Hai cercato la parola
bilingue monolingue
Hai cercato la parola
ricorrere
Torna indietro

bilingue

ricorrere
  • 1a

    v.intr. cirî, avalêsi, domandâ Copia

    [FO] (servîsi, lâ di cdn. par vê un jutori, une informazion, un plasê, un confuart, e v.i.)
    devi ricorrere a un vigile per quell'informazione = tu âs di cirî oppure di avalêti di une vuardie par chê informazion
  • 1b

    v.intr. lâ, cirî, doprâ Copia

    [FO] (servîsi, avalêsi di alc, di un imprest par rivâ a un fin, passâ une dificoltât, e v.i.)
    ricorrere al falegname per aggiustare un arnese = lâ là dal marangon par meti a puest un imprest
    ricorrere alla diplomazia per risolvere un conflitto = doprâ la diplomazie par risolvi une vuere
  • 2

    v.intr. ricori Copia

    [TS] (indreçâsi viers une autoritât par reclamâ un dirit o la lesion di un dirit)

    v.intr. ricori Copia

    (contrastâ cuntun at indreçât a un tribunâl superiôr la sentence di un tribunâl inferiôr)
  • 3

    v.intr. tornâ, colâ Copia

    [FO] (di datis, aniversaris e v.i., capitâ, rivâ regolarmentri, cun periodicitât)
    oggi ricorre l'anniversario del suo matrimonio = vuê al torne l'aniversari dal so matrimoni
    oggi ricorre la festa del lavoro = vuê e cole la fieste dal lavôr
  • 4

    v.intr. tornâ Copia

    [CO] (di cantin, argoment, idee e v.i., jessi presint, ripetisi cuntune cierte frecuence)
    l'idea della morte ricorre spesso nella pittura gotica = la idee de muart e torne dispès inte piture gotiche
  • 5

    v.intr. tornâ, tornâ a cori, tornâ di corse Copia

    [CO] (cori une altre volte o cori indaûr tornant là che si jere prime)
    ricorrere a prendere una persona = tornâ di corse a cjoli une persone

    v.intr. tornâ, tornâ a cori Copia

    (ancje v.tr.)
    ricorrere una gara = tornâ a cori une gare

    v.intr. tornâ Copia

    (ancje fig.)
    ricorrevano col pensiero agli anni della giovinezza = a tornavin cul ricuart tai agns de zoventût
  • 6

    v.intr. ripetisi Copia

    [TS] (dit di curnîs, di furniments e sgherlifs che a àn funzion decorative e si davuelzin par dute une superficie, o intor intor)

