Tu âs cirût la peraule
bilengâl monolengâl
Tu âs cirût la peraule
rapire
torne indaûr

bilengâl

rapire v.tr.
  • 1a

    v.tr. rapî Copie

    [AU] (puartâ vie cdn. cu la fuarce o cul ingjan)
    Zeus rapì Europa = Zeus al rapì Europe

    v.tr. rapî Copie

    (fâ un secuestri di persone)
    Moro è stato rapito e la sua scorta trucidata = Moro al è stât rapît e la sô scorte sassinade

    v.tr. puartâ vie Copie

    essere rapito dalla morte = jessi puartât vie de muart
  • 1b

    v.tr. cjapâ, rapî, puartâ vie Copie

    [CO] (puartâ vie cun violence)
    il gatto rapisce le sue prede con astuzia = il gjat al cjape lis sôs predis cun inzen
    rapire e scappare = puartâ vie e scjampâ
  • 2

    v.tr. robâ, rapî, puartâ vie Copie

    [CO] (cun valôr iperb., obleâ cdn. a lâ vie, ancje cul pinsîr, di un puest, une persone o sim.)
    la sua nuova fiamma ce l'ha rapito = la sô gnove morose nus al à robât
  • 3

    v.tr. rapî, puartâ vie Copie

    [CO] (dai elements naturâi, strissinâ vie)
    il fiume in piena ha rapito la vittima = il flum in plene al à puartade vie la vitime
    il vento rapisce le foglie = l'aiar al puarte vie lis fueis
  • 4

    v.tr. robâ, rapî, puartâ vie Copie

    [CO] (provocâ une emozion grande, che e cjape dute la anime e i fâs dismenteâ ogni altre robe fin tant che e dure)
    la sua voce mi ha rapito = la sô vôs mi à rapît
    quella poesia mi ha rapito l'anima = chê poesie mi à puartât vie la anime

monolengâl

robâ v.tr.
(ro-bâ)
Cjapâ alc a cdn. cence vê il permès e cuintri dal dirit e de leç (ancje ass.)
sinonims
foti, freâ, gafâ, puartâ vie, taconâ, freolâ, inculâ, lecâ
esemplis
"vêso savude la ultime? A son stâts a robâ l'aur sul altâr di Madone di Gracie a Udin. Cui? Se o spietais che ju cjatin!"
gjavât fûr di "Lis predicjis dal muini" di Josef Marchet
"a vevin zuiât di balon, robât panolis e cjariesis, scussât zenoi e comedons intune"
gjavât fûr di "Faliscjis" di Cristina Noacco
robâ v.tr.
(ro-bâ)
Puartâ vie une persone, come se e fos une robe (estens.)
esemplis
"une volte a vevin robade une frutate che e veve dome i pomuluts sul stomi, e dopo che si jerin spiticaçâts cun jê a fâ ce che a volevin di jê, chei tacunitis là, le vevin ruvinade, creature"
gjavât fûr di "La aghe da pît la cleve" di Dino Virgili
"tal deliri e fevelave di un frutin che jal vevin robât e che e voleve vêlu"
gjavât fûr di "Dome la cjampanute di Sant Bortul" di Maria Forte
robâ v.tr.
(ro-bâ)
Imbroiâ in maniere di fâsi paiâ o di scuedi di plui di ce che al sarès just (ancje ass.)
esemplis
"a 'ndi è che a robin ogni dì, di agns e agns incà, o su lis misuris o sui pês o sul marcjât o sul lavôr o su lis tassis o su altris afârs"
gjavât fûr di "Lis predicjis dal muini" di Josef Marchet
robâ v.tr.
(ro-bâ)
Disseparâ une persone di une altre par vê il so amôr, afiet e v.i. (fig.)
sinonims
foti, freâ, gafâ, puartâ vie
esemplis
"che un al cirìs di robâ la femine di un altri al jere normâl parcè che lu veve bielzà fat re Davide, che al veve bramât Bersabee"
gjavât fûr di "Il dolfin" di Carlo Sgorlon
robâ v.tr.
(ro-bâ)
Fâ pierdi timp a cdn. (fig.)
esemplis
"puedio robâti doi minûts?"
robâ v.tr.
(ro-bâ)
Presentâ tant che propri alc che invezit al è di cdn. altri (fig.)
esemplis
"vuê il probleme dai editôrs nol è chel di robâ ideis o propuestis editoriâls, ma chel di mandâlis indaûr, cu la masse di robe che i rive ogni dì"
gjavât fûr di "Interviste a Ivan Cecchini" di Dree Venier
"Bernardino Partenio, intal tratât De poetica imitatione, al met in bocje dal Trissino une severe denunzie cuintri chei dissepui di Camillo che i varessin robât o plagjât i scrits"
gjavât fûr di "Il brevet" di Mario Turello
"i soi lât a ceri “Occasioni” [di Montale] par jodi di chel "ducj i nestis îrs", che a mi pâr tant di vêi robât, ma i ai di vêlu lassât ator (cui che a lu à, che a mel torni!)"
gjavât fûr di "In forma di peraulas..." di Giorgio Ferigo
robâ v.tr.
(ro-bâ)
Rivâ a otignî alc cun imbroi o in ogni câs cuintri il dirit, cuintri il dovût e v.i. (fig.)
esemplis
"[al lavore tant] lui nol robe la paie ni la fiducie di nissun"
gjavât fûr di "Fadie come ale" di Maria Forte
robâ v.tr.
(ro-bâ)
Rivâ a otignî alc di buride, spec. se nol jere spietât, ancje cun malizie (fig.)
esemplis
"Guri di Cleve al jere capitât jù sfladassât e i veve robade chê mieze promesse… e jê no veve dite nuie inmò ai siei…"
gjavât fûr di "La aghe da pît la cleve" di Dino Virgili
"lui i veve robade une bussade a tradiment che jê no veve dit flât"
gjavât fûr di "La aghe da pît la cleve" di Dino Virgili
detulis
"a robâ là che a 'nd è, nol è pecjât"
"a robâi a un ladron, a son cent agns di perdon"
"a robâur ai laris no si fâs pecjât"
"a robâur ai laris nol è pecjât"
"ai laris no si ur robe"
"al è lari cui che al robe e cui che i ten il sac"
"al è lari tant cui che al robe che cui che al ten il sac"
"al è tant lari chel che al robe che chel che al ten il sac"
"al è tant pecjât robâ che lassâsi robâ"
"ce che si spint mâl si jal robe al so capitâl"
"cuant che il lari al à robât,nol ocor sierâ la puarte"
"cui che al à robât une lire, al podarà robânt mil"
"cui che al è bon di robâ la vacje, al è ancje bon di zurâ che no le à robade"
"cui che al fâs robe al robe"
"cui che al robe nol fâs robe"
"cui che al robe pai altris al va in preson par se"
"la cjase e plate ma no robe"
"la robe e robe la pâs"
"lari piçul no stâ robâ che il lari grant ti fâs picjâ"
"lari piçul no stâ robâ che il lari grant ti picjarà"
"nol vâl sierâ la stale co a son stâts robâts i bûs"
"robe cjatade e no tornade e je tant che robade"
"robe cjatade, mieze robade"
"robe une gjaline ti mandin a la ghiliotine, robe un milion no tu vâs nancje in preson"
"si robe in tantis manieris"
torne sù
torne sù