Tu âs cirût la peraule
bilengâl monolengâl
Tu âs cirût la peraule
quanto
torne indaûr

bilengâl

quanto adi.inter., adi.rel., adi.escl., av., pron.inter., pron.escl., pron.rel.
  • 1

    adi.inter. trop, cetant Copie

    [FO] (in proposizions interogativis diretis o indiretis, par domandâ la cuantitât)
    non so quanto zucchero devo aggiungere = no sai trop oppure cetant zucar che o ai di zontâ
    quante pagine hai studiato? = tropis oppure cetantis pagjinis âstu studiât?
  • 2

    adi.escl. trop, cetant Copie

    [FO] (massime in forme enfatiche, grande cuantitât)
    quanta gente! = cetante int!
    quante piante che hai in casa! = cetantis plantis che tu âs in cjase!
    quanto tempo che non ci vediamo! = cetant che no si viodevin!
  • 3a

    adi.rel. trop, tant, cetant, dut Copie

    [FO] (dome sing., par introdusi une indicazion di cuantitât no numerabile)
    prenditi quanta torta vuoi = cjol trope torte che tu vûs oppure cjol cetante torte che tu vûs

    adi.rel. trop, tant, cetant, dut Copie

    (ancje tal pl., par introdusi une indicazion di cuantitât numerabile)
    prendi quante sedie ti servono = cjol tropis oppure tantis cjadreis che ti coventin oppure cjol dutis lis cjadreis che ti coventin
  • 3b

    adi.rel. tant, che Copie

    [FO] (in corelazion cun 'tanto')
    è tanto dotto quanto antipatico = tant al è studiât e tant al è antipatic
    è tanto intelligente quanto buona = e je tant inteligjente che buine
  • 4

    pron.inter. trop, cetant Copie

    [FO] (in proposizions interogativis diretis o indiretis, par domandâ la cuantitât, il numar)
    quanti hanno risposto? = trops àno rispuindût?

    pron.inter. trop, cetant Copie

    (cun valôr neutri)
    non so quanto mi resti da spendere = no sai trop che mi reste di spindi
    quanto costa? = trop vegnial?
    quanto mi fai aspettare? = trop mi fasistu spietâ?
  • 5

    pron.escl. trop, cetant Copie

    [FO] (cun valôr enfatic)
    quante ne ha sentite! = cetantis che a 'nd à sintudis! oppure tropis che a 'nd à sintudis!
  • 6a

    pron.rel. ce che, chel che Copie

    (daûr di une preposizion)
    sa più di quanto ha detto = al sa plui di ce che al à dit

    pron.rel. ce che Copie

    (cuntun complement di partizion)
    quanto di più leggero avete = ce che o vês di plui lizêr

    pron.rel. cuant Copie

    (cun 'tutto' metût prin, cun valôr infuarcitîf)
    ho sistemato tutto quanto = o ai sistemât dut cuant
    sono arrivati tutti quanti = a son rivâts ducj cuancj

    pron.rel. cui che, chei che Copie

    (tal pl., par introdusi une indicazion di cuantitât numerabile)
    quanti pensano diversamente sono male informati = chei che a pensin in mût diferent a son mâl informâts

    pron.rel. tant che, ce che, cetant che, trop che Copie

    [FO] (tal sing., par introdusi une indicazion di cuantitât no numerabile)
    a quanto mi hai detto rispondo che... = di ce che tu mi âs dit o rispuint che...
    compra latte, quanto ne serve per due giorni = compre il lat, tant che al covente par doi dîs
  • 6b

    pron.rel. che Copie

    [FO] (in corelazion cun 'tanto')
    tanto quanto ne vuoi = tant che tu vûs
  • 7

    av. trop, cetant Copie

    [FO] (in proposizion interogative direte o indirete, in ce cuantitât, misure o intensitât)
    quanto mangia il vostro cane? = trop che al mangje il vuestri cjan?
    quanto vuoi veramente trovare un lavoro? = trop vuelistu pardabon cjatâ vore?
  • 8

    av. ce che, cetant che, trop che Copie

    [FO] (in esclamazions, cun valôr enfatic)
    quanto mi sono divertito! = cetant che mi soi divertît! oppure ce che mi soi divertît!

    av. ce che, cetant che, trop che Copie

    (in proposizion otative)
    quanto mi piacerebbe! = cetant che mi plasarès! oppure ce che mi plasarès!
  • 9

    av. che, e tant Copie

    [FO] (in proposizions comparativis par introdusi il secont tiermin di paragon)
    quanto più studi, tanto più sai = plui che tu studiis, plui che tu sâs
    tanto grande quanto buono = tant grant e tant bon oppure tant grant che bon

    av.

