Tu âs cirût la peraule
bilengâl monolengâl
Tu âs cirût la peraule
quiescere
torne indaûr

bilengâl

quiescere v.intr.
  • 1

    v.intr. polsâ Copie

    [OB] (dâsi padin)
  • 2

    v.intr. calmâsi, cuietâsi, bonâsi Copie

    [OB] (deventâ cuiet)

monolengâl

polsâ v.intr.
(pol-sâ)
Fermâ di fâ alc par tornâ a cjapâ fuarce
sinonims
riposâ, fermâ, fermâsi
esemplis
"a sgjavavin la tiere tune uce acanide. A polsavin un lamp cui braçs sul mani. A savoltavin tal soreli la tiere"
gjavât fûr di "La aghe da pît la cleve" di Dino Virgili
"o lavi di corse de place fintremai tes Savodagnis cence mai polsâ"
gjavât fûr di "I prâts des Savodagnis" di Agnul di Spere
"a mieze strade al metè jù la valîs par polsâ un moment"
gjavât fûr di "Prime di sere" di Carlo Sgorlon
Viôt ancje: paussâ, ponsâ, poussâ
polsâ v.intr.
(pol-sâ)
Tornâ a cjapâ fuarce durmint
sinonims
durmî, pisulâ, riposâ
esemplis
"il cjan, distirât in plen soreli, al polsave pôc lontan dal trop"
gjavât fûr di "Clâr e scûr" di Pieri Somede dai Marcs
"e cussì encje usnot a ponsaran / ognun intun jet diferent / mê mari bessola / intun jet massa grant / e gno pari intun / scompartiment"
gjavât fûr di "... e la cjasa a è cidina" di Giorgio Ferigo
polsâ v.intr.
(pol-sâ)
Cjatâ padin pe strache fisiche o mentâl, no lavorant par une dade di timp ancje lungje
sinonims
riposâ, riposâsi, ricreâsi
esemplis
"ogni Istât al vignive il professôr a polsâ cu la fameute, te pâs dal vert"
gjavât fûr di "La aghe da pît la cleve" di Dino Virgili
"a Vignesie o soi vignût par polsâ e no par sfadiâmi!"
gjavât fûr di "Viaç a Vignesie" di Arturo Feruglio
polsâ v.intr.
(pol-sâ)
Di alc, restâ cence jessi doprât (fig.)
esemplis
"par vierzi lis stradis o vin metût in opare la slite che da tancj agns e polsave tra il pulvin di une arie ma simpri pronte e in sest par la ocorence"
gjavât fûr di "11 di Fevrâr 1929" di Pieri Somede dai Marcs
polsâ v.intr.
(pol-sâ)
Di un materiâl, jessi lassât fer par che al cjapi ciertis carateristichis (fig.)
sinonims
morentâ, morestâ, riposâ
esemplis
"colâ il brût e lassâlu polsâ, meti tal frigorifar, di mût che il gras al ledi parsore"
gjavât fûr di "Pane frattau" di Sandri Carrozzo
"gratâlis [lis lidrîs di cren] e zontâ la stesse cuantitât di pan gratât, une sedonute di zucar e asêt, avonde par rivâ a messedâ. Daspò vê messedât dut, lassait polsâ par une gnot"
gjavât fûr di "Jerbis salvadiis inte cusine furlane" di Giorgio Pascoli
polsâ v.intr.
(pol-sâ)
Di teren, restâ cence culture par une dade di timp (fig.)
esemplis
"i plevans a volevin ricevi lis lôr spetancis in forment o blave, cussì i contadins proprietaris no vevin avonde tiere par lassâle a prât e fâle polsâ"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
polsâ v.intr.
(pol-sâ)
Jessi intune cierte posizion o intun ciert lûc (fig.)
sinonims
poiâ, poiâsi
esemplis
"la strade e va sù regolâr tal pulît su la schene de culine dulà che al polse il borc di Menon"
gjavât fûr di "Misure" di Meni Ucel
polsâ v.tr.
(pol-sâ)
Fâ stâ cuiet, fâ ripiâ lis fuarcis
esemplis
"al tirà fûr la pipe, cu la canucje lungje, par fumâ une ore, tal cjalt de stue. Cence fevelâ plui cun nissun. Par polsâ i sintiments"
gjavât fûr di "La tiere di Lansing" di Maria Forte
"la domenie e je un regâl dal Signôr par polsâ il cuarp e nudrî la anime"
gjavât fûr di "Tornìn a fâ fieste" di Riedo Pup
detulis
"cui che i pese di lavorâ al cîr ogni scuse par polsâ"
"tal jet se no si po durmî si polse"
"trop polsâ e trop durmî al fâs il ric impuarî"
torne sù
torne sù