Tu âs cirût la peraule
bilengâl monolengâl
Tu âs cirût la peraule
ridere
torne indaûr

bilengâl

ridere v.intr., s.m.
  • 1

    s.m. ridi Copie

    [CO] (il ridi)
    il ridere è tipico dell'uomo e di alcune scimmie = il ridi al è tipic dal om e di cualchi simie
  • 1a

    v.intr. ridi Copie

    [FO] (esprimi sintiments tant che gaudie, gjonde, ligrie, bonspirt, boreç e v.i., spontani e par solit improvîs, svariant la forme de muse e butant fûr une ridade)
    ridere a crepapelle = ridi a crepepanze
    ridere tra sé = ridi sot de creste
    scoppiare a ridere = sclopâ di ridi oppure petâ une ridade
  • 1b

    v.intr. ridi Copie

    [FO] (esprimi te stesse maniere sintiments tant che infot, ironie e v.i.)
    ridere in faccia = ridi in ghigne
    ridere sotto sotto = ridi sot coç

    v.intr. ridi, ridi fûr Copie

    (cjalâ cun ironie o divertiment une persone, un fat, une vicende, une situazion)
    ridere alle spalle = ridi daûr
    ridere delle disgrazie altrui = ridi dai malans di chei altris

    v.intr. ridi Copie

    (in locuzions pragmatichis, esclamativis dite a cui che si mostre ruspiôs, fastidiôs par chel che al dîs o par chel che al fâs)
    non farmi ridere = no stâ a fâmi ridi

    v.intr. ridi Copie

    (cun ton di menace o di cridade viers cdn. che al à fat une porcarie, une capele, une cjastronade e no si fâs scrupul di ridaçâ)
    e ancora ride! = e ancjemò al rît!
    guarda cosa hai fatto, c'è poco da ridere, puoi vergognarti = cjale ce che tu âs fat, al è pôc ce ridi, tu puedis vergognâti
    ridi, ridi! = rît, rît!
  • 2

    v.intr. ridi Copie

    [CO] (lusî mostrant plasê)
    gli ridono gli occhi quando la guarda = i ridin i voi cuant che le cjale
    ride il sole sui monti = al rît il soreli in mont

locuzions

    far ridere
  • fâ ridiCopie
    [CO] (jessi ridicul cence volê)
    non dire così, fai ridere = no stâ a dî cussì, tu fasis ridi
    • far ridere i polli
  • fâ ridi lis gjalinis, fâ ridi i clapsCopie
    [CO] (jessi ridicul)
    quello che hai detto fa ridere i polli = ce che tu âs dit al fâs ridi lis gjalinis
    • non stare nella pelle dal ridere
  • no stâ te piel a sun di ridiCopie
    [CO] (ridi une vore, di no podê tignîsi)
    • per ridere
  • par ridiCopie
    [CO] (no pardabon, no sul seri)
    non fare quella faccia, dico per ridere = no stâ a fâ chê muse, o dîs par ridi
    • ridere dietro
  • ridi daûrCopie
    [CO] (cjoli vie, menâ ator)
    parla e poi tutti gli ridono dietro = al fevele e daspò ducj i ridin daûr
    • ridere fino alle lacrime
  • ridi di spreçâsi, spreçâsi di ridiCopie
    [CO] (-)
    a teatro ho riso fino alle lacrime = a teatri mi soi spreçât di ridi
    • ridere in, sulla faccia
  • ridi in muse, ridi in ghigneCopie
    [CO] (refudâ ce che un al dîs o al propon ridintji par sfide)
    gli ho spiegato i fatti, ma mi ha riso in faccia = i ai palesâts i fats, ma mi à ridût in muse
    • ridere per non piangere
  • ridi par no vaîCopie
    [CO] (cjapâle cun filosofie)
    il guaio è così grosso che preferisco ridere per non piangere = il berdei al è cussì grivi che o ai miôr ridi par no vaî
    • ridere sotto i baffi
  • ridi sot coç, ridi sot de creste, ridise par so contCopie
    [CO] (ridi di scuindon o tra se e se, cun malizie)
    ci ride sotto i baffi = se rît par cont so

