Tu âs cirût la peraule
bilengâl monolengâl
Tu âs cirût la peraule
proporsi
torne indaûr

bilengâl

proporsi v.pronom.tr., v.pronom.intr.
  • 1

    v.pronom.intr. proponisi Copie

    [CO] (declarâsi disponibil a fâ alc, ufrîsi par un incaric)
    mi sono proposto come impiegato di commercio = mi soi proponût tant che impleât di cumierç
  • 2

    v.pronom.tr. metisi, proponisi Copie

    [CO] (stabilîsi un finâl)
    proporsi di smettere di fumare = proponisi di molâ il fum

monolengâl

metisi v.pron.intr.
(me-ti-si)
Cjapâ une cierte posizion, o ancje situazion, cundizion ancje psicologjiche, morâl, jerarchiche e v.i.
sinonims
plaçâsi, sestâsi, sistemâsi
esemplis
"[Ortensie] che si jere metude a man çampe di 'Sefine le poche cul comedon"
gjavât fûr di "A la oselade" di Pieri Somede dai Marcs
"si meteve dongje de luminarie par vê la lûs juste, e e tacave a piturâ cun passion"
gjavât fûr di "Ombris tal infinît" di Carlo Sgorlon
"Ricut al doprave il timp a metisi come un pavon jenfri i amîs"
gjavât fûr di "La tiere di Lansing" di Maria Forte
metisi v.pron.intr.
(me-ti-si)
Jentrâ intune cierte situazion o cundizion professionâl, formâl, burocratiche e v.i.
sinonims
lâ
esemplis
"metisi in malatie"
"si jere metût in pension di bessôl, e si faseve mantignî di Fatime"
gjavât fûr di "Ombris tal infinît" di Carlo Sgorlon
metisi v.pron.intr.
(me-ti-si)
Ancje impers., vê une cierte evoluzion, sucedi intune cierte maniere
esemplis
"par cumò, no àn chê di movisi. A àn prime di viodi cemût che si met cu la aste des fitancis"
gjavât fûr di "Int di masnade" di Alviero Negro
metisi v.pron.intr.
(me-ti-si)
Cun daûr "a" e un infinît, ancje impersonâl, tacâ
sinonims
scomençâ, tacâ
esemplis
"alore i è vignude tante pôre che si è metude a cori, e e à corût fin a Udin, cence flât e cence vôs"
gjavât fûr di "Lis leiendis di Buie" di Pieri Menis
"si jere ancje metût a plovi"
gjavât fûr di "Sul agâr" di Pieri Menis
metisi v.pron.intr.
(me-ti-si)
Tacâ un rapuart sentimentâl (fam.)
esemplis
"al veve vivût di bessôl, cui fîs, par masse pôc timp, e daspò si jere metût cuntune todescje"
gjavât fûr di "Un de maiorance" di Agnul di Spere
"lui al jere un zovin normâl e al veve la idee di sposâsi ma nissune femine dal paîs si sarès metude cuntun strupiât"
gjavât fûr di "Il testemoni" di Checo Tam
metisi v.pron.intr.
(me-ti-si)
Tacâ un rapuart professionâl, di colaborazion e sim.
esemplis
"a coventavin fabrichis, industriis; il mont al cjaminave e no bisugnave stâ a cjalâlu, ma cjaminâ cun lui… Par chest lui si jere metût cu l'inzegnîr Luccio, un om che al viodeve lontan"
gjavât fûr di "Chei di Muraie" di Pieri Menis
metisi v.pron.intr.
(me-ti-si)
Cjapâ une part politiche
esemplis
"al jere fuît sù pes monts e si jere metût cui partigjans"
gjavât fûr di "Trê feminis" di Gianni Gregoricchio
"i Celtics da la alte Italie a vevin sperât di podê diliberâsi de paronance dai Romans e si jerin metûts cuintri di lôr"
gjavât fûr di "Cuintristorie dal Friûl fin sot la Italie" di Josef Marchet
metisi v.pron.intr.
(me-ti-si)
Vistîsi intune cierte maniere
esemplis
"[i zovins soldâts] a tornavin in monture e mieze ore dopo si metevin in borghês, in mude di fieste"
gjavât fûr di "La aghe da pît la cleve" di Dino Virgili
metisi v.pron.tr.
(me-ti-si)
Meti intor un ciert vistît
sinonims
meti intor, metisi intor, metisi sù, meti sù
esemplis
"cence pierdisi in altris cjacaris si metè il sialet e le fûr sbatint la puarte"
gjavât fûr di "La cjase di Toni" di Tarcisio Venuti
"ce gust vistîsi di arlechin e cumò biade la ore si veve metût sù i bregons e la cjamese di mil colôrs"
gjavât fûr di "Eracsam" di Spirt Anonim
metisi v.pron.tr.
(me-ti-si)
Fâ cjapâ une cierte posizion a une part dal propri cuarp, a alc che si à intor, a alc in relazion ae proprie persone e v.i.
esemplis
"- Peraule! - e Burin si metè la man vierte sul stomi. Po dopo, dôs mans gropolosis si strenzerin a fuart: afâr fat"
gjavât fûr di "La aghe da pît la cleve" di Dino Virgili
"si butà sul jet e si metè il cussin sul cjâf par no sintîle"
gjavât fûr di "Il fi de Rosse" di Pieri Menis
metisi v.pron.tr.
(me-ti-si)
Meti alc par se stes
esemplis
"si met une altre tace e le scole di un flât"
gjavât fûr di "Ursule" di Pieri Somede dai Marcs
detulis
"cuant che il bon al mancje, il trist si met a vivi"
"cuant che il bon al mûr, il trist si met a fâ judizi"
"cuant che si metisi a fâ cjapiei, e nas la int cence cjâf"
"dut al sta tal metisi"
"se si met a fâ cjapiei, la int a nas cence cjâf"
torne sù
torne sù