un om plen di buinis cualitâts

    adi. plen Copia

    (cun tantis robis)
    avrò una settimana piena = o varai une setemane plene
    ha la testa piena di idee = al à il cjâf plen di ideis
  • 2c

    adi. plen Copia

    [FO] (che al cognòs une vore di int)
    è sempre pieno di donne attorno = al è simpri plen di feminis ator
  • 3

    adi. plen, suplît Copia

    [FO] (passût)
    sono pieno da scoppiare = o soi plen tant che une gubane
    sono pieno fino agli occhi = o soi plen fin parsore i voi

    s.m. plen, jemple Copia

    [CO] (cjarie complete)
    ha fatto il pieno di vino all'osteria = al à fate la jemple di vin in ostarie
    ho fatto il pieno di gasolio = o ai fat il plen di gasoli
  • 4

    s.m. plen Copia

    (limit di valôr massim che la assicurazion e acete di garantî par un viaç par mâr)

    s.m. plen Copia

    [TS] (impuart massim di une assicurazion)
  • 4a

    adi. plen, madûr Copia

    [CO] (ben formât)
    le spighe sono piene = i spîs a son madûrs
  • 4b

    adi. plen, massiç Copia

    [CO] (che nol è çondar)
    legno pieno = len massiç
    muro pieno = mûr plen
  • 5

    adi. plen, complen, in cjar Copia

    [CO] (che al sta ben in cjar)
    braccia piene = braçs in cjar
    faccia piena = muse plene

    s.m. plen Copia

    [CO] (te caligrafie e paleografie, la part di une letare tirade cul ingjustri)
  • 6

    adi. cûr, biel, plen Copia

    [CO] (che al è in plene fuarce)
    in piena notte = a dute gnot oppure tal cûr de gnot
    in pieno giorno = di plene dì oppure di biel dì
    in pieno inverno = tal cûr dal Invier
    in pieno mezzogiorno = di biel misdì
  • 7

    adi. complet, plen, totâl Copia

    [CO] (totâl)
    l'accordo è pieno = l'acuardi al è complet oppure totâl
    nel pieno possesso delle proprie facoltà mentali = intal plen dai siei sintiments
    una confessione piena = une confession plene
  • 8

    adi. grues, plen, gravit Copia

    [CO] (gravide, massime des feminis di animâi, ma, par mateç, ancje des feminis)
    abbiamo la vacca piena = o vin la vacje plene
  • 9

    adi. di buine schene, di schene, di cuarp Copia

    [CO] (di vin, che al à cuarp e savôr)
    un vino pieno = un vin di buine schene oppure un vin di cuarp
  • 10

    adi. plen Copia

    [TS] (di scût, che al à la part metaliche cence nissune figure)

locuzioni

    a pieno carico
  • dut cjamâtCopia
    [CO] (cjamât ad in plen)
    il treno viaggiava a pieno carico = il tren al viazave dut cjamât
    • a pieno ritmo
  • a plen, a dute ande, a plui podê, a dut podê, a piês podêCopia
    [CO] (cun dute la sveltece che si rive, ancje fig.)
    la fabbrica produce a pieno ritmo = la fabriche e prodûs a dut podê
    • a pieno titolo
  • par ducj i efiets, a titul plenCopia
    [CO] (vê ducj i dirits che a coventin)
    ricopre la carica a pieno titolo = al à la funzion a titul plen oppure par ducj i efiets
    • a stomaco pieno
  • cu la panze plene, dopo mangjâtCopia
    [CO] (daspò di vê mangjât)
    medicine da assumere a stomaco pieno = medisinis di cjoli daspò di vê mangjât
    • a tempo pieno
  • a timp plenCopia
    [CO], [TS] (dute la zornade normâl di lavôr)
    adesso lavoro a tempo pieno = cumò o lavori dute la zornade
  • dut il dìCopia
    [CO] (par dute la zornade, cence timps libars)
    quel lavoro la occupa a tempo pieno = chel lavôr le cjape dut il dì
  • a timp plenCopia
    [CO] (te scuele, ancje il dopomisdì, restant ancje a gustâ)
    martedì i bambini hanno scuola a tempo pieno = martars i fruts a àn scuele a timp plen
    • arco a pieno centro
  • [TS] (vedi arco a tutto sesto)
    • fare il pieno
  • dâ la pleneCopia
    (ingosâsi, suplîsi, imboconâsi)
    ha fatto il pieno di polenta = al à dât la plene cu la polente
  • fâ il plenCopia
    [CO] (meti carburant tant di jemplâ il serbatori)
    ho fatto il pieno di super proprio adesso = o ai fat il plen di super juste cumò
    • in pieno
  • a plen, justCopia
    [CO] (cun precision)
    colpire in pieno = cjapâ just
  • ad in plen, a plen, biel avuâl, a bot plenCopia
    (totalmentri)
    le nuvole coprono in pieno i monti = i nûi a cuvierzin a plen lis monts
    • otre pieno di vento
  • bufule sglonfade, buiace montadeCopia
    [CO] (persone che si svante cence reson)
    è solo un otre pieno di vento = al è dome che une bufule sglonfade
    • pieno come un uovo
  • plen tant che une cope, plen tant che un scusCopia
    [CO] (riferît spec. a locâl, plen di int)
    una discoteca piena come un uovo = une discoteche plene tant che un scus
  • plen e passût, plen tant che un scus, plen tant che un gût, plen tant che un purcit, plen tant che un ôc, plen tant che une gubaneCopia
    [CO] (passût, suplît)
    si è alzato da tavola solo quando era pieno come un uovo = al è jevât de taule dome cuant che al jere plen tant che un scus
    • pieno di fumo
  • spandon, plen di fum, svanton, plen di aiars, sglonfonCopia
    [CO] (cui che si da une vore di impuartance ancje se al vâl pôc)
    è pieno di fumo ma vale poco = al è svanton ma al vâl pôc
    • pieno di sé
  • plen di se, plen di argoment, plen di se stesCopia
    [CO] (che si da une vore di impuartance)
    arrivava piena di sé come una regina = e rivave plene di argoment come une regjine un ragazzo pieno di sé = un fantat plen di se stes
    • punteggio pieno
  • [CO] (il massim dai ponts pussibii)
    è l'unica squadra a punteggio pieno = e je la uniche scuadre che e à fat ducj i ponts

