Tu âs cirût la peraule
bilengâl monolengâl
Tu âs cirût la peraule
richiamare
torne indaûr

bilengâl

richiamare v.tr.
  • 1a

    v.tr. tornâ a clamâ Copie

    [FO] (clamâ une altre volte cdn.)
    non ti ha sentito, richiamalo = no ti à sintût, torne clamilu
  • 1b

    v.tr. tornâ a clamâ, clamâ di gnûf Copie

    [FO] (telefonâ une altre volte)
    ha detto che richiama = al à dit che al torne a clamâ
    non telefono più, richiamerà lui = no telefoni plui, al clamarà lui di gnûf
  • 2a

    v.tr. tornâ a clamâ Copie

    [FO] (fâ tornâ une altre volte)
    mi ha richiamato e mi ha detto il contrario di prima = mi à tornât a clamâ e mi à dit il contrari di prime

    v.tr. clamâ, riclamâ, clamâ dongje, tirâ incà Copie

    (cun riferiment a animâi, clamâ cuntun ordin)
    richiamare il cane = clamâ dongje il cjan
  • 2b

    v.tr. riclamâ, tornâ a clamâ Copie

    [FO] (clamâ une altre volte cdn., spec. par dâi une incarghe che al à za vût prin)
    lo hanno richiamato per quel posto di direttore che aveva due anni fa = lu àn riclamât par chel puest di diretôr che al veve za doi agns indaûr
  • 2c

    v.tr. clamâ, riclamâ Copie

    [FO] (clamâ une altre volte in servizi militârs in congjêt o in licence)
    richiamare sotto le armi = riclamâ sot il militâr
  • 2d

    v.tr. clamâ, riclamâ, tirâ indaûr, tirâ incà Copie

    [FO] (tirâ indaûr un repart militâr)
    richiamare la truppe verso l'interno = riclamâ lis trupis indentri
  • 3

    v.tr. clamâ, riclamâ, clamâ dongje, clamâ indaûr Copie

    [FO] (permeti di tornâ in patrie)
    richiamare dall'esilio = clamâ dongje dal esili
  • 4a

    v.tr. riclamâ, clamâ indaûr Copie

    [FO] (domandâ la restituzion al mitent di une letare, di un assegn e v.i.)
    richiamare un pacco = riclamâ un pac
    richiamare una lettera = clamâ indaûr une letare
  • 4b

    v.tr. riclamâ, riclamâ indaûr Copie

    [TS] burocr. (fâ che a tornin indaûr intal ufici che ju veve preparâts i documents che a son passâts a altris uficis)
    quelle pratiche vanno richiamate = chês pratichis a van riclamadis indaûr
  • 4c

    v.tr. riclamâ Copie

    [TS] bancj. (a rivuart di un titul di credit, disposizion che si da a une bancje che si jal veve presentât pal incàs di tornâlu indaûr cence pretindi il paiament)
    richiamate questa cambiale = riclamait cheste cambiâl
  • 5

    v.tr. riclamâ Copie

    [TS] mar. (puartâ la barcje a rive tirant la cuarde peade a tiere)
  • 6

    v.tr. riclamâ Copie

    [TS] aer. (tornâ a meti l'avion in linie di svol daspò di une calade a tuf)
  • 7

    v.tr. clamâ dongje, tirâ dongje Copie

    [FO] (fâ vignî dongje, atrai)
    è uno spettacolo che richiama molta gente = al è un spetacul che al tire dongje une vore di int

    v.tr. clamâ Copie

    (tiziâ, disveâ)
    se urli così, richiami l'attenzione di tutti = se tu berghelis cussì tu clamis la curiositât di ducj
  • 8a

    v.tr. ricuardâ, rivocâ Copie

    [FO] (fâ vignî iniment)
    questa musica mi richiama il mio primo amore = cheste musiche mi ricuarde il gno prin amôr
  • 8b

    v.tr. riclamâ Copie

    [FO] (ricuardâ par relazion logjiche o leam di ideis)
    un film che richiama atmosfere gotiche = un film che al fâs vignî iniment oppure al riclame atmosferis gotichis
  • 9a

    v.tr. clamâ, riclamâ Copie

    [FO] (racomandâ di tignî une cierte condote)
    richiamare all'ordine = riclamâ al ordin
  • 9b

    v.tr. corezi Copie

    [FO] (costumâ)
    richiamare un figlio indisciplinato = corezi un fi discul
  • 10

    v.tr. riclamâ, citâ Copie

    [FO] (tirâ fûr, nomenâ)
    in questo racconto si richiamano le parole di un'opera precedente = in cheste conte si riclame lis peraulis di une opare di prime

