Tu âs cirût la peraule
bilengâl monolengâl
Tu âs cirût la peraule
rattoppo
torne indaûr

bilengâl

rattoppo s.m.
  • 1a

    s.m. blec, imblecade Copie

    [CO] (sistemazion fate metint sù blecs, comedant ae mancul piês)
    bisognerà fare un rattoppo a quel tessuto consunto = al sarà di meti un blec oppure di dâ une imblecade a chel tiessût fruiât

    s.m. blec, imblecade Copie

    (il toc che al è comedât)
    la tuta da ginnastica aveva due bei rattoppi all'altezza delle ginocchia = la tute di gjinastiche e veve doi biei blecs li dai zenoi
  • 1b

    s.m. imblecadure Copie

    [CO] (riparazion fate suntune part limitade dal fonts stradâl, spec. cu la aplicazion di un strât di clapigne par eliminâ busis, grumbulis, sclapaduris)
    gli operai comunali stanno effettuando un rattoppo sulla via principale del paese = i operaris comunâi a son daûr a fâ une imblecadure su la vie principâl dal paîs
  • 2

    s.m. blec, clotie, imblecade Copie

    [CO] (rimedi improvisât, espedient provisori)
    tentare di mettere un rattoppo ad un problema = cirî di meti un blec a un probleme
  • 3

    s.m. imblecade Copie

    [TS] artes. (tal restaur dai libris, procediment par ricostruî lis parts che a mancjin des pagjinis o par cusî lis sbregaduris metint gotis di gjeladine, paste di cjarte o tassei)

monolengâl

blec s.m.
Toc di tiessût, piel o corean che si cûs su di une buse o su di une sbregadure par comedâ vistîts, scarpis o sim.
sinonims
tacon
esemplis
"lu cjolevin vie par chei tancj blecs che al veve tai bregons"
gjavât fûr di "Il muc" di Roberto Ongaro
"il colôr dai vistîts si smamive tai sorei de canicule. E i blecs che lis feminis a tacavin sù, cu la lôr tinte di gnûf, a someavin taiâts tune altre piece"
gjavât fûr di "I furlans e la mode" di Riedo Pup
Viôt ancje: sblec
blec s.m.
Piçul toc o piçule forme
esemplis
"i veve lassât dome un blec di cjarte scrite, su la taule"
gjavât fûr di "La aghe da pît la cleve" di Dino Virgili
"cuatri blecs di lûs lamie a passin pal barcon tressât cun dôs breis in crôs e si butin tal mûr"
gjavât fûr di "Braùre" di Spirt Anonim
blec s.m.
Piçule superficie, piçule estension
esemplis
"a àn dome un blec di tiere che e prodûs sì e no un zei di pomodoros o fasûi"
gjavât fûr di "La veretât e va ben simpri dite" di Pieri Somede dai Marcs
"a passarin lis stagjons tai lôr cjamps, tra i cuei e lis monts, tun blec di Friûl cidinât dal bosc fresc e cjarinât di aghis cjantarinis"
gjavât fûr di "La cjase di Toni" di Tarcisio Venuti
"un prât florît di rosutis salvadiis, no plui grant di une place di un borc di montagne, cuntun blec di cîl turchin parsore vie"
gjavât fûr di "Cemût che o soi restât caporâl" di Pieri Menis
blec s.m.
Rimedi improvisât, soluzion provisorie (fig.)
sinonims
argagnade, imbletade, imblichignade, rangjade, repeç, repeçade, rombot, tacon, tassel
esemplis
"il miedi al coreve mo ca, mo là, ma ce podevial fâ se nol veve nuie cun se? Cuatri garzis tant par meti un blec"
gjavât fûr di "I ribei" di Alan Brusini
blec s.m.
Espression contrafate de bocje, spec. cuant che si è li li par vaî, ma ancje par altris emozions o par mateç
esemplis
"la coriera a piveta, a partìs / la bocja ridint di mê mari / a si muda intun blec. / Muta a torna in chê cjasa / che cumò a è vueita di dut"
gjavât fûr di "La cjasa di pari" di Giovanni Urban
"al fasè un blec par ca, dut complasut"
gjavât fûr di "Setimio" di Alviero Negro
blec s.m.
[TS] (gastr.) Formât di paste taiade in cuadrei o triancui o formis iregolârs
esemplis
"butâ i blecs in tante aghe salade e bulinte par doi minûts, scolâ e cuinçâ cun spongje, salvie e scuete fumade gratade"
gjavât fûr di "Blecs di coce" di Sandri Carrozzo
torne sù
torne sù