Hai cercato la parola
bilingue monolingue
Hai cercato la parola
radichetta
Torna indietro

bilingue

radichetta
  • 1

    s.f. lidrisute Copia

    [TS] (part dal embrion des plantis fanerogamichis li che si svilupe la lidrîs principâl)

    s.f. lidrisute Copia

    (ognidune des diramazions de lidrîs)
  • 2

    s.f. voli, menade, butade Copia

    [TS] (inte tecniche dal malt, il zermuei dal vuardi)

monolingue

voli s.m.
(vo-li)
Ognidun dai doi, o plui in cierts invertebrâts, orghins che a permetin di viodi, sedi in riferiment a dut l'orghin, sedi dome in riferiment ae part che si viôt o ancje dome ae part colorade
esempi
"a son cetantis bestiis, come lis furmiis o lis âfs, che a àn i voi fats a pueste par ricognossi la polarizazion de lûs"
da "La polarizazion de lûs" di Marisa Michelini, Alberto Stefanel
"e cjalave adalt, parantsi i voi cuntune man par no restâ inceade"
da "Trê feminis" di Gianni Gregoricchio
"il malât al veve la muse zale e dute un sudôr, i voi tirâts che si viodevii dome che il blanc"
da "Tal ospedâl" di Amedeo Giacomini
"a Nene, dibot che i vignirin lis lagrimis tai voi, pal ingropament"
da "Cretevierte" di Roberto Ongaro
"un agnulin di sium, biont, cui biei voi celescj e une bocje ridinte"
da "La massarie" di Dino Virgili
"benedet chel voli neri / benedet chel voli grîs / mi somee une bambinute / che e ven fûr dal paradîs"
da "Benedet chel voli neri" di Popolâr
voli s.m.
(vo-li)
Il stâ atent, il tignî sot control, il visâsi, il capî (fig.)
esempi
"lis paronis a àn di vê il voli pardut"
da "Ursule" di Pieri Somede dai Marcs
"tantis voltis a àn voi pai ôcs, pai dindiats, pai cunins, par dute la prole dal gjalinâr e dal cjôt, ma no pe lôr canaie"
da "Lis predicjis dal muini" di Josef Marchet
voli s.m.
(vo-li)
Barcon taront o ovâl
esempi
"[la glesie di Sant Francesc a Udin] si presente plui slançade, cuntune façade elegante cul voli inserît intun cuadrât in mieç a dôs arcadis a balconade"
da "Storie de art in Friûl" di Bepi Agostinis
voli s.m.
(vo-li)
Cualsisei viertidure o element plui o mancul taront
esempi
"i voi dal cjadenaç"
"i voi des fuarpiis"
"i voi dal ferâl"
voli s.m.
(vo-li)
Piçule gote di gras che si forme su la superficie di un licuit
esempi
"un brût cui voi di ont che a nadin parsore"
voli s.m.
(vo-li)
[TS] (gastr.) Bûs dal formadi o di preparazions fermentadis o jevadis
voli s.m.
(vo-li)
[TS] (agr.) Piçule butade a pene nassude di une plante, che si pues doprâ ancje par insedâ
sinonimi
impulin
esempi
"fertilitât basâl alte (raps che ogni gjeme o voli al pues produsi [...])"
da "Lis varietâts di vît resistentis a lis malatiis" di Enrico Peterlunger
"badait di sielzi i voi da chei morârs, che si viestin di miôr fuee"
da "Il Contadinel, 1871" di Giuseppe Ferdinando Del Torre
voli s.m.
(vo-li)
Maglute dai liùms che e corispuint al pont li che a jerin tacâts tal didentri de vuaìne o dal cosul
esempi
"il voli dai fasûi"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"fasûi cul voli neri"
proverbi
"a viodin plui cuatri voi che no doi"
"a vuelin trê robis par salvâsi: bon voli, buine gjambe e puarte vierte"
"ancje il voli al vûl la sô part"
"cuant che la bolp e predicje, voli a lis ocjis"
"cuatri voi a viodin plui di doi"
"cui che al sofle te cinise si jemple i voi"
"fin al zenoli ogni voli, dal zenoli insù nome jo e tu"
"fortunât cui che al à un voli tal paîs dai vuarps"
"i voi a son fats par cjalâ"
"il barcon al à i voi e la cise lis orelis"
"il voli al è il spieli dal cûr"
"il voli dal paron al ingrasse il cjaval"
"la tristerie a mene miserie, la miserie a mene pedoi e i pedoi a mangjin ancje i voi"
"lis personis si cognossilis tal voli"
"lontan dai voi, lontan dal cûr"
"nuie al è bon pai voi"
"ognidun al viôt cui siei voi"
"par salvâsi a vuelin trê robis: bon voli, buine gjambe e puarte vierte"
"par vendi al baste un voli, par comprâ no 'nd bastin cent"
"spalancâ i voi parsore il ben, sierâ un voli parsore il mâl"
"tal paîs dai vuarps al è fortunât chel che al à un voli sôl"
"tal paîs dai vuarps beât cui che al à un voli"
"tu âs plui grancj i voi che no la bocje"
"voli in tane, raze putane"
"voli in tane: se no ti à ingjanât, ti ingjane"
Torna in Cima
Torna in Cima