locuzions

    richiamare in vita
  • fâ resurî, resurîCopie
    [CO] (tornâ a fâ vivi cui o ce che al è muart o al è daûr a murî)
  • tornâ a cjapâ sù, tornâ a fâ vivi, resurîCopie
    (ancje fig.)
    richiamare in vita un'antica usanza = tornâ a cjapâ sù oppure resurî une usance antighe

monolengâl

clamâ v.tr.
(cla-mâ)
Doprâ la vôs par domandâ a cdn. di stâ atent a ce che si dîs o par fâlu vignî dongje
esemplis
"l'om al pensave cemût che al veve di fâ par che i vierzessin. Metisi a clamâ «Jolande! » nol pareve bon"
gjavât fûr di "Prime di sere" di Carlo Sgorlon
"Juste in chel, di tal curtîl, si à sintût la vôs de femine clamâlu. «Ustin, al ven sù il timp» disè 'Sese"
gjavât fûr di "La musiche" di Ivano Urli
"il besteam des stalis al clamave; Mariute si impensà che e jere di molzi la Stele e alore e sbrissà vie incorinte e cidine"
gjavât fûr di "L'aventari pal barcon" di Maria Forte
clamâ v.tr.
(cla-mâ)
Metisi in contat par telefon, fevelâ par telefon o cuntun altri sisteme di comunicazion a distance
sinonims
telefonâ
esemplis
"po stâi che, a sintîsi mâl, al vedi sunât il campanel de siore C. M. , che in chê di vierzi la puarte si è spauride e e à clamât il 113"
gjavât fûr di "Anime" di Spirt Anonim
"al cjapà in man il microfon par clamâ la Centrâl"
gjavât fûr di "Light my Fire" di Franco Marchetta
clamâ v.tr.
(cla-mâ)
Fâ vignî cdn. o alc che al covente, no dome cu la vôs, ma in maniere gjeneriche, cun cualsisei mieç
esemplis
"clamâ l'eletricist"
"clamâ l'assensôr"
"cuant che al murì, al clamà il plevan e al fasè test tes sôs mans"
gjavât fûr di "Beâts i viei" di Riedo Pup
"il re al clame ducj i princips e i rês, e al fâs une grande fieste"
gjavât fûr di "Maletegne" di Andreina Nicoloso Ciceri
"i papis a vevin clamât i plui preseâts artiscj talians e internazionâi par insiorâ placis, glesiis e palaçs"
gjavât fûr di "Zuan di Udin" di Luca De Clara
clamâ v.tr.
(cla-mâ)
Fâ vignî par vie che si stice un interès
sinonims
clamâ dongje, tirâ dongje, riclamâ, atirâ
esemplis
"se propit o vin voie di seguî un profîl storic artistic a son tancj artiscj talians di dedicâur une mostre e che a podaressin clamâ un public larc"
gjavât fûr di "Ce fâ di Vile Manin" di Erika Adami
clamâ v.tr.
(cla-mâ)
Fâ savê che e sarà une riunion, une iniziative, une azion coletive e v.i., e domandâ o comandâ, ancje in maniere uficiâl, che cdn. al vedi part
sinonims
convocâ, convidâ
esemplis
"si decidè al Centri di clamâ une conference publiche pai 3 di Lui invidant organizazions di base dai paîs taramotâts, fuarcis politichis e sindicâts a dibati, a resonâ sul ce fâ"
gjavât fûr di "Memoriis di politiche linguistiche" di Adrian Cescje
"ai 13 e ai 14 di Avrîl i citadins dal Friûl – Vignesie Julie a son clamâts a sielzi cui che al varà di aministrâ la nestre Regjon pai prossims cinc agns"
gjavât fûr di "Pai dirits linguistics in Friûl - Vignesie Julie 2008-2013" di Comitât 482
clamâ v.tr.
(cla-mâ)
Fâ vignî denant di cualchi autoritât
sinonims
convocâ
esemplis
"co ti àn clamât in testemoni chei de preture, tu tu âs zurât e sperzurât che no tu savevis nuie"
gjavât fûr di "Lis predicjis dal muini" di Josef Marchet
"a son lis dîs e mi clamin in direzion… ma ce podevio dî jo, piçul e plen di pôre di rispuindi aes domandis dal diretôr, dal pretôr e dal miedi?"
gjavât fûr di "Une lûs celestine..." di Pieri Somede dai Marcs
clamâ v.tr.
(cla-mâ)
In espressions che a vuelin dî murî (eufem.)
esemplis
"se lui i sigurave che e podeve restâ a vivi tal "cjasalat", fin tant che il Signôr no le ves clamade cun se, jê no veve nuie in contrari che lui al ves comprade la sô part"
gjavât fûr di "Il sium di Lissandri" di Franca Mainardis
clamâ v.tr.
(cla-mâ)