    (tant che infuarcitîf)
    quanto più velocemente possibile = plui svelt che si pues
  • 10

    av.

    [FO] (in corelazion)
    non tanto questo quanto l'altro = no tant chest ma chel altri
  • 11

    av. tant che Copie

    [FO] (in paragons enfatics)
    te lo giuro quanto è vero che siamo amici = tal zuri tant che al è vêr che o sin amîs

locuzions

    a, da quanto
  • di ce che, par ce cheCopie
    [CO] (-)
    da quanto è scritto sui giornali... = par ce che al è scrit sui gjornâi...
    • chissà quanto
  • cuissà trop, cuissà cetantCopie
    [CO] (par pandi dubi su la cuantitât)
    chissà quanto ha pagato quella camicia = cuissà trop che al à paiât chê cjamese
    • contare quanto il fante di picche
    contare quanto il re di picche
    da quanto
  • cussì tant che, di tant che, di ce cheCopie
    [CO] (-)
    no si riesce a bere il tè da quanto scotta = no si rive a bevi il te di tant che al sbrove
    • in quanto
  • stant che, par vie che, parcè cheCopie
    [CO] (-)
    me ne sono andato in quanto ero stufo = o soi lât vie par vie che o jeri stuf
  • tant che, in cualitât di, sicu, di, comeCopie
    [CO], [TS] (-)
    vi saluto in quanto rappresentante della comunità = us saludi tant che rapresentant de comunitât
    • in quanto a
  • di, par ce che al tocje, parCopie
    [CO] (cun valôr di limitatîf)
    quanto a te, dovresti stare più attento = par ce che ti tocje te, tu varessis di stâ plui atent un film scarso in quanto a effetti speciali = un film scjars di efiets speciâi
  • a rivuart di, in rivuart a, par ce che al tocje, in relazion a, parCopie
    [CO] (-)
    in cont di, a rivuart di, in rivuart a, par, su: in quanto alla tua domanda ti rispondo che... = in rivuart ae tô domande ti rispuint che... in quanto a loro hanno avuto ciò che meritavano = a rivuart di lôr a àn vût ce che a meretavin
    • in quanto che
  • par vie cheCopie
    [CO] (-)
    me ne vado in quanto che sono stufo di aspettare = o voi par vie che o soi stuf di spietâ
    • per quanto
  • cundut che, ancje se, par chel che, par ce cheCopie
    [CO] (-)
    per quanto tu fossi in buona fede hai sbagliato = ancje se tu jeris in buine fede tu âs falât
  • par ceCopie
    [CO] (cun valôr limitatîf)
    per quanto si sa è andata così = par ce che si sa e je lade cussì
  • par tant che, di tant cheCopie
    [CO] (par introdusi proposizion consecutive)
    non ragiona più per quanto è arrabbiato = nol resone plui di tant che al è rabiât
    • per quanto concerne
  • [CO] (cjale per quanto riguarda)
    • per quanto riguarda
  • a rivuart di, in rivuart a, par ce che al rivuarde, par ce che al tocjeCopie
    [CO] (par introdusi un riferiment di discors)
    per quanto riguarda l'arbitro il presidente non ha nulla da dire = par ce che al tocje l'arbitri il president nol à nuie ce dî
    • quanto a
  • [CO] (cjale in quanto a)
    • quanto basta
  • ce che al baste, ce che al covente, fin vonde, vonde, fin che al baste, avonde, fin avondeCopie
    [CO] (ce che al baste, ce che al covente, soredut tes ricetis di cusine e di speziarie, fin avonde)
    aggiungere zucchero quanto basta = zontâ zucar ce che al covente oppure fin vonde
    • quanto mai
  • che mai, une vore, tant che maiCopie
    [CO] (tant che mai prin)
    è stato quanto mai pesante = al è stât pesant che mai oppure tant che mai
  • che mai, tant che mai, tant che ceCopie
    [CO] (cetant, une vore)
    • quanto meno
  • [CO] (cjale almeno)
    • quanto prima
  • prin che si pues, prime che si rive, prime pussibilCopie
    [CO] (-)
    chiama a casa quanto prima = clame a cjase prime pussibil oppure prin che tu puedis
    • valere quanto il due di briscola
    valere quanto il due di picche

