Hai cercato la parola
bilingue monolingue
Hai cercato la parola
rallentare
Torna indietro

bilingue

rallentare ,
  • 1

    v.tr. morestâ, intardâ, cuietâ Copia

    [AU] (fâ deventâ plui lent)
    il direttore ha rallentato il tempo dell'esecuzione = il diretôr al à intardât il timp de esecuzion
    rallentare il passo del gruppo = morestâ il pas dal grup
  • 2

    v.tr. intardâ Copia

    [CO] (ridusi la fuarce, il grât e v.i. di alc)
    gli operai hanno rallentato il ritmo di lavoro = i operaris a àn intardât il ritmi di lavôr

    v.tr. srarî Copia

    (fâ deventâ mancul frecuent)
    rallentare le occasioni di incontro = srarî lis ocasions di incuintri
  • 3a

    v.intr. frenâ, lâ plui a planc Copia

    [AU] (calâ la velocitât, lâ plui planc)
    è necessario rallentare in prossimità degli incroci = cuant che si rive aes croseris bisugne lâ plui planc oppure frenâ
  • 3b

    v.intr. calâ, sbassâsi Copia

    [CO] (deventâ mancul imburît, diminuî)
    il vento sta rallentando = l'aiar al cale oppure si sbasse

monolingue

calâ v.intr.
(ca-lâ)
Deventâ plui piçul, debil, minôr, mancul numerôs e v.i.
sinonimi
lâ al mancul, ridusisi, sbassâsi, scurtâsi
esempi
"Udin duncje, l'an passât, al è calât di 535 animis"
da "Murî di fam cui camarins plens" di Riedo Pup
"la religjon e je daûr a calâ, soredut de bande dai zovins"
da "Sul florî" di AAVV
"cul passâ dai agns il so interès pe sessualitât al calave"
da "Il cjâf dai furlans" di Franc Fari
calâ v.tr.
(ca-lâ)
Fâ deventâ plui piçul, debil, minôr, mancul numerôs e v.i.
sinonimi
ridusi, sbassâ, scurtâ, staronzâ, taiâ, butâ jù
esempi
"parcè vuelino fâ chescj Comuns? Par calâ lis gjambadoriis de burocrazie o par zontânt di altris?"
da "Aghe e democrazie" di Giorgio Ferigo
"un siôr di chei che san fâ il so interès / a la massarie l'ûl calâ il salari"
da "Il Strolic Furlan pal an 1828" di Pieri Çorut
calâ v.tr.
(ca-lâ)
Meti, movi o fâ lâ jù, dâ dal alt al bas e v.i. (ancje fig.)
sinonimi
butâ jù, meti jù, poiâ, molâ, sbassâ
esempi
"e inesorabil, cala una altra paca"
da "La Eneide di Virgjili" di Zuan Josef Busiç
"un cont al è se la autonomie e ven calade dal alt, un altri se e ven de iniziative di un popul che al sburte e al à une cussience che dome cul autoguvier si pues lâ indevant"
da "Autoguvier cuntune Regjon lizere" di Walter Tomada
calâ v.intr.
(ca-lâ)
Lâ intun puest plui bas, plui meridionâl o ancje plui dongje
sinonimi
rivâ jù, vignî jù
esempi
"la aghe e calave: e incà e inlà la tiare e rideve bielzà resuride tal soreli"
da "Il cûr te tiere" di Dino Virgili
"Atile une biele dì al cale in Friûl cun dute la trupe e al scombat in Aquilee"
da "Viaç a Vignesie" di Arturo Feruglio
calâ v.tr.
(ca-lâ)
[TS] (artes.) Inte gucje, ridusi il numar des maiis o sierâ une maie, ancje ass. (ancje ass.)
esempi
" o sfidi jo, culì bisugnave calâ un pont, tu âs sbaliât di contâ"
da "Il prossim" di Pieri Somede dai Marcs
proverbi
"il mont al è fat a scjale: cui che al va sù e cui che al cale"
"il mont al è fat a scjale: cui cres e cui cale"
"il mont al è fat a scjale: un pôc si cres e un pôc si cale"
Torna in Cima
Torna in Cima