monolingue

fuart adi.
Bon di sopuartâ un sfuarç fisic grant, di tignî ae fadie
sinonimi
drugul, gaiart, gnervorût, gnervût, possent, robust, vivarôs
esempi
"un zovin boscadôr che nol veve inmò la barbe, ma al jere za ben tressât e fuart tant che un rôl"
da "Cretevierte" di Roberto Ongaro
"un biel zovin, fuart e grues, come un leon"
da "No je plui vive" di Dolfo Zorzut
"alt e dret che si stuarzeve come un venc, legri e fuart che no i faseve pôre nissune fadie"
da "Sul agâr" di Pieri Menis
fuart adi.
Di une part dal cuarp, robust, muscolôs
sinonimi
drugul, gaiart, gnervorût, gnervût, muscolôs, possent, robust, vivarôs
esempi
"braçs fuarts chei che le acolzerin e le cjaparin sù tant che e fos stade une pipine"
da "Cretevierte" di Roberto Ongaro
fuart adi.
Di une part dal cuarp o di une part di alc, grande, bondante
sinonimi
bocon, bondant, gjenerôs, grant, grues
esempi
"alt e di spalis largjis, une ponte di barbe bionde sot la bocje fuarte e blancje di dincj al veve une zoventût che e incjantave"
da "Cjase di Dalban" di Maria Forte
fuart adi.
Che al fâs alc cun fuarce, intensitât, insistence, costance e v.i.
sinonimi
acanît, fis, fissât, grant, grues
esempi
"un fumadôr fuart"
"e dispecolave cun impegn une lungje sfilze di de profundis e di jaculatoriis par ducj i siei vons e ancje par se; che jê e jere fuarte di glesie"
da "Cjase di Dalban" di Maria Forte
fuart adi.
Che al compuarte l'ûs de fuarce, de violence, de prepotence
sinonimi
brusc, decîs, dûr, garp, trist, violent, prepotent
esempi
"la polizie, cirint di mandâ vie dai zovins che si jerin sentâts sul pedrât e dopre lis manieris fuartis cun cjariis e dant jù manganeladis"
da "Il fotogram mancjant. Un Friûl cence memorie storiche audiovisive" di Fabian Ros
fuart adi.
Che al à un podê, une posizion di domini, di favôr e v.i.
esempi
"un guvier fuart"
"metisi cuintri dai podês fuarts"
fuart adi.
Che al fâs stât su di une cundizion, cualitât, poie e v.i.
esempi
"fuarts di une storie che e viodè i nestris vins agradîts in dutis lis corts de Europe, i produtôrs di Oslavie e di Lucinîs a son la ponte di diamant pe riscuvierte e pe valorizazion da la enogastronomie gurizane"
da "www3.comune.gorizia.it/turismo/fn/il-vin" di Aministrazion Publiche
fuart adi., s.m.
Che, cui che al è bon di sopuartâ dificoltâts, dotât di volontât e fuarce morâl
sinonimi
determinât, salt, dûr, energjic, fer, robust
esempi
"si sa che la calme e la trancuilitât a son lis virtûts dai fuarts"
da "Balon: crodi, ubidî e paiâ" di Riedo Pup
"sot di chê parence lizere, si platave un caratar, sì dolç e zentîl, ma fuart"
da "Trê feminis" di Gianni Gregoricchio
fuart adi.
Di alc, che al ten bot ai sfuarçs mecanics, al ûs, che nol mole e no si romp
sinonimi
dûr, fis, robust, salt
esempi
"il len di agacie al è une vore fuart"
"vistîts di tiessût fuart"
fuart adi.
Di alc di materiâl o imateriâl, che al à tante intensitât intune des sôs carateristichis, e in particolâr inte sô carateristiche principâl
sinonimi
penç, pesant, possent, potent, violent