monolengâl

dut adi.indef.
Riferît a un sostantîf, ancje prime dal articul o dal dimostratîf, o a un pronon singolâr, al segne une cuantitât, estension, intensitât e v.i. interie
esemplis
"dute la campagne e buiave te plombe ferme dal soreli"
gjavât fûr di "La massarie" di Dino Virgili
"[i venezians a passavin] dut il dì in cjacaris e dute la gnot in fiestis e in moroseçs"
gjavât fûr di "Sant Marc" di Catarine Percude
"al berlà cun dute la vôs che al veve"
gjavât fûr di "Il discors" di Meni Ucel
dut adi.indef.
Daûr di "cun", cun valôr concessîf
esemplis
"cun ducj i fastidis che al veve, i vignì iniment istès che al podeve judâle"
gjavât fûr di "Un piçul particolâr" di Fabian Ros
"noaltris autonomiscj di ponte, cun dutis lis dificoltâts che o viodevin e che ogni dì ancjemò o scugnìn superâ, o vin volût un sfuei te nestre lenghe da cjâf a pîts"
gjavât fûr di "Un element fondamentâl dal moviment autonomistic" di Josef Marchet
dut adi.indef.
Cuntun sostantîf plurâl o coletîf al segne la totalitât des personis o des robis consideradis
esemplis
"dutis lis istituzions scolastichis – de infanzie, primariis e secondariis di prin e secont grât – a inmanein incuintris di pueste par presentâsi ai lôr potenziâi arlêfs e aes lôr fameis"
gjavât fûr di "Scuele vierte. Par dut, par ducj ma no pal furlan" di Marc Stolf
"ducj i dipendents a son stâts in casse integrazion e un gjornalist al è stât licenziât"
gjavât fûr di "La promozion de lenghe furlane sui mass media" di Erika Adami
"la roie e [...] cjape la sô strade, come dutis lis aghis che a vadin a cirî il mâr"
gjavât fûr di "Un riul tra Venit e Friûl" di Dino Virgili
dut adi.indef.
Cun valôr av., in maniere assolude, complete, totâl e v.i.
sinonims
di plante fûr, fûr par fûr, in dut e par dut
esemplis
"la piere dal fogolâr e je dute fruiade"
gjavât fûr di "La Gnot dai Sants" di Dino Virgili
"chel, dut sbarlufît nol saveve ce dî e al si gratave il cjâf"
gjavât fûr di "Bandiere" di Pieri Somede dai Marcs
dut adi.indef.
Cun valôr av., in maniere esclusive
sinonims
dome, nuie altri, sôl
esemplis
"la oposizion tra furlan e talian/inglês e je dute strumentâl: cui che al dîs che il furlan al va cuintri dal aprendiment di altris lenghis al dîs une bausie"
gjavât fûr di "Pseudopragmatisim linguistic" di Sandri Carrozzo
dut pron.indef.
Tal sing., ogni cjosse, cualsisei robe
esemplis
"un om inzegnôs, intindidôr di dut"
gjavât fûr di "I furlans e lis medisinis" di Riedo Pup
"i rispuindeve subit letaris lungjis; e i contave dut dal paîs, de stagjon, dai lavôrs"
gjavât fûr di "Dreute" di Riedo Pup
dut pron.indef.
Tal pl., dutis lis personis, o ducj obiets o subiets nomenâts za prime tal discors
sinonims
ognidun
esemplis
"nus tocje metisi ducj in vore a pale e pic "
gjavât fûr di "Storie di Min" di Ivano Urli
"cuant che al passave al veve la batude pronte par ducj"
gjavât fûr di "Domandait al paron" di Angelo Covazzi
dut s.m.
Ce che al ven fûr de union di plui elements o di ogni element
sinonims
aglomerât, aglomerazion, compuest, grup, intun, messedance, misturance, trop, totâl, sume
esemplis
"te teorie di Einstein “materie e cjamp a son viodûts come parts inseparabilis e interdipendentis di un dut unic”"
gjavât fûr di "Recension di The Tao of Physics " di Pauli Corelli
detulis
"a 'nd volarès di macarons par stropâur la bocje a ducj"
"a no vê voie, dut al pese"
"a scûr dutis lis ocjis a son neris"
