Hai cercato la parola
bilingue monolingue
Hai cercato la parola
ricorrere
Torna indietro

bilingue

ricorrere
  • 1a

    v.intr. cirî, avalêsi, domandâ Copia

    [FO] (servîsi, lâ di cdn. par vê un jutori, une informazion, un plasê, un confuart, e v.i.)
    devi ricorrere a un vigile per quell'informazione = tu âs di cirî oppure di avalêti di une vuardie par chê informazion
  • 1b

    v.intr. lâ, cirî, doprâ Copia

    [FO] (servîsi, avalêsi di alc, di un imprest par rivâ a un fin, passâ une dificoltât, e v.i.)
    ricorrere al falegname per aggiustare un arnese = lâ là dal marangon par meti a puest un imprest
    ricorrere alla diplomazia per risolvere un conflitto = doprâ la diplomazie par risolvi une vuere
  • 2

    v.intr. ricori Copia

    [TS] (indreçâsi viers une autoritât par reclamâ un dirit o la lesion di un dirit)

    v.intr. ricori Copia

    (contrastâ cuntun at indreçât a un tribunâl superiôr la sentence di un tribunâl inferiôr)
  • 3

    v.intr. tornâ, colâ Copia

    [FO] (di datis, aniversaris e v.i., capitâ, rivâ regolarmentri, cun periodicitât)
    oggi ricorre l'anniversario del suo matrimonio = vuê al torne l'aniversari dal so matrimoni
    oggi ricorre la festa del lavoro = vuê e cole la fieste dal lavôr
  • 4

    v.intr. tornâ Copia

    [CO] (di cantin, argoment, idee e v.i., jessi presint, ripetisi cuntune cierte frecuence)
    l'idea della morte ricorre spesso nella pittura gotica = la idee de muart e torne dispès inte piture gotiche
  • 5

    v.intr. tornâ, tornâ a cori, tornâ di corse Copia

    [CO] (cori une altre volte o cori indaûr tornant là che si jere prime)
    ricorrere a prendere una persona = tornâ di corse a cjoli une persone

    v.intr. tornâ, tornâ a cori Copia

    (ancje v.tr.)
    ricorrere una gara = tornâ a cori une gare

    v.intr. tornâ Copia

    (ancje fig.)
    ricorrevano col pensiero agli anni della giovinezza = a tornavin cul ricuart tai agns de zoventût
  • 6

    v.intr. ripetisi Copia

    [TS] (dit di curnîs, di furniments e sgherlifs che a àn funzion decorative e si davuelzin par dute une superficie, o intor intor)

monolingue

doprâ v.tr.
(do-prâ)
Fâ che alc, massime une part dal cuarp o un imprest, al fâsi la sô funzion, par vê un risultât
sinonimi
impegnâ, impleâ, tratâ, utilizâ
esempi
"“Cjartute” al à une grande passion: al dopre lis fuarpiis di sô mari par taiâ lis figuris dai gjornâi"
da "Cjartute" di Checo Tam
"e veve une gracie dute particolâr tal movisi, tal doprâ lis mans, tal fâ lis piçulis robis di ogni dì"
da "Il sium di Lissandri" di Franca Mainardis
"filtris polarizadôrs (filtris Polaroid), vonde difondût e doprâts pai ocjâi di soreli"
da "La polarizazion de lûs" di Marisa Michelini, Alberto Stefanel
Vedi anche: dropâ, doperâ
doprâ v.tr.
(do-prâ)
Meti a pro une risorse
sinonimi
fâ reonâ, impleâ, meti a pro, meti in vore
esempi
"dal 1946 lis Nazions Unidis a meterin sù une Comission che e studiàs in ce maniere che si podevin eliminâ lis armis atomichis e doprâ la energjie nucleâr par ûs pacifics"
da "Un mont cence armis nucleârs. Sfidis sientifichis e tecnologjichis" di Alessandro Pascolini
"dilunc la roie a son 7 mulins e doi a son ancjemò in funzion ancje se a doprin la fuarce eletriche e no chê de aghe"
da "Studi da la evoluzion dal paisaç mediant i toponims" di Rino Gubiani
doprâ v.tr.
(do-prâ)
Meti in vore alc di imateriâl (fig.)
sinonimi
cjapâ, cjapâ sù, cjoli, lâ daûr di, meti adun, meti sù, sielzi
esempi
"il podê politic al à doprât une tatiche plui cuvierte, al à spiât ai studiôs lis rispuestis che plui i varès plasût sintî"
da "Il cjâf dai furlans" di Franc Fari
"sedi chei di çoc materialist che i idealiscj a dopravin i stes argoments par dimostrâ un une teorie e un la teorie ledrose"
da "L'om che al pierdeve pinsîrs pe strade" di Fabian Ros
"doprant dute la pazience che al veve dentri vie, chel siorut al cirì di convinci Toni "
da "La cjase di Toni" di Tarcisio Venuti
doprâ v.tr.
(do-prâ)
Zovâsi de utilitât dal jutori di cdn. o di un animâl par otignî un risultât, par rivâ a une cierte finalitât
sinonimi
impleâ, ricori, usufruî
esempi
"al tacave la strade a pît par lassâ il cjaval al famei che lu doprave pai cjamps"
da "Cjase di Dalban" di Maria Forte
doprâ v.tr.
(do-prâ)
Vê sessualmentri cdn. (pop.)
sinonimi
fotâ, sfotâ, foti, taconâ
esempi
"l'ideâl al sarès rivâ a clonâ une Cicciolina par doprâle ogni tant, sì… no simpri… se no si fruie"
da "Sense" di Checo Tam
doprâ v.tr.
(do-prâ)
Imbroiâ o meti intune situazion negative, procurâ dam (fig.)
sinonimi
fâ sù, inculâ, infenoglâ, buzarâ, strabuzarâ, taconâ, freâ, freolâ, imbolognâ, fraudâ, imbroiâ, ingjanâ, raspâ, intorteâ, intortolâ
esempi
"lui cu la sô muse a ponte nus fâs di sì cul cjâf, ma si viôt che al pense ad altri, cun chei voi che a vualmin a drete e a çampe. Al pâr che al disi: me no mi doprais, une ostie"
da "Un dai pôcs" di Alan Brusini
proverbi
"bisugne savê doprâ il len par nudrî la prole ben"
"cuant che no 'nd è, no si po doprânt"
"cuant che no si 'nd à, no si 'nd dopre"
"cuant che no zove la reson, si dopre il baston"
"cui che al à plui judizi, plui ind dopri"
"cui che le à le dopre"
"cui che nol à creance, no bisugne doprâle"
"dopre prudence par cui che no 'nd à"
"il pari bon al dopre il baston"
"la creance bisugne savê doprâle cuant che e covente"
"la prudence e je di cui che le dopre"
"no je brie a doprâ, e je a mantignî"
"par vivi a lunc covente doprâ scarpis vieris"
"si à di doprâ chel che si à prin di lagnâsi di ce che nus mancje"
Torna in Cima
Torna in Cima