Hai cercato la parola
bilingue monolingue
Hai cercato la parola
riconoscere
Torna indietro

bilingue

riconoscere
  • 1

    v.tr. cognossi Copia

    [FO] (inacuarzisi di alc o di cdn. che za si cognòs)
    l'ho riconosciuto subito dallo sguardo = lu ai cognossût daurman de cjalade
    riconosco la sua voce = o cognòs la sô vôs

    v.tr. cognossi Copia

    (cun rif. a personis une vore cambiadis tal fisic e tal puartament, in sens positîf o negatîf)
    è ingrassato, quasi non lo riconoscevo = al è ingrassât, dibot no lu cognossevi
  • 2

    v.tr. cognossi, dicerni Copia

    [FO] (distingui ben, vê a man lant oltri ce che al aparìs)
    riconoscere la verità, non ascoltare i pettegolezzi = cognossi la veretât, no stâ a sintî i peteçs
  • 3

    v.tr. ricognossi, ameti Copia

    [FO] (convignî, confessâ)
    riconosce di essere burbero = al ricognòs di sei ruspiôs
    riconoscere l'errore commesso = ameti il fal fat

    v.tr. cognossi, ricognossi, ameti Copia

    (acetâ)
    riconoscere che non c'è più niente da fare = ameti che nol è plui nuie di fâ
  • 4

    v.tr. ricognossi Copia

    [FO] (judicâ)
    è stato riconosciuto colpevole del fatto = lu àn ricognossût colpevul dal fat
  • 5a

    v.tr. acetâ, ricognossi Copia

    [FO] (ancje cuntun complement predicatîf, fâ bon)
    riconoscere come capo indiscusso = acetâ come cjâf fûr di discussion
  • 5b

    v.tr. ricognossi Copia

    [FO] (acetâ di legjitim)
    riconoscere un figlio = ricognossi un fi
  • 6

    v.tr. ricognossi Copia

    [TS] (declarâ une organizazion legjitime, ven a stâi sogjet juridic)

    v.tr. ricognossi Copia

    (decidi che un servizi, un titul al è valevul pe finalitât di cariere di une persone, o pe pension)
    gli hanno riconosciuto il servizio militare = i àn ricognossût il servizi militâr
  • 7

    v.tr. ricognossi Copia

    [TS] (acetâ ce che e domande une cuintripart)
  • 8

    v.tr. ricognossi Copia

    [TS] (acetâ de bande di un stât che al esist un stât gnûf o un guvier gnûf)
    molti paesi occidentali hanno riconosciuto la Cina comunista solo negli anni 70 = une vore di paîs ocidentâi a àn ricognossude la Cine comuniste dome tai agns 70
  • 9

    v.tr. ricognossi Copia

    [TS] (fâ une esplorazion di osservazion minude di un teritori o di un toc di mâr)

locuzioni

    farsi riconoscere
  • fâsi cognossiCopia
    [CO] (compuartâsi, ancje in forme negative, in mût che altris si visin)
    devi sempre farti riconoscere, non ti comporti mai bene! = tu âs simpri di fâti cognossi, no tu ti contegnis mai ben!