monolingue

cirî v.tr.
(ci-rî)
Provâ a cjatâ alc o cdn. che no si sa ben li che al è
esempi
"a vevin sgarfât tal dopodimisdì, disore, tes cjartis di lôr pari par cirî il testament, ma dibant"
da "Il testament" di Pieri Menis
"cuant che i fîcs dai grancj figârs dal curtîl a començavin a dî di palombîsi sot vie, i fruts - che a 'nd jere une sglavinade in famee - si rimpinavin come sghirats sù pai pomârs, a cirînt cualchidun di madûr e a palpâju se a jerin tenars"
da "I furlans e la fam" di Riedo Pup
"al comant al è dut un davoi: daspò il scjas dai gjornâi tu âs mieze polizie che a ti cîr in lunc e in larc"
da "Ah! la provincie..." di Sandri Di Suald
"cirî di mangjâ tal armâr de cusine"
"cirî foncs tal bosc"
Vedi anche: cerî
cirî v.tr.
(ci-rî)
Impegnâsi par cjatâ tra plui pussibilitâts alc o cdn. che al covente
esempi
"cirî une cjase a fit"
"a disin che e cîr un lavôr, ma se e spere di cjatâlu culì…"
da "I forescj" di Alan Brusini, Gian Paolo Linda
"o volevi savê se la imprese par câs e cîr personâl"
da "Prime di sere" di Carlo Sgorlon
cirî v.tr.
(ci-rî)
Fâ une verifiche, un control
sinonimi
viodi, cjalâ, scrusignâ
esempi
"cirî tun test se a son restâts erôrs"
"si tratave di cirî se al jere cualchi muc sù pal Cjanâl e sburtâlu un pôc plui insù"
da "Gran Dio benedite l' Italia" di Riedo Pup
cirî v.tr., v.intr.
(ci-rî)
Domandâ di viodi o di fevelâ cun cdn.
sinonimi
domandâ
esempi
"al à clamât un siôr che al cirive di te"
"sul tart, Serafin al torne a cjase e la femine i conte dai doi che a jerin stâts a cirîlu"
da "Il salam" di Meni Ucel
cirî v.tr.
(ci-rî)
Ancje ass. domandâ la caritât
sinonimi
bati la trusse, cercjâ, domandâ la caritât, peteâ, pitocâ, cirî la caritât, slungjâ la man, bati, cirî pan, lâ a pan
esempi
"e jere une puare vedue che e leve a cirî pes cjasis"
cirî v.tr.
(ci-rî)
Lâ di une cierte bande (fig.)
esempi
"la roie e va fûr pal boscut, e va jù de bande dal paîs, e cjape la sô strade, come dutis lis aghis che a vadin a cirî il mâr"
da "Un riul tra Venit e Friûl" di Dino Virgili
"cuant che, duncje, e rivà la sô volte, Mante al firmà, e subit dopo al cirì la puarte par lâ vie"
da "Destins" di Pieri Menis
cirî v.tr.
(ci-rî)
Fâ un sfuarç par pensâ, par savê, par elaborâ, par sielzi e v.i.
sinonimi
cirî fûr
esempi
"cirî lis peraulis justis par fâsi capî"
"la veretât no à di vê pôre di un che cu la anime sclete, pronte a cjapâ note de veretât, ancje se no i plâs, al va a cirî il parcè"
da "La Pasche" di Francesc Placerean
"il cine furlan al è rivât tart su la sene culturâl e la cause si à di cirîle tal fat che il cine al è une art “industriâl”, che e à bisugne di mieçs economics impuartants"
da "Il cine furlan" di Fabian Ros
"chei che a àn di cirî e cjatâ la soluzion dai problemis e il superament des dificoltâts a son i vincidôrs"
da "Il scandul dal Corpus Domini" di Riedo Pup
cirî v.tr.
(ci-rî)
Impegnâsi par otignî un risultât, ancje imateriâl
sinonimi
bramâ, smicjâ, smirâ, volê
esempi
"i autôrs dal prin Nûfcent si fasevin condizionâ de semplicitât di vite che a vevin tor ator, no cirivin une creativitât leterarie lôr ma si limitavin a meti jù tramis facilis"
da "Il teatri par furlan" di Luca Zoratti
"cemût podêso crodi voaltris, che si dais glorie un cul altri, e no cirîs la glorie che e ven dome di Diu?"
da "Vanzeli di Zuan" di
cirî v.tr.
(ci-rî)
Volê, bramâ, sintî une dibisugne, ancje cence un impegn determinant par vêlu
sinonimi
bramâ, desiderâ, domandâ, lutâ, volê
esempi
"la cjase e durmive. Femine e fruts a jerin lâts a parâsi tal jet. Un ravueç di cûrs che a cirivin padin sot lis cuviertis"
da "Il Bulo di Crodio" di Maria Forte
"la Ane no veve cirût il confuart di nissun, pronte simpri a sopuartâ il destin par ordin che al bateve"
da "La aghe dal Ariul" di Maria Forte
cirî v.tr.
(ci-rî)
Compuartâsi in mût di vê cierts risultâts o ciertis consecuencis
sinonimi
procurâsi, puartâsi dongje, puartâsi intor, tirâsi dongje, tirâsi intor, volê
esempi
"ma lassimi stâ, pussibil mo che tu vedis tante voie di cirî displasês?"
"no stin a cirî problemis"
cirî v.tr.
(ci-rî)
In costruzions cun "di" e l'infinît di un verp, sfuarçâsi, impegnâsi
sinonimi
impegnâsi, provâ, provâsi, sfuarçâsi, viodi, procurâ
esempi
"so pari lu cjalave cumò cul voli curiôs come se al cirìs di leii dentri dai voi"
da "Dôs feminis e un frut" di Dino Virgili
"Rotgaut, dopo vê cirût dibant di meti dongje plui fuarcis cuintri dai Francs al è tacât di Carli e al ven copât"
da "Rotgaut e la politiche furlane langobarde" di Sandri Carrozzo
"o tignìn dûr e o cirìn di lâ indenant, ancje se la plui part dai furlans nus cjale cun simpatie platoniche cence movi un dêt e nus jude nome di peraulis"
da "Sudizion, la pecje dai furlans" di Josef Marchet
"stant che i cjavei si srarivin sui timplis, al cirive di ingjanâ il voli cuntun çuf rasclen jù pal cerneli"
da "Il svol dal Falcone" di Antescûr
proverbi
"al è mâl dâ vie cu lis mans e cirî cui pîts"
"ancje il lôf al cîr la sô cove"
"cuant che al cjante il furmiâr, cirît sotet pes bestiis e pal cjar"
"cuant che nol cjante il cuc pai tredis di Avrîl, bisugne lâ in comun a cirîlu"
"cuant che tu viodis il lôf, no stâ lâ a cirî la ferade"
"cui che al bute vie cu lis mans i tocje di cirî cui pîts"
"cui che al cîr al cjate"
"cui che al va cirint al cjate"
"cui che i pese di lavorâ al cîr ogni scuse par polsâ"
"cui che le cîr le cjate"
"cui che lu copin o che si difint o che al cîr di murî di bessôl"
"ogni uciel al cîr il so nît"
"une vacje sporcje e cîr simpri di sporcjâ chê altre"
Torna in Cima
Torna in Cima