Hai cercato la parola
bilingue monolingue
Hai cercato la parola
principale
Torna indietro

bilingue

principale , , ,
  • 1a

    adi. primari, principâl Copia

    [FO] (che al è il plui impuartant, che al à il valôr plui grant)
    i fatti principali della vicenda = i fats principâi de vicende
    l'idea principale = la idee principâl

    adi. primari, principâl Copia

    (tal mieç de atenzion, prominent)
    il ruolo principale in un film = la part principâl intun film
  • 1b

    adi. principâl Copia

    [FO] (costruzion, fabriche, lûc e sim., impuartant, grant e in esposizion centrâl)
    la piazza principale della città = la place principâl oppure grande de citât
    la strada principale della valle = la strade principâl de valade oppure il stradon de valade
  • 2

    adi. principâl Copia

    [FO] (di cdn., che al à il primât su chei altris par talent, merits e autoritât)
    i principali pittori del Novecento = i pitôrs principâi dal Nûfcent
  • 3

    s.m. e f. paron Copia

    [CO] (che al da lavôr a chei altris)
    oggi il principale ha lavorato con noi = vuê il paron al à lavorât cun nô
  • 6

    s.m. principâl Copia

    [TS] (inte tecniche di sene dal XVIII e XIX sec., fondâl là che si piturave un toc de sene)

locuzioni

    proposizione principale
  • proposizion principâl, principâlCopia
    [TS] (proposizion indipendente di une frase, rispiet a chês coordenadis e subordenadis)
    • registro principale
  • regjistri principâl, principâl, tenôrCopia
    [TS] (regjistri fondamentâl intun orghin, che al da un sun complen ma no fuart par vie di canis cilindrichis di stagn di misure medie)