"aghe e vidriûl si fâs vin par dut il Friûl"
"al è impussibil di contentâ ducj"
"al è mâl tant crodi dut che no crodi nuie"
"al è miôr mangjâ dut ce che si à che no dî dut ce che si sa"
"al è râr di cjatâ une frute che di cuarp e di cûr e sedi sane dute"
"al vâl plui il cûr content che no dut l'aur di chest mont"
"al vûl mistîr in dut e lassâur cjapâ lis surîs ai gjats"
"amì di ducj, amì di nissun"
"avâr al è dut il mont"
"bocje e fum a consumin dut"
"bogns i parincj, bogns i amîs, ma cuant che no 'nd è nuie a son ducj triscj"
"ce che al fâs il Signôr al è dut ben fat"
"content jo, content dut il mont"
"copâ int, palâ nêf, sbroiâ morârs e spacâ coculis, al è dut timp pierdût"
"crodii a ducj e no fidâsi di nissun"
"cu la pazience si fâs dut"
"cuant che al è ben, al è ben par ducj"
"cuant che ducj à mangjât, si cjate sedons pardut"
"cuant che dutis lis puartis a son sieradis, si spalanche il puarton"
"cuant che e je la buine volontât di lavorâ, al è dut"
"cuant che la nêf e je su la mont Pinêt, par dut il mont al è frêt"
"cuant che no si rive a dî: "glorie di Diu!" al è finît dut"
"cuant che si à dut no si à nuie"
"cuant che si à fam, dut al è bon"
"cuant che si è cjocs, ducj a dan di bevi"
"cuant che si è muarts, al è finît dut"
"cuant che si mûr si lasse dut"
"cuant che un al è disfortunât, al è di ducj bandonât"
"cui bêçs dut no si compre"
"cui che al à bêçs al à dut"
"cui che al à biele muîr, no je dute sô"
"cui che al ame ducj nol ame nissun"
"cui che al dîs dut ce che al sa, al piert dut ce che al à"
"cui che al va a durmî cence cene dute la gnot si remene"
"cui che al va a durmî cence cene dute la gnot si remene e cuant che si è ben remenât nol à ni durmît ni cenât"
"cui che al vûl cjapâ ducj i uciei che a passin no 'nt cjape nissun"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"cui che dut al vûl di rabie al mûr"
"cui che i da il dêt al mat, al vûl il dêt cun dut il braç"
"cui che nol cene, dute la gnot si remene"
"cui che nol cene, dute la gnot si tarmene"
"cul timp al mûr il mus cun dut il peçotâr"
"cul timp dut si po superâ"
"cul timp si fâs dut: ancje il mont al è fat un pôc par volte"
"dai colps si vuarìs di ducj, fûr che dal prin"
"dal ben ducj a àn ben, dal mâl ducj a àn mâl"
"daspò muarts ducj a son galantsumign"
"daspò viodût ducj a son mestris"
"daspò viodût ducj sa conseâ"
"daûr vint ducj sa navigâ"
"de robe dai altris ducj a son gjenerôs"
"denant di maridâsi al pâr che al mancji alc, daspò al mancje dut"
"di gnot ducj i gjats a son grîs"
"di gnot dutis lis pioris a parin neris"
"di gnûf dut al è biel"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"di rive jù ducj i sants a judin"
"di robis a 'nd è une gucje par ducj, par ben che e ledi"
"Diu al è un bon infant, al viôt e nol pant, al paie ducj e no si sa cuant"
"Diu al po dut"
"ducj a àn coraç cuant che il lôf al scjampe"
"ducj a àn i lôr difiets"
"ducj a àn il cuart di ore dal mone"
"ducj a àn lis sôs"
"ducj a fevelin ben dal lôr mistîr"
"ducj à gust di viodi mats in place ma no dai siei"
"ducj à la mare dongje dal fiât"
"ducj a lavorin par vivi"
"ducj a messe in côr no si po lâ"
"ducj a vuelin dî la sô"
"ducj i agârs no son pes cuaiis"
"ducj i dêts no son compagns"
"ducj i grops a vegnin al pietin"
"ducj i guscj a son guscj"
"ducj i guscj a son guscj, al diseve il gjat che si lecave il cûl"
"ducj i guscj a son guscj, e diseve la gjate di Aquilee"
"ducj i mês no son di trente dîs"