monolingue

cognossi v.tr.
(co-gno-ssi)
Savê cui che al è cdn., ce non che al à, ce che al fâs, ce sorte di persone che e je e v.i., par vie che si si è presentâts e frecuentâts, in maniere plui o mancul profonde
esempi
"o ai cognossût personis come i professôrs Giovanni Frau, un galantom, Silvana Fachin Schiavi, une persone iluminade e dotade di un sens di colaborazion straordenari, Gianpaolo Gri, Cesare Scalon, Piera Rizzolatti, cence contâ Rienzo Pellegrini che al jere stât gno professôr cuant che o jeri student"
da "Piçulis storiis di mafie furlane" di Sandri Carrozzo
"o voi e mi presenti al comendatôr Castellani furlan e grant galantom, che o vevi cognossût une volte par afârs di nodâr"
da "A è lade cussì..." di Pieri Somede dai Marcs
"pôcs a savevin a Sante Marie cui che al jere Gjovani Favot, ma ducj lu cognossevin par Gjovanin Valente"
da "Il conducente" di Ivano Urli
Vedi anche: conossi, canossi
cognossi v.tr.
(co-gno-ssi)
Vê a ce fâ pe prime volte cun cdn., jessi presentât
esempi
"ma dulà vevial cognossût chê zovine bionde cul tailleur celest? No si visave"
da "Il dì celest" di Checo Tam
cognossi v.tr.
(co-gno-ssi)
Fâ esperience di alc
sinonimi
vê
esempi
"la grant part e veve cognossude la fam in chei agns, ma la int e saveve che nol jere nissun tant che i presonîrs par vê patide une fam acanide e alore ur puartave di cjase ai internâts cualchi pagnut"
da "Storie di Min" di Ivano Urli
"Pieri Çorut, amì di Catarine Percude, al à cognossût une grande popolaritât"
da "Pieri Çorut" di Roberto Jacovissi
cognossi v.tr.
(co-gno-ssi)
Massime in frasis neg., vê une cierte carateristiche, une cierte inclinazion (fig.)
sinonimi
savê
esempi
"al jere pôc ce dî, Milie cuant che si meteve, no cognosseve fadie"
da "Si disarès che e je inventade" di Pieri Menis
"il piês nol cognòs limits, cemût che o savìn masse ben"
da "La «marcetta su Gorizia» e altro marciume" di Marc Stolf
cognossi v.tr.
(co-gno-ssi)
Identificâ cun precision, ricuardâ o determinâ la identitât di cdn. o di alc
sinonimi
ricognossi
esempi
"siôr paron, gjo, no mi cognossial? …: Agnul! no si visial di Agnul, dal prenar?…"
da "L'armistizi dal '16" di Riedo Pup
"cuant che al fo tai ultins, il plevan al domandà di viodilu. Quilin al çavariave, ma al rivà a cognossi il predi"
da "I furlans e la religjon" di Riedo Pup
"di Trivignan ancje chês: lis cognòs tal vistî. A Trivignan a van dutis a ûs di siore"
da "La plui biele" di Catarine Percude
"tu vevis la muse tant che un butaç, di no cognossiti, cent feridis"
da "I ribei" di Alan Brusini
cognossi v.tr.
(co-gno-ssi)
Fâ une distinzion daûr di ciertis carateristichis
sinonimi
dicerni, diszontâ, scompartî, sincirâ
esempi
"cognossi i foncs bogns di chei mats"
"o vin cjatât cemût che si pues cognossi un diftonc di un jat"
da "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano
cognossi v.tr.
(co-gno-ssi)
Acuarzisi di sintiments, pinsîrs e v.i. (fig.)
sinonimi
capî, cucâ, intraviodi, inacuarzi, nasâ
esempi
"i displaseve di murî, ma no si lassave cognossi"
cognossi v.tr.
(co-gno-ssi)
Vê un complès di cognizions organizadis suntun alc, massime par vêlis studiadis o par jessi stâts informâts
sinonimi
savê
esempi
"ce cognossìno, te realtât, de vite di chei furlans che a jerin ta chei agns par di là dal clap?"
da "La seconde Irlande" di Carli Pup
"sei l'esecutîf che senatôrs e senatoris in chê ocasion a vevin mostrât di no cognossi ni l'articul 6 de Costituzion («La Republiche e tutele lis minorancis linguistichis cun normis specifichis»)"
da "Furlan in Rai. L’ordin dal dì e il disordin di ducj i dîs" di Marc Stolf
cognossi v.tr.
(co-gno-ssi)
Vê nozions che a pemetin di fâ alc, savê fâ
sinonimi
savê
esempi
"a dilunc une trate di strade ju compagne un corîr che al cognòs cemût lâ di scuindon par boscs e valadis fin a dret di un sît destinât"
da "Storie di Min" di Ivano Urli
cognossi v.tr.
(co-gno-ssi)
Vê une relazion sentimentâl o sessuâl
esempi
"Rosute no veve mai cognossût un om, parcè che sô mari i veve simpri dit che tal paîs no si à di fâsi fevelâ"
da "Il svindic di Rosute" di Alan Brusini
proverbi
"a la ocasion si cognòs i amîs"
"cuant che al ven il mâl si cognòs il ben pierdût"
"cuant che si vierç il fassinâr, si cognòs cemût che a àn filât i cavalîrs"
"cui che al cognòs il mont e nol è bon al vîf di mincjon"
"dal cjant si cognòs il rusignûl"
"dal lavôr si cognòs il mestri"
"de plume si cognòs l'uciel"
"de semence si cognòs la plante"
"i amîs si cognossiju tes dibisugnis"
"i parincj si cognossiju a fassis, a gnocis e a cassis"
"il bon soldât si lu cognòs in vuere"
"il brâf soldât si lu cognòs in vuere"
"il vin si lu cognòs tal savôr e il pan tal colôr"
"il violìn che al fâs la danze si cognòs ce sun che al à"
"Jugn, lui, avost, femine no cognòs"
"l'amôr, il fûc e la tos prest si cognòs"
"l'om nol cognòs il cûr e la ment dal altri om"
"l'om si cognòs cui fats e no cu lis cjacaris"
"l'om si lu cognòs in trê robis: tal zûc, tal matrimoni, tal test"
"la invidie e je une malatie che si fâs cognòs daurman"
"la necessitât no cognòs leç"
"lis personis si cognossilis tal voli"
"nissun om nol cognòs il cûr dal altri om"
"no si cognòs il ben che cuant che si lu à pierdût"
"nol baste cognossi la creance, bisugne ancje savê doprâle"
"ogni uciel nol cognòs il gran"
"par cognossi il biel, bisugne viodi il brut"
"par cognossi il furp, al vûl un furp e mieç"
"prin di cognossi ben un, bisugne mangjâ cun lui un stâr di sâl"
"prin di cognossi la int di cjase, bisugne mangjâ cun lôr un stâr di sâl"
"puar chel uciel che nol cognòs il gran"
"se tu vûs cognossi la fie, cjale la mari"
"si cognòs il ben co al è finît e plui nol ven"
"si cognòs il valôr de salût co si è malâts"
"tal sun si cognòs lis cjampanis"
"tes disgraciis si cognòs cui che al vûl ben"
"tes disgraciis si cognòs i amîs"
"tes robis di pôc si cognòs i amîs"
Torna in Cima
Torna in Cima