Dâ un non o un sorenon a cdn.
sinonims
dâ di non, dâ di sorenon, dâ non, meti non, dî, batiâ
esemplis
"di piçul lu àn vût clamât Checo, a disevin; ma nissun si visave di un sigûr e nancje nissun saveve di un precîs cuant che i jere secjade la gjambe. Chei che a son vîfs cumò lu àn sintût a clamâ simpri «il Çuet»"
gjavât fûr di "I zimuluts dal Çuet" di Riedo Pup
clamâ v.tr.
(cla-mâ)
Doprâ un ciert non par cdn. o par alc
sinonims
nomenâ, dî
esemplis
"[il maçarot si cjate] fintremai fûr dal Friûl (in Venit, par esempli, lu clamin scuasi compagn, o sei massariol)"
gjavât fûr di "Friûl di Magance" di Sandri Carrozzo
"[la polente] e jere tant impuartante e indispensabile che i fornasîrs le clamavin adiriture «base»"
gjavât fûr di "I furlans e la blave" di Riedo Pup
clamâ v.tr.
(cla-mâ)
Considerâ, calcolâ, massime in espressions enfatichis o retorichis
sinonims
dî
esemplis
"ah, chest al è ce che o clami un bon vin!"
clamâ v.tr.
(cla-mâ)
Sielzi par une cierte funzion
sinonims
designâ, destinâ, elei, nomenâ, sielzi, votâ
esemplis
"jessi clamât ae presidence dal consei"
clamâ v.tr.
(cla-mâ)
Ispirâ une vocazion
esemplis
"la prime scuele di sapience e virtût si le à in cjase. Une clamade o mission prime che Crist al clami e al mandi"
gjavât fûr di "Sant Jacum, là che al finìs il mont" di Antoni Beline
clamâ v.tr.
(cla-mâ)
Dâ un comant
sinonims
comandâ, domandâ, ordenâ
esemplis
"ur tocje ai frenadôrs proviodi a man daûr pratiche e co il machinist al clame la frenade cul sivilot"
gjavât fûr di "Storie di Min" di Ivano Urli
"il paron al clamave di bevi par ducj"
gjavât fûr di "Vigji Brusin" di Riedo Pup
clamâ v.tr.
(cla-mâ)
Produsi un ciert efiet, une cierte reazion, une cierte dibisugne
sinonims
causâ, causionâ, stiçâ, tirâ, volê
esemplis
"tornant a cjase, sul tart, stant il fat risavût che il vin al clame vin, si jerin fermâts te ostarie de Zire, a Biliris, e po te ostarie de Delaide a bevi ancjemò e a sunâ ancjemò"
gjavât fûr di "Serenadis" di Meni Ucel
"stant che o vin viodût che l'argoment al clame un ciert interès, o sin lâts a sgarfâ in rêt e o vin cjatât chest articul di un pâr di agns indaûr"
gjavât fûr di "A proposit di Furlan, Furlans pal Mont, ‘Blecs’ e ‘Tacons’" di Marc Stolf
clamâ v.tr.
(cla-mâ)
(zûcs) Tai zûcs di cjartis, domandâ al compagn di zuiâ une cierte cjarte
clamâ v.tr.
(cla-mâ)
Dâ la impression di anunziâ o di causâ
esemplis
"chel ucielut cu lis alis a pendolon al clame la gnot cun un cjant cussì malinconic e misteriôs"
gjavât fûr di "L'ucielut de Mont Cjanine" di Catarine Percude
clamâ v.tr.
(cla-mâ)
Domandâ di jessi judât, soredut zigant
esemplis
"e preave che la lassassin, e clamave aiût, che e veve nome la colpe di sei viele e malade"
gjavât fûr di "Come tai romançs" di Alan Brusini
clamâ v.tr.
(cla-mâ)
Domandâ un jutori, ancje a entitâts sorenaturâls
esemplis
"al colave ogni volte e al faseve simpri plui fonde la cove e al sintive za la aghe e i lavaçs tor di se. Al clamà in aiût altris sants: piês cun piês. Alore, dopo di vê polsât une dade, al clamà il Signôr"
gjavât fûr di "Agnul Baraçut" di Pieri Menis
detulis
"ame cui che ti ame e rispuint a cui che ti clame"
"amôr al clame amôr e vilanie e clame vilanie"
"cui che al va a gnocis cence jessi clamât nol cjate cjadree di sentâsi"
"l'arogant al sarà clamât ignorant"
"l'avocat che nol ven clamât nol ven paiât"
"no bisugne rispuindi se no si è clamâts"
"no stâ fevelâ se no tu sês clamât e tu sarâs stimât"
"no stâ jentrâ là che no tu sês clamât"
"se no tu sês clamât, no stâ jentrâ"
"soreli su la nêf al clame nêf"
"un mâl al clame chel altri"
"un plasê al clame chel altri"
"un plasê ind clame un altri"
"un vizi al clame chel altri"
torne sù
torne sù