"ducj i nâs si somein e no 'nd è nissun compagn"
"ducj i principis a son debii"
"ducj i pulçs a àn la tos"
"ducj i salms a van a finîle in glorie"
"ducj i sants a son sants ma sant Filip e Facum, uhiu"
"ducj i sants no fasin miracui"
"ducj i studis no stan intune crepe"
"ducj misure sul so braçolâr"
"ducj si à la sô pecje"
"ducj sint cu lis orelis"
"ducj tire la aghe al so mulin"
"ducj use e ducj met la buse"
"dut a timp e lûc"
"dut al à un fin"
"dut al passe fûr che il mani dal furducjin"
"dut al sta tal metisi"
"dut ce che al è di plui al vanze"
"dut chel che di gjat al nas surîs al cjape"
"dut il mont al è paîs"
"dut si comede fûr che il grop dal cuel"
"dut si comede fûr che il vues dal cuel"
"dut si fâs pe fabriche dal pitic"
"dut si juste fûr che il grop dal cuel"
"dut si juste fûr che il vues dal cuel"
"dut si mangje ma no il mistîr"
"dut si po justâ fûr che la muart"
"dut si po onzi fûr che il Signôr"
"dute chê blave che si semene tart e ven cincuantìn"
"dute la int no je compagne"
"dutis lis bocjis a son sûrs"
"dutis lis cuaiis no van par un agâr"
"dutis lis flôrs a son buinis fûr che chês dal vin"
"dutis lis letaris no van a la pueste, dutis lis peraulis no mertin rispueste"
"dutis lis malatiis a son malsanis"
"dutis lis maraveis a durin trê dîs"
"dutis lis moscjis i dan aduès al cjaval magri"
"dutis lis rosis a van in fen"
"dutis lis sepis no stan intune cavoce"
"dutis lis stradis a menin a Rome"
"dutis no puedin lâ ben"
"fâ e disfâ al è dut un lavorâ"
"fâ e disfâ e je dute vore"
"falade la prime buse si lis fale dutis"
"Fevrarut: piês di dut"
"fidâsi di ducj e di nissun"
"fiditi di pôcs e vuarditi di ducj"
"i bogns bocons ur plasin a ducj"
"i câs a son come i nâs: ducj si somein e no 'nd è nissun compagn"
"i pintûts e i scuintiâts a van ducj par une strade"
"i siei carantans a plasin plui di ducj"
"il biel e il bon ur plâs a ducj"
"il biel ur plâs a ducj"
"il bon al crôt ducj bogns, il trist al crôt ducj compagns di lui"
"il brût de pite al va par dute la vite"
"il cîl al è dut a lane, la ploie no je lontane"
"il franc ur sta tal cjâf a ducj"
"il maridâsi nol è di ducj"
"il maridâsi nol è par ducj"
"il mont al è dut une manovre"
"il Signôr al à aghe par bagnâ ducj"
"il Signôr al à dut in man: se nol paie vuê al paie doman"
"il Signôr ind à di dânt a ducj"
"il Signôr no i vûl mai mâl a ducj"
"il soreli al jeve par ducj"
"il soreli al scjalde par ducj"
"il timp al consume dut"
"il timp al juste dut"
"il timp al spieghe dut"
"il timp che al cor a Sant Suan al cor dut l'an"
"il timp che si fâs di gnot nol dure trop, chel che si fâs a misdì al dure dut il dì"
"il timp fat di misdì al dure dut il dì; il timp fat di gnot al dure tant che un cjaval di trot"
"il tradiment al è dut velen"
"il tuart nol è mai dut di une bande"
"in chest mont a son ducj utii, nissun nol è necessari"
"in chest mont al è dut un intivâsi"
"in chest mont dut al jude"
"in dut la temperance e à di vê la sô stanzie"
"in dutis lis robis une robe di mieç"
"l'om laboriôs nol dipent di nissun, al è libar; l'om poltron al è sogjet a ducj, al è sclâf"
"l'ozi al è il pari di ducj i vizis"
"l'ultin mâl al è il piês di ducj"
"la aghe a lave dut"
"la bocje le vin ducj par traviers"
"la etât e costume ducj"
"la farine dal diaul a va dute in cinise"
"la farine dal diaul a va dute in semule"
"la femine di mâl fâ, al è dut dibant di fâle vuardâ"
"la muart e fâs ducj compagns"