monolingue

paron s.m.
(pa-ron)
Cui che al à la proprietât di alc
sinonimi
proprietari
esempi
"o soi Manfred Snaidar, fi dal paron di cheste cjase"
da "X-Reihen" di Checo Tam
"chê pipe e à une storie che il so paron le à contade par dut e a ducj"
da "Cretevierte" di Roberto Ongaro
paron s.m.
(pa-ron)
Cui che al ten di cont di une bestie
esempi
"i cjans, che a stan cui oms, a somein vê disvilupât une capacitât minime di capî ce che a pensin i lôr parons"
da "La evoluzion dal cerviel e de cussience tai vertebrâts" di Franc Fari
paron s.m.
(pa-ron)
Cui che al à proprietât di un stabiliment, di une imprese e v.i. e che al ten int a vore
esempi
"si jere sfrancjât e dispatussât ben sui segrets di une fornâs e il fûc lu veve in confidence. Er Millar, il paron todesc, a voltis, al tratave diret cun lui"
da "La tiere di Lansing" di Maria Forte
"al contave di jessi un industriâl di Milan, paron di une fabriche di tiessidure"
da "Chei di Muraie" di Pieri Menis
"te lôr vite a vevin fat putrops lavôrs e mudât diviers mistîrs e parons"
da "Cretevierte" di Roberto Ongaro
paron s.m.
(pa-ron)
Cui che al à il control su di un teritori, sore di un popul e v.i.
esempi
"i imperiâi a podevin dreçâ dute la artiliarie cuintri la Citât, stant che no vevin plui nissun disturp te Tiereferme e che a jerin parons de cueste dongje l'inizi dal puint"
da "Zuan Batiste Cavedalis - Une vite esemplâr" di Giovanni Pillinini
"e sarès ben biele e ridicule che chei di Cjaurêt - che te lôr vite a àn cambiât trê parons: i austriacs, i talians, i slovens - a vessin cambiât trê patriis!"
da "I furlans e lis Falkland" di Riedo Pup
paron s.m.
(pa-ron)
Tant che titul di rispiet, ancje par un lavoradôr o per un om di classe sociâl basse
esempi
"sintît mo, paron, o vês di fâmi un plasê: se us domandaran alc vô no savês nuie"
da "Un macet di sanmartinis" di Pieri Somede dai Marcs
""E ce bevêso? E ce bevêso, paron?" / "O blanc o neri, baste che al sedi bon""
da "Sul puint di Braulins" di Popolâr
paron s.m.
(pa-ron)
Om maridât (fam.)
sinonimi
om, marît, cristian
esempi
"agns indaûr jo e Zenco o sin lâts a cjatâ la mê puare agne Fauste. «E alore, gnagne, cemût?» «Graciant Idiu mancul mâl» «E il paron?» «Mancul mâl ancje lui. E voaltris?» «Ben»."
da "Salams" di Meni Ucel
paron s.m.
(pa-ron)
In costruzions adietivâls, par pandi che si à domini, libertât, capacitât di se, di une part dal cuarp, di fâ alc, di sielzi e v.i.
esempi
"lis personis intai insiums a pierdin la pussibilitât di agjî cun cussience, ven a stâi che la persone no je plui parone, cun cussience e intenzion, des sôs azions"
da "Sui insiums di Aelius Aristides: une analisi neuropsicologjiche" di Anastasia Fabbro, Franc Fari
"la gjambe, dal dit al fat, si secjà, e si scurtà un tocut, e i pendolave cence comant che nol jere paron di jê"
da "I zimuluts dal Çuet" di Riedo Pup
"ma no soi jo parone di volêi ben a di cui che vuei jo?"
da "La furlane" di Dolfo Zorzut
paron adi.
(pa-ron)
[BF] Che al à capacitât di fâ alc
sinonimi
bon, siôr
esempi
"culì no si è parons di cjatâ un omp che al vegni a fâ une zornade, vie pal Unviar, par comedâ la stradele des Cumugnis, che si ribaltin i cjars par colpe des busis che e à"
da "Lis predicjis dal muini" di Josef Marchet
proverbi
"ai mats e ai parons nissun no ur comande"
"al è miôr paron di siessule che no famei di nâf"
"al è muart il paron: aial di restâ il famei?"
"al vûl rispietât il cjan dal paron"
"beât il paron se il contadin al puarte il cjapiel in bande"
"bisugne peâ il mus là che il paron comande"
"cuant che a 'nd è masse parons, si po fâ ce che si vûl"
"cuant che al cjante il ciuçau, il famei al mande il paron al diaul"
"cuant che il cjan al baie, il paron al à baiât"
"cuant che il paron al distude il lusôr, al fâs par dâje tal nâs al servidôr"
"cui che al è paron nol è famei"
"cui che al è servidôr nol è paron"
"cui che al onore i abits, i abits a onorin il paron"
"cui che al servìs Diu al à un bon paron"
"cui che al servìs doi parons nol servìs nissun"
"cui che si lasse cridâ al è paron dal so cûr"
"cui che si lasse vuidâ al è paron dal so cûr"
"cul domandâ paron si va a Rome"
"cul domandâ paron si va pardut, fûr che te lune"
"cul tignî cont si devente parons di mieç mont"
"i dîs il cuviert al paron: se no tu vegnis sù tu, o ven jù jo"
"il cjamp plen di jerbaç e il prât grintôs a palesin il paron oziôs"
"il cjamp plen di jerbatis e il prât grintôs a palesin il paron oziôs"
"il cjan di doi parons al mûr di fam"
"il famei nol à di scrusignâ i segrets dal paron"
"il fûc fin che al è sclâf al è biel e bon, ma vuai a lassâlu deventâ paron"
"il pan dai parons al à siet crostis"
"il plui bon mus al cope il paron"
"il servidôr al à di fâ ce che il paron al comande"
"il voli dal paron al ingrasse il cjaval"
"mats, feminis, paron, timp e cûl fâs ce che al vûl"
"miôr famei a cjase sô che no paron a cjase dai altris"
"miôr parons di une cjase che no servidôrs intun cjistiel"
"miôr sei parons intune siessule che no fameis intun bastiment"
"nissun nol po servî doi parons"
"no si po dâi al paron? une clapade al cjan"
"no si po servî doi parons"
"ognidun al è paron a cjase sô"
"pan di paron al à siet crostis e un croston"
"pari e paron a àn simpri reson"
"paron paie, paron comande"
"peâ il mus là che il paron comande"
"Sant Simon i da la clâf al so paron"
"se intor al svolete un avon: o letare o paron"
"se tu fasis debits tu cuistis parons, se tu fasis credits tu pierdis amîs"
"si lee il mus là che il paron comande"
"tes ideis si à di sei parons e no fameis"
"vin, aghe e fûc a son bogns, se no si ju lasse deventâ parons"
Torna in Cima
Torna in Cima