monolengâl

ridi v.intr.
(ri-di)
Vierzi la bocje e mandâ fûr in maniere ritmade respîr e vocalizazions par esprimi sintiments o emozions, pal plui di ligrie, ma daûr dal câs ancje di ironie, isterie, tristerie, rabie e v.i.
esemplis
"se in chê sere no nus je sclopade une vene tal cuel a fuarce di ridi, garantide che di chê bande no murìn plui"
gjavât fûr di "Vieri e gnûf" di Pieri Menis
"al rivà sot aghe fin su la renzite, al cjapà Marisa pal pît e le tirà dentri fin avuâl dai zenoi: e molà un zigon, e i frutats ridi di discuestâsi"
gjavât fûr di "La strade come un destin" di Dino Virgili
"nus someave une marionete e no si podeve stâ di ridi"
gjavât fûr di "Ce sdrumade" di Pieri Somede dai Marcs
ridi v.intr.
(ri-di)
Tirâ sù lis spicis de bocje e in câs vierzile a pene di mostrâ i dincj, tant che espression di ligrie o ancje ironie o rassegnazion o altris emozions che si capissin dal contest
sinonims
fa muse di ridi, fâ bocje di ridi, riduçâ
esemplis
"Nita e fâs di sì cul cjâf, ridint, come di morose"
gjavât fûr di "La aghe da pît la cleve" di Dino Virgili
"al faseve bocje di ridi. Ce vevial di ridi?"
gjavât fûr di "Salvans su la Bivare" di Carli Pup
"se cualchi frutat i domandave di provâ, lui i rideve e lu contentave"
gjavât fûr di "Cjase di Dalban" di Maria Forte
ridi v.intr.
(ri-di)
Vê o dâ une espression vive di plasê, ligrie e v.i. (fig.)
sinonims
balinâ, barlumâ, cimiâ, fâ lusôr, fâ sflandôr, lupâ, lusî, lusignâ, pilâ, sflandorâ, smicjâ, stralusî, trai, traslusi
esemplis
"la bocje no diseve nuie, ma ben i ridevin i voi"
gjavât fûr di "Chei di Muraie" di Pieri Menis
"a i ridevin a Mariuta li grispi da la musa picinina drenti il fassalet tignût a larc"
gjavât fûr di "Cocali" di Novella Cantarutti
ridi v.intr.
(ri-di)
Di materiâl, jessi tant fruiât di jessi li li par rompisi o jessi mieç rot (fig.)
esemplis
"la mê gjachete e scomence a ridi sui comedons"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"chel zovinut al ere puar, vistût a la buine, cuntun pâr di scarpis che ridevin di fan"
gjavât fûr di "La Madalene" di Zuan Lurinçon
ridi v.intr.
(ri-di)
Fâsi viodi o traviodi (fig.)
sinonims
imparêsi
esemplis
"dentri i arcs a ridevin pituris plenis di agnulins che a svolavin distirâts sui nûi"
gjavât fûr di "I arcs" di Maria Forte
"eco che ridin a miârs rissultivis di vita e belessa tai butui lusints"
gjavât fûr di "Al mandolâr" di Ugo Pellis
ridi v.intr.
(ri-di)
Spec. di lûs o di robe che e slusiche, dâ une sensazion vive di ligrie (fig.)
esemplis
"la aghe e rideve tal soreli smalitant di lusignis"
gjavât fûr di "Aghelusinte" di Dino Virgili
"rît il cîl colôr di rose / sul blancôr de nêf plui pûr"
gjavât fûr di "L'alpin furlan" di Emilio Nardini
ridi v.tr.
(ri-di)
Cjoli vie, meti in ridicul
sinonims
cjoli ator, cjoli vie, coionâ, mincjonâ, remenâ, ridi vie, sbefâ, sbefaçâ, sbufonâ, sorâ, menâ ator, zonzolâ
esemplis
"o vevi implantadis cuatri o cinc rosis: la mê passion; e ducj mi ridevin par cheste debilece"
gjavât fûr di "La scuele dai fornasîrs" di Pieri Menis
"i domande perentoriamentri che i regoli la cjavelade come che al coventave par che no lu ridessin"
gjavât fûr di "Cjavei" di Meni Ucel
ridi s.m.
(ri-di)
Espression de bocje e mudament dal respîr par pandi sintiments e emozions, spec. la ligrie
sinonims
cjoli ator, cjoli vie, menâ la viole, ridi fûr
esemplis
"sintî il fevelâ de maestre, lis domandis dai fruts, chel cidin plen di spiete, ogni tant chel ridi di gust che al consolave"
gjavât fûr di "Sul agâr" di Pieri Menis
ridi s.m.
(ri-di)
Espression de bocje cu lis spicis insù e, in câs, cui lavris a pene vierts che a lassin viodi i dincj
sinonims
bocje ridinte, bocje di ridi
esemplis
"la Lidie e partì, tal indoman, fasint di istès bocje di ridi. Un ridi scuasit gnervôs, frêt e cence sens"
gjavât fûr di "Cjase di Dalban" di Maria Forte
"il cjâf zirât a pene di profîl, e un ridi fent sui tiei lavris, e il barbuç adalt, come di une che e cjale il mont di parsore vie"
gjavât fûr di "Milonghe" di Antescûr
ridi s.m.
(ri-di)
Lusôr che al trindule (fig.)
esemplis
"la strade e fo dute un ridi di brilants jenfri i classuts"
gjavât fûr di "La fortune di Folope" di Maria Forte
detulis
"a ridi di vinars, si vai la domenie"
"al rît ben cui che al rît l'ultin"
"cui che al rît al reste ridût"
"cui che al rît dai altris al rît di se"
"cui che al rît di vinars al vai di domenie"
"cui che al rît in zoventût al vai in veglece"
"daspò dal ridi al ven il vaî"
"i vedui il prin dì a vain, il secont se passin, il tierç se ridin"
"il mont al è mâl scompartît: cui al vai e cui al rît"
"il ridi al va a finîle cul vaî"
"il stupit al fâs il mâl par ridi"
"il test di Bertolt nol fale mai: cuant che al plûf lui al rît e cuant che al è soreli al vai"
"l'ignorant al fâs il mâl par ridi"
"la femine dal lari no rît simpri"
"lis feminis dai laris des voltis a ridin, des voltis a vain"
"no si po ridi ben co dal cûr no ven"
"se si fâs carnevâl si à di ridi"
"une nuviçute co a va a marît cu la bocje e vai e cul cûr e rît"
"vuê si rît, doman si vai"
torne sù
torne sù