Tu âs cirût la peraule
bilengâl monolengâl
Tu âs cirût la peraule
povero cristiano
torne indaûr

bilengâl

povero cristiano
  • 1

    loc.s.m. cristian, bon cristian Copie

    [CO] (om che al è modest ma onest)
    è un buon cristiano tutto sommato = al è un bon cristian in fin dai fats

monolengâl

cristian adi.
(cris-ti-an)
Dal cristianisim, de religjon e des confessions che si ispirin ai insegnaments di Crist, di amôr di Diu e dal prossim, di crodince te resurezion e v.i.
esemplis
"si à vût di justâ lis figurazions gnostichis in maniere che si podès interpretâlis in cualchi mût daûr di une alegorie che e les dacuardi cu la dotrine cristiane de Grande Glesie"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
cristian adi., s.m.
(cris-ti-an)
Che, cui che al crôt in Crist e che al va daûr dai siei insegnaments
esemplis
"la prime reson di cheste celebrazion di usgnot e je la setemane di preieris par la unitât dai cristians, che si fâs un pôc in dut il mont, tant catolic, che protestant, che orientâl"
gjavât fûr di "Pe unitât di glesie in Friûl" di Francesc Placerean
"a vevin butât i cristians ai leons, tant che poleçs o cunins, e la int a viodiju e ridaçave e e bacanave, e i cristians ju vevin ancje metûts in crôs e ju vevin brusâts tant che torcis"
gjavât fûr di "Te grande place" di Agnul di Spere
cristian adi., s.m.
(cris-ti-an)
Plen di creance, di zentilece (coloc.)
sinonims
civîl, a plomp, creançât, creançôs, di sest, resonevul, decent, zentîl
esemplis
"chescj fastidis al vecjo i son stâts sparagnâts nome cuant che e je vignude in cjase une brût, une buine fantate, tant cristiane e di sest"
gjavât fûr di "Pascute" di Pieri Menis
"no dîs di tratâju a talian vie; ma un mot di afiet ogni tant, une peraule cristiane; e no simpri bocjatis, berlons, e voglats; e mans prontis par aiar a sberlotâju"
gjavât fûr di "Tirâ sù fruts" di Meni Ucel
cristian s.m.
(cris-ti-an)
Persone (fam.)
sinonims
om, femine, persone
esemplis
"lis bestiis i vevin fat simpri dûl, o podês crodi i cristians"
gjavât fûr di "Viliacco" di Riedo Pup
"nol è migo un trist cristian! Nol à migo fat mâl a di nissun"
gjavât fûr di "Il muc" di Roberto Ongaro
"pardut là che si voltassin, no si viodeve un lusôr, no si sintive une vôs di cristian; nome cualchi cjanat al baiave jù par Sant Stiefin"
gjavât fûr di "Lis leiendis di Buie" di Pieri Menis
cristian s.m.
(cris-ti-an)
Persone maridade, rispiet al so om o ae sô femine
sinonims
om, marît, femine, muîr
esemplis
"la Ulive che le viodeve a cressi biele, cun chei voi di un turchin di cjicare, che a vevin la lûs de mondisie, la figure svelte e i cjavei imbocolâts, e pensave che no varès stentât a cjatâ un bon cristian"
gjavât fûr di "La tiere di Lansing" di Maria Forte
"Min al jere restât bessolut, dopo che la sô cristiane i jere muarte e la fiolance maridade"
gjavât fûr di "Lis aganis" di Josef Cjargnel
detulis
"cui che nol à amôr pes bestiis no 'nd à nancje pai cristians"
"cui che nol à compassion pes bestiis no 'nd à nancje pai cristians"
"il cristian al à di fânt di ogni man"
"se tu sês cristian, cjapilu sù cu la man"
torne sù
torne sù