esempi
"[il formadi di mont al] à un gust fuartut, che al tint al amâr"
da "Il formadi di mont" di Oscar Puntel
"colôrs scûrs e segns fuarts, come chei di Caravaggio"
da "Faliscjis" di Cristina Noacco
"ogni tant un ton plui fuart al pandeve che cualchi cassele di munizions e veve cjapât fûc e tonât"
da "Il muc" di Roberto Ongaro
"une Adler dodis cilindris e sîs puescj che, une volte in moto, e tremave tai veris celestins, cun dentri un fuart odôr di bachelite"
da "Come tai romançs" di Alan Brusini
fuart adi., s.m.
Di odôr, che al da fastidi, che al è trist, in particolâr di robe fermentade, di garp e v.i.
esempi
"il levan al à lavorât masse e il pan al sa di fuart"
"il vin al à cjapât di fuart"
fuart adi.
Che al à grande cuantitât, dimension, impuartance e v.i.
sinonimi
alt, grant, impuartant, rilevant
esempi
"il so om al veve cjatade juste la division parcè che al veve za vût sumis fuartis dal pari"
da "Mabile la Lunghine" di Maria Forte
"organisims finanziaris autogjestîts e cun fuarte partecipazion popolâr"
da "Guide par un consum just e solidâl" di Buteghe dal Mont, Luche Nazzi
fuart adi.
Di alc, che al vâl, che al à un efiet, une cualitât positive
sinonimi
bon, salt, san
esempi
"al covente meti in rêt dutis lis esperiencis fatis, individuâ i erôrs e i ponts fuarts e corezi lis liniis gjenerâls e i plans detaiâts"
da "Planificazion linguistiche tal mont de sanitât" di Sandri Carrozzo
fuart adi.
Di cdn., che al à capacitâts, cognossincis, competencis e v.i. intun ciert setôr
esempi
"jessi fuart in matematiche"
"jessi fuart tai sports"
fuart adi.
Che al fâs impression par une cualitât o capacitât, o ancje par simpatie (coloc.)
sinonimi
famôs, bulo, babio
esempi
"ce fuarte che e je Catine! e fâs murì di ridi!"
fuart adi.
[TS] (gram.) Di categorie gramaticâl, che te flession e pues cambiâ ancje la lidrîs
fuart av.
Cun fuarce, intensitât, bondance e v.i.
esempi
"il barbe Tite che al strenzeve fuart la scorie e lis brenis par tignî fer il cjaval che al sgriave la tiere"
da "Cjase di Dalban" di Maria Forte
"la ploie e bat fuart tai veris, l'aiar al sivile pes fressuris"
da "Un pugn di moscjis" di Pieri Somede dai Marcs
fuart s.m.
Dome sing., ce che si rive a fâ miôr
sinonimi
cantin, pont fuart
esempi
"no che no lessin dacuardi, dome che la comunicazion verbâl no jere il nestri fuart"
da "Un blanc e un neri" di Igor Londero
fuart s.m.
Dome sing., moment, fase di alc cun plui fuarce, intensitât e v.i.
sinonimi
colm, plen
esempi
"l'è sul fuart de la etât, e par stature / al è un bocon di diaul che al fâs paùre"
da "Ai furlans" di Pieri Çorut
"i lens sa i taia sul vecju di luna; sul fuart [di lune] a no i art parcè che a i buta la aga"
da "Un compit par furlan" di AAVV
proverbi
"al zighe plui fuart cui che al à tuart"
"arc di Sant Marc o bontimp o ploie fuart"
"cui che al à tuart al zighe plui fuart"
"fuart cui che no si lasse vinci dal pudôr, plui fuart cui che no si lasse vinci de necessitât"
"se tu vûs vê reson, zighe fuart"
Torna in Cima
Torna in Cima