"la robe dal comun e je di ducj e di nissun"
"la robe di chest mont e à di fâur lis spesis a ducj"
"la vendete no sane dutis lis plaiis"
"lagrimuçs di femine, sudôr di cjaval e vaî di plevan nol è di crodi, che al è dut ingjan"
"lis botis no colin mai dutis intune volte"
"lis cicimbelis no son dutis cu la buse"
"lis cjavris là che e va une a van dutis"
"lis clâfs di aur a vierzin dutis lis puartis"
"lis feminis che a nassin in an bisest a son dutis cence sest"
"maridâ nol è par ducj"
"miôr patafâ la bocje che no mangjâ dute la robe"
"muart jo, muart dut il mont"
"nancje i dêts no son ducj compagns"
"nancje il mont nol è stât fat dut intune dì"
"no bisugne cjapâ dutis lis moscjis che a svolin"
"no si pense mai a dutis lis peraulis che si dîs"
"no si vent dutis lis pioris che a van a marcjât"
"no spindi dut ce che si à ni dî dut ce che si sa"
"no stâ vendi co ducj a vendin, no stâ comprâ co ducj a comprin"
"no van mai dutis pes pensadis"
"nol è aur dut ce che al lûs"
"nol è dut aur ce che al lûs"
"nol è dut rost ce che al fume"
"nol è rost dut ce che al fume"
"o ducj di diu o ducj dal diaul"
"o sin ducj abii a falâ"
"o sin ducj di cjar"
"o timp o tart si pailis dutis"
"o vin ducj dibisugne un dal altri"
"o vin ducj dirit di vivi"
"o vin ducj il sanc ros"
"ognidun par se e Diu par ducj"
"ognidun sa di se e Diu sa di ducj"
"pan di une dì, ûf di une ore, lat di un minût e vin dut l'an"
"pan e gaban a stan ben dut l'an"
"pan e Signôr a 'nd è par ducj"
"par dut Avrîl no jessî dal covîl"
"par no lavorâ, i poltrons a profitin di dutis lis ocasions"
"pes vuedis ducj i poleçs a son compagns"
"ploie di misdì, ploie dut il dì"
"pluitost di fâ savê dut ce che si sa, al è miôr mangjâ dut ce che si à"
"pomâr masse cjamât nol ten sù dutis lis pomis"
"riscjâ un pôc par no pierdi dut"
"robe robade e va dute in fum"
"Sant Blâs e sante blasiole che a preservin il cuel cun dute la gole"
"Sant Josef al plante la cuche, Sant michêl le gjave dute"
"Sant Matie cu la manariute se al cjate glace le fruce dute"
"Sant Valantin al inglace la roie cun dut il mulin"
"se a 'nt fossin, se a 'nd vignissin, se a 'nd vessin, a son trê sants che a durin dut l'an"
"se a Sant Bartolomiu al è bon timp, al è bon timp dute la vendeme"
"se al è ars vinars sant, al è ars dut l'an"
"se al è bon timp il prin martars di lune, al è bon timp dute la lune"
"se al tone il dì di Sant Zorç, dutis lis coculis a van te cort"
"se dutis lis vacjis a puartassin il sampogn"
"se si podès filâ ducj i fîi, si tirarès dongje ancje lis telis di ragn"
"se tu amis a son ducj bogns, se tu odeis a son ducj triscj"
"se tu ur crodis a ducj tu restis burlât"
"si po comedâ dut fûr che la muart"
"sintî ducj e po fâ a so mût"
"soreli a mont tal sac, di ploie dut un slavuac"
"studât il lusôr a àn ducj chel savôr"
"su la Val di Josafat si salde ducj i conts"
"tai paîs dai laris ducj a son galantoms"
"tal cjalt dut fûr che la glace"
"un vuarp che al mene un altri vuarp a colin ducj i doi te buse"
"une man e lave chê altre e dutis dôs a lavin la muse"
"une robe daspò vendude ducj volarès comprâle"
"une tace di vin ros di vinars sant, al va dut in sanc"
"une vacje daspò vendude ducj volarès comprâle"
"une vacje scuintiade e sporcje dut l'armentâr"
"une volte parom si scuen fâle ducj"
"une volte si je fâs a ducj, dôs a cualchidun, trê a dinissun"
"vuardilu ben, vuardilu dut: l'om cence bêçs tant che al è brut"
torne sù
torne sù