Hai cercato la parola
bilingue monolingue
Hai cercato la parola
posteriore
Torna indietro

bilingue

posteriore ,
  • 1

    adi. posteriôr, daûr Copia

    [AU] (che al è daûr)
    i sedili posteriori della macchina = lis sentis daûr oppure posteriôrs de machine
    la parte posteriore del motorino = la part daûr dal motorin
  • 2

    adi. dopo, daspò, di daspò Copia

    [AU] (che al capite daspò)
    è accaduto in un'epoca posteriore = al è capitât intune epoche daspò
    un reperto posteriore = un repert di daspò
  • 3

    adi. posteriôr Copia

    [TS] (di sun, che si lu prodûs inte part de bocje plui indaûr)
  • 4

    adi. daûr Copia

    [CO] (cûl)
    ogni tanto gli darei un calcio nel posteriore = ogni tant i darès une pidade tal daûr

locuzioni

monolingue

daûr av., prep., adi.inv.
(da-ûr)
De bande contrarie rispiet a chê dulà che si cjale, si va, si è indreçâts e v.i.
esempi
"la schirie [di cjars] e passave dilunc, intun nûl di pulvin. Daûr al restave pulvin"
da "La aghe da pît la cleve" di Dino Virgili
"al veve comprât un biel palaç cuntun zardin denant, cun prâts e viâi daûr e ator vie"
da "Il solt dal Signôr" di Catarine Percude
"comodâsi tai vagons daûr dal tren"
Vedi anche: davûr, davôr, devôr
daûr av., prep., adi.inv.
(da-ûr)
Inte part posteriôr
sinonimi
par daûr
esempi
"la none e cjapà Mariute pe man e le menà a insentâsi daûr [tal cjar], jenfri dôs frutatis e i poià dongje il carnirut"
da "Sul cjar di Pauli Gurin" di Maria Forte
"tomant a montâ in machine, si tirà su la sente daûr par lassâi a Miute il puest plui comut"
da "Il timp par ledrôs" di Mario De Apollonia
daûr av., prep.
(da-ûr)
Te seconde bande di une superficie o di alc che al pues vê dôs bandis
esempi
"al veve mandât une fotografie a Antoniglia, cun scrit daûr: Con affetto"
da "Faliscjis" di Cristina Noacco
daûr av., prep., adi.inv.
(da-ûr)
Plui inlà di cdn. o di alc intal spazi, in mût di stâ dongje o ancje a distance ma in mût di jessi cuviert o platât, dal dut o in part
esempi
"prin si sintirin i pas daûr de puarte, po dopo la clâf che e zirave"
da "L'om misteriôs" di Antescûr
"la cjasute di Vigji e jere a pene fûr dal parc, cuintri soreli a mont, suntune cucuruce dongje la glesie, e daûr, plui lontan, altris culinis plenis di boscs, e dopo, là sù, lis montagnis"
da "Vigji Brusin" di Riedo Pup
"il bandît al segne cu la pistole la cassefuart vierte, al siere lis tendis, i doi daûr dal bancon a jevin lis mans par aiar"
da "La rambe" di Fabian Ros
daûr av., prep., adi.inv.
(da-ûr)
In posizion secondarie intune sucession ideâl, intun ordin di valôrs, intune graduatorie e v.i.
sinonimi
dopo, daspò
esempi
"la prime in classifiche e à 24 ponts, daûr di jê la seconde e je a 20"
daûr av., prep.
(da-ûr)
Ae fonde, cuntune funzion impuartante, ancje se no si viôt a prin voli
sinonimi
sot, parsot, par daûr
esempi
"daûr dal riviel de Joibe Grasse si àn diviersis causis che si incrosin tra di lôr"
da "Il Friûl de Joibe Grasse dal 1511" di Carli Pup
daûr av., prep.
(da-ûr)
Inte stesse direzion di alc che si môf
sinonimi
dilunc
esempi
"lis rosis a colavin a planc ta la aghe, a restavin a lunc fermis sul lemit, po a planc a planc si inviavin daûr curint venti jù come un funerâl di colôrs"
da "La aghe da pît la cleve" di Dino Virgili
daûr av.
(da-ûr)
Cun se, in mût di vê o di jessi a disposizion, di tignî controlât, di jessi o di vê tant che compagnie e v.i.
sinonimi
parie
esempi
"il mestri al vignive in biciclete di fûr di paîs e si puartave daûr il gustâ"
da "Vuadagnâsi il gustâ" di Ivano Urli
"lâ a fâ une riparazion cun ducj i imprescj daûr"
daûr av.
(da-ûr)
Indreçantsi a cdn. o a alc, ancje no tant a viert
esempi
"cuant che i Clevis a vignivin jù in Rivuinis, la int ju cjalave di stos e ur rugnave daûr"
da "La aghe da pît la cleve" di Dino Virgili
"«Na metitu mai la muda di gala, Tunissi?» a i disevin li femini. «Ce muda, ce gala!» a i bruntulava davourji lui che al era strent tal fevelâ e a nal faseva tela cun nissun"
da "Il Crist sclagn" di Novella Cantarutti
daûr prep.
(da-ûr)
Inte opinion di
sinonimi
par, seont
esempi
"daûr dal Vasari, un dai plui grancj storics da la art dal Cinccent, [Zuan di Udin] al varès stât ancje a Vignesie te buteghe di Giorgione"
da "Zuan di Udin" di Luca De Clara
daûr av., prep.
(da-ûr)
In dipendence di un alc che al condizione, che al cause e v.i.
esempi
"imparait a resonâ sul teren positîf de realtât e no daûr di prejudizis teorics che no àn nissun fondament"
da "Cjalâ plui inlà" di Josef Marchet
"tal 1966 al nasseve il Moviment Friûl intun studi di nodâr a Udin, daûr des manifestazions straordenariis di place di miârs di students a Udin par reclamâ la facoltât di Medisine e la Universitât Furlane"
da "Tal non di Fausto Schiavi" di Adrian Cescje
"la sere, dopocene, a balavin tal tinel, daûr il sun dal piano"
da "La aghe da pît la cleve" di Dino Virgili
daûr av., prep.
(da-ûr)
Par introdusi un complement di interès o di vantaç
sinonimi
par
esempi
"si deve la ciprie cul plumin, si piturave i lavris di ros, e e pierdeve oris interiis daûr dai siei vistîts"
da "Il dolfin" di Carlo Sgorlon
"a era encja jê pôc pi di canaa, ma a mi pareva granda e a mi plaseva parcè che a pierdeva via ori davour di me"
da "Il specju" di Novella Cantarutti
daûr av., adi.indef.
(da-ûr)
Plui tart intal timp
sinonimi
dopo, daspò
esempi
"le viodei ancje la dì daûr, su la terace"
da "Il dolfin" di Carlo Sgorlon
"l'an daûr o savei che in compagnie / di un mercjadant di cuars, / che al ere di Bivârs, / a si imbarcjà a Triest e a le in Turchie"
da "Il regâl di Mustafà" di Pieri Çorut
daûr av., adi.inv.
(da-ûr)
Inte proprie storie, esperience, intal propri passât
esempi
"un dai grups teatrâi plui amâts e popolârs cun passe 25 spetacui e 33 agns di storie daûr"
da "Une balade par Carnera" di Erika Adami
"a veva davour di se una vita lungja che a la veva usada a tignî dûr cu la fan e cu li malori"
da "La agna Mia di Ristec" di Novella Cantarutti
daûr av.
(da-ûr)
Al pues vê in enclisi pronoms di tiermin e riflessîfs
esempi
"Meni [...] al jessè; e la femine, blancje e cidine, daûrji"
da "La vacje" di Meni Ucel
"lis ruedis si infondin tal savalon, a lassin daûrsi dôs cjaradoriis lungjis"
da "La aghe da pît la cleve" di Dino Virgili
"e jere bessole, cui siei agns di femine passâts dibant, cence une vite daûrsi, cence un stât ore presint"
da "La massarie" di Dino Virgili
proverbi
"al vâl plui un lusôr denant che no cent daûr"
"bisugne lâ vistûts daûr dal so stât"
"bisugne menâ il dint daûr la borse che si sint"
"cui che al reste daûr che al sieri la puarte"
"cui che al sta ben di une bande al cjate il mâl pront daûr de puarte"
"dal cjaval e dal mûl trê pas daûr dal cûl"
"daûr dai merits il Signôr al paie"
"daûr il sun si bale"
"daûr lis cisis e i mûrs no stâ fevelâ"
"daûr vint ducj sa navigâ"
"e vendeme la muart, al spiule il diaul daûr"
"i fis a train daûr dal pari"
"il cjar si tire daûr la scarpe"
"il clap al è fûr e il diaul al è daûr"
"miôr i çafs daûr che no i predis denant"
"no stâ corii daûr a cui che al scjampe"
"se a disin par denant, si sa difindisi; se a disin par daûr, i disin al cûl"
"se no lis àn, a son daûr a vignî"
"si da il bundì e il bon an daûr de persone"
Torna in Cima
Torna in Cima